خلينا نكون واقعيين: كم واحد فينا بيشتري العاب مستعملة؟

[Dark Side]

اغلب العابي مستعملة ومستعارة من اخوي او اصحابي نادر اشتري لعبة جديدة الا اذا كانت منتظرة جدا ومتحمس لها والهايب عالي هذا فقط اللي اسويه المستعمل دايم استفيد منه اشتري ثلاث العاب مستعملة بمبلغ لعبة غير مستعملة هذي صفقة بالنسبة لي وبرضو من حقي ابيعها لانها شيء من ممتلاكاتي لي الحق اني اعطيها اخوي اصحابي ابيعها اياً كان جهاز مايعطيني حقوقي كلاعب ما احتاجه لانه بيضرني اكثر من انه بيفدني

وش الفرق بين انك تسرق اللعبة سواء عن طريق كراك او اي طريقة أخرى غير قانونية و انك تشتري مستعمل ؟ بما ان ولا دولار بيروح لجيب الناشر/المطور ؟

الفرق اني لعبت اللعبة بطريقة قانونيا واذا لعبت لعبة مكركة الشركة بتعطي جهازي باند وبكذا ما اقدر العب شيء لذلك الفرق اني العب اللعبة بطريقة قانونية بدون مايسيرلي شيء بسيطة ياخي .

 

[Classic Player]

ليش لازم ياصل له شيء؟ صنعه أو لا المنتج طلعه منه برضاه واستلم عليه مقابل

اكيد لازم يوصل له شيء ...

هل تعتقد ان المقابل .. 200 ريال الي انت دفعتها تغطي 1% من تكلفة التطوير .. لازم مجموعة ضخمة يشترون عشان يغطون تكلفة التطوير و التوزيع ...

بالنسبة لك انت كمستهلك تقول هالكلام ... انا اتكلم كجيمر .. ومجتمع الاعبين دائماً فيه تحابي بين المطورين و الاعبين ... وانا احب المطورين وادعمهم دائماً وخصوصا الاندي .. اترك ea و الشركات الشجعة .. شوف الشركات الرهيبة و الاستديوهات الرهيبة المتضررة و غير كذا شوف الشركات الي صارت تتخوف انها تنزل العاب نيو ىي بي خوفا من التكاليف الباهضة و ممكن ماتغطي الارباح ..


بالنسبة لتشبيه السيارة ... أسألوا انفسكم ... كل سيارة خرجت من المصنع تويوتا و انباعت للموزع او استلمها الموزع ... تنباع بتكلفة التصنيع والتوزيع و اقل ؟ لا طبعا كل سيارة تخرج من المصنع/الموزع فيها ربحها ... العكس مع اللعبة الي انت تشتريها بـ 200 ريال مثلاً ويكون تكلفة تطويرها +10 مليون دولار .. هذا غير الفروقات الي ذكرتها سابقاً بأن التجربة تظل مثل ماهي مع اللعبة ماتتغير القصة و الموسيقى ماتصير صوتها واطية و التمثيل الصوتي يصير اداءه اضعف بعكس السيارة الي كلما زادت المسافة الي قطعتها تصير تطلب اكثر من التصليحات و هذا غير الصيانات المستمر مثل تغيير القطع المستهلكة مثل الفحمات و الزيت و فلتر الزيت .. الخ
التشبيه غير عادل

 

[Raulioo]

نظام ننتندو هو الأفضل بنظري بالحد من المستعمل، وهو اضافة مثل كود الننتندو كلب بس تكون الـ rewards مغرية ومش كلام فاضي مثل اللي غالبا معروض @@
وقتها تلقائيا انا وكثير غيري بنهتم بالجديد وبدون قيود واجبار من الناشر بل باختيارنا الخاص..وشي ممتاز لو كانت الجوائز منتجات رقمية بما انها ما بتكلف الشركة شي لكن بتفيد المستهلك بشكل واضح وتجازيه على اهتمامه بالجديد "مثل اشتراك بلس".
اما ان الشركة تلغي خيار شراء المستعمل كليا الا بشرائهل بسعرها الكامل من جديد فهذا غباء مطلق وهي تحفر قبرها بيدها.

 

[Classic Player]

الفرق اني لعبت اللعبة بطريقة قانونيا واذا لعبت لعبة مكركة الشركة بتعطي جهازي باند وبكذا ما اقدر العب شيء لذلك الفرق اني العب اللعبة بطريقة قانونية بدون مايسيرلي شيء بسيطة ياخي .

و الأبسط من ذلك أنك تقرأ

وش الفرق بين انك تسرق اللعبة سواء عن طريق كراك او اي طريقة أخرى غير قانونية و انك تشتري مستعمل ؟ بما ان ولا دولار بيروح لجيب الناشر/المطور ؟

 

[COOL&DANGER]

وش الفرق بين انك تسرق اللعبة سواء عن طريق كراك او اي طريقة أخرى غير قانونية و انك تشتري مستعمل ؟ بما ان ولا دولار بيروح لجيب الناشر/المطور ؟

أشتري جديد او انتظر عروض ستيم في حال الأزمات

من جدك تتكلم ! يعني الان السيارات المستعملة تعتبر سرقة ! اجهزة الجوال و اللوحية والتلفاز اذا كانت مستعملة تعتبر سرقة ؟! معليش لكن تفكيرك :what:

 

[ryo hazuki]

من يورو جيمر

Update: You, the shopper, won't have to pay the activation fee for a used Xbox One game - the shop will. Therefore, the price you see on a second-hand Xbox One game in a shop is the price you'll pay to be able to play it.
That's what a high-ranking UK industry source explained to me this afternoon.

اخيرا ممكن نحط حد للاشاعات , المحل راح يدفع رسوم الالعاب المستعملة و المستهلك ماعلية غير يدفع سعر اللعبة


كلام فيل هارسون مدير اكسبوكس اوروبا خليفة مولينيكس و سابقا كان في سوني

"So, think about how you use a disc that you own of an Xbox 360 game," he began. "If I buy the disc from a store, I use that disc in my machine, I can give that disc to my son and he can play it on his 360 in his room. We both can't play at the same time, but the disc is the key to playing. I can go round to your house and give you that disc and you can play on that game as well.
"What we're doing with the digital permissions that we have for Xbox One is no different to that

كل حكاية ان المحلات الي تبيع مستعمل هيه الي راح تدفع جزء من الارباح لشركات التطوير و هذا اشوفة عدل , لكن انته كا مستخدم عادي تقدر تلعب اللعبة و تقدر تعطيها ابنك يلعبها في غرفة ثانية باستخدام جهازة ال 360

اتمنى تكون وضحت الصورة السلبية الي الكل متصورها , هدو اعصابكم مادام اشتريتو لعبة و بتعطونها لصديقكم تقدرون , الموضوع

 

[Classic Player]

من جدك تتكلم ! يعني الان السيارات المستعملة تعتبر سرقة ! اجهزة الجوال و اللوحية والتلفاز اذا كانت مستعملة تعتبر سرقة ؟! معليش لكن تفكيرك :what:

انا قلت "وش الفرق" بين انك تسرق و انك تشتري مستعمل بما ان المطور / الناشر مابيدخل جيبه شي ! وين الاتهام بالسرقة ؟

معليش لكن تفكيرك

لو انك تمتلك ذرة رجولة تكمل جملتك ... وش فيه تفكيري ؟

 

[Nasser]

^

الفرق اني اشتريته بطريقة قانونية و بـ حر مالي. وبما اني اشتريته بفلوسي فـ من باب اولى اني ابيعه بالقيمة اللي اشوفها مناسبة ، إلى جانب اني اشتري سلع مستعملة بالقيمة اللي أيضاً اراها مناسبة.

