مسؤول تنفيذي سابق في مايكروسوفت/رئيس بليزارد الأسبق يرى أن 70$ لا تُوفِي حق الألعاب، ويتمنى لو كان هناك خيار دفع بقشيش للمطورين بعد نهاية اللعبة~

[Eye]

ما قلنا لو أرباحك مليونية أعطي عامل المطبخ 10 آلاف لكن أعطيه ما يستحقه فعليًا حسب سلم رواتب هذه الصنعة
نفس الشيء عمال نوافذ البيع، مش معقولة أشوف سلسلة عالمية في أمريكا زي ماكدونالز وموظفيها يشحذون بقشيش لأن الرواتب مخزية
هنا عندك مشكلة ولا ما رميت البقشيش عذر لزيادة دخل الموظف

ممتاز!

اذا نتفق على ان الصنعة هي اللي تحدد الراتب

بس كيف نحدد الصنعة ذي كم تستاهل راتب؟

كثير من الدول حلو لك المشكلة وحطو حد ادنى قانوني لسلم الرواتب واولهم امريكا ، حتى لو شغلتك تشغل وتطفي لمبة ، انت يندفع لك بالساعة

صدقني البقشيش هو عُرف وعادات وتقاليد عند الغرب اكثر من انه شي اقتصادي مدروس ، هم مجتمعهم كذا فجأة قررو يعطون فلوس على الخدمة الmanual labour

نفس عُرف الدونيشن ، وهو دعم غير مشروط يعبر فيه المتبرع عن امتنانه ودعمه

عنده شركة تدفع له راتب، أنا ليش اعطيه؟

امتنان

 

[Mr.Assassin19]

ممتاز!

اذا نتفق على ان الصنعة هي اللي تحدد الراتب

بس كيف نحدد الصنعة ذي كم تستاهل راتب؟

كثير من الدول حلو لك المشكلة وحطو حد ادنى قانوني لسلم الرواتب واولهم امريكا ، حتى لو شغلتك تشغل وتطفي لمبة ، انت يندفع لك بالساعة

صدقني البقشيش هو عُرف وعادات وتقاليد عند الغرب اكثر من انه شي اقتصادي مدروس ، هم مجتمعهم كذا فجأة قررو يعطون فلوس على الخدمة الmanual labour

نفس عُرف الدونيشن ، وهو دعم غير مشروط يعبر فيه المتبرع عن امتنانه ودعمه

السوق (الشركات والجهات الرقابية) + العرض والطلب يحددون

الحد الأدنى من اسمه حد أدنى... يمنع المؤسسات تنزل عنه ويوفر خط بداية بسيط للرواتب
لكن ما يجبرها تدفع لك راتب "مجزي" أو توازن بين الأرباح والرواتب...الخ

يعني الحد الأدنى في ولاية كاليفورنيا حسب غوغل 16 دولار/ساعة
لو قلنا تداوم 8 ساعات هذه 128$ في اليوم يعني في الشهر (لو قلنا 30 يوم) 3840$
هذه تعيشك فوق خط الفقر بشوي في ولاية مثل كاليفورنيا وأسعار العقار النارية فيها ناهيك عن بقية المصاريف والتأمين الطبي و و و و و و و و

البقشيش كذا في كل دول العالم بل فيه دول مثل اليابان أظن إساءة إنك تبقشش في بعض القطاعات على حد علمي
لكن أمريكا حالة خاصة فكل شيء عندهم مضروب أغلب الوقت بداية من النظام الصحي ثم القضائي فما نستغرب لما يتحول شيء اختياري إلى شبه إجباري aka البقشيش

 

[Eye]

السوق (الشركات والجهات الرقابية) + العرض والطلب يحددون

حلو ، ندمج المعلومات مع بعض

الارباح مالها دخل براتب الموظف ، والسوق + العرض والطلب يحددون كم الموظف يستاهل راتب

اجل ليش تقول ان الرواتب مو مجزية؟ هي تحصيل حاصل

وعلى ذا الاساس ؛ جزاهم الله خير فتحو باب البقشيش!!

يعني الحد الأدنى في ولاية كاليفورنيا حسب غوغل 16 دولار/ساعة
لو قلنا تداوم 8 ساعات هذه 128$ في اليوم يعني في الشهر (لو قلنا 30 يوم) 3840$
هذه تعيشك فوق خط الفقر بشوي في ولاية مثل كاليفورنيا وأسعار العقار النارية فيها ناهيك عن بقية المصاريف والتأمين الطبي و و و و و و و و

٣٨٤٠$ هذي ١٤ الف ريال يخرب بيت شيطانك! راتب مهندس في ارامكو له ٥ سنين ذي!!

٣٨٤٠ * ١٢ هذي ٤٦ الف $ سنويا ، دخل البرمجين في سيلكون فالي من ٩٠ الى ١٢٠ الف $ سنويا اللي هم من اعلى المداخيل على فكرة ، يعني المهندس اللي يصمم ايفونك ياخذ بس دبل راتب الزبال

يعني زبالين = مهندس

عاد شف الفرق بالعلم والمهارات والجهد والعمل والتأثير

 

[Mr.Assassin19]

حلو ، ندمج المعلومات مع بعض

الارباح مالها دخل براتب الموظف ، والسوق + العرض والطلب يحددون كم الموظف يستاهل راتب

اجل ليش تقول ان الرواتب مو مجزية؟ هي تحصيل حاصل

وعلى ذا الاساس ؛ جزاهم الله خير فتحو باب البقشيش!!

لو مجزية ما لجأ الموظف للبقشيش وتحول لعُرف إجباري في مجتمعهم

من فتح باب البقشيش؟ هذا شيء في العالم كله ومش تحت سلطة أحد
لكن مش متوقع مني إني أبقشش كل محل أدخل له حتى لو حصلت خدمة ممتازة

حلو ، ندمج المعلومات مع بعض

الارباح مالها دخل براتب الموظف ، والسوق + العرض والطلب يحددون كم الموظف يستاهل راتب

اجل ليش تقول ان الرواتب مو مجزية؟ هي تحصيل حاصل

وعلى ذا الاساس ؛ جزاهم الله خير فتحو باب البقشيش!!



٣٨٤٠$ هذي ١٤ الف ريال يخرب بيت شيطانك! راتب مهندس في ارامكو له ٥ سنين ذي!!

٣٨٤٠ * ١٢ هذي ٤٦ الف $ سنويا ، دخل البرمجين في سيلكون فالي من ٩٠ الى ١٢٠ الف $ سنويا اللي هم من اعلى المداخيل على فكرة ، يعني المهندس اللي يصمم ايفونك ياخذ بس دبل راتب الزبال

يعني زبالين = مهندس

عاد شف الفرق بالعلم والمهارات والجهد والعمل والتأثير

روح شوف تكلفة المعيشة في مدن ولاية كاليفورنيا
مش أعلى من بقية الولايات لسواد عيون الشعب ومحبة فيهم

أوهايو 10.45
أركنساس 11

 

[YazeedVx]

عزيزي من قال لك ان تعزيز أرباح حملة الأسهم يعني بالضرورة ان السلامة بتضعف هاذي مجرد نظرية الآن.
و مشاكل بوينغ الحالية هو في طراز B737 Max باقي طرازات ال B737 و طرازات B777 و طرازات B787 شغالة زي الحلاوة. لعملك ترا كل دقيقة تقلع او تهبط طيارة و الأمور كلها سليمة.
موضوع بوينغ فيه مشكلة صح بس برضو الاعلام مضخمها تضخيم هائل.

عزيزي حطيت لك تقرير كامل مدته قريب ال40 دقيقة، تقدر تشوف من وين جبت العلاقة السببية اللي ذكرتها

التقرير يتضمن مشاكل كثير لبوينق عبر السنين بالمناسبة مش فقط الامور اللي حصلت مؤخراً

ضعف السلامة يعرض أرباح الشركة للخطر و بالتالي يحجم المستثمرين عنها. شايف كيف ترجع الأمور لبعضها. تعزيز ربح حملة الأسهم يجعل الشركة مثالية. لازم أزود رواتب الموظفين و لا يستقيلون و يتعطل العمل او تتشوه سمعة الشركة ويزعلون حملة الأسهم. لازم للشركة مبادرات خيرية و سمعة حسنه و لا بتتشوه سمعتها و يزعلون حملة الأسهم. لازم أرضي الزبائن و لا ما بيشترون و تقل عوائد الشركة و يزعلون حملة الأسهم و غيره و غيره. لو الشركة ما عززت عوائد حملة الأسهم و نقصت الاستثمارات او العوائد فيها الي خرجت من السوق كيف بترجعها؟

متفق معاك انها كلها مترابطة، لذلك ذكرت انه تعزيز السهم هدف قصير المدى يغض النظر عن السلامة الطويلة للشركة

يستقيلون؟ يارجل صلي على محمد، الشركات هي اللي تطرد بالمئات والآلاف ونحن نتكلم عن شركات عابرة للقارات، مافيه احد شايل هم موضوع الاستقالة

المبادرات الحسنة نعم موجودة لكن بالنظر لسلوكيات الشركات، مجرد غسل للسمعة مقابل تصرفات سافلة اخرى تقوم بها

اذا انت تشوف العالم صار مثالي براحتك بالنهاية وجهة نظر، لكن بحقيقة الامر كثير مشاكل تضخمت بهالحقبة الزمنية

انت بس مركز على أمريكا و تارك غيرها. في اليابان كل شخص تخرج في العقد ما بين 1990 و 2000 هو في الغالب عاطل و لن يعمل. لأن الشركات اليابانية توظف الأشخاص باسلوب Job For Life يعمل الشخص منذ تخرجه معهم و لا يبدل بين الشركات و لا تقبل الشركات في العادة شخص نقل من شركة أخرى في منتصف حياته المهنية. الأولوية في الشركات اليابانية لل Seniority مو للكفائة.
دول اوروبية كثيرة و منها ألمانيا صار حلم امتلاك منزل مستحيل و هي تتبنى نمط الديمقراطية الاشتراكية و ليس الليبرالية الجديدة. الصين أسوأ فلوس الناس راحت و البيت ما بنته الشركة لأنها فلست و البلد قايمة قاعدة الآن شوف حكاية شركة ايفرجراند. و اليابان أخس منهم كلهم.

امريكا هي معقل الرأسمالية في العالم، غير ذلك بسياق الموضوع والمنتدى هي مقر لعدد ضخم من شركات الالعاب من ضمنهم مايكروسوفت وبليزارد

مو كأنه باقي الدول اللي ذكرتها ماتتبع الليبرالية الجديدة، وبالمناسبة المانيا من اوائل اذا ماكانت اول الدول اللي اتبعتها ايام في ايام المانيا الغربية

حتى ان احد اعضاء الMPS - المكان اللي رأسه ميلتون فريدمان لاحقاً - اصبح المستشار الالماني

هذه سياسة اقتصادية عالمية

وادي السيلكون ما له علاقة بالانترنت. هو بدأ للهاردوير و السوفتوير بعدين لحق الانترنت. و لو كان فمين الي قدم الانترنت للعالم؟
التقاعد الي ل 70 بدؤوه الأوروبيين و ليس الأمريكين.
أمريكا ما عندهم نظام صحي موحد لأنهم ولايات مثل ما انه عندها شرطة موحدة. المستشفيات في أمريكا الرعاية الصحية فيها من أعلى مافي العالم وأغلبية الناس يقدرون تشترون تأمين طبي من دخلهم بدون مشاكل مثل تأمين المسيرات عندنا. فيه فقط الطبقة المعدمة تعاني فعلا مع التأمين و هذا الي كان برنامج أوباما كير يستهدفهم.

مره اخرى التفريق بين اوروبا وامريكا ماله معنى بنقاشنا عن نظام مهيمن

خدمات الشرطة مجانية، لكن النظام الصحي لا

التامين الصحي مرتبط بالوظيفة عندهم، وهي الدولة المتقدمة الوحيدة اللي ماتقدم وصول للجميع للنظام الصحي، هذه حقيقة

بخصوص من قدم الانترنت للعالم؟ وزارة الدفاع الامريكية، جهة حكومية خالصة وليس القطاع الخاص اللي يتغنى به انصار الليبرالية الجديدة

على اي حال خرجنا عن الموضوع، لو حاب تكمل النقاش تفضل بالخاص او الملف الشخصي

 

[Eye]

لو مجزية ما لجأ الموظف للبقشيش وتحول لعُرف إجباري في مجتمعهم

هو تحول لعرف قلت لك لان الشعب قرر يكافئ العامل

لكن هو هذا اللي تسوى شغلته ياخي

هل من العدل ان الطبيب اللي يضيع من عمره ١٠ سنين دراسة وكرف واختبارات ويتحاسب اشد الحساب على اقل خطأ وينقذ حياة الناس

يجي شخص من الهواء ما تعب ولا اي شي ، ويستلم نص راتبه! بس عشان والله المدينة غالية عليهم ولازم نراعيهم

ظلم!

