الموضوع الرسمي السياحه والسفر لأعضاء True Gaming

[Fatale]

شباب انا محتار وابي رائيكم.

انا كنت ناوي اروح امريكا شهر 4 السنه الجاية مع خالي وعيال خالتي

وخططنا وخلصنا كل شي وسافرت جدة 3 شهور رحلة عمل ورجعة قبل امس

ولما قابلت ولد خالتي اعتذر مني والسبب ساهر 6 الاف ريال ومن غير الموتر الجديد الي طلعة

وخالي نفس الشي طلع موتر والدين ماخذ نص راتبه

وما صفينا إلا على دبي

دبي صح الواحد ما يمل منها لكن رحتلها واجد

وامروي المادية تمام وما ادري هل اروح امريكا ويستقبلني اخوي ونتمشى انا وياه

ولى اروح مع بداية السنة للإمارات مع عيال خالتي وخالي ونفلها وبعد سنتين ونص او 3 اروح امريكا

ابي رائيكم؟

 

[Fatale]

^^

شباب وينكم

رائيكم يهمني جدا

 

[Nintendo]

^^^^^^

وين بترويح بأمريكا بالضبط؟ اي ولاية اقصد؟

نعم امريكا تستاهل وبقووووووووووووووووووه اذا بتطلعها سياحة ولكن يفضل تطلعها بالصيف.

 

[The Doctor]

كلام عمر صحيح... إذا تقدر تروح أمريكا لا تتردد... ترليون مكان تقدر تزوره بغض النظر في أي ولاية (أوكي، مش أي ولاية.. بس المهم)

 

[Fatale]

^^

لوس انجلوس علشان فيها كل شي

واخوي يمدحها

اممممممممم والله احترت

المشكله لو بروح صح اخوي بيستقبلني وبفلها

لكن الجوء مع عيال خالتي وخالي ضحك للإخر ووناسة ما بعدها وناسة جربت شهر 2 الي فات والنتيجة ما بوزت ابدا ^^

 

[Byakkino]

^^
أنا اقول لوكنت ضامن يطلعون معك بعد 3 سنين رح بس اذا بيسحبون عليك لا تضيع الفرصه روح الحين

 

[Nyx]

أحد عنده فكره عن الجزر الخاصة (private) لشهر العسل , قاعد أدور بالنت بس أحس إني ضايع.
هو صراحه بدري بس تعرفون لزوم تخطيط وأعرف كم أحط ميزانية ... و سرحان لول.

 

[Tanton]

كيف جزيرة برايفت؟ ولد خالتي توه متزوج وراح جزر موريشوس، يمدحها واجد.

 

[Nyx]

جزيرة صغيره تستاجرها.

 

[awadnin]

جزيرة صغيره تستاجرها.

ههه أثرك يا ولد كاش، ممكن سلف :]

 

[Nyx]

ههههههه كاش من وين ياحسره.

 

[Painkiller Q8]

شباب انا رايح "ابو ضبي" الشهر الجاي .. مجرد رحله صغيره لحضور لــmetallica و عالم Ferrari .. وبس

اذا وصلت هناك .. هل فيه مكان يستحق الزياره ؟؟

 

[Fatale]

^^

عالم فراري على ما اعتقد لو تجي ابو ظبي 100 مره لزم تزور عالم فراري 100 مره

 

[BioMario]

شباب انا رايح "ابو ضبي" الشهر الجاي .. مجرد رحله صغيره لحضور لــmetallica و عالم Ferrari .. وبس

اذا وصلت هناك .. هل فيه مكان يستحق الزياره ؟؟

أبوظبي وليست ابو ضبي

 

[m7tram]

ابوظبي مافيها شي <.< فلوب! وعالم فراري أكبر فلوب.

 

[Fatale]

اخ محترم حرام عليك عالم فراري بمثابة معلم حضاري يكفيك انه الفرع الوحيد في العالم يعني شي يفتخر به يا حظ اخواننا الإمارتين به

...................

نخش في موضوعنا شباب خلاص حددت رحتلي في يناير القادم في 31 يناير بإذن الله

وعلشان ميزانيت الشباب الي معي متوسطه فاقترحت عليهم جزر مثل المالديف وموريشيوس الخ

ولكن كل ما سئلة احد راح لهالجزر يقول تصلح للعوائل الشباب لا!

فحبيت استشيركم ابي جزيرة الشاطى حقها خورافي مثل المالديف +اسعارها متوسط وما دون+ما تكون بعيده

محتاج اقتراحاتكم جد لإني خلال اليومين الجايه بحجز وابيكم تشاركوني بأفكاركم

حتى لو تقترحون علي دول تصلح للسياحه وتكون اسعارها معقوله حتى الطيران معقول

والله محتار مره احس اني بنلحس

بكون شاكر لكم لو ساعدتوني

يلا شباب ترو جيمنق افكاركم ^____________^

 

[Painkiller Q8]

ابوظبي مافيها شي <.< فلوب! وعالم فراري أكبر فلوب.