مسألة ان لازم يكون هناك " دخل إضافي " للناشر والمطور من النسخ المستعملة مرة أخرى ترى مو كذا تقاس الأمور. للسوق توجهات وحركة خاصة ..

لما يكون سعر اللعبة 60 دولار وتبيع مليونين نسخة معناها مبيعات اللعبة 120 مليون ، معناها ان ربح مراكز الريتيل من هالمبيعات حوالي 5 - 7 مليون دولار فقط. والباقي للمطور وطبعاً يغطي فيها تكلفة الأنتاج والتسويق ويطلع له بصافي ربع ( وتقريباً دبل خسارته ).

لما تجي بعدها مليون نسخة اخرى من نفس اللعبة تتداول في السوق كـ مستعمل أو كـ إعارة من لاعب للاعب ترى مو معناه ان لازم يدخل للشركة من هنا ربح. هنا المكسب يكون لمحلات التجزئة " كـ وسيط إن وجدت " او للمستهلكين انفسهم بفرض أحقيتهم لملكية هاللعبة.

نفس الكلام يصير للاجهزة الالكترونية " بما انك تشوف ان السيارة تحتاج لمبالغ بعد الشراء ولو انها اشياء رمزية كـ فحمات وغيره. " ، عندك سوق الجوالات و التابلتس مثلاً .. فيه مستعمل وماشي زي الحلاوه.

ليش ما شركة مثل سامسونق مثلاً تفرض على محلات بيع الجوال بالتجزئة انها تاخذ نسبة من مبيعات جوالاتها المستعملة ؟

موضوع ان سوق المستعمل يفتك بالأندستري ، ماهو الا " عذر جشع " لشفط المستهلك لآخر نقطة.

 

[khaled 13]

وش الفرق بين انك تسرق اللعبة سواء عن طريق كراك او اي طريقة أخرى غير قانونية و انك تشتري مستعمل ؟ بما ان ولا دولار بيروح لجيب الناشر/المطور ؟

أشتري جديد او انتظر عروض ستيم في حال الأزمات

مبروك عليك
هذي اسوأ مقارنة شفتها في حياتي خخخخخخخخخخ
حتى لو قصدك انه ولا فلس يوصل للمطور , نفس الحاله ايضا اذا شريت سيارة مستعملة ماراح يوصول شيء للصانع , تقولي تبغى تساعد إقتصاد الألعاب ؟ ايضا لعلمك شركات السيارات قاعدة تخسر بالملايين المفروض مانشتري سيارات مستعملة ونساعدهم :/

حبيبي عبد المحسن فيه وقائع لازم تعرفها
اولاً : النسخ المستعملة ماتعني انها مبيعات ضائعة ابدا . لا تتصور انه الناس اذا ماقدرت تشتري لعبة مستعملة راح تاخذها جديدة بأسعارها الخيالية
ترى نفس الحالة مع القرصنة , كرايسس الجزء الأول تهكر اكثر من 10 مليون نسخة , هل هذا يعني انه 10 مليون نسخة المفروض تكون مبيعات ؟ لول مستحيل ابد

ثانيا : المفروض السؤال الحقيقي هنا هو كم لعبة تبيعها بعد ما تشتريها جديدة , ترى منع سوق المستعمل راح يسبب في انهيار كارثي لصناعة الألعاب لأنه الناس خلاص راح تحسب الف حساب قبل تشتري لعبة جديدة بـ60 او 70 دولار اذا صحت الإشاعات , عكس قبل لما واحد يشتري لعبة مش واثق منها او ماعجبتها يبيعها على طول في اليوم الثاني ومايخسر كثير

ثالثا : ترى اقتصاد الألعاب في وضعه الحالي سببه مش المبيعات , بالعكس مبيعات الهاردوير والسوفت وير افضل من اي وقت سابق , المشكلة هنا هي تكلفة صناعة اللالعاب والإدارة السيئة لشركات الألعاب + وضع الإقتصاد العالمي والتضخم

رابعا : الناس اللي تشتري مستعمل تفيد الشركات كثير سواء في الـdlc ولا السيزون باس , ايضا فيه ناس كثيرة لما تشتري لعبة مستعملة وتعجب بها راح يشترون الأجزاء الجديدة في يومها الأول !

خامسا : لا تتوقع انه فلوسك رايحة للمطور وانما للناشر والمساهمين في الشركة , المطورين غلبانين ومايخذون غير رواتبهم سواء باعت اللعبة مليون او 20 مليون

 

[ASWD]

من يورو جيمر


اخيرا ممكن نحط حد للاشاعات , المحل راح يدفع رسوم الالعاب المستعملة و المستهلك ماعلية غير يدفع سعر اللعبة


كلام فيل هارسون مدير اكسبوكس اوروبا خليفة مولينيكس و سابقا كان في سوني


كل حكاية ان المحلات الي تبيع مستعمل هيه الي راح تدفع جزء من الارباح لشركات التطوير و هذا اشوفة عدل , لكن انته كا مستخدم عادي تقدر تلعب اللعبة و تقدر تعطيها ابنك يلعبها في غرفة ثانية باستخدام جهازة ال 360

اتمنى تكون وضحت الصورة السلبية الي الكل متصورها , هدو اعصابكم مادام اشتريتو لعبة و بتعطونها لصديقكم تقدرون , الموضوع

لا ريو الحسبة على الاكس بوكس ون انك لازم تستخدم نفس الاكاونت على شان تلعبها بجهاز ثاني يعني اذا الاب عطى ولده نسخته عشان يلعبها لازم يعطيه الاكاونت تبعه هذ تصريح احد موظفي مايكرو مني متذكر من اكان فيل نفسه او دون او نيلسون

بخصوص دفع الرسوم الشغلة ممكن يكون فيه اتفاق بين متاجر بيع المستعمل وبين شركات النشر لكن هل هذ يسري على جميع المناطق من ضمنها احنا بعد ولا بس محصور في المناطق الثلاث الرئيسية+معناه لازم يكون فيه وسيط بين البايع والمشتري فرضا تبغى تبيعها على صاحبك او تعطيها اياه ولا اخوك او قريبك وش بيكون الحل*نرجع للنقطة الاولى* تعطيه حسابك اللي شغلت عليه اللعبة؟

للحين الصورة مش واضحة ولازم تصريح رسمي يوضح آلية عمل هالمسالة تغطي كل الاحتمالات اللي ممكن تنباع فيها اللعبة بدل التصاريح المتضاربة حاليا

 

[Dark Side]

و الأبسط من ذلك أنك تقرأ

وش الفرق بين انك تسرق اللعبة سواء عن طريق كراك او اي طريقة أخرى غير قانونية و انك تشتري مستعمل ؟ بما ان ولا دولار بيروح لجيب الناشر/المطور ؟

الناشر اخذ حقه من النسخة اللي اشتريتها فمن حقي ابيعها اسوي فيها اي شيء المطور اخذ حقه :\ الفرق لو كانت مكركة من البداية فما بياخذ حقه المطور :\ بيفلس !