الحل بسيط ، الصدقة على الفقراء وبتتوازن الكفة ، خل المجتمع يساند بعضه ، الغني يساعد الفقير

مو لانه مجبور ، لا! لانه ذا الشي الانساني اللي تسويه

 

[retha]

هو تحول لعرف قلت لك لان الشعب قرر يكافئ العامل

لكن هو هذا اللي تسوى شغلته ياخي

هل من العدل ان الطبيب اللي يضيع من عمره ١٠ سنين دراسة وكرف واختبارات ويتحاسب اشد الحساب على اقل خطأ وينقذ حياة الناس

يجي شخص من الهواء ما تعب ولا اي شي ، ويستلم نص راتبه! بس عشان والله المدينة غالية عليهم ولازم نراعيهم

ظلم!

الحل بسيط ، الصدقة على الفقراء وبتتوازن الكفة ، خل المجتمع يساند بعضه ، الغني يساعد الفقير

مو لانه مجبور ، لا! لانه ذا الشي الانساني اللي تسويه

 

[Eye]

شنو؟

 

[Mr.Assassin19]

هو تحول لعرف قلت لك لان الشعب قرر يكافئ العامل

لكن هو هذا اللي تسوى شغلته ياخي

هل من العدل ان الطبيب اللي يضيع من عمره ١٠ سنين دراسة وكرف واختبارات ويتحاسب اشد الحساب على اقل خطأ وينقذ حياة الناس

يجي شخص من الهواء ما تعب ولا اي شي ، ويستلم نص راتبه! بس عشان والله المدينة غالية عليهم ولازم نراعيهم

ظلم!

الحل بسيط ، الصدقة على الفقراء وبتتوازن الكفة ، خل المجتمع يساند بعضه ، الغني يساعد الفقير

مو لانه مجبور ، لا! لانه ذا الشي الانساني اللي تسويه

قررت أعطي مكافأة ≠ يصير إلزامي
أقرر كيف ومتى وهل أكافئ العامل بكيفي وحسب ما أشوف
مش يكون شيء افتراضي ومتوقع إني أسويه
لا تحطه في أنظمة المحاسبة ولا تضيفه في الفاتورة وكإنه جزء من العملية التجارية
ولا يجيني العامل يطلب البقشيش وكإنه حق له وواجب علي ولو ما أعطيته زعل وتخبط...الخ
يعني مثل وضعنا هنا... الموضوع ودي وما فيه تكلف وإلزام

أنت تتكلم بالعاطفة والأحاسيس ولا بالمنطق والأرقام؟
إذا المدينة غالية أصلًا بديهيًا يترفع الحد الأدنى فيها ولا من برأيك راح يعيش فيها ويقوم بأي عمل تحت الطبيب؟
كون الطبيب يستلم متوسط 150 - 250 ألف دولار سنويًا ما يعني إن البقية المفروض يعيشون على خط الفقر
في النهاية سقف الطبيب أعلى ويقدر يزيد مدخوله السنوي أكثر من عمال المطاعم والفنادق ويقدر يتطور بشكل أكبر
ممكن نعتبر الطب high risk high reward

 

[Eye]

قررت أعطي مكافأة ≠ يصير إلزامي
أقرر كيف ومتى وهل أكافئ العامل بكيفي وحسب ما أشوف
مش يكون شيء افتراضي ومتوقع إني أسويه
لا تحطه في أنظمة المحاسبة ولا تضيفه في الفاتورة وكإنه جزء من العملية التجارية
ولا يجيني العامل يطلب البقشيش وكإنه حق له وواجب علي ولو ما أعطيته زعل وتخبط...الخ
يعني مثل وضعنا هنا... الموضوع ودي وما فيه تكلف وإلزام

هو ترا انت افترضت انه بيصير الزامي بس عشان ثقافة شعب هذا عرف من اعرافه

انت تجالس تفكر بمحفظتك هنا ، انت خايف يزيد عليك السعر ، حقك ما نقول لك شي

لكن من سابع المستحيلات تصير في قطاع التقنية ، الدليل؟ ان هالشي موجود من سنين الله بس انتو ما تدرون عنه ، ووش اللي صاير؟ التطبيقات مجاااانية!

أنت تتكلم بالعاطفة والأحاسيس ولا بالمنطق والأرقام؟

اتكلم بالحق والواقع

إذا المدينة غالية أصلًا بديهيًا يترفع الحد الأدنى فيها ولا من برأيك راح يعيش فيها ويقوم بأي عمل تحت الطبيب؟

ايه نعم بيرتفع لين يصير راتب الزبال زي الطبيب ، من الغبي اللي بيصير طبيب وهو بيعيش عيشة الاغنياء باسهل الاعمال؟

كون الطبيب يستلم متوسط 150 - 250 ألف دولار سنويًا ما يعني إن البقية المفروض يعيشون على خط الفقر

وبنفس الوقت انت تتفق ان الراتب لازم يكون على قد الصنعة

وبنفس الوقت ما تبي فقراء

وبنفس الوقت ما تبي اسعار المنتجات ترتفع

اللي تطلبه مستحيل وكارثة للحضارات والانتاجية لو تطبق

الدعوة مو بالهوى

في النهاية سقف الطبيب أعلى ويقدر يزيد مدخوله السنوي أكثر من عمال المطاعم والفنادق ويقدر يتطور بشكل أكبر
ممكن نعتبر الطب high risk high reward

مش حسب اللي تقترحه ، بحسب اللي تقترحه انت فمهنة الطب مشروع فاشل ، تعب ومسؤولية حياة ناس ودراسة سنوات طويلة وجهد نفسي ، وناس تموت بين يديك ، ودوام شفتات

بالمقابل شخص وظيفته يضغط ويطفي زر يستلم نص راتبك

حافز صفر ، بل سالب

 

[MH MD]

ش حسب اللي تقترحه ، بحسب اللي تقترحه انت فمهنة الطب مشروع فاشل ، تعب ومسؤولية حياة ناس ودراسة سنوات طويلة وجهد نفسي ، وناس تموت بين يديك ، ودوام شفتات

بالمقابل شخص وظيفته يضغط ويطفي زر يستلم نص راتبك

حافز صفر ، بل سالب

ليش نطيت مباشرة وخليها نص الراتب كافتراض، خلها نسبة وتناسب، شخص وظيفته يضغط ويطفي زر يعيش عيشة كريمة بالمدينة الغالية ذي ويلبي احتياجاته الاساسية وما يضطر يتشحت، بس كطبيب عندك 20 ضعف راتبه بهالمكان الغالي، لسه تستفيد اكثر وامكانياتك اكثر وحافزك اكبر

 

[Eye]

ليش نطيت مباشرة وخليها نص الراتب كافتراض، خلها نسبة وتناسب، شخص وظيفته يضغط ويطفي زر يعيش عيشة كريمة بالمدينة الغالية ذي ويلبي احتياجاته الاساسية وما يضطر يتشحت، بس كطبيب عندك 20 ضعف راتبه بهالمكان الغالي، لسه تستفيد اكثر وامكانياتك اكثر وحافزك اكبر

تعرف رقم ٦؟

بما انك ما تعرفه خلني اقولك ، ٦ هو عدد صحيح بعد رقم ٥ بمقدار زيادة واح..

مو افتراض يا مهمدين بما انك مفوت النقاش، هو في خلال نقاشنا طرح ان

•الحد الادنى في ولاية كاليفورنيا = ١٦$/س
-> الحد الادنى = ٣٨٤٠$/شهر
-> الحد الادنى = ٤٦ الف $/سنة

طيب كم راتب مبرمجين سيليكون فالي؟ ٩٠ الف $/سنة

هذي سيليكون فالي يا مهمد ، اكبر مكان تقني في مجرة درب التبانة والقطاع النجمي س ع ٣٤٦ / ف ١٥ اكس

يعني راتب عباقرة سليكون فالي = ضعفين راتب اقرب زبال في كالي

تدري كم راتب مهندس ارامكو اللي يستخرج لك النفط وقود العالم ، ١٢ الف ريال ، كم راتب زبال كالفورنيا؟ ١٤ الف ريال

ولك أن تتأمل الأرقام

 

[game for new]

مستعد ادفع بقشيش وزيادة كمان الى جميع مطورين لعبة جاو راغنوراك.

 

[Super Shadow]

هو في شي محترم عشان ندفع بقشيش؟

 

[Mr.Assassin19]

هو ترا انت افترضت انه بيصير الزامي بس عشان ثقافة شعب هذا عرف من اعرافه

انت تجالس تفكر بمحفظتك هنا ، انت خايف يزيد عليك السعر ، حقك ما نقول لك شي

لكن من سابع المستحيلات تصير في قطاع التقنية ، الدليل؟ ان هالشي موجود من سنين الله بس انتو ما تدرون عنه ، ووش اللي صاير؟ التطبيقات مجاااانية!

طلعنا من موضوع عالم الألعاب، الردود الأخيرة فوق عن فكرة البقشيش ذاتها
لكن بالنسبة لتطبيقه في عالم الألعاب... محد يقدر ينفي أو يأكد موضوع مستقبلي ومجهول 100%
المنطق الآن يقول إنها فكرة غير منطقية لهذا السوق
لكن ما زلت ما أقدر أنفي حدوثها 100% مستقبلًا بنفس شكلها أو شكل مختلف ومموه
كثير أشياء/ترندات صارت في عالم السوفتوير بشكل عام محد كان يتوقعها قبل سنوات أو عقود

اتكلم بالحق والواقع

ايه نعم بيرتفع لين يصير راتب الزبال زي الطبيب ، من الغبي اللي بيصير طبيب وهو بيعيش عيشة الاغنياء باسهل الاعمال؟

وبنفس الوقت انت تتفق ان الراتب لازم يكون على قد الصنعة

وبنفس الوقت ما تبي فقراء

وبنفس الوقت ما تبي اسعار المنتجات ترتفع

اللي تطلبه مستحيل وكارثة للحضارات والانتاجية لو تطبق

الدعوة مو بالهوى

تقول الحق والواقع لكن كلامك يحسسني إنك منعزل عنه صراحة
يعني على أي أساس بنيت هذا الافتراض؟
إن راتب العامل بقدرة قادر ممكن يوصل لراتب الطبيب؟
أو إن العامل العادي ممكن يستلم 50% من راتب طبيب أو مهندس؟
في أي دولة في العالم عمال المطاعم والفنادق يعيشون "عيشة الأغنياء"؟
دلنا على هذه الدولة لأني مستعد أهاجر لها صراحة

ركز في كلامي بارك الله فيك
لا تأخذ ما يوافق أفكارك وتترك الباقي
قلت إن الرواتب تتحدد بناء على عدة عوامل مثل السوق والحالة الاقتصادية...الخ
بل إنها قد تختلف داخل المجال نفسه... فما فيه شيء اسمه "الصنعة" تحدد الراتب
طيب من يحدد معايير الصنعة هذه؟ تحدد نفسها بنفسها من البُعد الرابع؟
ولا على كذا طبيب العلاج الطبيعي أو التغذية ممكن يستلم نفس راتب طبيب القلب أو المخ والأعصاب طالما في النهاية كلهم "أطباء"
ما فيه معايير ولا فرق جهد/خطر ولا عوامل ثانية تحدد أي شيء خلاص أنت طبيب وهو طبيب = صنعتكم واحدة

"ما تبي اسعار المنتجات ترتفع"
أنت تعيش معنا في مجرة درب التبانة؟
كل شيء مرتفع لكن هل انعكس هذا الشيء على القضاء على الفقر طالما أنت ذكرته؟ أو تحسين الرواتب؟ لا
معدلات التضخم في تصاعد مستمر وأرباح غالبية الشركات أيضًا تتصاعد بينما متوسط الرواتب شبه ثابت
فكل ما ذكرته ماله علاقة ببعض نهائيًا... ارتفاع أسعار المنتجات ≠ تقليل نسب الفقر
على أساس المراعي لما رفعوا سعر اللبن والحليب تحسن وضع عمالهم ولا قلت نسبة الفقراء الحين

مش حسب اللي تقترحه ، بحسب اللي تقترحه انت فمهنة الطب مشروع فاشل ، تعب ومسؤولية حياة ناس ودراسة سنوات طويلة وجهد نفسي ، وناس تموت بين يديك ، ودوام شفتات

بالمقابل شخص وظيفته يضغط ويطفي زر يستلم نص راتبك

حافز صفر ، بل سالب

كيف مشروع فاشل وهي من أعلى المهن دخلًا عالميًا؟
إذن ليش كل هالأطباء حول العالم ما فكروا كذا وذهبوا لمهن ثانية؟
فيه هندسة فيه حاسب وتقنية معلومات فيه إدارة أعمال فيه فندقة و و و و و و و و و و و و

طيب عمال منصات النفط - السفن التجارية - عمال مراكز المعالجة الصحية
ليش يتحملون معدلات الإصابة العالية والمواد السامة وبيئات العمل القاسية والعزلة و و و و و؟
يدخلون القطاع الصحي أو التقني أو الإداري ويأخذون مهن بسيطة ما تتطلب جهد عالي ومخاطرها أقل وخلاص
الدنيا سهالات ولا؟