>.< >>> ولي !!! عيل شكلي يوم وراجع !!!

بايوماريو... أبو ظبي ولا تزعل

 

[عاشق 360]

اخ محترم حرام عليك عالم فراري بمثابة معلم حضاري يكفيك انه الفرع الوحيد في العالم يعني شي يفتخر به يا حظ اخواننا الإمارتين به

...................

نخش في موضوعنا شباب خلاص حددت رحتلي في يناير القادم في 31 يناير بإذن الله

وعلشان ميزانيت الشباب الي معي متوسطه فاقترحت عليهم جزر مثل المالديف وموريشيوس الخ

ولكن كل ما سئلة احد راح لهالجزر يقول تصلح للعوائل الشباب لا!

فحبيت استشيركم ابي جزيرة الشاطى حقها خورافي مثل المالديف +اسعارها متوسط وما دون+ما تكون بعيده

محتاج اقتراحاتكم جد لإني خلال اليومين الجايه بحجز وابيكم تشاركوني بأفكاركم

حتى لو تقترحون علي دول تصلح للسياحه وتكون اسعارها معقوله حتى الطيران معقول

والله محتار مره احس اني بنلحس

بكون شاكر لكم لو ساعدتوني

يلا شباب ترو جيمنق افكاركم ^____________^

الي اعرفه انه جزر الكناري في اسبانيا ممتازه , فيها مولات وفنادق 5 نجوم . شخصيا مارحتها ومقرر ازورها بالعيد انشاء الله اذا لقيت اجازه من الشغل .

 

[Fatale]

الي اعرفه انه جزر الكناري في اسبانيا ممتازه , فيها مولات وفنادق 5 نجوم . شخصيا مارحتها ومقرر ازورها بالعيد انشاء الله اذا لقيت اجازه من الشغل .

اسبانيا بعيده شوي ابي شي قريب

شباب لهدرجة الجزر طايحه من عينكم ^_________^

 

[Nintendo]

^^^^^^^^^^^^^^

اذا تبغى نصيحتي، روح ماليزيا وتحديدا جزيرة اسمها بانكور

هاذي العرب عادة مايروحوها ولا يدرو عنها ولكنها شئ خيالي، البحر فيها سبحان الخالق تشوف تحت الماي الين مسافة كبيرة تحت البحر ومنظر رهيب، مشكلتها انه فيها فندق واحد فقط ولازم تحجز من بدري. نصيحة فكر فيها

 

[Fatale]

^^

اوه ماليزيا ودي من زمان بس الشباب ماخذين فكره على انها غاليه حيل

ودي تعطيني التكاليف الطيران والفندق الي ذكرته+صور للجزيرة

 

[Nintendo]

امممممممم لا مش غالية كثير ماليزيا

عموما ماليزيا فيها مجموعة من الجزر الجميلة ولكن بحسب موقعها، يعني على سبيل المثال فيه جزيرة اسمها (بانكور) رهيبه اذا بتروح فندق اسمه البان باسيفيك (تقريبا شاطئ خاص بالفندق ودائما الجزيرة فاضية ومافيها سياح كثار وبتأخذ راحتك بشكل رهيب)، طبعا تيومان جزيرة لازم تروحها لانها غاية بالجمال وهاذي الصور لها:

http://www.daleel-malaysia.com/vb/showthread.php?t=24497

بالنسبة للاسعار تقدر تراجع اي مكتب سياحي

 

[Fatale]

^^

يعطيك العافية عمر

بفكر جديا فيها وراح اشوف مكاتب السياحه

يمكن الله يكتبها وادعيلك

 

[Painkiller Q8]

^
بعض الصور الي التقطتها في جزر ماليزيا

 

[Fatale]

^^

الله يسعدك خالد

خلاص حصرت خياراتي يا ماليزيا او لوس انجلوس

ماليزيا بتكون في 31 يناير

او لوس في ابريل

ومشكورين شباب على التعاون

والله يسعدكم دنيا واخره

 

[slifer dragon]

صار لي أسبوع بكورفاليس.. مدينة جامعية بحتة, ما تعيش فيها إلا لو كنت طلاب لOregon State University.. لكنها فاقت توقعاتي من ناحية تواجد محلات كثيرة ممتازة.. ومن ناحية الطبيعة الخرافية (شيء يعم الولاية كلها)..
لو كان معي كاميرا ممتازة بس, كان جبت صور خرافية, لكن لاحقين إن شاء الله!

 

[Vorg Zangief]

بروح دبي اليوم مع الاصدقاء . شكلها راح تكون رحلة اسطورية ان شاء الله

 

[xz995]

شباب باذن الله راح اروح دبي اجازة الحج هاذي نصايحكم لمطاعم و اماكن حلوة هناك اخوكم في الله ما يعرف فيها كثير ؟

 

[BlackBird]

شباب أنا بسافر البحرين في اجازة الحج فأي نصائح أول مرة أزورها كان المفروض دبي بس ما حصلنا حجز كويس

 

[Solay]

شباب أنا بسافر البحرين

:smug: