الشركات الاجنبية ما فرقت ومعرضة للخطأ بالادارة بنفس الشكل وببعض الاحيان كارثية اكثر، أبسطها شوف بهدلة Embracer وسوء ادارته، كانت شغالة استحواذات يمين يسار، مجرد فشل صفقة وحدة منهم وبدأوا تسريحات يمين يسار واقفال الاستوديوهات اللي اشتروها
لازم تضحي ، ولا بتقفل الشركة
مع ذلك مجلس الادارة هو اللي ياخذ ملايين وفلوس كثير وبونوس نهاية السنة ويتكافأ على فشله، والمطورين اساس العمل والصناعة يتسرحوا وينطردوا عادي ويحصلوا مرتبات اقل، عشان كذا الناس تنتقد الادارات وقد ايش رواتبهم مش دائما تتناسب مع شغلهم او اهميتهم
طيب ما سألت نفسك ليه؟ ما تعتقد فيه مبرر قوي لهالسلوك؟
بس جاوبني ؛ ليش مجلس الادارة اللي ياخذ الملايين وبونس نهاية السنة؟ مع ان اللي اعرفه ان الموظفين لهم بونس من المبيعات
ترا طرد الاداري ما يحل المشكلة ، طردت اداري عبدالله كخ بيجي مكانه مهمد ، طردتهم ثنينهم باجي انا
وباخذ نفس رواتبكم ونفس البونس وبتكافأ على فشلي
صح ولا لا؟
مهو الفكرة العامة من مسألة البقشيش ذا انه الريدي المستثمرين والادارة والتسويق وغيرهم يحصلوا نصيب الاسد من الارباح، لما يجيك خيار تبغى تدفع للمطورين، ولسه يروح بجيب الناشر، كذا ايش فرق من المايكروترانزكشنز الحين؟ هي نفسها نفسها، انا اللعبة الفلانية عاجبتني، اقرر اشتري ملابس دعم للعبة، هذي دايركت تروح بجيب الناشر والشركة والمستثمرين الريدي، فعليا فكرة "البقشيش" ذي موجودة الحين
Not quite
مو كل الالعاب فيها مايكروترانزاكشن ، وفلسفة المتكس اصلا هي منتج بالنهاية ، انا ما اشوفهم متساويين
عموما الفكرة مش اهمال وتهميش تام لكل هالادوار، بس بنهاية الأمر الطباخين والمطورين هم اساس العمل الابداعي، ما يهم جودة ادارتك وحسن قيادتك لو الطباخ الاسطوري حقك استقال ، او المطورين اتغيروا واختلفوا، احنا ما نتابع اخبار فرق التطوير والمطورين هنا من فراغ، ما ينفع مثلا ادارة فروم سوفتوير تطرد فرق التطوير حقها وتبدلهم بفريق ثاني، نقول مطورين يوبيسوفت مثلا، او مطورين الركاز، بس تحتفظ بنفس الادارة وفريق التسويق وفسم المشتريات الخ، وتجي تتوقع نفس المستوى
حتى لو هم الاساس ، بدون العناصر الثانية ما بيقدرون يأدون عملهم الابداعي بالصورة نفسها ، هذي النقطة اللي الكثير منكم يجهلها
ان القطع اللي تبدو لك غير مهمة ترا لها اثر جوهري ، بدون ادارة متمكنة المشروع ما راح يشوف النور ، ادارة العمل مش بالهامشية اللي تتصورها ، وش استفدنا من الطباخ الاسطوري اذا هو مو قادر يطبخ لان القدور مكسرة والسكاكين مصدية وعنده ٦٠ طلب لان النادل من دخل احد المطعم قاله تفضل
المنتج النهائي بيطلع تعبان
نرجع لفكرة الموضوع والبقشيش ذي، نفترض اني خلصت اللعبة، انا سعيد بها ومنبهر من العمل الفني اللي شفته، انا تحديدا معجب بالقصة والكتابة الخارقة اللي اثرت على مشاعري الجياشة، هنا ابغى اشكر المطورين، نقول تحديدا فريق الكتابة ومخرج المشهد السينمائي والتمثيل الصوتي الباهر، طيب ايش دخل أبو الادارة و فريق التسويق والقسم القانوني وقسم المشتريات وحارس أمن الشركة هنا عشان ياخذوا من البقشيش حقي ؟