الناس يحركها الشغف وحب المجال مثل ما تحركها الفلوس والراتب والحاجة

•الحد الادنى في ولاية كاليفورنيا = ١٦$/س
-> الحد الادنى = ٣٨٤٠$/شهر
-> الحد الادنى = ٤٦ الف $/سنة

طيب كم راتب مبرمجين سيليكون فالي؟ ٩٠ الف $/سنة

هذي سيليكون فالي يا مهمد ، اكبر مكان تقني في مجرة درب التبانة والقطاع النجمي س ع ٣٤٦ / ف ١٥ اكس

يعني راتب عباقرة سليكون فالي = ضعفين راتب اقرب زبال في كالي

تدري كم راتب مهندس ارامكو اللي يستخرج لك النفط وقود العالم ، ١٢ الف ريال ، كم راتب زبال كالفورنيا؟ ١٤ الف ريال

ولك أن تتأمل الأرقام

يبدو أن رياضياتك لا تتريض يا صاح

أولًا، من قالك إن رواتب مبرمجي السيلكون فالي 90 فقط؟





وهذا والشخص ممكن يكون بدون خبرة أكثر من سنة (خريج)
غير سقف التطور الوظيفي الأعلى والحوافز والبدلات والتسهيلات...الخ
فالشخص بادئ بحد أدنى أعلى ويملك مميزات أكثر وسقف نمو أعلى بمراحل
فما فيه أي مقارنة بين هذا المجال ومهن عمال المطاعم والفنادق وقطاع التجزئة

ثانيًا، ليش تتجاهل فرق تكلفة المعيشة بين الدول؟
تقدر أنت ولا مهندس أرامكو هذا تروحون وتعيشون بنفس الحالة والصرفيات والراتب في مدن كاليفورنيا؟
بعيدًا عن البديهيات مثل فرق العملة ونسب التضخم والضرائب هناك و و و و و و و
رح شوف أسعار الإيجارات في مدن كاليفورنيا كم واجتزئها من هذه الـ ٤٦ ألف $/سنة
بعدها ابدأ طلع أساسيات الحياة مثل الأكل والشرب والتأمين الصحي ثم الضرائب

 

[Eye]

طلعنا من موضوع عالم الألعاب، الردود الأخيرة فوق عن فكرة البقشيش ذاتها
لكن بالنسبة لتطبيقه في عالم الألعاب... محد يقدر ينفي أو يأكد موضوع مستقبلي ومجهول 100%
المنطق الآن يقول إنها فكرة غير منطقية لهذا السوق
لكن ما زلت ما أقدر أنفي حدوثها 100% مستقبلًا بنفس شكلها أو شكل مختلف ومموه
كثير أشياء/ترندات صارت في عالم السوفتوير بشكل عام محد كان يتوقعها قبل سنوات أو عقود

كلامي ينطبق على موضوع البخشيش بشكل عام

ما ادري اي منطق يقول انها غير منطقية لسوق عمن سواه

الدعم الغير مشروط يولد استمراية للمنتج اي كان ، ذا شي حتمي

تقول الحق والواقع لكن كلامك يحسسني إنك منعزل عنه صراحة
يعني على أي أساس بنيت هذا الافتراض؟
إن راتب العامل بقدرة قادر ممكن يوصل لراتب الطبيب؟

على اساس التدرج المنطقي للسيناريو اللي انت تقترحه

انا ما جبت شي من عندي انا رديت عليك بكلامك نفسه

انت اللي تبي ترفع راتب العامل لان العيشة غالية بدون اعتبار لمهارته واحقيته بالمبلغ ، ف نعم في مدينة ما فيها اعتبار ولا تقدير للصنعة والهم الاول والاخير هو نعيش الناس فوق خط الفقر بتوصل لسيناريو ان كل الوظائف متساوية بالراتب

أو إن العامل العادي ممكن يستلم 50% من راتب طبيب أو مهندس؟
في أي دولة في العالم عمال المطاعم والفنادق يعيشون "عيشة الأغنياء"؟
دلنا على هذه الدولة لأني مستعد أهاجر لها صراحة

انت اللي جبت ١٦$/س كحد ادنى في كاليفورنيا

حسبناها قدامك

ركز في كلامي بارك الله فيك
لا تأخذ ما يوافق أفكارك وتترك الباقي
قلت إن الرواتب تتحدد بناء على عدة عوامل مثل السوق والحالة الاقتصادية...الخ
بل إنها قد تختلف داخل المجال نفسه... فما فيه شيء اسمه "الصنعة" تحدد الراتب
طيب من يحدد معايير الصنعة هذه؟ تحدد نفسها بنفسها من البُعد الرابع؟
ولا على كذا طبيب العلاج الطبيعي أو التغذية ممكن يستلم نفس راتب طبيب القلب أو المخ والأعصاب طالما في النهاية كلهم "أطباء"
ما فيه معايير ولا فرق جهد/خطر ولا عوامل ثانية تحدد أي شيء خلاص أنت طبيب وهو طبيب = صنعتكم واحدة

الا يا اساسن ، الصنعة هي اللي تحدد الراتب بأهميتها في المجتمع و محصول المهارات اللازم لتأديتها والفايدة منها

الطبيب فايدته واهميته اكبر من النادل ، الطبيب ينقذ حياة ناس والنادل يجيب لك الاكل من المطبخ ويحطه على الطاولة

ما يبي لها مجتمع عباقرة يجتمعون ويحددون مين نعطي اكثر

انت بنفسك ما راح تقبل تعطي النادل نفس قيمة العلاج بتقوله انت وش سويت اصلا

الطبيب بنفسه ما راح يعالجك وانت تعطيه ثمن بخس على صنعته

وصراحة انا محبط من فهمك ، من جدك مو عارف تفرق بين الصنعات؟ صنعة الطب برضو هي فيها صنعات ، لكنها بالمجمل سواء طبيب تغذية ولا جراح مخ تبقى صنعة الطب ارقى واهم من النادل

شفيك جالس تخبص الحابل بالنابل؟

"ما تبي اسعار المنتجات ترتفع"
أنت تعيش معنا في مجرة درب التبانة؟
كل شيء مرتفع لكن هل انعكس هذا الشيء على القضاء على الفقر طالما أنت ذكرته؟ أو تحسين الرواتب؟ لا
معدلات التضخم في تصاعد مستمر وأرباح غالبية الشركات أيضًا تتصاعد بينما متوسط الرواتب شبه ثابت
فكل ما ذكرته ماله علاقة ببعض نهائيًا... ارتفاع أسعار المنتجات ≠ تقليل نسب الفقر
على أساس المراعي لما رفعوا سعر اللبن والحليب تحسن وضع عمالهم ولا قلت نسبة الفقراء الحين

هذا كلامك مو كلامي ، انت اللي ما تبي البقشيش يصير اجباري

يعني انت اللي رافض تدفع فلوس زيادة

بس بنفس الوقت تبي ترفع راتب العمال عشان "ما يجي يتشحت"

انا فهمت انت وش تبي من هالكلام ذا كله ؛ انت تبي صاحب العمل يقلل ربحيته بانه يرفع رواتب عماله

معصي! هو بيعطيهم راتب على قد الشغلة ما تستاهل ، والباقي بيحطه بجيبه ، هو اللي صنع ذا الفرصة اذا هو المستحق الاول والاخير لخيراتها

كيف مشروع فاشل وهي من أعلى المهن دخلًا عالميًا؟
إذن ليش كل هالأطباء حول العالم ما فكروا كذا وذهبوا لمهن ثانية؟
فيه هندسة فيه حاسب وتقنية معلومات فيه إدارة أعمال فيه فندقة و و و و و و و و و و و و

اذا العامل بيستلم نص راتب الطبيب ايوة فاشل ونصين بعد

لكن لان الحمدلله مو ذا اللي صاير ففيه توجه للطب بغاء المردود المادي

الناس يحركها الشغف وحب المجال مثل ما تحركها الفلوس والراتب والحاجة

وعشان كذا هالناس لازم تتحمل الفقر! اذا انت شغفك ما يضيف شي للمجتمع ما لنا شغل فيك

خلك من الكلام الوردي والفراشات ، الناس تشتغل عشان فلوس ، عشان حاجة وتضحي بالشغف وحب المجال ، عندك شغف تجاه مجال معين سويه باوقات فراغك ، لكن بنهاية المطاف بتقوم مجبور زيك زي غيرك تروح تأدي وظيفتك اللي تكرهها

يبدو أن رياضياتك لا تتريض يا صاح

أولًا، من قالك إن رواتب مبرمجي السيلكون فالي 90 فقط؟





وهذا والشخص ممكن يكون بدون خبرة أكثر من سنة (خريج)
غير سقف التطور الوظيفي الأعلى والحوافز والبدلات والتسهيلات...الخ
فالشخص بادئ بحد أدنى أعلى ويملك مميزات أكثر وسقف نمو أعلى بمراحل
فما فيه أي مقارنة بين هذا المجال ومهن عمال المطاعم والفنادق وقطاع التجزئة

المصدر؟

انا اتابع تقنيين ومبرمجين بحكم ان ذا مجالي واللي اعرفه ان المتوسط = ٩٠ الف $/ سنة

واذا كلامك صحيح ، ف شي رهيب والله وذا المفروض

اجل اقل راتب بالولاية نص راتب مبرمج ، مصخرة ذي

ثانيًا، ليش تتجاهل فرق تكلفة المعيشة بين الدول؟
تقدر أنت ولا مهندس أرامكو هذا تروحون وتعيشون بنفس الحالة والصرفيات والراتب في مدن كاليفورنيا؟
بعيدًا عن البديهيات مثل فرق العملة ونسب التضخم والضرائب هناك و و و و و و و
رح شوف أسعار الإيجارات في مدن كاليفورنيا كم واجتزئها من هذه الـ ٤٦ ألف $/سنة
بعدها ابدأ طلع أساسيات الحياة مثل الأكل والشرب والتأمين الصحي ثم الضرائب

يا رجال انا عشت في كاليفورنيا سان فرانسيسكو ، صرفيتي هناك نفس صرفيتي بالخبر

لو ما الوالد والوالدة والجماعة ولا كان رحت اشتغلت زبال وجيت قاحرت مهندسين ارامكو

 

[Veeto]

مقارنة المطاعم بغيرها من الصناعات في هالجزئية خطا
سلسلة الموظفين قليلة .. عندي النادل والطباخ او عمال المطبخ والمحاسب بالكثير اذا كان عندهم محاسب يعني الشي اللي انا بعطي عليه البقشيش اعرف لمن وشلون

يعني عجبني استقبال النادل شرحه ترشيحه لوجبة معينة .. عجبني طباخ الطباخ بقول ليهم هذي للشيف وهكذا

في عالم الالعاب البقشيش لمن بيروح وشنو آلية تواصلي مع المطورين اذا كان بيروح للشركة ما سوينا اي شي
كاني بدفع راتب ال CEO اللي يعادل 100 مرة واكثر من رواتب الموظفين فبدل ما اشجع الموظف بصير اشجع كل ممارسة جشعة سيئة بالصناعه !

 

[Eye]

في عالم الالعاب البقشيش لمن بيروح وشنو آلية تواصلي مع المطورين اذا كان بيروح للشركة ما سوينا اي شي
كاني بدفع راتب ال CEO اللي يعادل 100 مرة واكثر من رواتب الموظفين فبدل ما اشجع الموظف بصير اشجع كل ممارسة جشعة سيئة بالصناعه !

هو الشركة بتشوف فيه تبرع وفايدة ، بتقول خلني انزل جزء ثاني بنفس المعايير

انت لو تفكر فيها كذا انت شجعت الموظف ، فتحت له عقد جديد واستمرارية وظيفية

تبي تصير دقيق كثر خيرك ، ياكامورا ناكامورا عاجبك شغله وتبي تشجعه ، افتح صفحته بلينكد ان وقله عطني رقم حسابك وحول له دولارين

 

[Veeto]

هو الشركة بتشوف فيه تبرع وفايدة ، بتقول خلني انزل جزء ثاني بنفس المعايير

اذا كان المقصود للشركة ففيه حاليا طرق كثيرة
سواء المايكروترانزاكشن .. خصوصا للاشياء التجميلية
يعني بدفع على درع حصان 10$ لسواد عيون الديزاين او دعم للشركة !

او بدفع للنسخ الخاصة ليش .. نوع من انواع التقدير الى الشركة

يعني عندك طرق كثيرة اذا كان المقصود الشركة
مو محصور بدفع مبلغ اللعبه فقط

 

[Eye]

اذا كان المقصود للشركة ففيه حاليا طرق كثيرة
سواء المايكروترانزاكشن .. خصوصا للاشياء التجميلية
يعني بدفع على درع حصان 10$ لسواد عيون الديزاين او دعم للشركة !

او بدفع للنسخ الخاصة ليش .. نوع من انواع التقدير الى الشركة

هذا من الجانب الشخصي ، من جانب الشركة هي كيف تعرف انت عاجبك المنتج ولا هو بس دعم؟

 

[Veeto]

هذا من الجانب الشخصي ، من جانب الشركة هي كيف تعرف انت عاجبك المنتج ولا هو بس دعم؟

على اساس هم مهتمين لهالفوارق !
ما دمت صرفت هم فرحانين !

