الموضوع الرسمي السياحه والسفر لأعضاء True Gaming

[Snake-87]

حطيتوا في بالكم المبالغ الطائلة اللى راح تدفعونها عشان توصلون للأمكان هذه ؟ :tongue:​

أعتقد كان 15 دينار يمكن ؟ مع البوفيه والمواصلات !

 

[slifer dragon]

أنا السنة الجاية بأدرس بجامعة Oregon State University الواقعة في Corvalis بولاية Oregon.. بس بغيت أسأل, هل فيه أحد قد راح هناك؟ وهل تعرفون أماكن حلوة ممكن أزورها خلال السنة الدراسية؟

 

[Sora Diersly]

^
انا على بُعد ساعتين عنك. يبيلك تزورني P:
انا في Bellingham, Washington ومااقول إلا الله يعينك على أسعار الأيجار هناك والسكن. رغم ان اوريغن مُمتازة للتسوّق لكون الولاية ماعندهم tax على اي شي تشتريه, والتاكس حقهم حاطينه كله في البيوت والسكن والأراضي, لذا اغلى شيء راح تحصله هو الدبل تاكس الخاص بالسكن, وإلا غيره راح تستمع. على فكرة فيه 4 من عيال عمي هناك, وتجمُّع سعودي/عربي هائل بشكل عام

 

[Painkiller Q8]

@Alpacino

ترا ماليزيا اوفر ريتد :/. بس للعلم انها تستحق الزياره
اذا شباب ما انصح فيها .. اما عوائل تصلح لهم

عندي البوم في الفيسبوك عن ماليزيا.. زرت العاصمه وكم جزيره هناك
احسن شي ان الاكل حلاااال في كل مكان .. وابيخ شي شارع العرب المزعج جدا

 

[Al Pacino]

اذا شباب ما انصح فيها .. اما عوائل تصلح لهم

هههه غريبه مدري ليه من كلام الشباب حسيتها ماتصلح عوائل وقلت اذا هي فعلًا بالرهابه الي يصفونها فـ يبيلها روحة شباب مستقبلًا ..

 

[Painkiller Q8]

^ لا والله .. ماتصلح للشباب .. لان كل الاماكن والرحلات والأجواء مهيئه للعوائل وخصوصا المعاريس الجدد
يعني حتى في الجزر ماتحس فيها انشطه للشباب مثل تايلاند
اذا بتروح ماليزيا عوائل راح تستانس انت وأهلك لان 60٪ من السياحه فيها " السووووووق" والحريم غرامهم المشتريات ... الخ
كان يضيع علي يوم كامل بسبب ان الأهل يتسوقون

للشباب تايلند وقطع !!
رايح

 

[Snake-87]

اذا شباب ما انصح فيها .. اما عوائل تصلح لهم

شكلك ما إستانست فيها .. ماليزيا ترضي كل الأذواق وفيها أنشطة شبابية بالهبل بس لازم تكون تعرف وين تروح .. وأبعد عن أماكن العرب .

تايلند مشابهة لماليزيا جدا بس الأنشطة الرياضية أكثر ولكن التسوق أشوف ماليزيا أحسن .

ماليزيا + تايلند :inlove:

 

[Painkiller Q8]

^
لا والله استانست فيها وماخليت مكان مارحتله .. بس اشوفها للعوائل اكثر من الشباب .. يمكن لاني قارنتها في تايلاند .. لان سفرتي كانت للدولتين في نفس الوقت !

هذي بعض الصور لي في ماليزيا

العاب في الطياره

المنظر الي تطل عليه غرفتي

الفندق

هذا الفندق الثاني في جزيرة لنكاوي

انكوندا .. لي صور معاها بس مادري وينهم

شاطىء

التلفريك في لنكاوي

لازم مامرات

لو اقولكم محد يصدق .. تدرون ان الشاطىء هذا في قمة جبل ؟؟؟

حديقه

رحله (بحرية النسور.. ومادري وين بعد

ألين

هوليوود ؟

صديق الحيوان

رحله قارب

الخاتمه

طبعا فيه صور كثيره بس موحاطهم على الفيس بوك .. حدائه الحيوانات .. ومدينه جنتنق .. وفي لنكاوي عالم تحت الماء . ولعبت قولف .. والعاب البحر وبرشوت وجت سكي...

