مسؤول تنفيذي سابق في مايكروسوفت/رئيس بليزارد الأسبق يرى أن 70$ لا تُوفِي حق الألعاب، ويتمنى لو كان هناك خيار دفع بقشيش للمطورين بعد نهاية اللعبة~

[Eye]

هو المشكلة اننا نفترض هالوضع هو الوضع من قديم الازل بينما هو حديث نسبياً

فيه سبب ليش حطيت الثمانينات كنقطة بداية، لانها مع السبعينات فترة تمكن النظام النيولبيرالي مع ريقان وثاتشر

كمثال، فكرة انه الشركة هدفها تعظيم ربح حملة الاسهم هذه جديد وجاية من ميلتون فريدمان في السبعينات، مع شلته من اقتصاديين جامعة شيكاقو اللي خربوا بيوتنا (&)

استاذ اثرائي يا يزيد تستاهل نرفع لك القبعة 🫡

لكن السؤال هنا : هل من الغلط تعظيم ربح حملة الاسهم؟ بالنهاية هم ملاك الشركة شرعا وحقاً ، كل عوائد الشركة ترجع لهم

وضع الموظف هو اجير ، يؤدي وظيفة باتفاق من الطرفين

اذا فهمت المغزى من كلامك صح ؛ انت تلمح ل أن الأحق بتعظيم الربح هو الموظف العامل

فهل الموضوع عبط او ماله سبب؟ الا له سبب لكن كان مبني على وعد trickle down economics، واللي هو نقلل التدخل الحكومي بالاقتصاد ونقلل التشريعات ونخصخص وغيرها من نظريات النظام النيوليبرالي، بالمقابل الاغنياء بيتعظم دخلهم وهذا بيأدي انه هالدخل يوصل للناس اللي تحتهم، لكن ماحصل لذلك تشوف CEO ياخذ ملايين وبنفس الوقت يفصل مئات الموظفين

اللي انت تطرحه يفوق معرفتي الشخصية لذلك استزيدك يا يزيد

ليش الشركات الان لازالت تتبنى هذا النظام؟
وليش تنجح هالشركات نجاحات ساحقة اذا كان مبدأهم معطوب؟

هذا كله ماهو من بداية الحضارة ولا هو نظام حقاني، بعد تجربة فاشلة مثل مانشوف على سبيل المثال الاحصائيات اللي حطيتها وغيرها كثير

النظام الاقطاعي هو المقصود

الحضارة ما قامت الا على ممالك يملكها افراد والعامة مجرد عبيد على قولتك

وهنا نرجع لنقطتنا الاساسية، ليش اعطي tip غالباً سوني بتشيل 30% منها والفلوس مابتروح للعمال اللي اشتغلوا عالمنتج؟

ليش؟ عشان يستمر تواجد منتجك ببساطة ، رؤوس الاعمال اذا شافو الدعم بيكررون التجربة ، وبالنهاية بتحصل سيكول وفي للرؤية الاصلية

انت كذا بتلغي عنصر المخاطرة واستقطاب جمهور جديد اللي الشركات جالسة تراهن عليه

كل مشروع هو مخاطرة ورمي عملات ، يا تصيب يا تخيب

مو منطق اشتري اسهم سكوير واجي اقول ساهمت بتطوير ريبيرث وانا متسدح ببيتنا

بس هذا الواقع ، المسألة رياضية بحتة ، الاستثمار يولد الفرص ، الفرص توظف العمال ، العمال ينتجون المنتج

هل انت جزء من ذي السلسلة؟ نعم ، اذا انت مساهم

انا اعتقد ان اللبس لغوي ، انت لما تقول ساهمت بالتطوير هذي جملة تحتمل معاني عديدة ، لكن الاقرب للذهن هو انك عملت على المشروع بيديك

لكن لو اخذت العبارة بمعناها الرياضي التجريدي ف انت فعلا مساهم

اذا مزعلك الموضوع ممكن نكون دقيقية بالوصف ، انت مساهم ماديا بتطوير ريبرث

 

[GYWN]

اليوم بقشيش إختياري، بكره إلزامي وعشان تعدي تشابتر لازم تدف المطور بحفنه من الدولارات، هالنوعيات هي سبب تدعيم فكرة التهكير بين أوساط المجتمع القيمري، الهدف من الألعاب هو المتعه بالحد المعقول، لكن تستنزفني بهالشكل الوقح معليش ماخلفتك ونسيتك عشان أصرف عليك.

 

[used2Bcat]

ليته ساكت

 

[S&P_man]

هو المشكلة اننا نفترض هالوضع هو الوضع من قديم الازل بينما هو حديث نسبياً

فيه سبب ليش حطيت الثمانينات كنقطة بداية، لانها مع السبعينات فترة تمكن النظام النيولبيرالي مع ريقان وثاتشر

كمثال، فكرة انه الشركة هدفها تعظيم ربح حملة الاسهم هذه جديد وجاية من ميلتون فريدمان في السبعينات، مع شلته من اقتصاديين جامعة شيكاقو اللي خربوا بيوتنا (&)

فهل الموضوع عبط او ماله سبب؟ الا له سبب لكن كان مبني على وعد trickle down economics، واللي هو نقلل التدخل الحكومي بالاقتصاد ونقلل التشريعات ونخصخص وغيرها من نظريات النظام النيوليبرالي، بالمقابل الاغنياء بيتعظم دخلهم وهذا بيأدي انه هالدخل يوصل للناس اللي تحتهم، لكن ماحصل لذلك تشوف CEO ياخذ ملايين وبنفس الوقت يفصل مئات الموظفين

هذا كله ماهو من بداية الحضارة ولا هو نظام حقاني، بعد تجربة فاشلة مثل مانشوف على سبيل المثال الاحصائيات اللي حطيتها وغيرها كثير

كلها توريك كيف الامور كانت وكيف من الثمانينات للحين صارت الامور اسوأ بفارق كبير

فلما تكون الشركات قائمة على النظام الاقتصادي هذا طبيعي بتتصرف تصرفات سيئة عشان تبقى فيه

وهنا نرجع لنقطتنا الاساسية، ليش اعطي tip غالباً سوني بتشيل 30% منها والفلوس مابتروح للعمال اللي اشتغلوا عالمنتج؟