كل المعايير اللي عايشتها في مسيرتي المهنية عن ال customer satisfaction تؤدي بالنهاية الى هل هو مستمر بالطلب من عندي او لا

فسواء كان عاجبتي المنتج او بس دعم ما يفرق عندهم

 

[Mr.Assassin19]

محتوى مخفي: رد طويل

كلامي ينطبق على موضوع البخشيش بشكل عام

ما ادري اي منطق يقول انها غير منطقية لسوق عمن سواه

الدعم الغير مشروط يولد استمراية للمنتج اي كان ، ذا شي حتمي

كيف تكون منطقية لسوق الألعاب؟
هل راح يتوفر متجر يوصلك لحساب كل مطور ومصمم بحيث تدفع لهم وتختار بكيفك؟
ولا تروح تقلب تويتر تتواصل DMs وتحول لهم باي-بال أو STC Pay؟

دعم غير مشروط؟ دعمت الشركة لما أشتريت لعبتها as simple as that
فيه مئات الألعاب المجانية والمدفوعة في السوق
فأنا دعمتك وأكرمتك كمان لما دفعت مقابل لعبتك بينما السوق فيه 100 غيرها وقد تكون أفضل
شيء متوقع إن المطور الكبير يصدر لعبة ممتازة ولا كيف ينافس في السوق؟
مش شيء يدعو للتصفيق والدعم الإضافي
كإني أقول خليني أدعم شركة تايوتا بشكل إضافي بعدما أشتريت كامري بـ 120 ألف لأن تصميمها ممتاز ولا عزمها قوي

على اساس التدرج المنطقي للسيناريو اللي انت تقترحه

انا ما جبت شي من عندي انا رديت عليك بكلامك نفسه

انت اللي تبي ترفع راتب العامل لان العيشة غالية بدون اعتبار لمهارته واحقيته بالمبلغ ، ف نعم في مدينة ما فيها اعتبار ولا تقدير للصنعة والهم الاول والاخير هو نعيش الناس فوق خط الفقر بتوصل لسيناريو ان كل الوظائف متساوية بالراتب

أنت تحسب إن الترقيات مستمرة لهؤلاء العمال يعني؟
يظل الكاشير يترقى إلى أن يصل إلى 150 ألف دولار سنويًا؟
تبني كل حججك على افتراضات خيالية غير منطقية ثم تقولي منطق الله يصلحك

ما يزيد راتب هؤلاء إلا بترقيات ومسميات وظيفية أكبر
مشرف قسم - مشرف فروع - مدير إقليمي...الخ أو أيًا كانت المسميات
فطبيعي الراتب يزيد طالما المسؤوليات والمهام زادت أو صارت أصعب

انت اللي جبت ١٦$/س كحد ادنى في كاليفورنيا

مرة أخرى رياضياتك لا تتريض



لو أخذت متوسط مدخول الطبيب المبتدئ يطلع 207 >>> ناتج جمع الرقمين وقسمتها على 2 بما إنه range
يعني الطبيب المبتدئ قد يستلم راتب أساسي 207 ألف سنويًا
غير أي إضافة يحصلها من تسهيلات ومميزات وحوافز وسمعة وسقف نمو أعلى
بينما عمال المطاعم 46 ألف فقط... بدون مميزات وحوافز...الخ
يعني حتى يصير راتبهم 50% راتب الطبيب حسب افتراضك الجنوني
لازم نعطيهم 50 - 57 ألف دولار زيادة
ولو قلت إن الطبيب يستلم فقط 180 في بدايته برضه لازم أزيدهم 40+ ألف حتى يصيرون 50% من راتبه

كلها سيناريوهات جنونية غير منطقية ولا علاقة لها بالموضوع
قلنا زيدهم نعم لكن مش تضاعف الراتب سلامات
أنت طبقت المثل الشعبي "يا طخه يا اكسر مخه"

الا يا اساسن ، الصنعة هي اللي تحدد الراتب بأهميتها في المجتمع و محصول المهارات اللازم لتأديتها والفايدة منها

الطبيب فايدته واهميته اكبر من النادل ، الطبيب ينقذ حياة ناس والنادل يجيب لك الاكل من المطبخ ويحطه على الطاولة

ما يبي لها مجتمع عباقرة يجتمعون ويحددون مين نعطي اكثر

انت بنفسك ما راح تقبل تعطي النادل نفس قيمة العلاج بتقوله انت وش سويت اصلا

الطبيب بنفسه ما راح يعالجك وانت تعطيه ثمن بخس على صنعته

وصراحة انا محبط من فهمك ، من جدك مو عارف تفرق بين الصنعات؟ صنعة الطب برضو هي فيها صنعات ، لكنها بالمجمل سواء طبيب تغذية ولا جراح مخ تبقى صنعة الطب ارقى واهم من النادل

شفيك جالس تخبص الحابل بالنابل؟

يا عزيزي مرة أخرى لا تفترض افتراضات غريبة ثم تحاسبني عليها
ما قلنا أعطي النادل نصف راتب الطبيب أو زيد راتبه سنويًا إلى أن يصل إلى راتبه
هذه افتراضات غير منطقية حسابيًا قبل ما تكون واقعيًا منك أنت ولا شأن لي بها
قلت أعطيهم راتب يسد حاجاتهم الأساسية وما يحدهم على الشحاذة ومكرمة الناس لا أقل ولا أكثر

سألتك سؤال واضح فوق
من يحدد قيمة الصنعات والمتغيرات داخل كل صنعة وبين الصنعات؟
ولا على كذا طبيب العلاج الطبيعي أو التغذية ممكن يستلم نفس راتب طبيب القلب أو المخ والأعصاب... كلهم أطباء
المهندس الصناعي يستلم مثل الكيميائي أو الكهربائي... كلهم مهندسين
مطور Front-End يستلم مثل مطور Back-End... كلهم مطورين/مبرمجين
فحتى المهنة الواحدة فيها فوارق كثيرة تغير من الحسبة مش عاد المهن المختلفة

ما فيه شيء اسمه خلاص احتياج المجتمع يحدد وقفلنا
ولا على كذا الطبيب حيكون صاحب أدنى وأعلى حد في كل شيء وطز في بقية المهن
أهمية/صعوبة المهنة معيار واحد من أصل عدة معايير ثانية

اختلاف تكاليف العيش المدن والدول
العرض والطلب في السوق
اختلاف المسميات داخل المسمى الوظيفي الواحد
الحالة الاقتصادية العالمية والإقليمية
الخبرات
صعوبة المهنة ومخاطرها المهنية
البدلات والحوافز
وربما غيرها

كلها عوامل تدخل في حساب رواتب الموظفين في مختلف المهن

هذا كلامك مو كلامي ، انت اللي ما تبي البقشيش يصير اجباري

يعني انت اللي رافض تدفع فلوس زيادة

بس بنفس الوقت تبي ترفع راتب العمال عشان "ما يجي يتشحت"

انا فهمت انت وش تبي من هالكلام ذا كله ؛ انت تبي صاحب العمل يقلل ربحيته بانه يرفع رواتب عماله

معصي! هو بيعطيهم راتب على قد الشغلة ما تستاهل ، والباقي بيحطه بجيبه ، هو اللي صنع ذا الفرصة اذا هو المستحق الاول والاخير لخيراتها

لأنه عنصر داخل العملية التجارية as simple as that

قلت لك الآن كل شيء مرتفع/ارتفع لكن متوسط الأجور عالميًا كما هو ما تغير ونسب الفقر تزيد حسب الإحصائيات
فهل غير رفع أسعار المنتجات من الوضع؟ لا
إذن افتراضك خاطئ بالكامل والبقشيش لن ولم يكون الحل لهذه المعضلة
أيش فانوس علاء الدين هو يحل أزمة عالمية؟ حدث العاقل بما يعقل رجاء
الدعم الإنساني والمجتمعي ما راح يحل ولا ثلث المشكلة
فلا ترمي فساد الإدارات العليا وتبعاته على المشتري وتطالبه يدفع إكراميات فوق أسعار المنتجات الغالية

اذا العامل بيستلم نص راتب الطبيب ايوة فاشل ونصين بعد

لكن لان الحمدلله مو ذا اللي صاير ففيه توجه للطب بغاء المردود المادي

وهذا لن يحصل لأنه افتراض غير منطقي حسابيًا ولا واقعيًا منك
حجتك من البداية باطلة مع احترامي لأنها مبنية على لا شيء... حتى يصير العامل 50% من راتب الطبيب لازم أضاعف راتبه حرفيًا

وعشان كذا هالناس لازم تتحمل الفقر! اذا انت شغفك ما يضيف شي للمجتمع ما لنا شغل فيك

خلك من الكلام الوردي والفراشات ، الناس تشتغل عشان فلوس ، عشان حاجة وتضحي بالشغف وحب المجال ، عندك شغف تجاه مجال معين سويه باوقات فراغك ، لكن بنهاية المطاف بتقوم مجبور زيك زي غيرك تروح تأدي وظيفتك اللي تكرهها

وفر للناس وظائف مباشرة في تخصصاتهم ثم أقول كلامك صحيح
لكن لما يكون سوق الوظائف معدوم وما يتسع لأعداد الباحثين عن عمل
أكيد البعض يضطر يروح لوظائف ثانية إما أدنى خبرته أو خارج تخصصه

+ إذا معيارك الفائدة المجتمعية فقط
السباك والكهربائي بمثل أهمية الطبيب أو أقل شوي
بدونهم المباني السكنية والمرافق الصحية والحكومية لن تكتمل ولو تعطلت لن تعمل ومهن كثيرة منها الطب ستتوقف
هل نروح ونعطيهم 70% - 90% من رواتب الأطباء إلى على حد قولك يتحملون مخاطر وبينهم حياة بشر...الخ؟

نفس الشيء المهندسين والتقنيين والعلماء إلي يطورون تقنيات المجتمع إلي تقوم عليها كل المهن
نعطيهم رواتب الأطباء أو أعلى ولا كيف؟

شايف المنحدر الزلق في معاييرك؟

المصدر؟

انا اتابع تقنيين ومبرمجين بحكم ان ذا مجالي واللي اعرفه ان المتوسط = ٩٠ الف $/ سنة

واذا كلامك صحيح ، ف شي رهيب والله وذا المفروض

اجل اقل راتب بالولاية نص راتب مبرمج ، مصخرة ذي

ابحث وتأكد بنفسك
ما سألتك عن مصدر الـ 90 ألف دولار ولا؟
لكن مش مشكلة... طب وتخيّر

Silicon Valley Software Engineer Salaries – Grid Dynamics

Explore what the engineer salary in Silicon Valley is and how it can vary depending on experience, skills, and company size.

www.griddynamics.com

FAANG software engineer salary

This content analyzes FAANG software engineer salaries across different areas, roles, companies and levels. Do you want to earn FAANG level salaries? Read it how.

www.interviewhelp.io

https://www.ziprecruiter.com/Salaries/Faang-Companies-Salary#Yearly

FAANG is dead. Better options in 2023 for developers (compensation focus)

FAANG companies (Facebook/Meta, Apple, Amazon, Netflix, Google) use to be the best option for talented developers but many companies have…

froehlich.medium.com

+ أنا تخصصي تقنية معلومات ولي معرفة شخصية بزملاء مقربين وزملاء عمل خارج السعودية + في الخليج (قطر - الإمارات)
2 منهم دكاترة أشرفوا علي، واحد جاء يدرس بعد 7 سنوات عمل في الولايات المتحدة والثاني كان يتنقل بين الشركات الهندية والأمريكية على حد قوله وهو إلي طور مناهج غالبية مقررات قسمنا
فما بنيت كلامي على حسابات تقنيين ومبرمجين فقط
وأصلًا هؤلاء التقنيين والمبرمجين بنفسهم يهايطون برواتب شركات الـ faang ليل نهار في اليوتيوب وتيكتوك وأشغلونا بسالفة الـ six figure salary

يا رجال انا عشت في كاليفورنيا سان فرانسيسكو ، صرفيتي هناك نفس صرفيتي بالخبر

لو ما الوالد والوالدة والجماعة ولا كان رحت اشتغلت زبال وجيت قاحرت مهندسين ارامكو

السعودي ينكسر ظهره لما يعيش في قطر براتبه السعودي مش عاد دول أوروبا وأمريكا الشمالية أو كندا
أصلًا حسبة رياضية بسيطة لو راتبك 15,000 وحولته للدولار صار 4000
حاليًا أحضر للماجستير هناك والإيجارات بين 600 - 2000 دولار شهريًا في اسوأ الحالات
يعني لو كان راتبي الشهري 4000 دولار (15,000 سعودي) مباشرة 25% منه يروح للإيجار
غير بقية المصاريف

على اساس هم مهتمين لهالفوارق !
ما دمت صرفت هم فرحانين !

