[SGF2023] Lies of P قادمة في 19 سبتمبر و الديمو متوفر حاليا

[FCB-Kratos]

السلام عليكم




قادمة في 19 سبتمبر للـ PC و البلايستيشن و الاكسبوكس و الديمو متوفر حاليا

 

[Kain]

 

[شفيق حبار]

ممتاز جدا، بحاول العبها على الاسبوع الجاي

اللعبة متحمس لها من يوم اعلانها.
بينوكيو كفكرة عندها القدرة على التكيف مع ثيمات قصصية مختلفة نفس هنا، فهذا رافع حماسي اكثر، مو لانها لعبة سولز لايك، انما لانها لعبة بينوكيو، فابغى اعرف تحديدا ايش اللي القصة راح تقدمه وكيف بينوكيو كفكرة راح يطبق باللعبة، من العروض باين القيم بلاي حلو فهذي خالصين منها، كانها خليط يجمع في اساسه بلودبورن.

 

[prince khalid]

ديمو 20 جيجا؟ لول

 

[Legend The Dark]

تم تحميلها و تجربتها وتم مسحها بعد 15 دقيقة لاسف مجرد لعبة سولز اخرى ضمن ميئات من السولز قوالب الموجودة في سوق يععععع

 

[سِراج]

هذا أسوأ تريلر لها حتى الآن والأغنية الكئيبة ما ساعدت (مشكلة في كل تريلرات الحدث).

بحاول أجرب الديمو أو أشوف تجربة له على اليوتيوب، ممكن تطلع كويسة.

 

[MH MD]

اشوف انطباعات الديمو نفسها كويسة، 20 جيجا كثير عليها ذو، هالديمو اكبر من حجم زيلدا الجديدة لول

 

[m7tram]

نزلتها على ستيم وتوني مخلص الديمو أخذ مني تقريبا 3 ساعات.

اللعبه تقنيا جدا ممتازه وتفاجئت بالشي هذا يعني لعبه استديو غير معروف ويطلعون بهالمستوى؟ أفضل من العاب فروم سوفتوير تقنيا لول .. فشله صراحه لازم فروم يتعدلون من هالناحيه.

تصميم المراحل جيد جدا ونظام الكومبات ممتع حاله حال اي لعبه/كلون سولز .. اللعبه تقتبس بلودبورن وماهي مستحيه من هالشي ابدا.

الي ماعجبني هو الاعداء الكبار والبوسيس بشكل عام مهما اتطقهم مايوقف الانميشن تبعهم .. يعني يطقونك يطقونك ومايصير لهم ستاقر بشكل عام .. الشي هذا خلا اللعب حرفيا طقهم طقه وانحاااش لين يخلص الانميشن ورد طقهم وهم انحاش .. ممل هالشي ويطول المعركه ومرات يصعبها عالفاضي وايضا تصميم الاعداء 🙁 ياخي انا ما أحب الاليات واهني كل الاعداء والبوسيس آليات لول.

لكن ما أنكر انها فاجئتني انا ماكنت معطيها بال ولا مهتم لها ابدا .. ولما شفت ان الديمو متوفر الان تحمست وقلت شوراي خل اجربها .. وكانت 3 ساعات ممتعه وبما انها عالباس فليش لأ اذا نزلت وشفت نفسي فاضي ألعبها.

 

[MH MD]

الي ماعجبني هو الاعداء الكبار والبوسيس بشكل عام مهما اتطقهم مايوقف الانميشن تبعهم .. يعني يطقونك يطقونك ومايصير لهم ستاقر بشكل عام .. الشي هذا خلا اللعب حرفيا طقهم طقه وانحاااش لين يخلص الانميشن ورد طقهم وهم انحاش .. ممل هالشي ويطول المعركه ومرات يصعبها عالفاضي وايضا تصميم الاعداء 🙁 ياخي انا ما أحب الاليات واهني كل الاعداء والبوسيس آليات لول.

اللي فهمته انه اللعبة فيها غارد ولو زبطت توقيتها يخليك ما تاخذ اي دامج وتقدر تسويها بدل ما تنحاش كل شوي وتضيع وقت

 

[m7tram]

اللي فهمته انه اللعبة فيها غارد ولو زبطت توقيتها يخليك ما تاخذ اي دامج وتقدر تسويها بدل ما تنحاش كل شوي وتضيع وقت

ايه لازم بأخر ثانيه تسوي بلوك لكن خطرها كبير .. بالحالتين اذا طقيت قبلها وسويت بلوك للهجوم تنقص طاقتك ولازم بسرعه ترجع الطاقه عن طريق هجومك على العدو وطبعا هالشي صعب لان مثل ما قلت لك اول شي حركات البوسيس كثيره يعني راح تنقص طاقه كبيره ثم اذا حاولت ترجعهم لك طقه بالكثير طقتييييين لين يهجمون عليك فيعني باي باي طاقه .. واذا ما مداك تسوي بلوك راح تاخذ طقه قويه.