مو منطق اشتري اسهم سكوير واجي اقول ساهمت بتطوير ريبيرث وانا متسدح ببيتنا

السياسة الي تكلم عنها ميلتون فريدمان و ازدهرت في عهد ريجان و ثاتشر كان لها هدف اقتصادي و هو تعظيم النمو و زيادة الرفاهية الإقتصادية. لما الشركات تركز على تعظيم الربح يعني وفرة المال ستزيد يعني البحث و التطوير سيزيد المنتجات ستتحسن و منها ستربح الشركات أكثر لتحسن منتجاتها أكثر و هكذا تدور عجلة الإقتصاد. السياسة ذي هي وصلت أمريكا للعظمة الي هي فيها اليوم. وقت الثمانينات كان الناس يعتقدون ان ممكن اليابان تسبق أمريكا اليوم أمريكا وينها و وين اليابان قفز الاقتصاد الأمريكي قفزات لا يستوعبها العقل بينما اليابان متوقف فيها النمو من نهاية الثمانينات.
السياسة ذي هي أظهرت أبل و جوجل و مايكروسوفت و غيرهم. هي سبب نشوء وادي السليكون في أمريكا بسبب توفر المال و العلم. العلم كان موجود في أمريكا من زمان لكن وفرة المال أنشأت وادي السليكون من خلال دعم شركات ال Start-up عن طريق ال Capital Ventures. هذا هو السبب الي خلى الأوروبين و اليابانيين و الصينين عاجزين عن تكرار نجاح وادي السليكون رغم محاولاتهم.
طبعا كان للسياسة سلبيات مثل ما كان لها ايجابيات و السلبيات ذكرت بعضها في ردك. و زيد عليها نقل الشركات مصانعها للصين و تايلاند و فيتنام و الفلبين و الهند بحثاً عن اليد العاملة الأرخص. و هي الي مؤثرة على شركة مثل بوينغ للطيران و مشكلة الجودة الحالية. لكن الأغلب يجادل ان السلبيات هي Side Effects ما قصدها صانعوا السياسة و أن الأمريكيين يعملون على نسخة معدلة منها.
تضخم رواتب الكبار بشكل أكبر من الصغار مو بالضرورة انها نتيجة السياسة ذي. للأسف هاذي سنة الحياة من متى الموظف يكون بغنى مديرة أو بغنى صاحب المال. هاذي طبيعة التجارة من خلق الله البشر حتى بعهد الرسول صلى الله عليه و سلم هذا هو الحال. عثمان بن عفان كان أغنى الصحابة لأنه تاجر. فهل كان من يعمل مع عثمان رضي الله عنه بغناه و لا أفقر منه؟

 

[SuperC]

فهل الموضوع عبط او ماله سبب؟ الا له سبب لكن كان مبني على وعد trickle down economics، واللي هو نقلل التدخل الحكومي بالاقتصاد ونقلل التشريعات ونخصخص وغيرها من نظريات النظام النيوليبرالي، بالمقابل الاغنياء بيتعظم دخلهم وهذا بيأدي انه هالدخل يوصل للناس اللي تحتهم، لكن ماحصل لذلك تشوف CEO ياخذ ملايين وبنفس الوقت يفصل مئات الموظفين
هذا كله ماهو من بداية الحضارة ولا هو نظام حقاني، بعد تجربة فاشلة مثل مانشوف على سبيل المثال الاحصائيات اللي حطيتها وغيرها كثير
كلها توريك كيف الامور كانت وكيف من الثمانينات للحين صارت الامور اسوأ بفارق كبير
فلما تكون الشركات قائمة على النظام الاقتصادي هذا طبيعي بتتصرف تصرفات سيئة عشان تبقى فيه
وهنا نرجع لنقطتنا الاساسية، ليش اعطي tip غالباً سوني بتشيل 30% منها والفلوس مابتروح للعمال اللي اشتغلوا عالمنتج؟
مو منطق اشتري اسهم سكوير واجي اقول ساهمت بتطوير ريبيرث وانا متسدح ببيتنا

ماني متعمق بالإقتصاد لكن أشك أن فيه نوايا طيبة خلف بايدن لما يقترح زيادة الضرايب على الأثرياء وهو مجرد دمية
للمجمع العسكري الصناعي ، إعتقادي أن إنتقاد بايدن و قبله أوباما لنموذج trickle down economics هو مجرد تبديل
للنماذج الإقتصادية لما يحقق مصالح النخبة اللي تطوروا من ملاك شركات و ثروة الى ملاك دول

 

[cult]

انا البقشيش حقي اني اشتري الديلوكس اذا كنت اثق بالاستديو

 

[Eye]

اليوم بقشيش إختياري، بكره إلزامي وعشان تعدي تشابتر لازم تدف المطور بحفنه من الدولارات، هالنوعيات هي سبب تدعيم فكرة التهكير بين أوساط المجتمع القيمري، الهدف من الألعاب هو المتعه بالحد المعقول، لكن تستنزفني بهالشكل الوقح معليش ماخلفتك ونسيتك عشان أصرف عليك.

لو بيصير كذا كان صار اولريدي ، وش فرق عن انه ينزل لك لعبة مقسمة كل شابتر بفلوس وش يحده؟

يعني بس لما يعرف انه فيه متطوعين بيسوي ذا الحركة؟

لا ، هو عارف ان محد بيشتري لعبة مقصقصة من الاساس

ولو النموذج ذا فعال كان الشركات ما وفرته وسوته من الان

في الحقيقة سووه! تحت مسمى اشتراكات وسيزن باس ودلس ومتكس ، اذا ما خيبتني الذاكرة تيكن سوتها! حطو لك كل الشخصيات باللعبة يعني الشغل منتهي وداخل الميزانية ، واذا تبي تفتح شخصية تدفع زي الالف

 

[cult]

الان انا وانت نقدر نشتري اسهم بااي شركة العاب، فلوسنا بتروح للي باعلنا السهم فقط

هل صرنا من فريق التطوير؟ هل فلوسنا دخلت الشركة؟ ليش الشركة ملزمة تقدم مصالحنا وربحيتنا على اي شي ثاني؟

لا.. فلوسك عبارة عن حصة بالشركة

اللي باع لك السهم هو مشتريه من اخر والاخر اشتراه من اخر لين توصل لقيمة السهم اللي هي حصة تعكس أصول الشركة

 

[Naif92]

 

[Mr.Assassin19]

لو بيصير كذا كان صار اولريدي ، وش فرق عن انه ينزل لك لعبة مقسمة كل شابتر بفلوس وش يحده؟

يعني بس لما يعرف انه فيه متطوعين بيسوي ذا الحركة؟

لا ، هو عارف ان محد بيشتري لعبة مقصقصة من الاساس

ولو النموذج ذا فعال كان الشركات ما وفرته وسوته من الان

في الحقيقة سووه! تحت مسمى اشتراكات وسيزن باس ودلس ومتكس ، اذا ما خيبتني الذاكرة تيكن سوتها! حطو لك كل الشخصيات باللعبة يعني الشغل منتهي وداخل الميزانية ، واذا تبي تفتح شخصية تدفع زي الالف