كل المعايير اللي عايشتها في مسيرتي المهنية عن ال customer satisfaction تؤدي بالنهاية الى هل هو مستمر بالطلب من عندي او لا

فسواء كان عاجبتي المنتج او بس دعم ما يفرق عندهم

هذا من الجانب الشخصي ، من جانب الشركة هي كيف تعرف انت عاجبك المنتج ولا هو بس دعم؟

يعني على أساس إن الشركات مش قادرة تحسب جدوى ألعابها ومدى رضا اللاعبين عنها الحين وسابقًا؟
بس الدعم والإكراميات هي إلي تعطيهم الحقيقة المطلقة؟

رضا اللاعبين ومستوى اللعبة يتحدد بالمبيعات والتقييمات واستمرارية اللاعبين عليها
لن ولم تحدده هذه الأمور الثانوية مثل التبرع والدعم وكإننا نتكلم عن مشاريع/مبادرات خيرية

 

[Eye]

على اساس هم مهتمين لهالفوارق !
ما دمت صرفت هم فرحانين !

كل المعايير اللي عايشتها في مسيرتي المهنية عن ال customer satisfaction تؤدي بالنهاية الى هل هو مستمر بالطلب من عندي او لا

فسواء كان عاجبتي المنتج او بس دعم ما يفرق عندهم

تهم ذا الفوارق ، لانها تحكم وش بيجي بالمستقبل

سويت لعبة وجا عليها دونيشن ، بسوي لعبة ثانية

سويت درع حصان وبعته ب ١٠$ ، بسوي درع ثاني

كيف تكون منطقية لسوق الألعاب؟
هل راح يتوفر متجر يوصلك لحساب كل مطور ومصمم بحيث تدفع لهم وتختار بكيفك؟
ولا تروح تقلب تويتر تتواصل DMs وتحول لهم باي-بال أو STC Pay؟

بكل بساطة يكون فيه دونيشن والخير يعم الجميع من اكبر راس لحارس المبنى

دعم غير مشروط؟ دعمت الشركة لما أشتريت لعبتها as simple as that
فيه مئات الألعاب المجانية والمدفوعة في السوق
فأنا دعمتك وأكرمتك كمان لما دفعت مقابل لعبتك بينما السوق فيه 100 غيرها وقد تكون أفضل
شيء متوقع إن المطور الكبير يصدر لعبة ممتازة ولا كيف ينافس في السوق؟
مش شيء يدعو للتصفيق والدعم الإضافي
كإني أقول خليني أدعم شركة تايوتا بشكل إضافي بعدما أشتريت كامري بـ 120 ألف لأن تصميمها ممتاز ولا عزمها قوي

شي يدعو ولا شي ما يدعو ماله اي دخل ، هذي الواحد يحددها بنفسه

لكن دعمك يصنع فرصة للمنتج ان يستمر ويتطور ، وانت بكيفك عاد

أنت تحسب إن الترقيات مستمرة لهؤلاء العمال يعني؟
يظل الكاشير يترقى إلى أن يصل إلى 150 ألف دولار سنويًا؟
تبني كل حججك على افتراضات خيالية غير منطقية ثم تقولي منطق الله يصلحك

ما يزيد راتب هؤلاء إلا بترقيات ومسميات وظيفية أكبر
مشرف قسم - مشرف فروع - مدير إقليمي...الخ أو أيًا كانت المسميات
فطبيعي الراتب يزيد طالما المسؤوليات والمهام زادت أو صارت أصعب

شدخل؟ انت جالس تقرا انا وش اكتب؟ ولا وش ترد عليه بالضبط؟

ما يهمني ، المهم انك انت في قرارة نفسك مقتنع ان :

الراتب يزيد طالما المسؤوليات والمهام زادت أو صارت أصعب

دامك اقريت بذي النقطة اذا انت بنفسك مو مقتنع ان شخص مسؤولياته ومهامه سهلة = شخص مسؤولياته ومهامه صعبة

لو أخذت متوسط مدخول الطبيب المبتدئ يطلع 207 >>> ناتج جمع الرقمين وقسمتها على 2 بما إنه range
يعني الطبيب المبتدئ قد يستلم راتب أساسي 207 ألف سنويًا
غير أي إضافة يحصلها من تسهيلات ومميزات وحوافز وسمعة وسقف نمو أعلى
بينما عمال المطاعم 46 ألف فقط... بدون مميزات وحوافز...الخ
يعني حتى يصير راتبهم 50% راتب الطبيب حسب افتراضك الجنوني
لازم نعطيهم 50 - 57 ألف دولار زيادة
ولو قلت إن الطبيب يستلم فقط 180 في بدايته برضه لازم أزيدهم 40+ ألف حتى يصيرون 50% من راتبه

كلها سيناريوهات جنونية غير منطقية ولا علاقة لها بالموضوع
قلنا زيدهم نعم لكن مش تضاعف الراتب سلامات
أنت طبقت المثل الشعبي "يا طخه يا اكسر مخه"

الله واكبر عليك! سيناريوهات جنونية غير منطقية

انت ليش جالس تقول هالكلام ، لانه منافي للحاصل في الواقع

بس هذا اللي بيصير ، اذا جلست ترفع وترفع وترفع في راتب العامل بدون اي اعتبار لهو وش يستاهل بتوصل لذا السيناريو المجنون واللا منطقي

عامل راتبه ٥٠ الف ، طبيب راتبه ٢٥٠ الف ، زيد الحد الادنى ١٠ الاف ، ارتفت التكاليف ، زيد الحد الادنى ١٠ الاف ، ارتفعت التكاليف ، زيد الحد الادنى ١٠ الاف .. الخ

جالس تشوف الدالة لوين تتجه؟ لراتب الطبيب!

لما نقيسها على المدى القصير مو مشكلة لانها ما بتصير الحين ، لكن على المدى البعيد مصيبة

والشي اللي نهايته مصيبة تعرف انه غلط من اساسه! ما يبي لها عبقرية

يا عزيزي مرة أخرى لا تفترض افتراضات غريبة ثم تحاسبني عليها
ما قلنا أعطي النادل نصف راتب الطبيب أو زيد راتبه سنويًا إلى أن يصل إلى راتبه
هذه افتراضات غير منطقية حسابيًا قبل ما تكون واقعيًا منك أنت ولا شأن لي بها
قلت أعطيهم راتب يسد حاجاتهم الأساسية وما يحدهم على الشحاذة ومكرمة الناس لا أقل ولا أكثر

انت مو مستوعب نتيجة كلامك ذي المشكلة

حط السيناريو كامل براسك وشوف نهاية الخط قبل لا تكتبه ، عشان ما تنصدم لما يحتمله كلامك وتجي تقول لي افتراضات

انت تبي تعطيهم شي ما يستحقونه ، عشان تلغي شي رباني ربي فرضه وقدره على البشر ، الا وهو التكافل الاجتماعي وعمل الخير

اطار عمل المجتمع السليم كذا ، تعطي الصنعة ما تستحق ، بحيث تزدهر الانتاجية ، والمحتاج تعطيه من الصدقة وفق ضوابط شرعية

وبكذا تضمن الحق والعدل بين الجميع

لا انت ظلمت صاحب العمل بفرض جبري عليه ، ولا انت سحبت على الفقير وخليته يموت

سألتك سؤال واضح فوق
من يحدد قيمة الصنعات والمتغيرات داخل كل صنعة وبين الصنعات؟

اتفاقيات بين صاحب العمل والموظف ، انا كصاحب عمل عندي احتياج لاداء وظيفة معينة ، وانت ك عامل عندك احتياج ومهارة ، انا اتفق معك على مبلغ معين وانت ترضى او ترفض

ولا على كذا طبيب العلاج الطبيعي أو التغذية ممكن يستلم نفس راتب طبيب القلب أو المخ والأعصاب... كلهم أطباء
المهندس الصناعي يستلم مثل الكيميائي أو الكهربائي... كلهم مهندسين
مطور Front-End يستلم مثل مطور Back-End... كلهم مطورين/مبرمجين
فحتى المهنة الواحدة فيها فوارق كثيرة تغير من الحسبة مش عاد المهن المختلفة

شتقول انت؟ عالق عند المسميات انت بس؟ احد قالك عط الاطباء كلهم نفس الراتب؟ واحد قالك ان كل الاطباء والمهندسين بنفس الاهمية

انا قلت لك على حسب اهمية الصنعة ووش تضيف وانت عاد قارن

متخلص من مخلفات نووية اهميته اكبر من مبرمج العاب ، وانت عاد عندك المجال تقارن

ما فيه شيء اسمه خلاص احتياج المجتمع يحدد وقفلنا
ولا على كذا الطبيب حيكون صاحب أدنى وأعلى حد في كل شيء وطز في بقية المهن
أهمية/صعوبة المهنة معيار واحد من أصل عدة معايير ثانية

احتياج المجتمع هو اكبر factor في المعادلة

احتياج = اهمية btw

اختلاف تكاليف العيش المدن والدول
العرض والطلب في السوق
اختلاف المسميات داخل المسمى الوظيفي الواحد
الحالة الاقتصادية العالمية والإقليمية
الخبرات
صعوبة المهنة ومخاطرها المهنية
البدلات والحوافز
وربما غيرها

كلها عوامل تدخل في حساب رواتب الموظفين في مختلف المهن

ممتاز ، ما قلت شي عكس هالكلام

لأنه عنصر داخل العملية التجارية as simple as that

قلت لك الآن كل شيء مرتفع/ارتفع لكن متوسط الأجور عالميًا كما هو ما تغير ونسب الفقر تزيد حسب الإحصائيات
فهل غير رفع أسعار المنتجات من الوضع؟ لا
إذن افتراضك خاطئ بالكامل والبقشيش لن ولم يكون الحل لهذه المعضلة
أيش فانوس علاء الدين هو يحل أزمة عالمية؟ حدث العاقل بما يعقل رجاء
الدعم الإنساني والمجتمعي ما راح يحل ولا ثلث المشكلة
فلا ترمي فساد الإدارات العليا وتبعاته على المشتري وتطالبه يدفع إكراميات فوق أسعار المنتجات الغالية

انت هنا خبصت المواضيع ببعض

اعيدها للمرة المدري كم ، البقشيش بيضمن استمرارية المنتج او الخدمة للمستخدم ، انتهت القصة

واختلف معك ، الحل ١٠٠٪؜ في الدعم الانساني ، لكن المشكلة ان محد يبي يدعم! لا انت ولا صاحب المليارات

وكلن همه نفسي نفسي

وهذا لن يحصل لأنه افتراض غير منطقي حسابيًا ولا واقعيًا منك
حجتك من البداية باطلة مع احترامي لأنها مبنية على لا شيء... حتى يصير العامل 50% من راتب الطبيب لازم أضاعف راتبه حرفيًا

مبنية على مقترحك ، وشرحت لك ليش ما يحتاج اعيد

وفر للناس وظائف مباشرة في تخصصاتهم ثم أقول كلامك صحيح
لكن لما يكون سوق الوظائف معدوم وما يتسع لأعداد الباحثين عن عمل
أكيد البعض يضطر يروح لوظائف ثانية إما أدنى خبرته أو خارج تخصصه

+ إذا معيارك الفائدة المجتمعية فقط
السباك والكهربائي بمثل أهمية الطبيب أو أقل شوي
بدونهم المباني السكنية والمرافق الصحية والحكومية لن تكتمل ولو تعطلت لن تعمل ومهن كثيرة منها الطب ستتوقف
هل نروح ونعطيهم 70% - 90% من رواتب الأطباء إلى على حد قولك يتحملون مخاطر وبينهم حياة بشر...الخ؟

نفس الشيء المهندسين والتقنيين والعلماء إلي يطورون تقنيات المجتمع إلي تقوم عليها كل المهن
نعطيهم رواتب الأطباء أو أعلى ولا كيف؟

شايف المنحدر الزلق في معاييرك؟

تبي نحسبها انا وياك الحين؟ والله لو نقعد لبكرة

انت تحب تعمم وتشمل كل شي في معامل واحد وذا ما يصلح يا اساسن ، انت خليت الكهربائي هو الكهرباء ، والسباك هو المياه

لكن اختصارا السباك والكهربائي مو باهمية الطبيب ولا ١٪؜ ، الكهربائي اي احد يجي يمد لك سلك ، اخوك الصغير يمديه يجي يمد لك السلك والسلك بيشتغل معك ٦٠ سنة قدام ، شغلة ما تاخذ دقيقتين

لا هي صعبة من ناحية عمل ، ولا وقت ، ولا موارد ، ولا تعليم ، ولا جهد

ابحث وتأكد بنفسك
ما سألتك عن مصدر الـ 90 ألف دولار ولا؟
لكن مش مشكلة... طب وتخيّر

هههههههههههه ياخي انا اسألك اتعلم مو اشكك ، ليش نيتك مو صافية &

مافي شي يمنع اني اتعلم منك ، لكن اللي انت قلته شي يتعارض مع معلومة سابقة عندي خذتها من مصادر معينة ، المعلومة الجديدة اللي بتثبتها خلاص انا بعتمدها وبحدث معلوماتي

+ أنا تخصصي تقنية معلومات ولي معرفة شخصية بزملاء مقربين وزملاء عمل خارج السعودية + في الخليج (قطر - الإمارات)
2 منهم دكاترة أشرفوا علي، واحد جاء يدرس بعد 7 سنوات عمل في الولايات المتحدة والثاني كان يتنقل بين الشركات الهندية والأمريكية على حد قوله وهو إلي طور مناهج غالبية مقررات قسمنا
فما بنيت كلامي على حسابات تقنيين ومبرمجين فقط
وأصلًا هؤلاء التقنيين والمبرمجين بنفسهم يهايطون برواتب شركات الـ faang ليل نهار في اليوتيوب وتيكتوك وأشغلونا بسالفة الـ six figure salary

شف بالله ذا الاقتباس

The average engineer salary in Silicon Valley ranges between $101,796 and $224,737 per year (Indeed).