 

[ryo hazuki]

لا ريو الحسبة على الاكس بوكس ون انك لازم تستخدم نفس الاكاونت على شان تلعبها بجهاز ثاني يعني اذا الاب عطى ولده نسخته عشان يلعبها لازم يعطيه الاكاونت تبعه هذ تصريح احد موظفي مايكرو مني متذكر من اكان فيل نفسه او دون او نيلسون

اها , يعني ممكن يخلونا ندفع 10 دولار مثلا اذا كانت مستعملة من قبل ؟ ممكن , اه اكثر عن 10 دولار نصبة

 

[COOL&DANGER]

انا قلت "وش الفرق" بين انك تسرق و انك تشتري مستعمل بما ان المطور / الناشر مابيدخل جيبه شي ! وين الاتهام بالسرقة ؟




لو انك تمتلك ذرة رجولة تكمل جملتك ... وش فيه تفكيري ؟

تفكيرك رأس مالي بحت انظر للموضوع من جانب التشريع الاسلامي و حتى القوانين الوضعية تحارب هذا الشيء ، ما كنت ابغى ادخل هذا الجانب لكن انت اجبرتني ، بعدين الموضوع ما فيه ظلم لاي طرف لا المطور ولا الناشر كل واحد ماخذ حقة المطورين ياخذون حقهم من بيع اللعبة اول مرة بعدها مالهم دخل وش اسوي باللعبة ابيعها اكسرها استخدمها زينة ببساطة الملكية تغيرت من الطرف الاول ( الشركة ) الى الطرف الثاني ( المستهلك ) و من حق الطرف الثاني يبيعها لطرف ثالث بالتالي تنتقل الملكية لطرف الجديد وتنتهي علاقتها بالطرف السابق وهكذا ، كلامك عن الرجولة يدل على درجة تفكيرك السطحية .

 

[The Crippler]

من يورو جيمر


اخيرا ممكن نحط حد للاشاعات , المحل راح يدفع رسوم الالعاب المستعملة و المستهلك ماعلية غير يدفع سعر اللعبة


كلام فيل هارسون مدير اكسبوكس اوروبا خليفة مولينيكس و سابقا كان في سوني


كل حكاية ان المحلات الي تبيع مستعمل هيه الي راح تدفع جزء من الارباح لشركات التطوير و هذا اشوفة عدل , لكن انته كا مستخدم عادي تقدر تلعب اللعبة و تقدر تعطيها ابنك يلعبها في غرفة ثانية باستخدام جهازة ال 360

اتمنى تكون وضحت الصورة السلبية الي الكل متصورها , هدو اعصابكم مادام اشتريتو لعبة و بتعطونها لصديقكم تقدرون , الموضوع

اخاف تعكس محلات الريتيل المبلغ اللي بتدفعه على الزبون بدل ما تدفعها هي، وبالتالي بينتهي الموضوع أن الزبون هو اللي بيتحمل هذا المبلغ الاضافي

الأخ كلاسك بلاير: أحس انك فتحت على نفسك بوابة جهنم بهذا التوصيف اللي وصفته

 

[m5050]

غالبا مستعمل لانها توفر علي تقريبا نص سعر الجديده او اكثر
ومعليش انا اشتري اللعبه مو عشان ادعم المطور السبب الرئيسي عشان العب واتهنى فيها والمطور مشكلة اهله هههه بس اهم شي تكون بطريقه حلال مو سرقه

 

[Brewmaster]

اكيد لازم يوصل له شيء ...

هل تعتقد ان المقابل .. 200 ريال الي انت دفعتها تغطي 1% من تكلفة التطوير .. لازم مجموعة ضخمة يشترون عشان يغطون تكلفة التطوير و التوزيع ...

بالنسبة لك انت كمستهلك تقول هالكلام ... انا اتكلم كجيمر .. ومجتمع الاعبين دائماً فيه تحابي بين المطورين و الاعبين ... وانا احب المطورين وادعمهم دائماً وخصوصا الاندي .. اترك ea و الشركات الشجعة .. شوف الشركات الرهيبة و الاستديوهات الرهيبة المتضررة و غير كذا شوف الشركات الي صارت تتخوف انها تنزل العاب نيو ىي بي خوفا من التكاليف الباهضة و ممكن ماتغطي الارباح ..


بالنسبة لتشبيه السيارة ... أسألوا انفسكم ... كل سيارة خرجت من المصنع تويوتا و انباعت للموزع او استلمها الموزع ... تنباع بتكلفة التصنيع والتوزيع و اقل ؟ لا طبعا كل سيارة تخرج من المصنع/الموزع فيها ربحها ... العكس مع اللعبة الي انت تشتريها بـ 200 ريال مثلاً ويكون تكلفة تطويرها +10 مليون دولار .. هذا غير الفروقات الي ذكرتها سابقاً بأن التجربة تظل مثل ماهي مع اللعبة ماتتغير القصة و الموسيقى ماتصير صوتها واطية و التمثيل الصوتي يصير اداءه اضعف بعكس السيارة الي كلما زادت المسافة الي قطعتها تصير تطلب اكثر من التصليحات و هذا غير الصيانات المستمر مثل تغيير القطع المستهلكة مثل الفحمات و الزيت و فلتر الزيت .. الخ
التشبيه غير عادل

هي في النهاية بزنس ولازم في شركات تفلس وشركات تستمر وكلها في النهاية تبيع بنفس السعر، اللاعبين مفروض ما يعاقبون لسوء إدارة شركة وعدم قدرته على الإستمرار.
ما زلت عند موقفي ان بيع ممتلكاتي هي "حق" في النهاية يا أنا بأخسر أو الشركة.

 

[Gamer-89]

اش المشكلة معكم تحديداً ؟! .. ستين ألف واحد انبرش عالرجال والبعض يقوله مع تفكيرك ومع إحترامي لك وخلافه ، ترى هو طرح وجهة نظره لا أكثر ! عموماً ، الحين لو المطور أصدر لعبة وباعت مليون نسخة وبعد اسبوع المليون نسخة هاذي انباعت مرة ثانية على مليون شخص وبالشهر الثاني انباعت على مليون وكذا مرة على مليون وخلونا نقول وصلت لأربعة مليون ، اربعة مليون شخص لعبوا اللعبة كاملة وانهوها من خلال مليون نسخة ، بمعنى كل شخص منهم دفع 15 دولار لكل نسخة ، المطور هنا خسر 45 دولار لكل نسخة بيعت ، كلام عبدالمحسن عن السيارات سليم من ناحية التفاصيل كون السلعتين مختلفة ، لكن من ناحية حقوق فالإثنين نفس الشي ، الفرق إن اللعبة تنلعب وتنهى في يومين أو ثلاثة وتنباع على طول بينما السيارة تجلس مع الشخص خمس لعشر سنين ، سوق المستعمل بالسيارات ما راح يأثر على بيع الجديد وبالتالي راح تستمر الصناعة ، لكن بالجيمز ؟ راح تشكل مشكلة .

برأيي الحل الأفضل لكل المشاكل هاذي ( الأسعار والمستعمل والرخص والمنسوخ ) هي فكرة كوجيما بتحويل الجيمز لحلقات ، حل كفيل بتغيير الصناعة وفتح أبواب كثيرة ما كانت ممكن تنفتح .