ماليزيا مليانه .. بس اضل اقول للعوائل افضل من الشباب !

 

[emperor-UAE]

^
^
^
حمستوني أزور ماليزيا مره ثانيه
الموضوع مفيد جدا
عرفت اماكن اول مره اسمع عنها
و ان شاء الله اذا زرت ماليزيا لاوم اروح الترب إلي تكلم عنه سنيك 87 ابو 15 دينار, اجل تسبح بمكان كرستالي و محمي من القروش و تغوص وكل هل امور, انا عشقي البحر :inlove:
مادري ليش حبيت ماليزيا اكثر من تايلند
ماليزيا حسيت انها أرقى بكثير من تليلند(انا ما زرت الجزر فى البلدين) بس ماليزيا استمتعت فى جنتنج و سن واي لاقون(حد جرب بيت الرعب الأسطوري بسن واي لاقون؟؟ تمشي على رجولك يمكن ربع ساه
و مكان قمة الظلام و الرعب....و كل شوي فى مخرج...اذكر دخلنا 12 شخص و طلعنا بس 4 :laugh:: بس والله بيت رعب محترم جدا جدا ! حتى البنت إلي فى فبم ذا رينج تجيك !)

ان شاء الله الروحه القادمه بتكون خاصه للجزر و البحر
واكيد راح اخذ معلومات من الشباب هنا
و ماشاء الله بين كيلر شكله خبره فى مواضيع الجزر بشرق اسيا

على فكره حد راح سنغافوره ؟
صحيح انهل صغيره و مافيها اماكن كثير
بس البلد جميل جدا و فى مثل جزيره كبيره فيها انواع المور الترفيهيه
سنغافوره حلو جدا
و كل شي راقي فيها ا

 

[slifer dragon]

^
انا على بُعد ساعتين عنك. يبيلك تزورني P:
انا في Bellingham, Washington ومااقول إلا الله يعينك على أسعار الأيجار هناك والسكن. رغم ان اوريغن مُمتازة للتسوّق لكون الولاية ماعندهم tax على اي شي تشتريه, والتاكس حقهم حاطينه كله في البيوت والسكن والأراضي, لذا اغلى شيء راح تحصله هو الدبل تاكس الخاص بالسكن, وإلا غيره راح تستمع. على فكرة فيه 4 من عيال عمي هناك, وتجمُّع سعودي/عربي هائل بشكل عام

حلو..
سمعت إنه فيه عرب كثير وما هي إشكالية لي أصلاً لو ما فيه لأنه أصلاً حول 13 طالب سي بي سي جايين معي للجامعة :
بالنسبة للسكن, لاحظت فعلاً غلاء الأسعار وحتى بالسكن الجامعي غالي جداً ويمكن أدفع نص راتبي عليه!! فبأسكن خارج السكن الجامعي دام إني دافع دافع..
زين, من الي تسمعه إنه كجامعة قوية ولا وسط؟ + الطبيعة هناك مثل ما أسمع عنها ممتعة وتشجع على الطلعات؟

 

[Sora Diersly]

^
ولاية واشنطن ستيت بشكل عام هي اكثر ولاية خضراء في أمريكا. كلها اكثر من رائعة, واوريغن اكثر مكان ممتاز يقدم لك مُصطلح "طبيعة" بتعريفه الحرفي! يعني راح تستمع جدا بالطبيعة وبتطلع وبتمل. على فكرة ترى المنطقة يجيها مطر بشكل كئيب, لو عندك مُشكلة مع المطر لا تقرب من واشنطن بكبرها. انا اتكلم عن مطر بشكل شبه يومي >.>" إذا بتجي في الصيف, راح تستمع فعلا بالأجواء. واشنطن جوها يصير خورافي وقت الصيف ولا تمطر كثير, علشان كذا انا ماارجع لأهلي بالصيفية, واكتفي في عطلة الكريسمس