اتمنى قربت الصورة اكثر
وجودهم هو اللي خلق الفرصة من اساسها ، از سمبل از ذات
لأنه لما تكافئ الفنانين بالباتريون حقهم مثلا، انت تدعمهم مباشرة لشغلهم الابداعي، ما تجي تقول "والله السوفتوير اللي استخدموه ساعدهم، لازم ادفع بقشيش لشركة أدوبي فوتوشوب، برضو الاوبيريتنج سيستم ساهم انه قدروا يستخدموا هالتطبيق من الاساس، لازم مايكروسوفت ياخذوا نصيب من البقشيش، تصدق حتى STC يستاهلوا ياخذوا نصيب من فلوسي هنا لأنه بدون الانترنت حقهم ما كان بيوصل هذا العمل الفني الخارق لي شخصيا" الخ الخ، كذا النقطة اساسا انتفت من فكرة دعم الفنانين
ذا موضوع الاكستنت اللي يوصله دعمك ، موضوع مختلف كليا ولو انه موجود وحاضر بالتقنية
كثير من الادوات لها قنوات دعم مع انها منتجات مسعرة
صدقني وخذها مني يا مهمد ترا ما شال سوق التقنية الا الدونيشنز ، جزء كبير من تفوق الغرب هو بسبب الدعم غير المشروط
ناس تروح تدفع فلوس على جامعة وتتخرج وتحصل وظيفة ، وبعدها يطنخ ويرجع لجامعته ويفتح لها كلية على حسابه ، مجبور؟ لا ، الولد خذ بضاعته من الجامعة ، الا وهي الشهادة ودفع حقها ، خلاص المنتج انتهى هنا ، ليش يروح يفتح كلية على نفقته الخاصة تبرعا للجامعة؟
مستعد اجيب لك عشرات الامثلة! وفي كل القطاعات
الشي ذا معدوم في مجتمعاتنا ، وانا اتحسر اقول ليه ما عندنا زيهم؟
التيك اواي النهائي هنا ؛ انك اذا تبي الشي يستمر لازم تدعمه
شحصيا اشوف الموضوع كله ماله داعي . انا دفعت قيمة المنتج سواء كان جيد او سيء . خلاص عملت المطلوب . اذا فيه خلل مطور او فنان ما اخذ حقه او اخذ اقل مما هو مطلوب هذه مشكلة عندهم يخفضوا رواتب القيادات العليا و الاداره او يخفضوا الفلوسالي تنصرف على الترويج و غيرها من الحلول . 70 دولار للعبة يبقى مش مبلغ قليل حتى اديل فوقة فلوس بقشيش لفلان او علان
هذي فلسفة شخصية ، الموضوع مو اجباري
لكن السيناريو الطبيعي انك لما تدعم المنتج انت تساهم في استمراريته
هل تبيه يستمر ولا لا وكم انت مستعد تبذل عشان يستمر هذا شي راجع لك
غير انه اللاعبين قاعد يتم استغلالهم . كم نسخة ديلوكس محتواها بايخ كم skin على شوية سلاح بسعر 10 - 15 دولار . و كم محتوى باهت ما يسوى سعره
الموضوع عن المنتج اللي انت تقدره وقدم لك شي خرافي ، السكامات مستثناة من الموضوع
ايضا توزع بقشيش كيف عليهم . فريق تطوير لعبة مش واحد او اثنين . فريق كامل حتى لو كلهم بحساب تطوير باتريون واحد يكون زي pool يجمع كل البقشيش . كم يفترض يطلع لهم المبلغ بعد ما يتقسم على فريق التطوير . و كم يفترض المبلغ يكون حتى يكون مرضى
كلن على حسب منصبه
اشوف الافضل لو تريد فلوس تعطي شيء بالمقابل . مثلا تعرض Merchandise خاصة بالعبة او العمل الي سويته و تعرض للبيع بموقع حتى الفان يشتروه
كذا مرة ثانية انت تبيع منتج ، فما استفدنا شي ، مو الكل يبي يدفع نفس المبلغ