أظنه ضرب مثال بوضع البقشيش في أمريكا حاليًا خارج الألعاب
بدأ كشيء اختياري وودي بينك وبين العامل في حالة قدم خدمة حلوة لكن الآن صار إجباري تقريبًا وممكن تصير مكروه وتسمع كلام ما يسرك لو ما بقششت
استغلوها الشركات في توجيه جزء من حمل أجور العاملين على الزبائن

 

[Eye]

استغلوها الشركات في توجيه جزء من حمل أجور العاملين على الزبائن

هو بسهولة يقدر يرفع عليك قيمة المنتج ويزيد اجر العامل ، الى فترة قريبة كانت المطاعم الغالية عندنا بالسعودية كذا

تتعشى ب ١٠٠ ريال ، ٢٥ منها سيرفس فيي

المسألة مو دهاء وخبث ويس قدرنا نستغل العميل ، انت تحط الكورة بملعب العميل ، تخليه هو اللي يسعر الخدمة بالشكل اللي هو يشوفه

 

[Mr.Assassin19]

هو بسهولة يقدر يرفع عليك قيمة المنتج ويزيد اجر العامل ، الى فترة قريبة كانت المطاعم الغالية عندنا بالسعودية كذا

تتعشى ب ١٠٠ ريال ، ٢٥ منها سيرفس فيي

المسألة مو دهاء وخبث ويس قدرنا نستغل العميل ، انت تحط الكورة بملعب العميل ، تخليه هو اللي يسعر الخدمة بالشكل اللي هو يشوفه

التاجر شاطر وما راح يرفع القيمة ويخاطر بعزوفك عن منتجه
منتج بـ 10 فجأة يصير 15؟ خليه لك حشوف بدائل ثانية
لكن الحركة إنهم يتركون الأسعار لكن يقدمون خاصية "البقشيش" بحيث تتفاهم أنت والموظف وهو يطلع من السالفة
ممكن الموظف ما يحصل بقشيش أو يحصل مبلغ بسيط أو يطيح له في ولد نعمة ويكرمه
نظام اكشط واربح

لكن المشكلة لما صار الموضوع إجباري مثل أمريكا لدرجة تم تضمينه في الفواتير وأنظمة الدفع تلقائيًا
يعني "متوقع منك" تبقشش مش شيء اختياري
حتى لو ما كنت ملزم قانونيًا تسويه

 

[Eye]

التاجر شاطر وما راح يرفع القيمة ويخاطر بعزوفك عن منتجه
منتج بـ 10 فجأة يصير 15؟ خليه لك حشوف بدائل ثانية
لكن الحركة إنهم يتركون الأسعار لكن يقدمون خاصية "البقشيش" بحيث تتفاهم أنت والموظف وهو يطلع من السالفة
ممكن الموظف ما يحصل بقشيش أو يحصل مبلغ بسيط أو يطيح له في ولد نعمة ويكرمه
نظام اكشط واربح

لكن المشكلة لما صار الموضوع إجباري مثل أمريكا لدرجة تم تضمينه في الفواتير وأنظمة الدفع تلقائيًا
يعني "متوقع منك" تبقشش مش شيء اختياري
حتى لو ما كنت ملزم قانونيًا تسويه

انا مش فاهم وين المشكلة حاليا فهمني الحين

انت تبي سعر المنتج نازل وراتب العامل عالي؟ والله لو انها جمعية خيرية

هي نسبة وتناسب ، رفع راتب العامل بيرتفع سعر المنتج ، نزل سعر المنتج بينزل راتب العامل

 

[MH MD]

طيب ما سألت نفسك ليه؟ ما تعتقد فيه مبرر قوي لهالسلوك؟

بس جاوبني ؛ ليش مجلس الادارة اللي ياخذ الملايين وبونس نهاية السنة؟ مع ان اللي اعرفه ان الموظفين لهم بونس من المبيعات

لأنهم هم المتحكمين ويقدروا يقرروا انهم ياخذوا النسبة الاكبر، الأمر ماله تفسير منطقي حقيقة لو تشوف قد ايش تضخم نسبتهم مقابل ثبات او حتى انخفاض لرواتب اللي تحتهم، يزيد الريدي حط امثلة والتشارتز.

Not quite

مو كل الالعاب فيها مايكروترانزاكشن ، وفلسفة المتكس اصلا هي منتج بالنهاية ، انا ما اشوفهم متساويين

بس كثير العاب فيها مايكرو الحين، حتى لو نعتبرها كمنتج، في برضو عملات تقدر تشتريها، ممكن تستفيد منها جو اللعبة او لا، نقرر اني حابب المنتج الفلاني، اشتري عملاته ب100 دولار مثلا بس ما اقرر اشتري شيء ، بس اشتريته دعم كذا، بالنهاية فايدة المايكرو تحديدا انه مافي حدود له ومش تشتريه مرة وحدة، تقدر تدفع قد ما تبغى ومتى ما بغيت، زي البقشيش

حتى لو هم الاساس ، بدون العناصر الثانية ما بيقدرون يأدون عملهم الابداعي بالصورة نفسها ، هذي النقطة اللي الكثير منكم يجهلها

ان القطع اللي تبدو لك غير مهمة ترا لها اثر جوهري ، بدون ادارة متمكنة المشروع ما راح يشوف النور ، ادارة العمل مش بالهامشية اللي تتصورها ، وش استفدنا من الطباخ الاسطوري اذا هو مو قادر يطبخ لان القدور مكسرة والسكاكين مصدية وعنده ٦٠ طلب لان النادل من دخل احد المطعم قاله تفضل

المنتج النهائي بيطلع تعبان

لذلك حرفيا اول شيء قلته هنا انه "بدون تهميش واهمال تام لأدوارهم" ، طبعا لهم دور بالنهاية وشغل متكامل، بس بالنهاية دورهم هو دعم للأساس والنواة، توفير البيئة والمكونات ليبدع الطباخ في شغله، هذي الbare minimum و اي ادارة ممكن تسويها.

لو نختصرها، لو بدلت ادارة كويسة بإدارة كويسة ثانية، وبإدارة كويسة ثالثة، بتحصل نفس النتيجة من الطباخ المبدع بنسبة كبيرة، بس لو الادارة الكويسة ذي قررت انها تبدل الطباخ المبدع ذا بطباخ ثاني او ثالث، يمكن الطباخ الثاني كويس لكن الطباخ الثالث سيء لكن لسه بنفس الادارة الجيدة ذي، بتحصل نتائج مختلفة، لأنه النواة اختلفت وأساس العمل كله اختلف.