 

[VMB]

توي بديت احملها، متحمس أجربها أتمنى تعطيني شعور مشابه ل بلودبورن

 

[Emirates]

بعد ،،، في يوم ميلادي ؟

 

[Kain]

 

[شيطون]

لعبت نص ساعة وصلت عند أول زعيم وجلدته
واعتقد اني خلاص وصلت حدي مع خلطة العاب السولز
مافي اي لحظة حسيت فيها اني مستمتع وانا العب

 

[Kain]

لعبت نص ساعة وصلت عند أول زعيم وجلدته
واعتقد اني خلاص وصلت حدي مع خلطة العاب السولز
مافي اي لحظة حسيت فيها اني مستمتع وانا العب

ما في مثل سكيرو

 

[شيطون]

ما في مثل سكيرو

صدقت

 

[سِراج]

ما في مثل سكيرو

صدقت

بس سيكيرو لعبة سولز!

شفت العرض أبو 8 دقائق وعندي كذا ملاحظة:
- مرات اللعبة تشبه بلودبورن حبتين زيادة، أوكي بلودبورن أفضل لعبة عندي على الإطلاق ويسعدني أشوف ألعاب من مطور مختلف تستوحي منها بس مش لهذه الدرجة... لازم تفرض لمستك الخاصة عشان تتميز أو بتطلع بلعبة بلا هوية أخرى
- حبيت التويست في كونسبت بينوكيو والدمى والروبوتات وما إلى ذلك
- أنميشن الركضة العادية أحسه off لسبب ما
- قميصه الأبيض يتوسخ بالزيوت وبلحظة يرجع نظيف ناصع البياض... أدري nitpick بس مزعج نوعًا ما ويمكن لو لبس لون أغمق ما راح يكون واضح بنفس الدرجة
- في معركة الزعيم، أول ما شفت القبعة اللي على رأسه قلت في نفسي "بيكون شيء رهيب لو في الفيز الثاني ينتزع رأسه ويستخدمه سلاح" وهذا اللي حصل فعلًا!

بشكل عام اللي شفته مش بطال ويمكن هوية اللعبة تبرز أكثر مع التقدم. ننتظر ونشوف.

 

[Kain]

بس سيكيرو لعبة سولز!

شفت العرض أبو 8 دقائق وعندي كذا ملاحظة:
- مرات اللعبة تشبه بلودبورن حبتين زيادة، أوكي بلودبورن أفضل لعبة عندي على الإطلاق ويسعدني أشوف ألعاب من مطور مختلف تستوحي منها بس مش لهذه الدرجة... لازم تفرض لمستك الخاصة عشان تتميز أو بتطلع بلعبة بلا هوية أخرى
- حبيت التويست في كونسبت بينوكيو والدمى والروبوتات وما إلى ذلك
- أنميشن الركضة العادية أحسه off لسبب ما
- قميصه الأبيض يتوسخ بالزيوت وبلحظة يرجع نظيف ناصع البياض... أدري nitpick بس مزعج نوعًا ما ويمكن لو لبس لون أغمق ما راح يكون واضح بنفس الدرجة
- في معركة الزعيم، أول ما شفت القبعة اللي على رأسه قلت في نفسي "بيكون شيء رهيب لو في الفيز الثاني ينتزع رأسه ويستخدمه سلاح" وهذا اللي حصل فعلًا!

بشكل عام اللي شفته مش بطال ويمكن هوية اللعبة تبرز أكثر مع التقدم. ننتظر ونشوف.

ما اعتبرها لعبة سولز . اعتبرها ظاهره فريده لوحدها

 

[R E D]

ممكن تطلع كويسة.

أفا لأنها Ripoff Bloodborne تعطيها فرصة وتقول يمكن تطلع كويسة بس الماستربيس Palworld لااا ما يصير وتغلط عليها كأنك فان بوكيمون أكثر مني .

 

[سِراج]

ما اعتبرها لعبة سولز . اعتبرها ظاهره فريده لوحدها

حتى وأنا أكبر مطبل لفرومسوفتوير هنا ما وصفتها كذا. &

أفا لأنها Ripoff Bloodborne تعطيها فرصة وتقول يمكن تطلع كويسة بس الماستربيس Palworld لااا ما يصير وتغلط عليها كأنك فان بوكيمون أكثر مني .

ما طلع بيلباتشو للآن... لما يطلع يمكن أغير رأيي. &

وبالعكس، تقليد بلودبورن هو اللي يمكن ينفرني منها أكثر من أنه يجذبني لها.

 

[Kain]

حتى وأنا أكبر مطبل لفرومسوفتوير هنا ما وصفتها كذا. &

ما طلع بيلباتشو للآن... لما يطلع يمكن أغير رأيي. &

وبالعكس، تقليد بلودبورن هو اللي يمكن ينفرني منها أكثر من أنه يجذبني لها.