 

[FANTASTIC DREAM]

مستعمل في الأغلب , جديده اللي اشتريها في الداي ون

 

[Nasser]

اش المشكلة معكم تحديداً ؟! .. ستين ألف واحد انبرش عالرجال والبعض يقوله مع تفكيرك ومع إحترامي لك وخلافه ، ترى هو طرح وجهة نظره لا أكثر ! عموماً ، الحين لو المطور أصدر لعبة وباعت مليون نسخة وبعد اسبوع المليون نسخة هاذي انباعت مرة ثانية على مليون شخص وبالشهر الثاني انباعت على مليون وكذا مرة على مليون وخلونا نقول وصلت لأربعة مليون ، اربعة مليون شخص لعبوا اللعبة كاملة وانهوها من خلال مليون نسخة ، بمعنى كل شخص منهم دفع 15 دولار لكل نسخة ، المطور هنا خسر 45 دولار لكل نسخة بيعت ، كلام عبدالمحسن عن السيارات سليم من ناحية التفاصيل كون السلعتين مختلفة ، لكن من ناحية حقوق فالإثنين نفس الشي ، الفرق إن اللعبة تنلعب وتنهى في يومين أو ثلاثة وتنباع على طول بينما السيارة تجلس مع الشخص خمس لعشر سنين ، سوق المستعمل بالسيارات ما راح يأثر على بيع الجديد وبالتالي راح تستمر الصناعة ، لكن بالجيمز ؟ راح تشكل مشكلة .

برأيي الحل الأفضل لكل المشاكل هاذي ( الأسعار والمستعمل والرخص والمنسوخ ) هي فكرة كوجيما بتحويل الجيمز لحلقات ، حل كفيل بتغيير الصناعة وفتح أبواب كثيرة ما كانت ممكن تنفتح .

المطور خسر 45 دولار ؟

حبيبي ، لو ما انباعت اللعبة بـ 15 دولار كلعبة مستعملة كان ما انباعت 4 مليون نسخة من المليون نسخة اللي تتكلم عنها في مثالك.

بفرض لو كان المستعمل ممنوع ومافي الا جديد وكل لعبة بـ 60$ واللي مو كل السوق عنده القدرة يشتري بهالمبلغ .. خلينا نقول الشركة بتبيع مليون وكسور فقط

 

[Gamer-89]

المطور خسر 45 دولار ؟

حبيبي ، لو ما انباعت اللعبة بـ 15 دولار كلعبة مستعملة كان ما انباعت 4 مليون نسخة من المليون نسخة اللي تتكلم عنها في مثالك.

بفرض لو كان المستعمل ممنوع ومافي الا جديد وكل لعبة بـ 60$ واللي مو كل السوق عنده القدرة يشتري بهالمبلغ .. خلينا نقول الشركة بتبيع مليون وكسور فقط

بالضبط ، وهذا الكلام اللي ذكرته بردي الأول حول إن الناشرين يحسبون اللي يشترون مستعمل راح يشترون جديد لو مافي مستعمل والحقيقة إن هالشي ما اشوفه صحيح ، ممكن تزيد المبيعات شوية لكن أعتقد المستعمل يشتريه الغير مقتدر أو اللي شاف اللعبة بسعر منخفض وقال فرصة وهو حتى ما فكر باللعبة من قبل . حبيت فقط أعرض طريقة تفكير المؤيدين لنظرية إن المستعمل يسبب خساير للصناعة .

 

[hussien-11]

Merchandise ؟ سلع ؟ قصدك الفيجرز والخرابيط ذي ؟ هذي تعتبرها دخل للمطور ؟ وخصوصا للمطورين الي العابهم اصلا ماينتجون لها ذي الخرابيط ..

اعادة بيع الالعاب عبر الشبكة ... يعني ماتبيهم يبيعون لعبتهم او تبي تاخذها ببلاش عشانها قديمة :/ ؟ اكيد بروج للعبتي لآخر يوم في حياتي وبحاول أربح منها ... اجل اوزعها مجاناً

طبعاً دخل يا عبد المحسن ! روح اقرأ التقارير المالية الأخيرة لسكوير إينكس، هذا البزنس الوحيد عندهم الي ما تضرر أساسا و يعتبروه واحد من أعمدة الدخل الثلاثة للشركة بجانب ألعاب الباكج و الألعاب الرقمية و الأونلاين
وبعدين أنا طلبت يوزعوها مجانا ؟ انت سألت عن طرق الربح و أنا بينت لك انه المطور عنده ترليون طريقة يربح منها

مين قال انه شغلك ؟

انت
مش سؤالك كان : ما تبي الشركات تستفيد بكل دولار ؟
جوابي هو : ليش أهتم ؟ اللعبة الي أنا اشتريتها اذا كانت مستعملة فهذا يعني بأن الشركة already قبضت حقها، ما فيه قانون في الحياة يقول انه الشركة لازم تقبض ثمن السلعة 10 مرات

سواء ميته او لا ، التارقيت كان واضح للشركة ، سكوير انيكس و غيرها ، واضطروا يسرحون في الموظفين ، وغير سكوير انيكس استديوهات كثيرة قفلت عشان العابهم ماباعت بشكل مطلوب ، ماتتوقع ان المستعمل له دور في هالشيء !؟
اذا الرجال يقولك فيه مليون نسخة من 3 مليون هي مستعملة ... عدد مهول يارجل

خلي الشركة تسأل نفسها ليش فيه مليون شخص ينتظروا اللعبة و يشتروها مستعملة بدال جديدة ؟ خلها تحاول تحل الإشكالية بشكل يحفز الناس تشتري الألعاب وتقتنيها غير اني أشوف خلل في طريقة البيع للمتاجر، شركات النشر تجبر محلات الألعاب تاخذ كميات كبيرة من الألعاب، و بعدين تخسف بالسعر علشان تنظف البضاعة ! هذي مشكلة، زمان سعر الألعاب ما كان ينخفض إلا بعد فترة طويلة و هذا الصح ( ألعاب ننتندو مثلا لحد الان سعرها دائما مرتفع و ما تخفضه بسهولة، لأنه الشركة تتعامل بسياسة مختلفة مع المتاجر )
وبعدين فيه ناس ما تقدر تشتري اللعبة جديدة من الأساس

انا اعرف 4 منصات اكس بوكس و بلايستيشن و وي يو و بي سي ... زي تومب رايدر صدرت عليهم ..

طيب، زمان كانت اللعبة تصدر على منصة أو 2 بالكثير
الان عندك 3 أجهزة كونسول و PC و 2 أجهزة محمولة و هواتف ذكية و تابلت بأنظمة متعددة

كيف ؟ سكايرم كل الدعايات و الاعلانات الي عملتها ضربتها عرض الحائط ؟ و الايف-اكشن تريلر هذا

أنا أتكلم عن طريقة تصنيع اللعبة، ما فيها موشن كابتشر واحد حتى، تكلفتها مثل تكلفة أي لعبة أخرى لكنها تهتم بالشيء الي يهم اللاعبين حقاً، المحتوى و الجودة
هذا نموذج أحسن للألعاب من كامبين أبو 10 ساعات أكثر من نصه عروض زي ماكس بين3

ما أدري انت الي فهمته من كلامي اني ابغى امنعك من هذا الحق ؟ انا اتفق معك 100% اخوي حسين لكن الي اختلف فيه ان الفلوس ماتوصل للمطور بل انها تدخل جيوب المحلات الي في الحقيقة حنا مانستفيد منها بشيء نهائياً !! اقصد فلوس المستعمل

الحق في فلوس المستعمل تعود لمالك البضاعة
مالك البضاعة هو المحل لأنه اشترى اللعبة مني، يحق له يبيع اللعبة بفلوس
الشركة أولريدي قبضت فلوس اللعبة، حقها و أخذته

صديقي الواحد منا عم يحاول يدافع عن صناعة الألعاب، لو ما عم نشوف استديوهات عم تسكر وتفلس، كنا وقتها ما حنختلف ..

