Ginko
Banned
حبه حبه.
مصفين الطبلون؟ طيب انا سألتك سؤال، اذا واحد قدامك واقرب لابو 200% وش بتسوي؟ بتخليه ياخذ النقطه؟
في النهايه اكيد بتطير، ما يبيلها كلام. ويمكن يكون من بعد ما طبوا عليك الثلاثه كلهم، لكن متى يصير هالشيء؟ هل عند ال100% او ال200% او ال300%؟ انت ما تعرف متى بيطيرونك والى متى تقدر تستحمل، عشان كذا لو تنتحر بيكون غباء وعباطه، لان لو قعدت يمكن تقدر تكسب زيادة نقاط وتكافح. مدري وين الصعوبه في هالشيء، شرحتها سبعين مره! الانتحار غباء، لان يمكن تقدر تكمل وتكسب نقاط زياده، مافيه شيء اكيد في سماش، وهذي ميزة اللعبه اساسا! وهذا الي يخلي التايم الافضل!
اجل تقولي اذا واحد ينحاش فاللاعبين يشوفون مين اكثر ستوك ويروحون وراه، صح؟ طيب اذا كانت الستوكس الي عنده من فنه ومو بسبب نحشاته؟ وش تسميها لو طبوا عليه كلهم؟ انا اقولك، C-H-E-A-P ومنوبه. وهذا اكبر عيب في الستوك، ان الفائز دائما معروف، وانت قلت هالشيء بردك حتى ومقتنع فيه، يعني self-ownage :|
بعدين النحشه مو ضروريه لو تبي توفر الستوكس، فتقدر تلعب بطريقة دفاعيه، وبهالطريقه محد يدري انك خواف وما تعرف تلعب.
اما حلوه الي في التايم واحد ينحاش ويروح يخطف الذبحات، لا من جد حلوه. مدري يعني صاحب الذبحه (الي شال طاقة الي مات من قبل الخواف الي قاعد ينحاش) بيقعد يتفرج على الي خطف ذبحته ويقول له "ياسلام عليك، ما اوصيك كل ما ادبج واحد تعال واقتله" ههههه. طبعا بيروح وراه ويجيب خبر ابو الي جابه! هذا اكثر شيء يصير في التايم، وهو مطاردة الي خطف ذبحتك للانتقام. هنا وناسة اللعبه، في التايم كل الناس لازم تذبح، واذا ذبحت ما تقدر تهرب من الباقي لانك خطفت ذبحتهم.
يعني الشغله بسيطه في الستوك، شوف مين الفايز، وجيبوا خبره، ما يهم مين يذبحه (وهنا ماراح تكون مضطر انك تضرب الي بيسبقك للذبحه، لان النقاط مو مهمه. عيب اخر في الستوك) بل يهم انه ينزل في الستوكس، حتى لو كان مجمعها من فنه، فالفنان والخواف سواسيه.
بعدين تعال، خل الانتحار سالب 2 بدل سالب 1 !! يالله وش الحجه الجديده الحين؟
: 