عادي تشوف شركات قامت وطاحت بسبب انه مبدعين طلعوا منها او راحوا اماكن ثانية على الرغم من ثبات الادارة نفسها، شوف كونامي وانهيارها ابداعيا بعد ما طلع منها كوجيما، جايناكس وانهيارهم بعد ما طلع منهم شلة استوديو Trigger لو تبغى مثال كأنمي، حتى نينتندو بإدارتها العظيمة الممتازة وحرصهم الكبير بجودة منتجاتهم بشكل عام، لسه ما نفع معاهم لما نقلوا تطوير ميترويد برايم 4 لاستوديو خارجي واتعثر التطوير واتكنسل ومنها رجع التطوير لاستوديو ريترو الاصلي

مجددا انا ما انفي اهمية الادارة وباقي العناصر ككل، بس طبعا في أساس فني معين يلمس المتلقي، أساسه من الفنان والمبدع ومش من الادارة كإدارة



^كل اللي فوق مش مهم، تحت هو سبب الرد الحقيقي:

في الحقيقة سووه! تحت مسمى اشتراكات وسيزن باس ودلس ومتكس ، اذا ما خيبتني الذاكرة تيكن سوتها! حطو لك كل الشخصيات باللعبة يعني الشغل منتهي وداخل الميزانية ، واذا تبي تفتح شخصية تدفع زي الالف

اي تيكن؟ آخر لعبة فايتنج اتذكر صار فيها كذا كان Street Fighter X Tekken في 2010 مدري 2012 ، كانت الشخصيات موجودة بالقرص نفسه ومكتمل تطويرها بالكامل بدون نواقص ومع ذلك اخذوا شهور عشان ينزلوهم والناس زعلت وقتها

بحالة الفايتنج جيمز الحالية، الدعم مش أبو شهر او شهرين، بل هو يمتد سنين، تيكن 7 لو نحسبها من نسخة الاركيد فهي كانت تنزل شخصيات ومحتوى باستمرار من 2015 لحد 2021 ونسخة الكونسولز نزلت 2017، يعني بالكثير ممكن الواحد يقول انه شغل أول سنة من الدعم يكون محسوب بالميزانية ويمكن جزء من الشغل مخلص، بس فعليا الشغل يكمل سنين بعدها، حسب استقبال اللعبة ونجاحها

هذا كلامي عن الشخصيات بالتحديد، ما يشمل الديلوكس ايديشن اللي ينزل يوم اطلاق اللعبة واللي يكون فيها شوي محتوى اضافي زي شوي ملابس وألوان مختلفة، هو بس في تيكن 7 في شخصية برضو من اليوم الاول ممكن تكون مفتوحة لو عملت بري اوردر للعبة بنفس السعر، غير كذا اول شخصية فعلية بالسيزون باس نزلت بعدها كانت Geese Howard هاورد ونزلت بعد حوالي 6 شهور من اطلاق اللعبة بالكونسولز تقريبا وكان مفاجأة، لأنه هالشخصية من سلسلة ثانية تماما Fatal Fury/King of Fighters والشغل عليها كان جديد ومنفصل وما في احد اتوقع وجوده

 

[retha]

انا مش فاهم وين المشكلة حاليا فهمني الحين

انت تبي سعر المنتج نازل وراتب العامل عالي؟ والله لو انها جمعية خيرية

هي نسبة وتناسب ، رفع راتب العامل بيرتفع سعر المنتج ، نزل سعر المنتج بينزل راتب العامل

وش قاعد تخربط أنت؟ من قال سعر المنتج نازل أصلاً؟
منت شايف الأرباح؟

 

[Arashi]

ليه أنشر هذه الثقافة الغبية اللي جاية من الغرب

يكفي أنك تدفعين ثمن المنتج وتدفعين الضرائب معها وتبين تدفعين على بقشيش بعد !!

إذا تبين تعطين بقشيش على قولتك ,, عطي هلك اخوانك اخواتك , خلي عطائكم لهم وليس لغيرهم ..

أو تبرعي فيها واجعليها صدقة تنفعك في آخرتك ..

الصدقه علمها عن رب العالمين ما يحتاي نتكلم فيها هني.

والله انتوا عاد دافعين دافعين مبالغ وقدرها على ألعاب وكلام فاضي ما ينفعكم لا دنيا ولا اخره، زعلان على بقشيش تبي ترقعها بذكر الصدقه؟
لو تدفع الملايين عالخير وانت تشتري ألعاب وامور ما منها فايده تظل تتحاسب عليها، هذا له حساب والصدقه لها حساب اخر عند رب العالمين.

دام البقشيش اختياري ومافيه مضره على احد فما اجوف فيه مشكله.
اذا تبي تتكلم عن ثقافه غبيه فالالعاب نفسها مليانه ثقافات غبيه وحرام وتضيع وقت و و و و و و.... البقشيش اللي مزعلك بالنسبه لها قرصة نملة. والله يثبتنا.

وخلني انا اقدم لك نصيحه تنفعك بما انك تكلمت عن الصدقه عشان ارد الجميل (والنصح خير)، دام عندك وقت تحتج على اراء الغير فالأولى تستغل هالوقت في ذكر الله وتكسب اجر يعادل اجر الصدقه وربما اكثر (ما قاعده أسخر منك او شي اتكلم بجد وربي يهدينا جميعا).

 

[retha]

دام البقشيش اختياري ومافيه مضره على احد فما اجوف فيه مشكله.

النقطة إن البقشيش يبدأ اختياري وينتهي إجباري مثل كثير من الدول.

 

[Arashi]

النقطة إن البقشيش يبدأ اختياري وينتهي إجباري مثل كثير من الدول.

شلون مثل كثير من الدول؟ أبي مثال بليز لأن اول مره اسمع بهالشي @@

 

[retha]

شلون مثل كثير من الدول؟ أبي مثال بليز لأن اول مره اسمع بهالشي @@

أمريكا.

 

[Arashi]

أمريكا.

لا اقصد مثال عن شي كان بقشيش وصار اجباري، مطاعم مثلا او محلات...الخ
احاول استوعب الفكره

 

[retha]

لا اقصد مثال عن شي كان بقشيش وصار اجباري، مطاعم مثلا او محلات...الخ
احاول استوعب الفكره

أيوه، أذكر بعض المقاهي والمطاعم وخدمات الفنادق حتى.