١٠٠ الف دولار ، ترا بس دبل زبال كاليفورنيا

والله ياهو شين حظ ذا حسافة الستيودنت لون

السعودي ينكسر ظهره لما يعيش في قطر براتبه السعودي مش عاد دول أوروبا وأمريكا الشمالية أو كندا
أصلًا حسبة رياضية بسيطة لو راتبك 15,000 وحولته للدولار صار 4000
حاليًا أحضر للماجستير هناك والإيجارات بين 600 - 2000 دولار شهريًا في اسوأ الحالات
يعني لو كان راتبي الشهري 4000 دولار (15,000 سعودي) مباشرة 25% منه يروح للإيجار
غير بقية المصاريف

الله يوفقك ويعينك وييسر امرك

بس ترا العيشة والله سهالات خلك من السكن ، اذا عندك دبرة وما تعرعر وتبذخ you will make باذن الله

يعني على أساس إن الشركات مش قادرة تحسب جدوى ألعابها ومدى رضا اللاعبين عنها الحين وسابقًا؟
بس الدعم والإكراميات هي إلي تعطيهم الحقيقة المطلقة؟

رضا اللاعبين ومستوى اللعبة يتحدد بالمبيعات والتقييمات واستمرارية اللاعبين عليها
لن ولم تحدده هذه الأمور الثانوية مثل التبرع والدعم وكإننا نتكلم عن مشاريع/مبادرات خيرية

لا تحقرن من المعروف شيئا

يكفي الشعور النفسي لما المطورين يدرون ان لعبتهم جابت مليون دونيشن

عاد هم يتفاصلون مع مدرائهم مين ياخذها حنا مالنا دخل

 

[YazeedVx]

جالس تشوف الدالة لوين تتجه؟ لراتب الطبيب!

لما نقيسها على المدى القصير مو مشكلة لانها ما بتصير الحين ، لكن على المدى البعيد مصيبة

والشي اللي نهايته مصيبة تعرف انه غلط من اساسه! ما يبي لها عبقرية

ماحسبت حساب التضخم، ""المفروض"" الكل يرتفع معاه ومابتصير المشكلة اللي تطرحها

الحد الادنى للرواتب حالياً 7.25$، لما تعادل للتضخم هذا اقل رقم من 1956

ب1968 مثلاً الحد الادنى يعادل 12$ وشيء بفلوس اليوم

ولو بتعادله للزيادة في الانتاجية المفروض يصير 24$

انت تستعمل المنطق وهذا ممتاز لكن تفترض ان العالم منطقي، وهو ابعد مايكون عن ذلك

 

[MH MD]

بس هذا اللي بيصير ، اذا جلست ترفع وترفع وترفع في راتب العامل بدون اي اعتبار لهو وش يستاهل بتوصل لذا السيناريو المجنون واللا منطقي

عامل راتبه ٥٠ الف ، طبيب راتبه ٢٥٠ الف ، زيد الحد الادنى ١٠ الاف ، ارتفت التكاليف ، زيد الحد الادنى ١٠ الاف ، ارتفعت التكاليف ، زيد الحد الادنى ١٠ الاف .. الخ

جالس تشوف الدالة لوين تتجه؟ لراتب الطبيب!

زيد راتب الطبيب معه وانتهت المشكلة، بسيطة.

 

[Mr.Assassin19]

محتوى مخفي: رد طويل + ختامي/أخير

بكل بساطة يكون فيه دونيشن والخير يعم الجميع من اكبر راس لحارس المبنى

طيب باقي ما عرفنا كيف يكون نظام الإكرامية/البقشيش في الألعاب إذن؟
حتى أضمن وصول دعمي لمن يستحقه (المطورين والمصممين)... من أبسط حقوقي يعني
مش أرسل المبلغ عبر صفحة مبهمة وما أدري وصلت لهم أم دخلت جيوب الهوامير والإدارات العليا

شي يدعو ولا شي ما يدعو ماله اي دخل ، هذي الواحد يحددها بنفسه

لكن دعمك يصنع فرصة للمنتج ان يستمر ويتطور ، وانت بكيفك عاد

استمرارية المنتج تكون بجودته ومبيعاته وإقبال الناس عليه
مش مبالغ ضئيلة وتافهة مثل الإكراميات/البقشيش
يعني المنتجات الحين مش قاعدة تستمر وتتطور؟
فالكلام واضح... دعمنا اللعبة عبر شراءها وتفضيلها على عشرات الألعاب غيرها من المجانية أو المدفوعة
فإذا كانت اللعبة ممتازة وجودتها عالية فهذا المتوقع منها والـ bare minimum من المطور
مش شيء يستحق الشكر والتطبيل أو الإكرامية
والكلام هذا ينطبق على أي منتج ثاني

شدخل؟ انت جالس تقرا انا وش اكتب؟ ولا وش ترد عليه بالضبط؟

أيش وش دخل؟
من أفترض موضوع الـ 50% من راتب الطبيب + تساوي الرواتب؟ أنت
فالحالة الوحيدة إلي نصل فيها لهذا العالم الغريب هي إن رواتب عمال قطاع الخدمة تستمر بالزيادة سنويًا بدون حد/سبب
ولا من فين نحقق افتراضك الغريب بوصول رواتبهم لـ 50% من الأطباء أو تساوي الرواتب؟
فالكلام كان رد على كلامك it's not that deep

الله واكبر عليك! سيناريوهات جنونية غير منطقية

انت ليش جالس تقول هالكلام ، لانه منافي للحاصل في الواقع

بس هذا اللي بيصير ، اذا جلست ترفع وترفع وترفع في راتب العامل بدون اي اعتبار لهو وش يستاهل بتوصل لذا السيناريو المجنون واللا منطقي

عامل راتبه ٥٠ الف ، طبيب راتبه ٢٥٠ الف ، زيد الحد الادنى ١٠ الاف ، ارتفت التكاليف ، زيد الحد الادنى ١٠ الاف ، ارتفعت التكاليف ، زيد الحد الادنى ١٠ الاف .. الخ

جالس تشوف الدالة لوين تتجه؟ لراتب الطبيب!

لما نقيسها على المدى القصير مو مشكلة لانها ما بتصير الحين ، لكن على المدى البعيد مصيبة

والشي اللي نهايته مصيبة تعرف انه غلط من اساسه! ما يبي لها عبقرية

لا سيناريوهات ولا شيء هذا افتراضك الغريب فلا تتخلى عنه الآن
زعلان كيف نعطيهم 50% من راتب الطبيب؟
فأثبت لك إنه أصلًا افتراض جنوني وغير واقعي
أنا قلت نعطيهم راتب يسد حاجتهم بينما أنت قفزت لحالات جنونية مثل تدبيل/مضاعفة الرواتب و50% لسببٍ ما

الله أكبر على منطقك
ليش رفعت الحد الأدنى لرواتب عمال قطاع الخدمة وتركت الطبيب ما رفعت حده الأدنى؟
وبعدين تتفاجأ أوه يا إلهي وصل راتب العامل للطبيب سبحان الله كيف صارت؟
ترا إن زادت تكاليف المعيشة فراح تزيد على كل المواطنين من مختلف المهن والمجالات والأعمار والجنسيات
فلما تضرب مثال أضربه صح رعاك الله

كل المهن لها حد أدنى وتتعدل كل فترة والثانية أو حسب ما تقتضيه الحاجة



هذا آخر تعديل/تحديث لأدنى حد لأجور العاملين في القطاع الصحي في إحدى الولايات... من أصغر لأكبر واحد موظف

حتى عندنا فيه سلالم رواتب تتحدث كل بضعة سنوات أو حسب ما تقتضيه الحاجة

انت مو مستوعب نتيجة كلامك ذي المشكلة

حط السيناريو كامل براسك وشوف نهاية الخط قبل لا تكتبه ، عشان ما تنصدم لما يحتمله كلامك وتجي تقول لي افتراضات

انت تبي تعطيهم شي ما يستحقونه ، عشان تلغي شي رباني ربي فرضه وقدره على البشر ، الا وهو التكافل الاجتماعي وعمل الخير

اطار عمل المجتمع السليم كذا ، تعطي الصنعة ما تستحق ، بحيث تزدهر الانتاجية ، والمحتاج تعطيه من الصدقة وفق ضوابط شرعية

وبكذا تضمن الحق والعدل بين الجميع

لا انت ظلمت صاحب العمل بفرض جبري عليه ، ولا انت سحبت على الفقير وخليته يموت

ومن قال إن كل المهن حاليًا تعطى أجرها وفقًا لما تستحقه؟
لو نزلت أسفل شوي حتشوف إن رواتب مطوري الألعاب مثل رواتب عمال النفايات الخطرة والمشعة
إلي أنت بنفسك قلت إنهم أهم فبتالي المفروض يؤجرون بشكل أفضل وأعلى من قطاع ترفيهي ثانوي مثل الألعاب

+ ترا الغرب ما يعرفون شيء اسمه صدقة وربنا أمر بالتكافل الاجتماعي وضوابط شرعية
مش قاعدين نتكلم عن السعودية أو الدول الإسلامية فقط... الكلام عام على العالم كامل
فافصل بين الدين/الشرع وآلية عمل العالم "الأول" والدول الغربية وإلي بنسبة كبيرة جدًا نحن نتبعها

اتفاقيات بين صاحب العمل والموظف ، انا كصاحب عمل عندي احتياج لاداء وظيفة معينة ، وانت ك عامل عندك احتياج ومهارة ، انا اتفق معك على مبلغ معين وانت ترضى او ترفض

يعني بناء على كلامك عادي مستشفى تتناقش مع طبيب على 5000 أو 4000؟
هو عرض عليك وأنت أتفق أو أرفض عادي
لا فيه سعر متعارف عليه في السوق ولا حد أدنى ولا سلم رواتب وترقيات

كل سوق له range معين للرواتب مثل ما أرفقت من صور رواتب وادي السيلكون والأطباء في أمريكا في ردي السابق وإلي قبله
ولا كيف الواحد يدرس السوق ويناقش صاحب العمل في الزيادات والرواتب ويتفاوض معه؟
والـ range تحدده العوامل إلي ذكرتها ربما كلها أو نصفها أو زيادة عليها لكن الفكرة إنها محسوبة

شتقول انت؟ عالق عند المسميات انت بس؟ احد قالك عط الاطباء كلهم نفس الراتب؟ واحد قالك ان كل الاطباء والمهندسين بنفس الاهمية

انا قلت لك على حسب اهمية الصنعة ووش تضيف وانت عاد قارن

متخلص من مخلفات نووية اهميته اكبر من مبرمج العاب ، وانت عاد عندك المجال تقارن

ردًا على كلامك
في كل رد تقول الصنعة والصنعة فقلت لك إنه بدون الفروقات والتركيز فقط على الصنعة كلهم صاروا أطباء - مطورين - مهندسين
خلاص حد أدنى لكل مسمى والكل يستلمه بغض النظر عن الاختلاف
فإذا كان المجال الواحد بينه فروقات تؤخذ في الحسبان
إذن من باب أولى اعتبار الفروقات الكبيرة/المختلفة بين كل مجال والثاني
مش لازم أوضح كل فكرة وألقمها لك بالمعلقة الله يصلحك
حاول تقرأ وتستنبط ففي النهاية قاعد أرد على كلامك ما قلت شيء من عندي
50% من راتب الطبيب؟ أنت قلتها
تساوي رواتب الكل؟ أنت قلتها

مرة أخرى ما فيه شيء اسمه احتياج المجتمع وكفى
هذا عامل من أصل عوامل ثانية ولحاله ماله أي قيمة

من خلال بحث 120 ثانية تبين إن الرواتب متساوية بين مطوري الألعاب وفنيي النفايات الخطرة/المشعة
مع تفوق أكبر لمتوسط رواتب مطوري الألعاب
فوين عامل الأهمية والخطورة هنا؟
ليش الرواتب شبه متساوية بين مهمة مهمة وخطيرة وبين مهنة ثانوية في قطاع ترفيهي؟
Checkmate i guess

محتوى مخفي: مطوري الألعاب

محتوى مخفي: فنيي النفايات الخطرة/المشعة

انت هنا خبصت المواضيع ببعض

اعيدها للمرة المدري كم ، البقشيش بيضمن استمرارية المنتج او الخدمة للمستخدم ، انتهت القصة

واختلف معك ، الحل ١٠٠٪؜ في الدعم الانساني ، لكن المشكلة ان محد يبي يدعم! لا انت ولا صاحب المليارات

