hits counter

ذكريات أيام الدراسة

الرعصي

Hardcore Gamer
الصراحه ابوي ما كان يضربني بس في المدرسة المدرسين قريب يقتلوني
 

Quarrel

Gamer
المتوسطة والثانوية >>>>> الجامعة>>>>>>>>>>>>>>>>>>>>>>>>>>>>>>>>>>>>>الماجستير قبحه الله

كشفت دراسة دولية أن طلاب الماجستير والدكتوراه يعانون من معدلات الاكتئاب والتوتر أكثر بـ 6 أضعاف بالمقارنة مع الطلاب في التعليم العام، وذلك وفقا لتقرير نشرته مجلة «نيتشر» العلمية.

وأوضحت الدراسة المستندة على مشاركات 2279 طالبا في 26 دولة، أن أكثر من 40 % من المشاركين يعانون من التوتر بدرجات متفاوتة، كما أن حوالي 40 % منهم تظهر عليهم علامات الاكتئاب المتوسط إلى الشديد.
 

Arashi

فريق الأنمي
اتذكر جانا في الجامعه دكتور كوبوي من امريكا (من تكساس ووايد يشبه وودي من Toy Story) وكان اسمه Kevin
<< توني مصممه شخصية قناص كوبوي سميتها على اسمه X"D
اول يوم دخل علينا قال انه يهتم بنشاط الطالب اكثر من الامتحانات، شلون مادري، لأن الامتحانات هي اللي تحدد النجاح والرسوب @_@
فكان لما يعطينا كويز او امتحان يحط سؤال زياده ان الدرجه الكامله 120 من 100 عشان يحذف السؤال الزياده لو خطأ ونضمن علامه عاليه
so far so good
مشكلته بس يلخبط شوي في الشرح واضطر اصلح له وسط المحاضره لما اني كنت ادرس كل درس اول بأول بس عشان اتابع معاه o_O
هالشي عادة يخلي المدرس يكره الطالب.
لكن هو العكس الطالب اللي جذي يكبر في عينه.
اخر الفصل عطانا امتحان غريب، ان صيغة السؤال تبين خطأ من الاساس، طيب شلون اجاوب؟
الجواب "السؤال فيه خطأ والمفروض صيغته كذا وكذا، والحين هذا هو الجواب" واكتب الجواب، والله وتهورت لكن شاسوي الوضع ما ينسكت عنه X"D
اخر شي اكتشفه ماعطني 120 من 100 ويقول هذا الصح، نعم ياخويه؟ ايش هالخدعه الوصخه؟ وايد طالبات خبصوا وارسبوا بسبب هالشي @_@
عوض بعض الراسبات باختبار شفوي سريع ونجحهم (يمكن عشان يصحح غلطته وعالاقل ما كابر مثل غيره) ورفع معدلات طالبات ثانيات ان وصّل البعض للـA وكله تقديرا لنشاطهم طول الكورس في المحاضرات، فكان قد كلمته.
صراحه عن كذا تجربه الاساتذه الاجانب كانوا أحسن واسهل في التعامل ويقدرون جهود الطلاب اكثر، او عالاقل على وقتي لكن اللي جاو عقب تخرجي طلعوا عيون الطالبات ::whistle::


---------------------------------------------------------

سالفه ثانيه كانت في سنه رابعه من الجامعه، جابوا لنا دكتور زائر غريب الاطوار وكان يحط باله على كذا طالبه يزعجها وينكت عليها طول المحاضرات وحتى خارجها، انا كنت وحده من الضحايا مع الاسف لكن كنت اسكت وما ارد عليه واخليه يملّغ طول المحاضره لين يتملل. ولما احاول ادخل غرفة الدكاتره عشان اكلم دكتور كنت احاول اتهرب منه اني ادخل على اطراف اصابعي مثل الحراميه عشان لا يناديني اقعد عنده يسندرني بالكلام الفاضي o_O
ولأني ما عطيته ويه وتحاشيته خسس في درجتي في اول كويز عطاني D مع ان الاجابات 100% صحيحه وتطابق الاوراق اللي عطانا ندرس منها، ليش؟ يقول لأن دمي ثقيل! لا والله يا شيخ!!! o_O
جفت الوضع زاد عن حده لدرجة انه راح يقول لطالبات المجموعه الثانيه عني اني طالبته المفضله ودايما اسالف معاه، كذب كذب والبنات الحمدلله ما صدقوه لأن يدرون عني ماحب هالسوالف >_>
من القهر طلعت دفتري الرسم ذو الغلاف الاسود وقعدت ارسم قصص انا وصديقاتي نقتل فيه، كل قصه كانت تبدأ بحدث حقيقي وتنتهي بمجزره، اما قطعه بمنشار الي او نقصص أعضاء جسمه بأسلاك او نحرقه او نخليه طير ياكل عينه....باختصار كأنه Happy Tree Friends لو تعرفونه XD
بعد محاولات شاقه حذفت الماده عشان احمي معدلي لأني وصلته للامتياز ولو اني دفعت ثمن تأخير تخرجي سنه كامله لكن الكرامه غاليه Y_Y
وظليت اكمل رسم في هالدفتر وصاروا دفترين سميتهم Death Sketch Book << ذيكي الايام كنا متولعين في مانجا Death Note قبل ما ينزل الانيمي حتى XD
وبعد سنه المسكين مرض وتوفى الله يرحمه فسويت seal للدفتر، ليلحين موجود عندي بس ما ارويه لأحد لأن الرسمه وايد تشبهه >_> (اسمه مب مذكور في القصص ولا الماده لأني بغيتها مستوره anyways بس بعد ما احب ارويه لأحد).


 
أعلى