 

[MH MD]

لا اقصد مثال عن شي كان بقشيش وصار اجباري، مطاعم مثلا او محلات...الخ
احاول استوعب الفكره

حتى تطبيقات التوصيل في أمريكا، اذكر شفت مقطع قريب لناس استعملوا تطبيق توصيل حق مقاضي بيت، جات عاملة التوصيل وصلت لبيتهم، طلبت البقشيش، رفضوا، هي قالت خلاص ما بعطيكم مقاضيكم برجعه السوق مالي دخل.

الوضع صار بحيث انه البقشيش ذا صار بديل عن الرواتب لأنه الرواتب نفسها تتخفض ومعتمدين بشكل اساسي على البقشيش من جيب الزبون، ففوق مقاضيك بتدفع راتب العامل

ثقافة البقشيش في امريكا مختلفة تماما عن المتعارف عليه بباقي العالم، الفكرة انه الخوف من تطبيقه بالالعاب بهالشكل بيسبب نفس المشاكل خصوصا انه الريدي في مشاكل تسريحات ورواتب وضغط في امريكا يعني

 

[Arashi]

أيوه، أذكر بعض المقاهي والمطاعم وخدمات الفنادق حتى.

اعوذ بالله، لا خلاص ما نبيها في الالعاب، الحين انا بعد ضدها وبقوه >_<

حتى تطبيقات التوصيل في أمريكا، اذكر شفت مقطع قريب لناس استعملوا تطبيق توصيل حق مقاضي بيت، جات عاملة التوصيل وصلت لبيتهم، طلبت البقشيش، رفضوا، هي قالت خلاص ما بعطيكم مقاضيكم برجعه السوق مالي دخل.

الوضع صار بحيث انه البقشيش ذا صار بديل عن الرواتب لأنه الرواتب نفسها تتخفض ومعتمدين بشكل اساسي على البقشيش من جيب الزبون، ففوق مقاضيك بتدفع راتب العامل

ثقافة البقشيش في امريكا مختلفة تماما عن المتعارف عليه بباقي العالم، الفكرة انه الخوف من تطبيقه بالالعاب بهالشكل بيسبب نفس المشاكل خصوصا انه الريدي في مشاكل تسريحات ورواتب وضغط في امريكا يعني

ايه هاذي سمعت عنها ان تصير في المطاعم والفنادق ان العاملين نفسهمز يطلبون بقشيش والا ما يخدمونك عدل، بس هاذيله افراد بكيفهم يطلبون.
لكن لو بتوصل ان اللعبه نفسها مثلا تجبرك تدفع والا.... مصيبه


-------------------------------------------------------------------------------------------


كنت افكر بس انها بتكون فكره حلوه حق مطورين العاب الاندي والاستوديوهات الصغيرة لأنهم مساكين على قد حالهم.. الشركات الكبيره ما تحتاجها.
لهالسبب في اول رد لي في الموضوع جبت طاري تطبيقات مجانية خلت الدفع اختياري كتبرع عشان يتطور ويستمر التطبيق، تطبيقات صغيرة وتحتاج دعم ونافعتنا جدا.
هو بعد الواحد ما يحب يكون طول عمره مستهلك وما ينتج او ما يساعد المنتجين بشي.. المنتجين اللي محتاج دعم ما اقصد الاستغلاليين.
الله يعين.

 

[DINO CRISIS]

كم بقشيشاً تريد؟

 

[Eye]

لأنهم هم المتحكمين ويقدروا يقرروا انهم ياخذوا النسبة الاكبر، الأمر ماله تفسير منطقي حقيقة لو تشوف قد ايش تضخم نسبتهم مقابل ثبات او حتى انخفاض لرواتب اللي تحتهم، يزيد الريدي حط امثلة والتشارتز.

مافي وراهم ناس تملك الشركة؟

امشي معي حبة حبة ، ليش لما شركة تستحوذ على شركة ثانية ما تتعدل الكفة ؟ ليش لسا الاداريين ياخذون نفس المبالغ؟

خلاص الحين السلطة انتقلت منهم ، مجرد ما تخلص عقودهم مسكهم الباب ، مافيه اي منطق تخليهم برواتبهم ذي ، جب ناس برواتب اقل

بس كثير العاب فيها مايكرو الحين، حتى لو نعتبرها كمنتج، في برضو عملات تقدر تشتريها، ممكن تستفيد منها جو اللعبة او لا، نقرر اني حابب المنتج الفلاني، اشتري عملاته ب100 دولار مثلا بس ما اقرر اشتري شيء ، بس اشتريته دعم كذا، بالنهاية فايدة المايكرو تحديدا انه مافي حدود له ومش تشتريه مرة وحدة، تقدر تدفع قد ما تبغى ومتى ما بغيت، زي البقشيش

هذي من ناحيتك يا اللاعب ، من ناحية الشركة والله منتجنا اللي هي عملات مرغوب

مافيه طريقة تعرف نية اللاعب دعم ولا رغبة شرائية

لذلك حرفيا اول شيء قلته هنا انه "بدون تهميش واهمال تام لأدوارهم" ، طبعا لهم دور بالنهاية وشغل متكامل، بس بالنهاية دورهم هو دعم للأساس والنواة، توفير البيئة والمكونات ليبدع الطباخ في شغله، هذي الbare minimum و اي ادارة ممكن تسويها.

لو نختصرها، لو بدلت ادارة كويسة بإدارة كويسة ثانية، وبإدارة كويسة ثالثة، بتحصل نفس النتيجة من الطباخ المبدع بنسبة كبيرة، بس لو الادارة الكويسة ذي قررت انها تبدل الطباخ المبدع ذا بطباخ ثاني او ثالث، يمكن الطباخ الثاني كويس لكن الطباخ الثالث سيء لكن لسه بنفس الادارة الجيدة ذي، بتحصل نتائج مختلفة، لأنه النواة اختلفت وأساس العمل كله اختلف.