 

[slifer dragon]

^

ههههه.. ما عليك, أنا إنسان سعودي "طعس" ما أصدق لما أشوف مطر فهالجو بيناسبني وكلها 4 سنين ما يمديني أزهق:tongue:

المهم, شكراً على المعلومات.. يااا الله متى تخلص سنة السي بي سي ويجي سبتمبر وأسافر :inlove:

 

[Capitano-18]

أنا السنة الجاية بأدرس بجامعة Oregon State University الواقعة في Corvalis بولاية Oregon.. بس بغيت أسأل, هل فيه أحد قد راح هناك؟ وهل تعرفون أماكن حلوة ممكن أزورها خلال السنة الدراسية؟

انا جمبك بس بجامعة اوريقون تبعد ساعة عنك تقريباً، على العموم الجامعة قوية بالهندسة، كورفالس مدينة صغيرة تقدر تقول مدينة جامعية ومدينة كلها طبيعة فيها مطعم عربي وبقالة عربية، على العموم اذا كنت حاب تتسوق فعندك منطقة يوجين الي انا فيها تبعد عنك ساعة، اعرف ناس بكورفالس يجون ليوجين بس عشان المولات وعشان السينما لأن غالباًِ الافلام تنزل قبل بيوجين. عندك اماكن كثيييييرة تقدر تزورها خلال السنة، بورتلاند اذا حاب تتسوق وفيها اشياء كثيرة على العموم هي اكبر مدينة بأوريقون وافضلهم من ناحية المولات والمباني والخ...، ايضاً عندك الساحل، مدينة اسمها فلورانس الي فيها اللايت هاوس المشهور في اوريقون، رحت له الاجازة الي فاتت واقولك اذا بتجي اوريقون لا تفوت هالمكان راح تعيش جو مش طبيعي، اوريقون ولاية تصلح للكامبنج والهايكنج وهوايات التسلق والبرشوت والخ... فيه اماكن كثيرة وفي بحيرات رهيبة مثل ديترويت ليك تبعد عن كورفالس ساعة تقريباًِ، وقت الاجازات تقدر تطلع من الولاية وتزور ولايات مشهورة جمبها مثل واشنطن وكاليفورنيا.

 

[black.heart]

أنا السنة الجاية بأدرس بجامعة Oregon State University الواقعة في Corvalis بولاية Oregon.. بس بغيت أسأل, هل فيه أحد قد راح هناك؟ وهل تعرفون أماكن حلوة ممكن أزورها خلال السنة الدراسية؟

انا ادرس بنفس الجامعه اذا محتاج اي مساعده او حاجه ارسلي لي مسج و ان شاء الله اقدر اساعدك

 

[Sora Diersly]

^
شباب اللي فوقي في اوريغن, يبيلنا نجتمع P:
محد وده يطلع لـ كندا؟ بحُكم انها على بُعد حذفة حجر عني

 

[black.heart]

^^^^^^
كندا تحتاج فيزا و الفيزا تحتاج وقت>ـ< ارسلت لهم ايميل قبل فتره استفسر عن المده اللي راح تاخذها الاجراءات
قالوا بما انك سعودي هذي اسبوعين + انك راح ترسل الجواز بالبريد هذي ٣-٤ اسابيع
فبطرت الفكره لكن ممكن انها تجي مره ثانيه اذا لقيت وقت انزل سياتل اسوي المقابله عندهم

 

[Sora Diersly]

^
لول انا مهب منكدني إلا روحة المقابلة في سياتل, لكن عموما واحد من الشباب سوا الموضوع خلال اسبوع. يوم قدم اوراقه, وبعد 3 ايام اتصلوا عليه وقالوا تعال بُكرة تسوي المُقابلة, من حسن الحظ أنه عايش في سياتل, فـ هي زي مشوار الجامعة بالنسبة له. سواها وخلص شغله في 6 ايام تقريبا... وهالكلام قريب

انا عندي كونسرت نوبو لازم اتجهز لها, لازم اطلع الفيزه بأسرع وقت ممكن >_>

 

[Jonas]

حجزت اليوم تذكره لأمستردام على يوم الاربعاء القادم :rockon:

 

[slifer dragon]

وااو, ما شاء الله.. توقعت بس عضو ولا عضوين قريب من هناك..
وشكله فعلاً أوريغون مكانها أحسن من كل الجامعات الي كنت بأروح لها سابقاً ( وسكانسين, بوردو, كولورادو بولدر )..