وكلن همه نفسي نفسي

خطأ
ولا كان انقرضت العديد من المنتجات لأنه ما يوصلها دعم وتبرعات من المشترين
ليش سوق الألعاب مستمر بدون دعم إضافي؟
سوق الجوالات؟ السيارات؟ اللابتوبات؟
ممكن يا ترى إن شراء الناس للمنتج كافي وما يحتاج غيره؟ همممم سؤال صعب

دعم إنساني هذه تقولها لو كنت أدعم فقراء أو ذوي دخل محدود ومؤسسات خيرية
مش شركة أرباحها بالملايين والمليارات وعندها القدرة إنها تحل المشكلة
مش تغمض عين عن صاحب الحلال وتفتح الثانية على المشتري إلي أشترى المنتج بسعره المرتفع
ليش ما يروح المشتري ويدفع الرواتب أحسن ويغسل حمامات الشركة أحسن؟
طالما مطالب إنه يشتري + يتحمل ارتفاع الأسعار + كمان يدعم ويدفع زيادة "دعم إنساني"
عجيب أمرك كإنك تعيش في كوكب ثاني
تطالب بالدعم الإنساني وإن المشتري يدفع ويبادر
وتحارب فكرة رفع الأجور + تدافع عن الرؤساء والمدراء وعادي حلاله ويدفع حسب ما يرى...الخ

لا يا عزيزي الحل من الجهات الرقابية والشركات نفسها مش عند المشتري
المشتري أدى دوره وزيادة إنه جاء وأعطاك من ماله الحر وأشترى منتجه فحتى لو ما دعم فما عليه 1% عتب

مبنية على مقترحك ، وشرحت لك ليش ما يحتاج اعيد

ومقترحي قال إن افتراضاتك من بداية النقاش باطلة

حسب الحد الأدنى 16 دولار/ساعة يستلمون سنويًا 46,000
فحتى نوصل لسالفة الـ 50% من راتب الطبيب لازم نزيدهم 44,000 - 57,000 سنويًا
أو نستمر في رفع رواتبهم مع تثبيت رواتب البقية حتى نحقق تساوي الرواتب وأوه شوفهم وصلوا لراتب الطبيب
كلام من ضرب الجنون ولا يقرب 1% للواقع والمنطق

قلت نعطيهم راتب يسد الحاجة فقط
ما قلت ساوي الرواتب ولا أعطيهم 50% من رواتب X أو Y
تبيه رقم جاهز يعني؟ خلاص نقول بدلًا من 46,000 يحصلون 52,000 - 60,000 اختار الرقم إلي يعجبك من هالـ range
وإن حب العامل يحصل زيادة أكبر يترقى ويوصل لمناصب إدارية أعلى مثل بقية المهن
كذا احترمنا رواتب المهن المهمة والصعبة على قولتك وتركنا الفجوة كما هي كبيرة بينهم

تبي نحسبها انا وياك الحين؟ والله لو نقعد لبكرة

انت تحب تعمم وتشمل كل شي في معامل واحد وذا ما يصلح يا اساسن ، انت خليت الكهربائي هو الكهرباء ، والسباك هو المياه

لكن اختصارا السباك والكهربائي مو باهمية الطبيب ولا ١٪؜ ، الكهربائي اي احد يجي يمد لك سلك ، اخوك الصغير يمديه يجي يمد لك السلك والسلك بيشتغل معك ٦٠ سنة قدام ، شغلة ما تاخذ دقيقتين

لا هي صعبة من ناحية عمل ، ولا وقت ، ولا موارد ، ولا تعليم ، ولا جهد

قلت شيء غلط طيب؟ كل إلي أسويه في ردودي إني أرد عليك بمنطقك
من المسؤول عن تأسيس كهرباء المباني؟ أو تجهيز نظام المياه والصرف الصحي؟
طيب لما تتعطل هذه الأمور من يصلحها؟
شركة الكهرباء والمياه لن ترسل موظفيها يأسسون بيتك أو يصلحوه
أهميتهم كبيرة في البلد وبدونهم تتعطل مصالح الناس بقوة إذن ليش ما نرفع أجورهم؟

مثال من الحياة؟ مرة تعطل عندنا طبلون/قاطع الكهرباء في الكلية ما أدري وش صار له وعطّل نصف مباني الكلية
كنسلوا المحاضرات وإلى أن صلحوه تحولنا لنظام الأونلاين

+ أجل أي واحد يقدر يمد سلك ويأسس ويصلح؟
طيب كان أسس كل واحد بيته وما احتاج يخسر عشرات الألوف مع كهربائي وقت البناء
وش الشيء الصعب على قولتك؟ شغلة بسيطة خلاص
ولا لما يتعطل قاطع ولا شيء كبير يفك بنفسه ويكسر ويركب ويصلح
ليش الشركات والجهات تخسر فلوسها وتتعاقد مع مشغلين وفنيين لما يأسسون ولا يعملون صيانة؟ ولا يتعطل شيء؟
أعطي موظف من عندك ثلث المبلغ وخله يكسب ويسوي لك الشغلة وأنت توفر ثلثين
الظاهر ما يعرفون استنتاجك الأسطوري هذا واكتشفوا قدرات الأخوان الصغار في التعامل مع الكهرباء

هههههههههههه ياخي انا اسألك اتعلم مو اشكك ، ليش نيتك مو صافية &

مافي شي يمنع اني اتعلم منك ، لكن اللي انت قلته شي يتعارض مع معلومة سابقة عندي خذتها من مصادر معينة ، المعلومة الجديدة اللي بتثبتها خلاص انا بعتمدها وبحدث معلوماتي

شف بالله ذا الاقتباس


١٠٠ الف دولار ، ترا بس دبل زبال كاليفورنيا

والله ياهو شين حظ ذا حسافة الستيودنت لون

طيب ما قلت شيء أعطيتك المصادر
بس استغربت من الطلب لأني أخذت سالفة الـ 90 إلي قلتها وبدأنا هذه النقطة بسببها بدون ما توفر مصدر أو أسألك عنه
يلا ما علينا

يعني طالعت في الـ 100 وتجاهلت إنه قال بين 100 - 224؟
وإنه يملك أمتيازات وأفضلية أضعاف الزبال؟
ولا يضطر إن يوقف طول الوقت ويحمل ويشتغل في الشمس ويتعرض لروائح كريهة وغازات قد تكون سامة ومخاطر بيولوجية و و و و و
ارحمني يا رجل

الله يوفقك ويعينك وييسر امرك

بس ترا العيشة والله سهالات خلك من السكن ، اذا عندك دبرة وما تعرعر وتبذخ you will make باذن الله

جميعًا يا رب

العيشة سهالات لأنك مضطر تقتصد وتقلل صرفياتك
فرق العملة لحاله يقتل مش عاد السكن
لو صرفيتي ظلت على ما هي عليه في السعودية كان أضطريت أشحذ أهلي وأشوف لي Part Time
ما أمدح/أزكي نفسي لكني شخص مقتصد حتى هنا وما أحب أصرف زيادة عن الحاجة الأساسية
جوالي ماخذه بـ 950 في 2021 وللحين صامل عليه الله يطول في عمره

المثال فوق كان على راتب 15,000 في السعودية يعني شيء ما يوصله عدد كبير من السعوديين ويعتبر حلم لكثيرين
مش عاد إلي راتبه 7500 - 10,000 أو يعيش على مكافأة الدولة ودعمها

لا تحقرن من المعروف شيئا

يكفي الشعور النفسي لما المطورين يدرون ان لعبتهم جابت مليون دونيشن

عاد هم يتفاصلون مع مدرائهم مين ياخذها حنا مالنا دخل

وليش ما يفرحون لما تبيع ملايين النسخ وتكون تقييماتها عالية وتحصد عشرات الجوائز؟

baldur's gate 3 باعت ملايين النسخ وصارت أعلى لعبة تقييمًا في ميتا-كريتيك وحصدت عشرات الجوائز منها 5 game of the year

Marvel's Spider-Man 2 باعت 10 ملايين نسخة في 4 أشهر وتقييماتها عالية في كل المواقع

Elden Ring + hogwarts legacy نفس الشيء وغيرهم

اشتغل بذمة وضمير
وطور لعبة بشغف وشيء تفخر به
اترك حركات اللغوصة والخبث
تخرج بلعبة متقنة ممتعة الكل يشتريها ويدخل لك أرباح من حيث لا تعلم

قدّم الربح على الجودة ورغبات اللاعبين والإبداع؟
تخرج بكوارث فاشلة مثل suicide squad kill the justice league + Marvel's Avengers وغيرها
خسارة فلوس والربح يقارب إنه يكون سلبي

زيد راتب الطبيب معه وانتهت المشكلة، بسيطة.

بالضبط
لا تثبت راتبه وتزيد البقية ثم تستغرب كيف اقتربوا منه أو وصلوا له

 

[Eye]

طيب باقي ما عرفنا كيف يكون نظام الإكرامية/البقشيش في الألعاب إذن؟
حتى أضمن وصول دعمي لمن يستحقه (المطورين والمصممين)... من أبسط حقوقي يعني
مش أرسل المبلغ عبر صفحة مبهمة وما أدري وصلت لهم أم دخلت جيوب الهوامير والإدارات العليا

لا عاد ما راح تكون بكيفك اكيد

بتكون قيمة تدخل في جيب الشركة وهم يقسمونها بينهم

تبي تدعم المطورين بس رح تواصل معهم وحول لهم

استمرارية المنتج تكون بجودته ومبيعاته وإقبال الناس عليه
مش مبالغ ضئيلة وتافهة مثل الإكراميات/البقشيش
يعني المنتجات الحين مش قاعدة تستمر وتتطور؟
فالكلام واضح... دعمنا اللعبة عبر شراءها وتفضيلها على عشرات الألعاب غيرها من المجانية أو المدفوعة
فإذا كانت اللعبة ممتازة وجودتها عالية فهذا المتوقع منها والـ bare minimum من المطور
مش شيء يستحق الشكر والتطبيل أو الإكرامية
والكلام هذا ينطبق على أي منتج ثاني

لا تستهين بالدونيشن ، رح شف اقرب ستريمر وشف هو كيف متنغنغ بس من ورا الدونيشن

مشكلة المنتج يا اساسن انه مخاطرة ، ما تدري انت ان لعبتك ذي اللي سويتها بذمة وضمير وشغف بتنجح ولا لا

انت في راسك شي رهيب واللاعبين يشوفونها زبالة ، والعكس صحيح

انت بتحط راس مال وبتخاطر انه كله يطير بالهواء

لكن لو سويت لعبة وما نجحت ، بس جاك منها مردود جيد ك دونيشن ، انت بتعرف ان الجزء الثاني بيكون مرغوب بنسبة الداعمين لك

أيش وش دخل؟
من أفترض موضوع الـ 50% من راتب الطبيب + تساوي الرواتب؟ أنت
فالحالة الوحيدة إلي نصل فيها لهذا العالم الغريب هي إن رواتب عمال قطاع الخدمة تستمر بالزيادة سنويًا بدون حد/سبب
ولا من فين نحقق افتراضك الغريب بوصول رواتبهم لـ 50% من الأطباء أو تساوي الرواتب؟
فالكلام كان رد على كلامك it's not that deep

يب بتستمر بالزيادة اذا جلست كل شوي ترفع الحد الادنى ، بس والله عشان تضمن لهم حياة كريمة

لا سيناريوهات ولا شيء هذا افتراضك الغريب فلا تتخلى عنه الآن
زعلان كيف نعطيهم 50% من راتب الطبيب؟
فأثبت لك إنه أصلًا افتراض جنوني وغير واقعي
أنا قلت نعطيهم راتب يسد حاجتهم بينما أنت قفزت لحالات جنونية مثل تدبيل/مضاعفة الرواتب و50% لسببٍ ما

نوب هذا معنى كلامك ، انت مش مستوعب فقط

الله أكبر على منطقك
ليش رفعت الحد الأدنى لرواتب عمال قطاع الخدمة وتركت الطبيب ما رفعت حده الأدنى؟
وبعدين تتفاجأ أوه يا إلهي وصل راتب العامل للطبيب سبحان الله كيف صارت؟
ترا إن زادت تكاليف المعيشة فراح تزيد على كل المواطنين من مختلف المهن والمجالات والأعمار والجنسيات
فلما تضرب مثال أضربه صح رعاك الله

كل المهن لها حد أدنى وتتعدل كل فترة والثانية أو حسب ما تقتضيه الحاجة

لان نقاشنا عن الحد الادنى! Minimum wager! انت خابص كل المواضيع ببعض

وتكلمني عن المنطق

اول شي في المنطق ان تعرف وش اللي نتكلم عليه تحديدا ، مو تجلس تناقز وتربط عشرين الف شي ببعض

ومن قال إن كل المهن حاليًا تعطى أجرها وفقًا لما تستحقه؟
لو نزلت أسفل شوي حتشوف إن رواتب مطوري الألعاب مثل رواتب عمال النفايات الخطرة والمشعة
إلي أنت بنفسك قلت إنهم أهم فبتالي المفروض يؤجرون بشكل أفضل وأعلى من قطاع ترفيهي ثانوي مثل الألعاب