اذا بتحاول تدافع عن صناعة الألعاب فعلا يا غالي، لا تشجع سلوك انتهازي من الشركات
لا تشجع طمع و استغلال الشركات، دافع عن حقوقك كمستهلك، الشركات تدفع ثمن الغباء و التخلف الإداري الي عندها، و هالخطوة الغبية رح تزيد الطين بلة و بتخلي الناس selective فوق ما هم حذرين حاليا باللي يشتروه
وبالنهاية سنة الحياة هي الربح و الخسارة ما فيه شيء يضمن الربح لأي شركة في الحياة

بالواقع انك عم تشتري الرخصة مو اللعبة، هي حقيقة، متل لما تشتري نسخة ويندوز انت عم تشتري رخصة وليس نظام تشغيل الويندوز اللي سعر السورس كود تبعه مليارات
هﻷ السؤال هل من حقك تبع الرخصة تبعك؟ الواقع الحالي ما بيسمح، اتطلع على الالعاب او السوفتوير الديجتال، بس لتشتريه ما فيك ترجع تبيعه. نفس النقطة هون.

لا أبداً، بل يحق لي أبيعها كما أشاء، الشرع والقانون و كل شيء إنساني في الحياة يعطيني هذا الحق
والمحاكم الأوروبية على فكرة جرجرت فالف و غيرها وأجبرتهم على سياسات تضمن حقوق تبادل أو ما شابه حتى بالألعاب الرقمية

 

[Sultan/X]

انا ما اخذ االا الالعاب للي ابيهم 100% واخذها اول ما تصدر لن نادر للي ابيه وغالبا اخذها جديده ماعندي صبر حتى الاقيها مستعمله مع ان يمكن لو ترجع بعد يومين بتلاقي الاسواق غرقانه بالنسخ المستعمله , لكن انا جالس اتكلم عن اللعاب الـ PS3 وانشالله بالمستقبل مع PS4 , الاكس 1 لما يتهكر بيصير يشغل مستعمل كيف مدري بيدبروا له طريقه الهكر ذولا

 

[Primal]

وش الفرق بين انك تسرق اللعبة سواء عن طريق كراك او اي طريقة أخرى غير قانونية و انك تشتري مستعمل ؟ بما ان ولا دولار بيروح لجيب الناشر/المطور ؟

أشتري جديد او انتظر عروض ستيم في حال الأزمات

+1
المستعمل يضر المطور والاستديو
كفريق تطوير لعبة يشتغل عليها من سنة-سنتين وفي الاخير ما يطلع منها بشىء مرضي على الاقل
عشان كذا ea تصدر اجزاء جديدة لسلاسلها بشكل دوري لانها تدخل عليهم ارباح بسبب الاونلاين باس
محد بيدخل بيستمر في سلسلة ما لها جمهور او ما حققت حتى ادنى التوقعات

 

[Fatani Heart]

شركة طورت لعبة "مكسورة" بـ ريالين.
جيت أنا حزنت عليها واشتريت "جميع" النسخ من اللعبة "المكسورة" بـ ريالين للنسخة.
الشركة اخذت حقها في اللي طورته.

جيت أنا ببيع النسخ بـ ريال.
جا أخويه/قريبي/صاحبي/أبويه/أمي/جدتي بيشتروها مني بـ ريال.
بس أنا اهديتهم ببلاش.

هل يعتبر سرقة لو أسلوبهم مُطبق وقتها؟
=================
لعبة اكس ون جديدة اشتريته من المحل رجعت البيت شغلته بحسابي وعجبني لحظتها.
قلت اعطيها لأخوية/جارنا يجربه بس ما قدر يشغلها إلا بمبلغ مالي.

سألني أخوية اللي ساكن في غرفة في نفس البيت أنت ما دفعت للعبة فلوسك كاملة، طيب ليش ما تشتغل عندي؟ ما عرفت أرد.

رحت زرت جارنا اللي ساكن بعد خطوة من منزلي وجبت معاي شريط + جهاز الاكس ون بكبره...
جارنا طيب ليش أنا عندي الجهاز؟ أنا لا بس عشان تقدر تشغل اللعبة.
=================
رحنا مكتبة واخذنا كم كتاب مستعمل أو للاستئجار...
بس جاني حزن وكآبة وأنا اقرا كتاب عظيم بدون ما يدخل فلوس في جيب كاتبه مني.

# بعدها اهديته لواحد بس اصدروا قانون بعده أنه ما يقدر يقراه إلا برخصة مدفوعة للكاتب. طبعاً أنا بعدها رميت الكتاب في الزبالة.
# بعدها رجعت الكتاب للمكتبة بس اصدروا قانون بعده أنه ما يقدروا القراء يقرؤه إلا برخصة مدفوعة للكاتب. طبعاً المكتب قفلت.
==================
مستهلك: في لعبة رهيبة اليوم شفتها عند واحد مستعملة بيبعها.
مهلوس: بس صعبة ياخي ما اقدر العبها لازم اوصل فلوسي للشركة الأول.
مستهلك: ليش؟ منتا ملزم توصل لهم شيء العبها عندي في جهازي.
مهلوس: لا لا ما اقدر حتى لو بجهازك أنا اخاف على شركتي تفلس.
مستهلك: لول.
صرنا نخاف على شركة أكثر مما نستمتع باللعبة.
===================
اعتزلت الجيمنج من زمان وقلت اعطي ألعابي لأخوية/أقاربي الصغار اللي ما عندهم قروش.
بس المشكلة جهازي صار له خلل واتخرب والحساب راح من زمان وناسيه.

طبعاً عشان يشغلوا الألعاب بوزع فلوسي "من جديد" وادفع لكل شركة حقها عشان تشتغل في الجهاز/الحساب الجديد
وبشوف كم بيطلع لي. ممكن أغلى من سعر الجهاز نفسه.
===================
سافرت عند قريبي الصغير اللي ما عنده حاجة ترفيهية لا انترنت ولا يحزنون.
طبعاً جبت الاكس ون وقعدنا أيام والجهاز مركون على جنب لازم له اتصال.

انتقلت مضطر لغرفة مافيها نت (عزبة) طبعاً جبت الجهازالترفيهي ذا اللي ما حستفيد منه لأنه ما عندي اتصال انترنت.

وبعد معاناة وفرت انترنت بس المفاجأة...
أني جبت اكس ون تبع اخوي اللي العابه مختلفة تماماً عن ألعابي وطبعاً ما لعبنا شيء والجهاز اترفع في الشنطة.
===================
فتحت مسرح منزلي في بيتي فيه كل الاجهزة ومن ضمنهم الاكس ون وأشرطته.
خليت الفرد الواحد اللي يلعب لعبة الاكس ون يدفع قيمة رمزية.
سألوني ليش "الوقاحة" و"الجشع" ذا؟!! بتجمع فلوس من لعبنا في جيبك؟!!

رديت عليهم وبكل "بلاهة" لا برسلها للمطورين اللي امتعوكم في "منزلي" ولعبتي" وجهازي".
===================
الفرق بين الهكر والمستعمل.
الهكر ما اندفع شيء للمطور قيمته. وهو شغال على شيء ديجتال.
المستعمل قيد اندفع للمطور قيمته.
وليش سموه مستعمل؟ لأنها نسخة ملموسة واتلمست من الخارج واستعملت مراراً وتكراراً.
الرخصة تعتبر ديجتال. الـDLC تعتبر ديجتال = جديدة دائماً وما تلمس.

دحين المطور بوضعه للرخصة صارت النسخة ما تفرق على العاب الديجتال المربوطة بحسابك.
اشبه بألعاب الـPC اللي تشتريها نسخ ملموسة عشان تثبتها وترمي علبتها.

