Solay
Double Jumper
السلام عليكم
الواقعيه بالألعاب هدف لكثير من المطورين من بدايات الاندستري والأغلبيه خاصة من الجيل السابق صاروا يحاولون يضيفونها بالعناصر اللي هم يشوفونها مناسبه للعبتهم، التطور التقني والخبرات اللي وصلت لها بعض الأفرقه خلت الحدود والعوائق اللي كانت موجودة بالماضي تتلاشى وصار ممكن اننا نشوف اشياء ما كنا نتخيل اننا بنوصل لها يوما ما. بس.... هل هذا الشي ايجابي دائما؟
- برأيكم وش هي العناصر اللي تبون تشوفون الواقعيه فيها؟
- ووش هي العناصر اللي الواقعيه ممكن تضرها؟
- العناصر اللي أبي اشوف الواقعيه فيها؟
برأيي الخاص أكثر عنصر ابي اشوف المطورين مستقبلا يركزون عليه وأعتقد بيفيد الصناعه هو واقعية الفيزيكس وتفاعل العالم مع الشخصيه، وما أعتقد فيه مثال حاليا افضل من Breath of the Wild. الهواء، النار، الماء، الكهرباء، الاشياء الشكليه بالألعاب الثانيه هنا كلها تتفاعل معك وتخدم الجيمبلاي بشكل رائع. اللحظة اللي صوبت فيها بالقوس والسهم ومريت عند النار وصار السهم ناري! اللحظة اللي بيجي يتكهرب فيها الحديد اللي بسلاحك وترمي السلاح على العدو وتكهربه! اللحظة اللي تحكمت فيها بالماء وثلجته عشان احل لغز معين! اللعبه تبهرك بشكل غير مسبوق بحيث انه اي شي تفكر فيه 99% بتقدر تسويه.
اي شخص ما لعب اللعبه بس يكتب breath of the wild physics ويتفاجئ من الأشياء العبقريه اللي سووها اللاعبين باستغلالهم لعناصرها، هذا بالضبط اللي ابي اشوف الألعاب تتنافس فيه بواقعيتها موب بس استعراض عضلات بقوة شكليه. بالنهايه ابي شي يفيدني كجيم ميكانيك ويحسسني أن العالم حي.
- العناصر اللي الواقعيه ممكن تضرها؟
اول شي يجي على بالي هو الجرافيكس، الواقعيه بالجرافيكس شي ايجابي بدون شك بس له سلبياته ابذكر منها ابرز اثنين برأيي:
1- مرهقة للمطورين وميزانياتهم ومضره للصناعه، تطوير الألعاب الكبيرة صار مخاطرة ملعونه وأحد أهم اسبابها هو التطور التقني الهائل المكلف وشفنا كيف فرق بالهبل سكرت بينما لو حاطين نفس الجهد بلعبة اضعف تقنيا وحطوا نفس الوقت بالشغل على ميكانيكيات اللعبه كان ممكن الوضع اختلف كليا. والمشكله انه الستاندرد صار عالي فاذا تبي توصل له تحتاج تضخ مبالغ خياليه.
2- العنف، كلنا شفنا السخط اللي جا على تريلر لاست اوف اس الثاني. العنف فيه كان طبيعي لو تقارنه مع ألعاب كثييير غيرها بس واقعية الرسوم فيها خلت العنف شوي منفر ومقرف للبعض. لاست اوف اس 1 نفسها كان فيها نفس الكم من العنف بس كان مقبول اكثر لأنه حتى مع القوة التقنيه للأول بس كان لا يزال فيها احساس رسوم الألعاب.
والعنصر الثاني هو الذكاء الاصطناعي، ما فيه احد يبي يلعب ضد اعداء اغبياء بس برأيي الذكاء الاصطناعي وواقعيته عنصرين مختلفين كليا. ابي اللعبه تحط لي حدود معينه وتعاقبني لو تعديتها زي مثلا منطقة معينه يقدرون يشوفونك فيها الأعداء ومستحيل يغلطون فيها وانبسط على اللعبه اللي تتساهل ببعض الأشياء عشان ما تصير نكديه زي لاست اوف اس وكيف انه الأعداء ما يعطون ايلي اي اهتمام ومستحيل تخرب جزئية التسلل عليك بسبب واقعيه مفرطه. بالنهايه الواحد يلعب عشان يستمتع.
فانتوم بين فيها يمكن افضل ذكاء اصنطاعي شفته الى يومكم هذا وكان يبهرني، بس صراحة تضايقت منه كثير وما أتمنى اشوفه ستاندرد بالألعاب لأنه الأعداء ردود فعلهم واقعيه بزيادة عن اللزوم. ممكن يشوفونك من مسافات بعيدة جدا ولو شافوك ممكن يضيع كثير من وقتك بس تنتظرهم يخلصون تحقيقهم. فهو عنصر مهما كان ذكي وممتع بس ممكن يضيع وقتك ويطيحك بلحظات ملل واعادة كثيرة.