بالنسبة لكندا, فأنا أقدر أروح لها بدون فيزا :laugh::
السبب إنه عندي جواز أمريكي :laugh::

 

[black.heart]

الجامعه اكثر من ممتازه تحس انك تدرس في جامعه على مستوى لوول
لكن المدينه جدا جدا جدا جدا ............................. تتعب و انت تقول جدا ممله
جو دراسه عالاخر فاذا كنت تبي الوناسه و التمشي دور لك مكان ثاني او جهز فلوسك تشتري سياره لوول

 

[s3rorh]

حجزت اليوم تذكره لكوبنهاجن على يوم الاربعاء القادم :rockon: << يقلد جوناس

 

[Al Pacino]

سلطنة عُمان تتطلب جواز للدخول ولا زي البحرين والكويت بطاقة أحوال تكفي ؟

 

[Sir Guts]

باقي 5 ايام على سفرة تايلند مع الشباب:rockon:

سلطنة عُمان تتطلب جواز للدخول ولا زي البحرين والكويت بطاقة أحوال تكفي ؟

بما انها من دول مجلس التعاون اعتقد عادي بالبطاقة

 

[Painkiller Q8]

^
انا بعدك ان شاءالله .. بس فيها جوله لليابان "طوكيو"

YESSSS!!! Summer 2011 is going to be an Asian summer.
Trip map: Kuwait > Dubai > Colombo > Bangkok > Phuket > Tokyo > back same way.
Me + Friends

 

[soosi]

سلطنة عُمان تتطلب جواز للدخول ولا زي البحرين والكويت بطاقة أحوال تكفي ؟

مادري الصراحة عن عمان

بس البحرين والكويت لازم تكون عندك بطاقة الاحوال الجديدة

 

[Talal kinenju]

^
لا موشرط اهم شي صلاحية البطاقة والصورة تكون واضحة (سر المهنة:smug
بخصوص عمان اكيد نقدر اندش لها بلبطاقة قصدي الخليجين عامة وجربت أخر مره

 

[Fatale]

:

^
انا بعدك ان شاءالله .. بس فيها جوله لليابان "طوكيو"

ما شاء الله على البركه

إجازه سعيده خططتلها صح ولا تنسى الصور

 

[Sora Diersly]

^^^^^^
كندا تحتاج فيزا و الفيزا تحتاج وقت>ـ< ارسلت لهم ايميل قبل فتره استفسر عن المده اللي راح تاخذها الاجراءات
قالوا بما انك سعودي هذي اسبوعين + انك راح ترسل الجواز بالبريد هذي ٣-٤ اسابيع
فبطرت الفكره لكن ممكن انها تجي مره ثانيه اذا لقيت وقت انزل سياتل اسوي المقابله عندهم

توني تأكدت. الفيزا تطلعها بنفس اليوم اللي تقدم فيه الأبلكيشن. خلال ساعتين بالكثير

 

[Sir Guts]

^
انا بعدك ان شاءالله .. بس فيها جوله لليابان "طوكيو"

والله انا من زمان ودي اروح اليابان .. لازم ارتّب لها بعد ماتتعدل اوضاعهم ان شاء الله .. انا مسافر فجر بكرة

 

[Arkan]

بالنسبه لي و2 من الربع وتمت الحجوزات بس ناقص لملمه الشناط

1- بلجيكا (مابين 10 إلى أسبوعين)

2- هولندا ( أسبوع إلى 10 أيام)

وهُناك نيه لإكمال الصيفيه لمده أسبوع بزيورخ - سويسرا