طيب نحن ليش نتجه للنسخ الملموسة قبل؟ كان لها مميزات كثيرة.
الآن ذهبت جميع ذي المميزات بوجود الرخصة اللي حولتها بشكل غير مباشر لنسخ ديجتال.

معادلة سهلة.

إذا اللاعبين يبغوا يشتروا جديد/مستعمل/يستعيروا/يسرقوا لعبة من أحد براحتهم ومن حقهم.
هم هدفهم واحد يستمتعوا باللي في يدهم، مو يكسبوا المطور بفلوسهم.

هي حاجة من اثنين
# يا أنت تفلس من وراء شركات الألعاب "المسكينة" ذي اللي ما تعرف تشيل نفسها إلا بالجشع والنصب.
# يا هم يفلسوا لأنك ما "دعمتهم" والدعم ذا ما يجي إلا بقرارك وقناعتك ورأيك اللي ما بيعطوه وجه، ويتلخص دعمك في "فلوسك" فقط.

كل مرة اتفاجأ بقيود أكثر وأكثر...
بدأنا بالتخازين المحفوظة لك فقط، للعبة ناقصة DLC مهم، لباس كود، للعبة ما تتقدر تتحكم فيها براحتك، لانترنت دائم للتحقق.
أحياناً اتمنى ما اعرف ذي الأشياء عشان لا اتعب راسي.

 

[Classic Player]

مبروك عليك
هذي اسوأ مقارنة شفتها في حياتي خخخخخخخخخخ

عزيزي خالد بداية ردك الساخر و الاستهزائي ماكان لها اي داعي كنت تقدر تناقشني بأسلوب أفضل .. وانا أعرفك انسان راقي و محترم

حتى لو قصدك انه ولا فلس يوصل للمطور , نفس الحاله ايضا اذا شريت سيارة مستعملة ماراح يوصول شيء للصانع , تقولي تبغى تساعد إقتصاد الألعاب ؟ ايضا لعلمك شركات السيارات قاعدة تخسر بالملايين المفروض مانشتري سيارات مستعملة ونساعدهم :/

هذي رابع مرة واحد يقارن صناعة الالعاب بصناعة السيارات و ارد عليه ..

وراح اقتبس لك الرد

بالنسبة لتشبيه السيارة ... أسألوا انفسكم ... كل سيارة خرجت من المصنع تويوتا و انباعت للموزع او استلمها الموزع ... تنباع بتكلفة التصنيع والتوزيع و اقل ؟ لا طبعا كل سيارة تخرج من المصنع/الموزع فيها ربحها ... العكس مع اللعبة الي انت تشتريها بـ 200 ريال مثلاً ويكون تكلفة تطويرها +10 مليون دولار .. هذا غير الفروقات الي ذكرتها سابقاً بأن التجربة تظل مثل ماهي مع اللعبة ماتتغير القصة و الموسيقى ماتصير صوتها واطية و التمثيل الصوتي يصير اداءه اضعف بعكس السيارة الي كلما زادت المسافة الي قطعتها تصير تطلب اكثر من التصليحات و هذا غير الصيانات المستمر مثل تغيير القطع المستهلكة مثل الفحمات و الزيت و فلتر الزيت .. الخ
التشبيه غير عادل

الناشر اخذ حقه من النسخة اللي اشتريتها فمن حقي ابيعها اسوي فيها اي شيء المطور اخذ حقه :\ الفرق لو كانت مكركة من البداية فما بياخذ حقه المطور :\ بيفلس !

طيب بيعها و أشتريها مرة ثانية أنا منعتك من هالشيء ؟ انا سؤالي كان ايش الفرق فقط مامنعتك او ضد بيع المستعمل ...

تفكيرك رأس مالي بحت انظر للموضوع من جانب التشريع الاسلامي و حتى القوانين الوضعية تحارب هذا الشيء ، ما كنت ابغى ادخل هذا الجانب لكن انت اجبرتني ، بعدين الموضوع ما فيه ظلم لاي طرف لا المطور ولا الناشر كل واحد ماخذ حقة المطورين ياخذون حقهم من بيع اللعبة اول مرة بعدها مالهم دخل وش اسوي باللعبة ابيعها اكسرها استخدمها زينة ببساطة الملكية تغيرت من الطرف الاول ( الشركة ) الى الطرف الثاني ( المستهلك ) و من حق الطرف الثاني يبيعها لطرف ثالث بالتالي تنتقل الملكية لطرف الجديد وتنتهي علاقتها بالطرف السابق وهكذا

تفكيري رأس مالي ؟ تحارب ايش ؟ انت فاهم اصلاً النقطة الي كنت اتكلم عنها ؟ متى قلت ممنوع بيع المستعمل ؟ او منعت هالشيء ؟
غريب وضعك تألف كلام عشان تثبت ان تفكيري رأس مالي
كلامي واضح اني ابغى فلوس المستعمل تكون للمطور بدل من المحلات الي تاخذ فلوس المستعمل وهي مرتاحة على جنبها

تفكيرك السطحية .

تفكيري سطحي ؟ صدق المثل القائل كل يرى الناس بعين طبعه ... واثبت لي هالمثل من ردك الاول

طبعاً دخل يا عبد المحسن ! روح اقرأ التقارير المالية الأخيرة لسكوير إينكس، هذا البزنس الوحيد عندهم الي ما تضرر أساسا و يعتبروه واحد من أعمدة الدخل الثلاثة للشركة بجانب ألعاب الباكج و الألعاب الرقمية و الأونلاين
وبعدين أنا طلبت يوزعوها مجانا ؟ انت سألت عن طرق الربح و أنا بينت لك انه المطور عنده ترليون طريقة يربح منها

هل انت تعتبرها دخل رئيسي للمطورين ؟ كم مطور يصنع فيجرز ومناشف ومدري ايش لألعابه ؟ هل هي دخل رئيسي في الاندستري لغالب المطورين ؟ سكوير انيكس تستفيد منه و كم شركة اخرى و لكن الغالبية العظمى والي من ضمنهم مطورين اقفلوا ابوابهم ماعندهم هالشغلات

طيب هذي طريقة الربح الرئيسي وهي بيع الالعاب سواء ديجتال ولا فيزكل ... ماجبت شيء جديد

خلي الشركة تسأل نفسها ليش فيه مليون شخص ينتظروا اللعبة و يشتروها مستعملة بدال جديدة ؟ خلها تحاول تحل الإشكالية بشكل يحفز الناس تشتري الألعاب وتقتنيها غير اني أشوف خلل في طريقة البيع للمتاجر، شركات النشر تجبر محلات الألعاب تاخذ كميات كبيرة من الألعاب، و بعدين تخسف بالسعر علشان تنظف البضاعة ! هذي مشكلة، زمان سعر الألعاب ما كان ينخفض إلا بعد فترة طويلة و هذا الصح ( ألعاب ننتندو مثلا لحد الان سعرها دائما مرتفع و ما تخفضه بسهولة، لأنه الشركة تتعامل بسياسة مختلفة مع المتاجر )
وبعدين فيه ناس ما تقدر تشتري اللعبة جديدة من الأساس

سؤالك في البداية انت جاوبت عليه في نهاية ردك ان في ناس ماتقدر تشتري اللعبة جديدة ، صحيح كلامك ، الفيديو جيمز تعتبر هواية و ايضاً القولف تعتبر هواية للبعض ولكن مايقدر على تكاليفها اي شخص ، كمل كلامي الي بقوله الآن ... انا مابمنعك من المستعمل ولا ضد المستعمل ولكن لازم يكون تحت ضوابط ... ايش هي الضوابط ما بقعد أألف و أدور .. ولكن من ضمنها ان المطور لازم يستفيد منها

أنا أتكلم عن طريقة تصنيع اللعبة، ما فيها موشن كابتشر واحد حتى، تكلفتها مثل تكلفة أي لعبة أخرى لكنها تهتم بالشيء الي يهم اللاعبين حقاً، المحتوى و الجودة
هذا نموذج أحسن للألعاب من كامبين أبو 10 ساعات أكثر من نصه عروض زي ماكس بين3

حسين انت كنت تتكلم عن الايف اكشن تريلر و تكلفته الضخمة و الآن خليتها طريقة التصنيع ومافيها موشن كابتشر واحد ...

