شباب شريت نسخة الPC أمس 🙂
مع الأسف الcomponent cable الي اوصل به الPC للتلفزيون اتخرب فما قدرت العب اللعبة تمام واضطريت العبها على المونيتور الخايس الي عندي ..
حطيت كل الإعدادات high والرزلشون 1024 في 768 .. الAF وال AA على الهاردوير الأول 8 والثاني 4.. داخل اللعبة الHDR خليته on .. اللعبة اشتغلت تمام في البداية, داخل الكهوف اللعبة ناااااعمة و 100 % .. لكن المشكلة طلعت في المناطق الواسعة .. 30 إطار أو أقل حتى .. بس مو مشكلة يجي منها, المشكلة الحقيقية إن بعض الخلفيات البعيدة شكلها يظهر سيء جدا وكأنها من دون تكستشرز, وبعض الأحيان تطلع لي أخطاء ( مثلا البحيرة تظهر بدون ماء !! ) .. صراحة الأخطاء هذي رافعة لي ضغطي ومدري ايش سببها هل لأن الRAM عندي 1 جيجا أول اني مخلي كل الاعدادات عالية وذاكرة التكستشرز في كرت الجرافيكس تعاني من هذا الشي والا ايش بالضبط.. منتظر أنزل الدرايفر الجديد للكرت لعل وعسى الأمور تكون تمام ..
المهم نجي للعبة, الجرافيكس, هممممم.. صراحة جيد جدا .. بس حاولت إني أقول " واو " بس ما قدرت .. حلو, بس مو mind-blowing, وصراحة انقهرت ان اللعبة تستخدم محرك havok هذا من الجيل الماضي ! بس نقدر نقول من أعنف الألعاب رسوميا حتى الآن..
أكثر شي عجبني ان اللعبة فيها نظامين للكاميرا, الفيرست بيرسن والثيرد .. حركة في الصميم وعجبتني كثير وتعطي تنوع ممتاز للعب..
صراحة انبهرت من ضخامة اللعبة وكثرة الأشياء الي فيها, يعني تشيل في جعبتك items كثيرة وتقعد تعدل وتكتك وتختار الفايتنج ستايل والrace.. حلو جدا .. جو اللعبة صراحة أتموسفيري للغاية, الموسيقى زابطينها يعني أجواء عصور وسطى مثالية 😉
حتى الآن ما اتقدمت كثير في اللعبة, دوبي طلعت من أول كهف وقاعد استكشف, في حركة عجبتني جدا جدا .. لمن يجي الليل يكثروا قطاع الطرق والذئاب, كنت ماشي على ظهر أحد الأحصنة الي سرقتها من أحد الجنود بعد ما قتلته ( لول ) وفجأة يطلع لي 3 قطاع طرق لول والله مافي إلا هروووووووب..
طولت كمان شوية ووصلت عند جسر, شوية يطلع لي انسان على شكل نمر !!! لووووول والله يوم شفته يتكلم هههههههههههههههههههههه آه يا قلبي رهيب رهيب هذا الrace.. شوي يقلي هات فلوسك والا بقتلك قلت له آسف ماعندي وقلي اوكي اذن راح تموت من دون مقابل, أنا سويت نفسي رجال وقلت والله لا أؤدبك أيها النمر الناطق وأنزل سيفي وهووووب.. طاخ طيخ طوخ لا حول ولا قوة الا بالله, النمر أعطاني دروس في الفنون القتالية ما قد شفتها .. أبادني عن بكرة أبي صراحة ما خلا في جزء والا قطع فيه تقطيع هههههه..
بس صراحة, اللعبة باين عليها روعة.. ان شاء الله بكرة اشتري الكومبوننت كيبل واوصلها بالتلفزيون على رزلوشن 640 في 480 وكل شاي سوبر هاي سواء سوفت وير او هارد وير ومعاها بتبدا المتعة الحقيقية 😉