انت المفترض انك تشوف مقابلات مطورين ، ليش دايم المطورين العمال يمدحون ادارتهم وتعاونهم وتفانيهم؟ هذي نقطة تفكر فيها

it goes both ways يا مهمد ، لازم الكل يكون ممتاز ولا بتنعفس الطبخة

لاحظ انك قاعد تفترض حالة الادارة الكويسة ، لكن اعكسها ، ادارة سيئة وطباخ مبدع ، النتيجة بتكون سيئة

عادي تشوف شركات قامت وطاحت بسبب انه مبدعين طلعوا منها او راحوا اماكن ثانية على الرغم من ثبات الادارة نفسها، شوف كونامي وانهيارها ابداعيا بعد ما طلع منها كوجيما، جايناكس وانهيارهم بعد ما طلع منهم شلة استوديو Trigger لو تبغى مثال كأنمي، حتى نينتندو بإدارتها العظيمة الممتازة وحرصهم الكبير بجودة منتجاتهم بشكل عام، لسه ما نفع معاهم لما نقلوا تطوير ميترويد برايم 4 لاستوديو خارجي واتعثر التطوير واتكنسل ومنها رجع التطوير لاستوديو ريترو الاصلي

عاد هذي مشكلة القيمرز ، ينسبون كل الفضل لواحد وهم ما يدرون وش جالس يسوي

وانا ما اتفق مع ذي النظرة ، بس ذا موضوع ثاني طويل عريض وكبر الفيل

اي تيكن؟ آخر لعبة فايتنج اتذكر صار فيها كذا كان Street Fighter X Tekken في 2010 مدري 2012 ، كانت الشخصيات موجودة بالقرص نفسه ومكتمل تطويرها بالكامل بدون نواقص ومع ذلك اخذوا شهور عشان ينزلوهم والناس زعلت وقتها

مدري والله الموضوع قديم وناسي التفاصيل

لكن الشاهد ان الشركة اذا تبي تلعب عليك بتلعب عليك بالتي واللتان

بحالة الفايتنج جيمز الحالية، الدعم مش أبو شهر او شهرين، بل هو يمتد سنين، تيكن 7 لو نحسبها من نسخة الاركيد فهي كانت تنزل شخصيات ومحتوى باستمرار من 2015 لحد 2021 ونسخة الكونسولز نزلت 2017، يعني بالكثير ممكن الواحد يقول انه شغل أول سنة من الدعم يكون محسوب بالميزانية ويمكن جزء من الشغل مخلص، بس فعليا الشغل يكمل سنين بعدها، حسب استقبال اللعبة ونجاحها

هذا كلامي عن الشخصيات بالتحديد، ما يشمل الديلوكس ايديشن اللي ينزل يوم اطلاق اللعبة واللي يكون فيها شوي محتوى اضافي زي شوي ملابس وألوان مختلفة، هو بس في تيكن 7 في شخصية برضو من اليوم الاول ممكن تكون مفتوحة لو عملت بري اوردر للعبة بنفس السعر، غير كذا اول شخصية فعلية بالسيزون باس نزلت بعدها كانت Geese Howard هاورد ونزلت بعد حوالي 6 شهور من اطلاق اللعبة بالكونسولز تقريبا وكان مفاجأة، لأنه هالشخصية من سلسلة ثانية تماما Fatal Fury/King of Fighters والشغل عليها كان جديد ومنفصل وما في احد اتوقع وجوده

لا تاخذها بشكل شخصي عاد انت

انا اتكلم بشكل عام ، الشركات لو تبي تحلبك بتلقى الف طريقة وطريقة ، وامورهم ماشية بارخص طرق النصب والشعب مغفل

البخشيش ماهو الشي النصوبي الجديد اللي بتحلبك فيه الشركة

وش قاعد تخربط أنت؟ من قال سعر المنتج نازل أصلاً؟
منت شايف الأرباح؟

انتي داخلة عرض يا ام الشباب

ف هل تعرفين رقم ٦؟

 

[Mr.Assassin19]

انا مش فاهم وين المشكلة حاليا فهمني الحين

انت تبي سعر المنتج نازل وراتب العامل عالي؟ والله لو انها جمعية خيرية

هي نسبة وتناسب ، رفع راتب العامل بيرتفع سعر المنتج ، نزل سعر المنتج بينزل راتب العامل

هو فيه منتج سعره نازل في وقتنا الحالي؟
كل شيء سعره عالي بسبب أو بدون بينما والرواتب ثاتبة
ولو سألنا قالوا رسوم تخزين ونقل وضرائب و و و و قبل ما يقولون لك الرواتب
لما تحقق أرباح بالملايين أو حتى المليارات على مدار السنة أو أرباعها الأربعة ما أظن رفع الرواتب فيه مشكلة وتحتاج تزيد سعر المنتج عليها
لكن الرفع والبونصات تصير للإدارة العليا إلي إجمالي الإنفاق على واحد منهم سنويًا ربما يشغل لك قسم كامل
هم نفسهم الحين عيونهم على تطورات سوق الـ AI والروبوتات بحيث أول ما يوصل مرحلة معينة يستبدلون الموظفين به

أيوه، أذكر بعض المقاهي والمطاعم وخدمات الفنادق حتى.

تقريبًا أغلب نواقذ البيع تطبق عليها هالنظام الدخيل
مش بس المقاهي والمطاعم
لي زميل هناك يقولي إن بعض الخدمات الجانبية إلي تدفع قيمتها بشكل إضافي عليها "بقشيش"
يعني مثلًا عادي الشخص يطلب روم-سيرفس إكسترا ويدفع قيمته ويطالب بالبقشيش

 

[Eye]

هو فيه منتج سعره نازل في وقتنا الحالي؟
كل شيء سعره عالي بسبب أو بدون بينما والرواتب ثاتبة
ولو سألنا قالوا رسوم تخزين ونقل وضرائب و و و و قبل ما يقولون لك الرواتب
لما تحقق أرباح بالملايين أو حتى المليارات على مدار السنة أو أرباعها الأربعة ما أظن رفع الرواتب فيه مشكلة وتحتاج تزيد سعر المنتج عليها
لكن الرفع والبونصات تصير للإدارة العليا إلي إجمالي الإنفاق على واحد منهم سنويًا ربما يشغل لك قسم كامل
هم نفسهم الحين عيونهم على تطورات سوق الـ AI والروبوتات بحيث أول ما يوصل مرحلة معينة يستبدلون الموظفين به

والله الموضوع معقد يا اساسن وفيه حواري اقتصاد تضيعك

لكن عطني رايك ، هل برأيك وضع الراتب يعتمد على الشغلة ولا لا؟

يعني شغلة تنظيف صحون ، كل احد يقدر يسويها وشغلة ما تستاهل ، هل من العدل او المنطق انك تعطي مغسل الصحون راتب ١٠ الاف اذا ارباح شركتك مليونية؟

 

[YazeedVx]

استاذ اثرائي يا يزيد تستاهل نرفع لك القبعة 🫡

لكن السؤال هنا : هل من الغلط تعظيم ربح حملة الاسهم؟ بالنهاية هم ملاك الشركة شرعا وحقاً ، كل عوائد الشركة ترجع لهم