الحق في فلوس المستعمل تعود لمالك البضاعة
مالك البضاعة هو المحل لأنه اشترى اللعبة مني، يحق له يبيع اللعبة بفلوس
الشركة أولريدي قبضت فلوس اللعبة، حقها و أخذته

البضاعة نعم لكن الحقوق محفوظة للمطور .. و المحلات هم المستفيد الاكبر في هذه الحالة ياخذون من الناشر مجموعة بسيطة و يشتغلون عليها مستعمل ... والناشر او المطور يطلع بلوشي
في رأيي لازم يكون في قانون يحفظ حقوق المطور و الموزع ... لكل منهم نسبة في بيع المستعمل ...

طيب برأيك لو الافلام فقط على دي في دي ... هل تتوقع تغطي تكاليف الانتاج ؟ مستحيل هالشيء وخصوصاً مع المستعمل ... مافي امل تستمر هوليود وغيرها ... لكن شباك التذاكر العالمي يعتبر دخلها الرئيسي اما الدي في دي و عرضها على القنوات تعتبر داخل ثانوي ...

 

[Mute City]

بالفعل في العاب لو إني ما احصلها مستعمله كان اصلا ما جربتها وحبيتها وأخذت الدي إل سي حقها
انا مو ضد الستريت باس لو إنه يضمن للشركه جزء من حقها لكن مو نهب وسرقه , الشركات سرقتنا من بداية الجيل وهي تنزلك لعبه ناقصه
والبعض وصل لبجاحة إنه ينزلك النهاية دي إل سي , ديد سبيس 3 , لورد اوف شادو

ومهما حاولت الشركه تتذاكى وتسوي حركتها الجشعه هذي , الناس راح تتحايل بكل بساطه وهالشي موجود
بحيث إنه الاخ يفتح اكاونت جديد لكل لعبه ولما يخلصها يبيعه مع اللعبه , الشي هذا حاصل ايام الستور

صاحبي كان يشتري اللعبه ويبيعها على اربعه اشخاص ويكون كذا لعب اللعبه مجانا

 

[khaled 13]

عزيزي خالد بداية ردك الساخر و الاستهزائي ماكان لها اي داعي كنت تقدر تناقشني بأسلوب أفضل .. وانا أعرفك انسان راقي و محترم



هذي رابع مرة واحد يقارن صناعة الالعاب بصناعة السيارات و ارد عليه ..

وراح اقتبس لك الرد

بالنسبة لتشبيه السيارة ... أسألوا انفسكم ... كل سيارة خرجت من المصنع تويوتا و انباعت للموزع او استلمها الموزع ... تنباع بتكلفة التصنيع والتوزيع و اقل ؟ لا طبعا كل سيارة تخرج من المصنع/الموزع فيها ربحها ... العكس مع اللعبة الي انت تشتريها بـ 200 ريال مثلاً ويكون تكلفة تطويرها +10 مليون دولار .. هذا غير الفروقات الي ذكرتها سابقاً بأن التجربة تظل مثل ماهي مع اللعبة ماتتغير القصة و الموسيقى ماتصير صوتها واطية و التمثيل الصوتي يصير اداءه اضعف بعكس السيارة الي كلما زادت المسافة الي قطعتها تصير تطلب اكثر من التصليحات و هذا غير الصيانات المستمر مثل تغيير القطع المستهلكة مثل الفحمات و الزيت و فلتر الزيت .. الخ
التشبيه غير عادل

معليش عبد المحسن لكن المره الجاية احسن الإختيار في المقارنه وماراح يجيك الكلام والهجوم من الأعضاء , تراك شبهت شراء مستعمل بسرقه , فرق السماء والارض حتى لو كان قصدك شيء ثاني

وبعدين مابغى اكمل في مقارنة السيارات لكن كلامك غير صحيح , شركات السيارات تدفع اموال كبيرة في تطوير وصنع سيارة من موديل واحد , يعني لو الشركة باعت 100 سيارة فقط يمكن تخسر ملايين او مليارات حتى
ترى المصنع مكلف جدا وتجميع المعادن وهندستها كذلك , هذا غير البحوث والإختبارات اللي يعملونها لكل موديل خصوصا من ناحية السلامة ولا تنسى طبعا الموظفين ورواتبهم وغيره الكثير والكثير


وياليت ترد على الوقائع اللي ذكرتها

 

[hussien-11]

هل انت تعتبرها دخل رئيسي للمطورين ؟ كم مطور يصنع فيجرز ومناشف ومدري ايش لألعابه ؟ هل هي دخل رئيسي في الاندستري لغالب المطورين ؟ سكوير انيكس تستفيد منه و كم شركة اخرى و لكن الغالبية العظمى والي من ضمنهم مطورين اقفلوا ابوابهم ماعندهم هالشغلات

طيب هذي طريقة الربح الرئيسي وهي بيع الالعاب سواء ديجتال ولا فيزكل ... ماجبت شيء جديد

بالنسبة لسكوير دخل رئيسي، كونامي و سيجا سامي و نامكو يسترزقوا أيضاً من ماكينات الباشينكو و الأركيد وعندهم مصادر دخل كثيرة ثانية
طول عمره بيظل فيه شركات تخسر و تقفل أبوابها سواء الآن أو بعد 100 سنة و في أي قطاع في الحياة، هذا أمر طبيعي
أما بخصوص بيع الألعاب، طيب أنا أقول منصات البيع توسعت و طرق البيع توسعت ومع ذلك لسه تشوف شركات تخسر لأنها ضخمت شغلها بطريقة غبية جدا و صارت تتبع بزنس موديل سيء
و الدليل انه فيه شركات لسه تربح و تربح ملايين كمان ليش ؟ لأنه فيه طرق تصنع فيها ألعاب مربحة جدا

سؤالك في البداية انت جاوبت عليه في نهاية ردك ان في ناس ماتقدر تشتري اللعبة جديدة ، صحيح كلامك ، الفيديو جيمز تعتبر هواية و ايضاً القولف تعتبر هواية للبعض ولكن مايقدر على تكاليفها اي شخص ، كمل كلامي الي بقوله الآن ... انا مابمنعك من المستعمل ولا ضد المستعمل ولكن لازم يكون تحت ضوابط ... ايش هي الضوابط ما بقعد أألف و أدور .. ولكن من ضمنها ان المطور لازم يستفيد منها

الجولف تنباع على أقراص ؟ ايش دخل يا عبد المحسن ؟ فيه ناس ما تقدر تشتري ألعاب جديدة و بالتالي تشتري ألعاب مستعملة
اذا السوق ما يقدر يعيش على الناس الي تشتري ألعاب جديدة فهذا معناه أن السوق خطأ و البزنس موديل خطأ ولازم يتصحح، ما فيه شيء اسمه المطور لازم يستفيد، المطور استفاد لما قبض فلوس اللعبة الي انباعت و هذا حقه غير كذا ماله شيء
وبعدين ليش تخلوا المحلات كأنها شيطان رجيم ؟ :tongue: يعني المحلات مش من حقها تكسب ؟ صاحب المحل لما يشتري منك لعبة مستعملة فهو أيضا يخاطر و يمكن تنرمى في وجهه و لا يشتريها أحد و يضطر بالأخير يبيعها بخسارة علشان يخلص منها !

