T u R k I
True Gamer
ممتازة. شكراً للبداية المملة اللي خلتني أترك اللعبة كل هالوقت :\ ما أدري ليه مطوري زيلدا إلا بالغصب يخلوا البداية مملة! حسيت إني أتغصب اللعب!
صح إن بداية توالايت برينسيس كانت مملة برضوا لكن ما أذكر أنها كانت أكثر مللاً أو خذت كل هالوقت الطويل على ما تبدأ فعلياً!
طبعاً تحملت لأني أدري إن هذي طبيعية ألعاب زيلدا وإن مع أول دنجن بتبدأ الرهابه.
طبعاً في البداية الحوارات كانت أكثر من اللعب، وكونك ما تقدر تسرّعها مثل توالايت فهذا يخلي الموضوع أكثر إزعاج صراحه!
أعتقد بعد ساعتين لعب دخلت الغابة -Forest Temple- وكانت داونجريد محترم مقارنةً بأجزاء زيلدا الماضية! غير إن المهمه المطلوبة منك كانت مملة أصلاً! يرموك في مكان واسع
ولازم تبحث عن 3 قنافذ! عموماً بعد المهمه هذي دخلت أول دنجن في اللعبة -Skyview Temple- وما استمتعت فيه كثير وتمللت في معظمه، مع إن تصميم الدنجن ما كان سيء!
هنا ما عرفت وش مشكلتي مع اللعبة بالضبط! مع إن الجيم بلاي عاجبني، لكن مو حاسس بطعم زيلدا أبداً!
بعد ما أنهيت الدنجن تركت اللعبة لفترة، وبعد مارجعت لها دخلت في الدنجن الثاني -البركان- ومن هنا بديت أحب اللعبة! الدنجن الثالث -الصحراء- أيضاً ممتاز وعبقري
وأفضل من دنجن الصحراء الموجود في توالايت برينسيس. الدنجن الرابع -المائي- عادي. الدنجن الخامس -السفينة- رهيب. الدنجن السادس -بركان- حلو برضوا.
الدنجن السابع حلو ولو إن الألغاز (التركيبات) كانت لحسه. لو برتّب الأماكن اللي أعجبتني أكثر: صحراء > براكين > غابات.
من الأشياء اللي أعجبتني في هذا الجزء، إنك تقدر تحوّل المنطقة الصحراوية إلى مزرعة بعد ما تضرب البلورة البنفسجية أو تشيل كرة التحويل وتمشي فيها معك.
الفكرة هذي استغلها الفريق بشكل عبقري وأضافت الكثير للألغاز والليفيل ديزاين.
ويعجبني في سلسلة زيلدا بشكل عام إن كل جزء بجيم بلاي وتوجه رسومي مختلف ومع ذلك السلسلة تحافظ على مستواها الممتاز! الجيم بلاي في هالجزء جداً أعجبني،
وفكرة الركض كانت إضافة موفقة. الكومبات سيستيم رهيب -مع إني ما تقبلته في البداية- وأعجبني فيه أنه مش عشوائي وأنك لازم تحدد نقطة ضعف العدو
أو تضربه مع المكان اللي ما يحمي نفسه فيه. الأدوات حلوه ولو إنها قليلة مقارنةً بتوالايت برنسيس. والآرت رهيب.. حرام هالآرت الرهيب وما فيه دنجن ثلجي واحد
أما الألحان، كان ممكن نشوف شغل أفضل من هالناحية، بعضهم مستواهم حليو ومناسبين لأجواء اللعبة، لكن معظمهم عاديين وقليلين اللي أعجبوني،
ما أذكر غير لحن واحد أعجبني بشكل كبير لكن ما عرفت أجيب اسمه.
أما بخصوص السلبيات، أنا أختلف مع بعض السلبيات اللي ذكرتوها! يعني أول شي، أشوفكم تشتكون من كون السماء فاضيه! ايش تبغوا تشوفوا فيها مثلاً؟
الشي الثاني، مهمات التجميع.. أبداً ما شفتها شي مزعج في اللعبة -باستثناء مهمه وحده في البحر- غير إنهم قليلين وما خذوا حيّز كبير من اللعبة.
بالنسبة للحشو، توقعت شي أسوء من الكلام اللي سمعته! تضايقت من مهمات القارب في ويند ويكر أكثر، وتضايقت من الحشو الموجود في توالايت برينسيس أكثر بكثير!
في توالايت برينسيس يعطيك شخص رسالة أو أداة أو شي وتضرب مشوار وتسلمها لشخص آخر وبعدها تضرب مشوار ثاني عشان شخص ثاني.. الخ. هذا اللي أعتبره حشو بحق.
في الأخير، Skyward Sword كانت مغامرة ممتعة.
9
بانتظار جزء A Link Between Worlds وجزء الـ Wii U.