وضع الموظف هو اجير ، يؤدي وظيفة باتفاق من الطرفين

اذا فهمت المغزى من كلامك صح ؛ انت تلمح ل أن الأحق بتعظيم الربح هو الموظف العامل

حبيبنا عين نتعلم منك

عشان نفهم هالنموذج نتكلم عن نموذج مخالف، اللي هو stakeholder theory

بدل ماتكون مسؤولية الشركة لحملة الاسهم، تكون لها مسؤولية وتصنع قيمة لكل الstakeholders لانه بدونهم الشركة ماراح تعمل اصلاً

وش الاكثر سلامة تشوف، طز بالكل ونرضي حملة الاسهم ولا لا والله احنا شركة عندنا مسؤوليات صحيح بنعظم القيمة للمستثمرين لكن مو على حساب بقية الاطراف الاساسيين بعملنا

اللي انت تطرحه يفوق معرفتي الشخصية لذلك استزيدك يا يزيد

ليش الشركات الان لازالت تتبنى هذا النظام؟
وليش تنجح هالشركات نجاحات ساحقة اذا كان مبدأهم معطوب؟

لانه نظام تشريعي، هذي هي اللعبة والساحة

لما تجي شركة بتتبنى نموذج اخلاقي ومسؤول اكثر، راح تنأكل لانها بساحة بدون تشريعات

المبدأ مو معطوب من ناحية ربح للمستثمرين يارجل سوق الاسهم مطلع ارباح كثير، لكن معطوب من كل النواحي الثانية لل stakeholders

كمثال، شركة Beoing كانت فخر امريكي هندسي وشركة قائمة على مبدأ الاتقان، لكن غيروا نموذجهم والحين صارت فضيحة وطيارات تفتقد للسلامة، ليش؟ لانه اختبارات ومعايير السلامة تقلل الربحية لحملة الاسهم


لو مهتم بوش صار تابع هالحلقة، شيء جنوني مايدخل عقل وكل همهم سعر السهم على حساب فضايح حقيقية

ليش؟ عشان يستمر تواجد منتجك ببساطة ، رؤوس الاعمال اذا شافو الدعم بيكررون التجربة ، وبالنهاية بتحصل سيكول وفي للرؤية الاصلية

انت كذا بتلغي عنصر المخاطرة واستقطاب جمهور جديد اللي الشركات جالسة تراهن عليه

كل مشروع هو مخاطرة ورمي عملات ، يا تصيب يا تخيب

اكيد لكن الدعم يكون بشراء المنتج، وصناعة الالعاب تنمو وتحقق ارباح ممتازة مو كأنها قاعدة تعاني يعني

بالاخير اول طرق الترشيد عندهم وش؟ اما شفط المستهلك او طرد العمال

ماقد سمعت بغير ايواتا اللي خفض راتبه وفلوسه عشان يوفر فلوس، البقية ياخذون ملايينهم ويطلبون منك انت والموظفين تحاسبون

مو منطق يعني، لما تنظف الدرج تبدأ من اعلى مكان فيه مو من تحت

بس هذا الواقع ، المسألة رياضية بحتة ، الاستثمار يولد الفرص ، الفرص توظف العمال ، العمال ينتجون المنتج

هل انت جزء من ذي السلسلة؟ نعم ، اذا انت مساهم

انا اعتقد ان اللبس لغوي ، انت لما تقول ساهمت بالتطوير هذي جملة تحتمل معاني عديدة ، لكن الاقرب للذهن هو انك عملت على المشروع بيديك

لكن لو اخذت العبارة بمعناها الرياضي التجريدي ف انت فعلا مساهم

اذا مزعلك الموضوع ممكن نكون دقيقية بالوصف ، انت مساهم ماديا بتطوير ريبرث

اللي ساهم هو المكتتب الاولي لان فلوسه راحت للشركة، انا سهمي شاريه من الشخص رقم مدري كم اللي ماسك السهم وولا يروح ريال مني لهم


حملة الاسهم همهم قصير المدى، ارفع السعر عشان اقدر اتخارج وطز بصحة الشركة واستمراريتها

هذا يتعارض مع المبدأ السليم والصحي للعمل

السياسة الي تكلم عنها ميلتون فريدمان و ازدهرت في عهد ريجان و ثاتشر كان لها هدف اقتصادي و هو تعظيم النمو و زيادة الرفاهية الإقتصادية. لما الشركات تركز على تعظيم الربح يعني وفرة المال ستزيد يعني البحث و التطوير سيزيد المنتجات ستتحسن و منها ستربح الشركات أكثر لتحسن منتجاتها أكثر و هكذا تدور عجلة الإقتصاد. السياسة ذي هي وصلت أمريكا للعظمة الي هي فيها اليوم. وقت الثمانينات كان الناس يعتقدون ان ممكن اليابان تسبق أمريكا اليوم أمريكا وينها و وين اليابان قفز الاقتصاد الأمريكي قفزات لا يستوعبها العقل بينما اليابان متوقف فيها النمو من نهاية الثمانينات.
السياسة ذي هي أظهرت أبل و جوجل و مايكروسوفت و غيرهم. هي سبب نشوء وادي السليكون في أمريكا بسبب توفر المال و العلم. العلم كان موجود في أمريكا من زمان لكن وفرة المال أنشأت وادي السليكون من خلال دعم شركات ال Start-up عن طريق ال Capital Ventures. هذا هو السبب الي خلى الأوروبين و اليابانيين و الصينين عاجزين عن تكرار نجاح وادي السليكون رغم محاولاتهم.
طبعا كان للسياسة سلبيات مثل ما كان لها ايجابيات و السلبيات ذكرت بعضها في ردك. و زيد عليها نقل الشركات مصانعها للصين و تايلاند و فيتنام و الفلبين و الهند بحثاً عن اليد العاملة الأرخص. و هي الي مؤثرة على شركة مثل بوينغ للطيران و مشكلة الجودة الحالية. لكن الأغلب يجادل ان السلبيات هي Side Effects ما قصدها صانعوا السياسة و أن الأمريكيين يعملون على نسخة معدلة منها.
تضخم رواتب الكبار بشكل أكبر من الصغار مو بالضرورة انها نتيجة السياسة ذي. للأسف هاذي سنة الحياة من متى الموظف يكون بغنى مديرة أو بغنى صاحب المال. هاذي طبيعة التجارة من خلق الله البشر حتى بعهد الرسول صلى الله عليه و سلم هذا هو الحال. عثمان بن عفان كان أغنى الصحابة لأنه تاجر. فهل كان من يعمل مع عثمان رضي الله عنه بغناه و لا أفقر منه؟

اكيد كل شيء له ايجابيات وسلبيات، لكن بالنهاية تصادف معه خروج الانترنت فما تقدر تنسب الفضل للسياسة بالضرورة وتنفي العيوب عنها