الواقعيه بالألعاب هدف لكثير من المطورين من بدايات الاندستري والأغلبيه خاصة من الجيل السابق صاروا يحاولون يضيفونها بالعناصر اللي هم يشوفونها مناسبه للعبتهم، التطور التقني والخبرات اللي وصلت لها بعض الأفرقه خلت الحدود والعوائق اللي كانت موجودة بالماضي تتلاشى وصار ممكن اننا نشوف اشياء ما كنا نتخيل اننا بنوصل لها يوما ما. بس.... هل هذا الشي ايجابي دائما؟
- برأيكم وش هي العناصر اللي تبون تشوفون الواقعيه فيها؟
- ووش هي العناصر اللي الواقعيه ممكن تضرها؟
- العناصر اللي أبي اشوف الواقعيه فيها؟
برأيي الخاص أكثر عنصر ابي اشوف المطورين مستقبلا يركزون عليه وأعتقد بيفيد الصناعه هو واقعية الفيزيكس وتفاعل العالم مع الشخصيه، وما أعتقد فيه مثال حاليا افضل من Breath of the Wild. الهواء، النار، الماء، الكهرباء، الاشياء الشكليه بالألعاب الثانيه هنا كلها تتفاعل معك وتخدم الجيمبلاي بشكل رائع. اللحظة اللي صوبت فيها بالقوس والسهم ومريت عند النار وصار السهم ناري! اللحظة اللي بيجي يتكهرب فيها الحديد اللي بسلاحك وترمي السلاح على العدو وتكهربه! اللحظة اللي تحكمت فيها بالماء وثلجته عشان احل لغز معين! اللعبه تبهرك بشكل غير مسبوق بحيث انه اي شي تفكر فيه 99% بتقدر تسويه.
اي شخص ما لعب اللعبه بس يكتب breath of the wild physics ويتفاجئ من الأشياء العبقريه اللي سووها اللاعبين باستغلالهم لعناصرها، هذا بالضبط اللي ابي اشوف الألعاب تتنافس فيه بواقعيتها موب بس استعراض عضلات بقوة شكليه. بالنهايه ابي شي يفيدني كجيم ميكانيك ويحسسني أن العالم حي.
- العناصر اللي الواقعيه ممكن تضرها؟
اول شي يجي على بالي هو الجرافيكس، الواقعيه بالجرافيكس شي ايجابي بدون شك بس له سلبياته ابذكر منها ابرز اثنين برأيي:
1- مرهقة للمطورين وميزانياتهم ومضره للصناعه، تطوير الألعاب الكبيرة صار مخاطرة ملعونه وأحد أهم اسبابها هو التطور التقني الهائل المكلف وشفنا كيف فرق بالهبل سكرت بينما لو حاطين نفس الجهد بلعبة اضعف تقنيا وحطوا نفس الوقت بالشغل على ميكانيكيات اللعبه كان ممكن الوضع اختلف كليا. والمشكله انه الستاندرد صار عالي فاذا تبي توصل له تحتاج تضخ مبالغ خياليه.
2- العنف، كلنا شفنا السخط اللي جا على تريلر لاست اوف اس الثاني. العنف فيه كان طبيعي لو تقارنه مع ألعاب كثييير غيرها بس واقعية الرسوم فيها خلت العنف شوي منفر ومقرف للبعض. لاست اوف اس 1 نفسها كان فيها نفس الكم من العنف بس كان مقبول اكثر لأنه حتى مع القوة التقنيه للأول بس كان لا يزال فيها احساس رسوم الألعاب.
والعنصر الثاني هو الذكاء الاصطناعي، ما فيه احد يبي يلعب ضد اعداء اغبياء بس برأيي الذكاء الاصطناعي وواقعيته عنصرين مختلفين كليا. ابي اللعبه تحط لي حدود معينه وتعاقبني لو تعديتها زي مثلا منطقة معينه يقدرون يشوفونك فيها الأعداء ومستحيل يغلطون فيها وانبسط على اللعبه اللي تتساهل ببعض الأشياء عشان ما تصير نكديه زي لاست اوف اس وكيف انه الأعداء ما يعطون ايلي اي اهتمام ومستحيل تخرب جزئية التسلل عليك بسبب واقعيه مفرطه. بالنهايه الواحد يلعب عشان يستمتع.
فانتوم بين فيها يمكن افضل ذكاء اصنطاعي شفته الى يومكم هذا وكان يبهرني، بس صراحة تضايقت منه كثير وما أتمنى اشوفه ستاندرد بالألعاب لأنه الأعداء ردود فعلهم واقعيه بزيادة عن اللزوم. ممكن يشوفونك من مسافات بعيدة جدا ولو شافوك ممكن يضيع كثير من وقتك بس تنتظرهم يخلصون تحقيقهم. فهو عنصر مهما كان ذكي وممتع بس ممكن يضيع وقتك ويطيحك بلحظات ملل واعادة كثيرة.