حسين انت كنت تتكلم عن الايف اكشن تريلر و تكلفته الضخمة و الآن خليتها طريقة التصنيع ومافيها موشن كابتشر واحد ...

تكلمت عن جميع العوامل الي ترفع تكلفة تطوير لعبة بشكل فضائي و بعدين يطلع الناشر يبكي و يقول لك لازم أبيع 5-6 مليون علشان ألم راس المال .. هذا توجه مضروب ولازم يموت، و تقدر تصنع ألعاب AAA "أحسن" بدونه

البضاعة نعم لكن الحقوق محفوظة للمطور .. و المحلات هم المستفيد الاكبر في هذه الحالة ياخذون من الناشر مجموعة بسيطة و يشتغلون عليها مستعمل

أنا مالي و مال الحقوق ؟ أنا حتى ما بسوي أبلود واحد من اللعبة للنت
أنا أبيع النسخة الي "املكها" لشخص غيري حتى يستعملها أيضاً، و أنا حر في ذلك
وبعدين كيف المحلات تاخذ مجموعة بسيطة ؟ الناشر قاعد يجبر المحلات تاخذ كميات كبيرة من الألعاب وبالملايين، مقابل تعهد الناشر للمحلات بتحمل أي فرقية في السعر في حال اضطر المحل للتخفيض لتنظيف البضاعة
وهذي كلها سياسة خاطئة برأيي من الأساس، مثل ما قلت لك ننتندو ما تتبعها علشان كذا سعر ألعابهم يظل عالي طول الوقت
أكبر خطأ تسمح لسعر لعبة ينزل لأقل من النصف خلال شهر، وقتها أكيد الناس رح تنتظر و تشتري بالرخيص، هذا خطأ يتحمل مسؤوليته الناشر الي يجبر المحلات على تحمل شحنات كبيرة أكبر من الطلب على اللعبة

في رأيي لازم يكون في قانون يحفظ حقوق المطور و الموزع ... لكل منهم نسبة في بيع المستعمل ...

كلام ينافي كل القواعد التجارية في الحياة، لما أنا كتاجر أشتري لعبة علشان أبيعها مستعملة فأنا أخاطر و أتحمل المخاطرة، ولو اللعبة ارتمت على الرف في وجههي الناشر ما رح يجي يشاركني بالخسارة
قرار الشرار و البيع هو قراري للسلعة المستعملة و أنا فقط من يتحمل مسؤوليته لهالسلعة الي سبق استعمالها وانباعت لعبة جديدة في الأساس

طيب برأيك لو الافلام فقط على دي في دي ... هل تتوقع تغطي تكاليف الانتاج ؟ مستحيل هالشيء وخصوصاً مع المستعمل ... مافي امل تستمر هوليود وغيرها ... لكن شباك التذاكر العالمي يعتبر دخلها الرئيسي اما الدي في دي و عرضها على القنوات تعتبر داخل ثانوي ...

مالي شغل في الأفلام كل ميديا ولها خصوصيتها، ميديا الأنمي مثلاً عايشة بالكامل على مبيعات الديفيدي في اليابان "فقط"
فما فيه شيء يمنع الألعاب تعيش على مبيعات الفيزجال و الديجيتال على ترليون منصة و في مليون دولة، مثل ما هي عايشة أساسا من سنة جدي بدون هالسياسات الي تحارب المستهلك زبون الشركة

 

[Classic Player]

معليش عبد المحسن لكن المره الجاية احسن الإختيار في المقارنه وماراح يجيك الكلام والهجوم من الأعضاء , تراك شبهت شراء مستعمل بسرقه , فرق السماء والارض حتى لو كان قصدك شيء ثاني

وبعدين مابغى اكمل في مقارنة السيارات لكن كلامك غير صحيح , شركات السيارات تدفع اموال كبيرة في تطوير وصنع سيارة من موديل واحد , يعني لو الشركة باعت 100 سيارة فقط يمكن تخسر ملايين او مليارات حتى
ترى المصنع مكلف جدا وتجميع المعادن وهندستها كذلك , هذا غير البحوث والإختبارات اللي يعملونها لكل موديل خصوصا من ناحية السلامة ولا تنسى طبعا الموظفين ورواتبهم وغيره الكثير والكثير


وياليت ترد على الوقائع اللي ذكرتها

هجوم الاعضاء ؟ يعني انت شفتهم وهجمت معاهم بدون ماتفكر ؟ في اعضاء "قرأوا" و "فهموا" ردي زي حسين وغيره بدون اي هجوم ...

وبعدين مابغى اكمل في مقارنة السيارات لكن كلامك غير صحيح , شركات السيارات تدفع اموال كبيرة في تطوير وصنع سيارة من موديل واحد , يعني لو الشركة باعت 100 سيارة فقط يمكن تخسر ملايين او مليارات حتى
ترى المصنع مكلف جدا وتجميع المعادن وهندستها كذلك , هذا غير البحوث والإختبارات اللي يعملونها لكل موديل خصوصا من ناحية السلامة ولا تنسى طبعا الموظفين ورواتبهم وغيره الكثير والكثير

المصنع يبيع السيارة بربح .. كل سيارة يبيعونها تكون اعلى من تكلفة تصنيعها بغض النظر عن البحوثات و غيرها ... وهذا اصلاً شيء جانبي .. الاساسي هو السيارة المستعملة و ان السيارة المستعملة كل ماقطعت اميال كيلو مترا اكثر كل ماتتطلب وتتشكى اكثر و اداء السيارة من الوكالة مو زي لما تشتريها مستعملة وقاطعة 500 الف كيلو ... لكن اللعبة المحتوى يظل مثل ماهو مايتغير حتى بعد عشرين سنة

بالنسبة للوقائع الي قلتها من وجهة نظرك الشخصية و قريتها و عرفت وجهة نظرك ... و المشكلة أرد على ايش وانت اصلا مافهمت وجهة نظري و بنيت عليها ردك و كمثال هذه الواقعة الي ذكرتها

ترى منع سوق المستعمل راح يسبب في انهيار كارثي لصناعة الألعاب لأنه الناس خلاص راح تحسب الف حساب قبل تشتري لعبة جديدة بـ60 او 70 دولار اذا صحت الإشاعات , عكس قبل لما واحد يشتري لعبة مش واثق منها او ماعجبتها يبيعها على طول في اليوم الثاني ومايخسر كثير

انا تعبت وانا اكتب لكل عضو اني ماني ضد منع المستعمل ولا حتى في ردي الاول قلت اني ضد المستعمل .. انا ضد ان فلوس المستعمل ماتوصل للمطور وهنا يجي اختلافات وجهات النظر ... انا مابي اقنعك بوجهة نظري ولا افرضها عليك ... لكن هذا منتدى ويحق لكل عضو يبدي وجهة نظرة دام انها في حدود الادب و الذوق العام .

 

[bXNmbQ==]

يعني لو المطور اخذ فلوس تتوقع تصير المستعمل بنفس سعر الحين يمكن اقل ب20 ريال بس عن الجديد انا كاواحد ابي ابيع اللعبة و اتكسب فيها

المحل بعد يبي يتكسب فيها و المطور يبي يتكسب فيها :/