كان فيه طفرات حقيقية، بخصوص اليابان كان عندهم مشاكل اخرى وفقاعة انفجرت

بالنهاية النظام الامريكي هو المسيطر على العالم، والعملة هي المسيطرة، وهي متفردة بسيادة العالم

طبيعي تكون قائد اقتصادي، بالاخص انه باقي الدول ماتفضل تكون بنفس الجنون الرأسمالي الوقح عندهم

The game is rigged، يعني امريكا ماعندهم نظام صحي موحد مثل بقية العالم وعندهم من المشاكل ماعندهم، هل هذا معناه انهم صح لان ناتجهم المحلي الاعلى؟ يارجل عندهم مشكلة ناس بدون مسكن وينامون بالشارع وتنمو باازدياد

هل هذه السياسة سبب؟ لو تنظر للاحصائيات بشكل تاريخي بتشوف انه حصل بعد تطبيقها، الطبقة المتوسطة سحقت والحين الاجيال الجديدة تعتقد انه عمرها لن تتملك منزل تخيل! او انها حتى بتستطيع التقاعد وتشوفهم الان يتكلمون عن ان التقاعد يصير بعد السبعين

هذا جنون

العصر ماقبل هالسياسة يسمونه the golden age of capitalism

طبعاً ماكان من طيبة من خاطرهم، لكن كان فيه نموذج اشتراكي منافس في العالم واضطروا يقدمون تضحيات للطبقة المتوسطة وكانت النقابات العمالية في عزها

وكانت الطبقة الوسطى تعيش بحالة ممتازة والحلم الامريكي مزدهر، الحلم اللي اصبح كابوس الآن بعد التسيد

ماني متعمق بالإقتصاد لكن أشك أن فيه نوايا طيبة خلف بايدن لما يقترح زيادة الضرايب على الأثرياء وهو مجرد دمية
للمجمع العسكري الصناعي ، إعتقادي أن إنتقاد بايدن و قبله أوباما لنموذج trickle down economics هو مجرد تبديل
للنماذج الإقتصادية لما يحقق مصالح النخبة اللي تطوروا من ملاك شركات و ثروة الى ملاك دول

بغض النظر عن نواياهم، لكن الانتقاد هذا صحيح 100%

لكن لو نشوف هل هم يحاولون فعلاً تصليح الامر؟ لا، لاسباب متعدده اكيد وممكن بايدن عدل اكثر من اوباما لكن مثل ماذكرت انت، هي crony capitalism ودولة لوبيات وشركات

السياسي بالنهاية محكوم منهم ولازم يقدم مصالحهم، ولا يحلم يحصل تمويل يخليه ينتخب

كل التنازلات اللي قدموها للطبقة المتوسطة كانت مفروضة عليهم، سواء من الكساد العظيم او الحرب الباردة وغيرها

غير كذا مثل ماتفضلت، اللوبيات هي اللي تحكم

السياسي ممكن يعطيك كلام معسول وتنظير صحيح، لكن مابيعطيك حلول ولو اعطاك مابيقدر يطبقها بشكل كامل وسليم

لا.. فلوسك عبارة عن حصة بالشركة

اللي باع لك السهم هو مشتريه من اخر والاخر اشتراه من اخر لين توصل لقيمة السهم اللي هي حصة تعكس أصول الشركة

كلامي كان عن كون هالفلوس توصل للشركة

اللي اشترى مع الاكتتاب نفترض بقيمة 100 دولار، انتقل السهم بين اكثر من شخص لين اشتريته انا ب1000

الشركة مااخذت الا ال100 الاصلية، ال900 تنقلت كربح بين الملاك وبيعهم لبعض لا اكثر

 

[Mr.Assassin19]

والله الموضوع معقد يا اساسن وفيه حواري اقتصاد تضيعك

لكن عطني رايك ، هل برأيك وضع الراتب يعتمد على الشغلة ولا لا؟

يعني شغلة تنظيف صحون ، كل احد يقدر يسويها وشغلة ما تستاهل ، هل من العدل او المنطق انك تعطي مغسل الصحون راتب ١٠ الاف اذا ارباح شركتك مليونية؟

كل صنعة لها سلم رواتب متوقع سواء معلن عنه نظاميًا أو ضمنيًا داخل الصناعة
غالبًا يعتمد على الحالة الاقتصادية للدولة + مستوى الشغلة
فأي صنعة لها مدى معين ما راح تتجاوزه إلا لو انتقلت لمنصب/مسمى وظيفي أعلى
موظف > مشرف > رئيس قسم...الخ

ما قلنا لو أرباحك مليونية أعطي عامل المطبخ 10 آلاف لكن أعطيه ما يستحقه فعليًا حسب سلم رواتب هذه الصنعة
نفس الشيء عمال نوافذ البيع، مش معقولة أشوف سلسلة عالمية في أمريكا زي ماكدونالز وموظفيها يشحذون بقشيش لأن الرواتب مخزية
هنا عندك مشكلة ولا ما رميت البقشيش عذر لزيادة دخل الموظف
نفس الشيء لمطوري الألعاب
لو المطور يعمل في ظروف بشرية ويأخذ ما يستحقه فعليًا ما احتاج ينتظر من اللاعب بقشيش
نتكلم عن شركات أرباحها فلكية زي بليزارد أو سوني أو يوبيسوفت ولهم ألعاب تبيع ملايين النسخ غير أرباح مشتريات سوق اللعبة و و و و

مشكلة الأمريكان في القطاع الترفيهي بشكل عام الإسراف في الصرف خصوصًا على الحملات الدعائية والإعلانات
إعلان في سوبر-بول ويلا ادفع 15 مليون ولا حملة في يوتيوب زي ما تعمل يوبيسوفت وشف كم تكلف وغيرها
بعدين يجيك ما يقدر ينام الليل شايل هم رواتب الموظفين مسببة له قلق
بينما عندنا godzilla minus one مثال رائع للأوبتمايزيشن والمهارة في الصنعة
التكلفة الإجمالية أظن ما تجاوزت 20 - 30 مليون دولار وفاز بالأوسكار مقابل أفلام تكلف الأضعاف

 

[Ria]

يا شباب صلو على النبي

الرجال يتكلم عن التجارب الاستثنائية مو الالعاب المجنركة

اذا لعبة عطتك تجربة خيالية ومتعة ليس لها مثيل وش المانع انك تدعم المطور زيادة وتخليه يستمر في العطاء وهو عارف ان الناس تشعر بالامتنان لجهده وابداعه

عنده شركة تدفع له راتب، أنا ليش اعطيه؟