لعب دارك 1 و لعبت 3 . و شفت فديوهات كثيره لبلودبورن و لعبتها كم ساعة . لكن سكيرو شيء اخر من اول لحظة تمسك فيها اليدة و تشوف القتال و posture و clash of swords و الحرية بالقفز و الحركة . و تجربة لعب مباشره بدون اختيار كلاس و لا شكل شخصية و لا ملابس و دروع ثقيله او خفيفه و غيرها من هالاشياء

سكيرو تجربة Pure ليس لها مثيل

 

[Kain]

الجرافكيس و المؤثرات جميله جدا
الجيم بلاي ثقيل بشوف تغيير للاكلاس لكن ما هو متقن زي دارك سولز او بلودبورن
المنطقه في الديمو نسخ و لصق من بلودبورن حتى سالفة العربات و الصناديق الي تغلق الطرق
الاعداء العاديين كانهم سهلين زياده

مشكلة سولز كلون دائما ما يضبطون الجيم بلاي ووزنية صعوبة الاعداء و قتال الزعماء

 

[S30D1999]

لعبت نص ساعة …. شبهها ببلودبورن منفرني صدق يعني حتى صوت الitems ؟

يعني اوك شكلها مصقولة واحسن من اغلب الكلونز بس come on guys شوية تميز

 

[m7tram]

لعبت نص ساعة …. شبهها ببلودبورن منفرني صدق يعني حتى صوت الitems ؟

يعني اوك شكلها مصقولة واحسن من اغلب الكلونز بس come on guys شوية تميز

كمل كمل الديمو تقريبا 3 ساعات .. فيها تميز صح مقتبسه حيل من بلودبورن بس في امور تتميز فيها .. وانا للامانه حيييييل تحمست للعبه الكامله .. ماكنت حاطها فبالي ابدا .. لكن من بعد الديمو تحمست لها وللحين أفكر فيها وودي اكمل بس للاسف خلص الديمو لول.

 

[Netero]

جربت الديمو وممتع صراحة وبشوف التقاييم وانطباعات اللاعبين عشان أقرر لو ألعبها، لكن برضه أحياناً مش فاهم سر التمسّك بكل تفصيلة في ألعاب السولز؟ سالفة خسارة الأرواح بعد ما تموت واللي صايرة ستاندرد بايخة في السولز وخارج السولز، الحل حق سيكيرو كان مثالي وأفضل في رأيي ليت أشوف مطورين أكثر يستلهمون من هناك.

 

[Valtr]

جربت الديمو وممتع صراحة وبشوف التقاييم وانطباعات اللاعبين عشان أقرر لو ألعبها، لكن برضه أحياناً مش فاهم سر التمسّك بكل تفصيلة في ألعاب السولز؟ سالفة خسارة الأرواح بعد ما تموت واللي صايرة ستاندرد بايخة في السولز وخارج السولز، الحل حق سيكيرو كان مثالي وأفضل في رأيي ليت أشوف مطورين أكثر يستلهمون من هناك.

اللعبة هذي تأخذ الفكرتين لو تلاحظ، انت يوم تموت لازم ترجع لنفس المكان عشان تاخذ نقاطك ولكن لو تموت مره ثانية ما تختفي بس تنقص.

 

[Netero]

اللعبة هذي تأخذ الفكرتين لو تلاحظ، انت يوم تموت لازم ترجع لنفس المكان عشان تاخذ نقاطك ولكن لو تموت مره ثانية ما تختفي بس تنقص.

اللي يميز فلسفة سيكيرو في رأيي عدم ارتباط الـXP لا فالهيلث ولا فالقوة الهجومية، فقط في Skills اختيارية، غير إنك لما تجمع عدد اكس بي معيّن يتحول لSkill point ما تخسره لما تموت.

 

[S30D1999]

انهيت الديمو …. هم ناويين يقتلون اللعبة بنظام الدودج التعيس ذا يعني تتوقع يبعد عن الضربة لا يتحرك سنتيمتر واحد وماتحس انك تحركت حتى.

غير ذلك تو متش بلودبورن حتى فيه روبوت نسخ لصق من الغول ابو مطرقة في بلودبورن وماراح اكذب فيه متعة بس للامانه ماشفت ذاك التميز وبنتظر انطباعات الشباب هنا.

 

[Kain]

عندي مشكله لم احدد العدو ما اقدر اسوي Roll ?

+ شنو فايدة التصدي فقط اصد الضرر ما في طريقة اعكس الهجوم او اشل حركة الخصم ؟

 

[S30D1999]

عندي مشكله لم احدد العدو ما اقدر اسوي Roll ?

+ شنو فايدة التصدي فقط اصد الضرر ما في طريقة اعكس الهجوم او اشل حركة الخصم ؟

بالظبط صايره معي بس اذا فكيت اللوك اون يمديك !