ومن قال ان اللي حاصل صحيح واني اتفق معه ، رح شف راتب الرقاصة وتعال حاججني بعد

ترا الغرب ما يعرفون شيء اسمه صدقة وربنا أمر بالتكافل الاجتماعي وضوابط شرعية
مش قاعدين نتكلم عن السعودية أو الدول الإسلامية فقط... الكلام عام على العالم كامل
فافصل بين الدين/الشرع وآلية عمل العالم "الأول" والدول الغربية وإلي بنسبة كبيرة جدًا نحن نتبعها

وانا جالس اكلم الغرب ولا اكلمك؟

يعني بناء على كلامك عادي مستشفى تتناقش مع طبيب على 5000 أو 4000؟
هو عرض عليك وأنت أتفق أو أرفض عادي
لا فيه سعر متعارف عليه في السوق ولا حد أدنى ولا سلم رواتب وترقيات

يب ، عادي جدا

الطبيب اللي جايك من الهند كم يستلم؟ والطبيب السعودي كم يستلم؟ والطبيب الالماني كم يستلم؟

عاد انت في بلد شاطر في التفرقة بس عشان الجنسية

ردًا على كلامك
في كل رد تقول الصنعة والصنعة فقلت لك إنه بدون الفروقات والتركيز فقط على الصنعة كلهم صاروا أطباء - مطورين - مهندسين
خلاص حد أدنى لكل مسمى والكل يستلمه بغض النظر عن الاختلاف
فإذا كان المجال الواحد بينه فروقات تؤخذ في الحسبان
إذن من باب أولى اعتبار الفروقات الكبيرة/المختلفة بين كل مجال والثاني

والله مدري شقولك ، وما اظنك بالجهل باللغة اني لازم اشرح لك معنى الصنعة

ولا ادري ليش تبي كلهم يتساوون بس عشانهم يتقاطعون في مسمى

وما ادري ليش تبيهم كلهم لهم حد ادنى موحد كنهم كلهم بالكفاءة نفسها

مو فيه الطبيب الشاطر وفيه الطبيب الدجة اللي مب فاهم شي ويجيب العيد بالناس

مش لازم أوضح كل فكرة وألقمها لك بالمعلقة الله يصلحك
حاول تقرأ وتستنبط ففي النهاية قاعد أرد على كلامك ما قلت شيء من عندي
50% من راتب الطبيب؟ أنت قلتها
تساوي رواتب الكل؟ أنت قلتها

انا ماني داخل عقلك عشان اعرف مقصدك ، وانت جالس تدخل المواضيع ببعض وترد على نقاط بشكل غريب وشاطح وعشوائي

٥٠٪؜ من راتب الطبيب شف انت كيف فهمتها ، انت فهمتها ان من راتب كل طبيب لانك حاط براسك فكرة انه فيه حد ادنى للطبيب

ذا شي انا اصلا ما اتفق معه نهائيا ، فيه طبيب المفروض يستلم اقل من الزبال لو علي انا

بينما كلامي واضح ويصب كله بنفس الاتجاه ، قلتها اكثر من مرة وباكثر من طريقة ، على حسب هو وش يقدم ، على حسب فايدته بالمجتمع ، على حسب صنعته

بس انت الظاهر حاستك كلمة صنعته وفكرتها مهنته ، لا ، صنعته يعني مخرجاته

من خلال بحث 120 ثانية تبين إن الرواتب متساوية بين مطوري الألعاب وفنيي النفايات الخطرة/المشعة
مع تفوق أكبر لمتوسط رواتب مطوري الألعاب
فوين عامل الأهمية والخطورة هنا؟
ليش الرواتب شبه متساوية بين مهمة مهمة وخطيرة وبين مهنة ثانوية في قطاع ترفيهي؟
Checkmate i guess

انت داخل النقاش بنية الفوز وبس؟ -_-"

ترا محد درا عني ولا عنك

الهدف من النقاش ترا مو انا صح وانت غلط ، الهدف هو تلاقح فكري انت تشوف وجهة نظري وانا اشوف وجهة نظرك وكل واحد يستفيد ويتعلم من الثاني والقارئ يستفيد وكلن يطلع مستمتع و سعيد


ردا على نقطتك هنا ، ترا فيه اشياء غلط بالعالم والمفروض ما تصير ، مش عشانها موجودة يعني صح ، الرقاصة وموديلات اونلي فانز يستلمون اكثر منهم مجتمعين ترا

بس ذا غلط والمفروض ما يصير

لكن ويا للمصادفة ، الشعب جالس يدعم! والدعم مخليهم مستمرين وزايدين ، نفس اللي اقوله من بداية النقاش

ولان فيه ناس مستعدة تدفع على التافه بدون مراعاة قيمته وفائدته المجتمعية جالس يصير هالشي

خطأ
ولا كان انقرضت العديد من المنتجات لأنه ما يوصلها دعم وتبرعات من المشترين
ليش سوق الألعاب مستمر بدون دعم إضافي؟
سوق الجوالات؟ السيارات؟ اللابتوبات؟
ممكن يا ترى إن شراء الناس للمنتج كافي وما يحتاج غيره؟ همممم سؤال صعب

مغالطة منطقية ، هذي نتيجة اقتضائية ، مؤثر ونتيجة

حصل ١ اذا يحصل ٢

حصول ٢ لا يشترط حصول ١

احمد اكل التفاحة

التفاحة مأكولة لا يعني اكلها احمد

دعم إنساني هذه تقولها لو كنت أدعم فقراء أو ذوي دخل محدود ومؤسسات خيرية
مش شركة أرباحها بالملايين والمليارات وعندها القدرة إنها تحل المشكلة
مش تغمض عين عن صاحب الحلال وتفتح الثانية على المشتري إلي أشترى المنتج بسعره المرتفع
ليش ما يروح المشتري ويدفع الرواتب أحسن ويغسل حمامات الشركة أحسن؟
طالما مطالب إنه يشتري + يتحمل ارتفاع الأسعار + كمان يدعم ويدفع زيادة "دعم إنساني"
عجيب أمرك كإنك تعيش في كوكب ثاني
تطالب بالدعم الإنساني وإن المشتري يدفع ويبادر
وتحارب فكرة رفع الأجور + تدافع عن الرؤساء والمدراء وعادي حلاله ويدفع حسب ما يرى...الخ

لا يا عزيزي الحل من الجهات الرقابية والشركات نفسها مش عند المشتري
المشتري أدى دوره وزيادة إنه جاء وأعطاك من ماله الحر وأشترى منتجه فحتى لو ما دعم فما عليه 1% عتب

كلامي كان حل لمشكلة الفقر ، لو انت دفعت وصاحب الملايين دفع ما يحتاج نرفع رواتب العمال على عمل تافه ما يستاهلون مبلغه

ذا موضوع

ولا تخلط المواضيع ببعض ، البقشيش بيضمن استمرارية المنتج ووقف عندها

ذا موضوع ثاني

العتب انك ما تساعد الفقراء بس

ومقترحي قال إن افتراضاتك من بداية النقاش باطلة

حسب الحد الأدنى 16 دولار/ساعة يستلمون سنويًا 46,000
فحتى نوصل لسالفة الـ 50% من راتب الطبيب لازم نزيدهم 44,000 - 57,000 سنويًا
أو نستمر في رفع رواتبهم مع تثبيت رواتب البقية حتى نحقق تساوي الرواتب وأوه شوفهم وصلوا لراتب الطبيب
كلام من ضرب الجنون ولا يقرب 1% للواقع والمنطق

قلت نعطيهم راتب يسد الحاجة فقط
ما قلت ساوي الرواتب ولا أعطيهم 50% من رواتب X أو Y
تبيه رقم جاهز يعني؟ خلاص نقول بدلًا من 46,000 يحصلون 52,000 - 60,000 اختار الرقم إلي يعجبك من هالـ range
وإن حب العامل يحصل زيادة أكبر يترقى ويوصل لمناصب إدارية أعلى مثل بقية المهن
كذا احترمنا رواتب المهن المهمة والصعبة على قولتك وتركنا الفجوة كما هي كبيرة بينهم

مجددا ، النقطة كانت عن الminimum wager

اقولها للمرة الاخيرة ، اذا جلست ترفع الحد الادنى - مالي دخل انا الحين براتب الطبيب ، راتب الطبيب بعيد عن الحد الادنى فما راح يتحرك - بنوصل لمرحلة في نقطة ما ان الحد الادنى وصل لراتب الطبيب العالي

اعتقد واضحة النقطة

قلت شيء غلط طيب؟ كل إلي أسويه في ردودي إني أرد عليك بمنطقك
من المسؤول عن تأسيس كهرباء المباني؟ أو تجهيز نظام المياه والصرف الصحي؟
طيب لما تتعطل هذه الأمور من يصلحها؟
شركة الكهرباء والمياه لن ترسل موظفيها يأسسون بيتك أو يصلحوه
أهميتهم كبيرة في البلد وبدونهم تتعطل مصالح الناس بقوة إذن ليش ما نرفع أجورهم؟

ايه ، خليت الكهربائي هو الكهرباء

الكهرباء منظومة فيها ٢٠ طبقة ، تبدأ من اللي يستخرج لك النفط ، وتمر بالمهندس اللي يشغل الة توليد الكهرباء ويصينها ، والمهندس اللي يوزع الاحمال ، ومراكز توزيع الطاقة ، وكبينة الشارع ، وعداد المبنى ، اخرها الكهربائي اللي يمد الاسلاك

هذي فيها ملايين تصرف لو تحسبها ، و كلن بحسب اهميته في السلسلة

أجل أي واحد يقدر يمد سلك ويأسس ويصلح؟
طيب كان أسس كل واحد بيته وما احتاج يخسر عشرات الألوف مع كهربائي وقت البناء
وش الشيء الصعب على قولتك؟ شغلة بسيطة خلاص
ولا لما يتعطل قاطع ولا شيء كبير يفك بنفسه ويكسر ويركب ويصلح

انا اسوي كذا طيب لما يتعطل شي ولا اسوي تمديديات اسويها بنفسي

اخر مرة دخل بيتنا كهربائي من قبل ٢٠ سنة او اكثر

الشاهد ان شغل الكهربائي مو بذيك الاهمية ، الاهمية كلها في منظومة الكهرباء ، في المهندسين اللي يوزعون القوى ويصنعون الالات ويولدون الكهرباء ، وذولي رواتبهم توصل لراتب الطبيب

ليش الشركات والجهات تخسر فلوسها وتتعاقد مع مشغلين وفنيين لما يأسسون ولا يعملون صيانة؟ ولا يتعطل شيء؟
أعطي موظف من عندك ثلث المبلغ وخله يكسب ويسوي لك الشغلة وأنت توفر ثلثين
الظاهر ما يعرفون استنتاجك الأسطوري هذا واكتشفوا قدرات الأخوان الصغار في التعامل مع الكهرباء

ههههههههههه قايل لك تحقرن من المعروف شيئا و لا تستهين بالاخوان الصغار

هو فيه تفاصيل ثانية ، لكن الشاهد ان الاهمية هي لمنظومة الكهرباء كلها

وليش ما يفرحون لما تبيع ملايين النسخ وتكون تقييماتها عالية وتحصد عشرات الجوائز؟

baldur's gate 3 باعت ملايين النسخ وصارت أعلى لعبة تقييمًا في ميتا-كريتيك وحصدت عشرات الجوائز منها 5 game of the year

Marvel's Spider-Man 2 باعت 10 ملايين نسخة في 4 أشهر وتقييماتها عالية في كل المواقع

Elden Ring + hogwarts legacy نفس الشيء وغيرهم

اشتغل بذمة وضمير
وطور لعبة بشغف وشيء تفخر به
اترك حركات اللغوصة والخبث
تخرج بلعبة متقنة ممتعة الكل يشتريها ويدخل لك أرباح من حيث لا تعلم

قدّم الربح على الجودة ورغبات اللاعبين والإبداع؟
تخرج بكوارث فاشلة مثل suicide squad kill the justice league + Marvel's Avengers وغيرها
خسارة فلوس والربح يقارب إنه يكون سلبي

هو يفرحون اكيد ، بس لا مانع تفرحهم اكثر اذا عاجبك منتجهم

انا مؤمن ان له اثر ايجابي

بس بالنهاية كل شخص واللي يناسبه

ماحسبت حساب التضخم، ""المفروض"" الكل يرتفع معاه ومابتصير المشكلة اللي تطرحها

الحد الادنى للرواتب حالياً 7.25$، لما تعادل للتضخم هذا اقل رقم من 1956

ب1968 مثلاً الحد الادنى يعادل 12$ وشيء بفلوس اليوم

ولو بتعادله للزيادة في الانتاجية المفروض يصير 24$

انت تستعمل المنطق وهذا ممتاز لكن تفترض ان العالم منطقي، وهو ابعد مايكون عن ذلك

صحيح ، اشياء كثيرة انا ما حسبتها لاني ما ابي اعقد المعادلة

زيد راتب الطبيب معه وانتهت المشكلة، بسيطة.

لا يا رجال يستطفل ما يستاهل ، شغلته بيض ، يقعد بس يعالج الناس وش التفاهة ذي