انطباعاتي بعد ما شفت الفيديو للمره المليون
اللعبة واضح جداَ انها واسعة .. مثل ويند ويكر ( اكيد اقل شوي ) لكنها اوسع بكثير من مراحل العاب زيلدا على الاجهزة المحمولة ( طبعا ) ,, لاني لاحظت في ثانية في البحر ظهرت جزيره وعليها بيوت وفي مثل الخشبه عشان توقف السفيه وتنزل ,, معناتها اللعبة بتكون واسعة كثير وفي اكثر من جزيره
وكمان شي حلو هو كتابة الـNotes على الخريطة بدل ما تجيب ورقه وتكتب عليها رقم سري لباب او طريقة حل لغز ,, تكتبه على الخريطة على الاماكن وبعدين تشوف الخريطة من الشاشه العلويه وتحل اللغز , او في وحش جالس في محل تأشر على مكانه عشان ما تنساه
وحلو كمان طريقة حديث الاعداء ,, اذا تكلم يطلع مثل الغيمه البيضاء من شاشة اللمس للشاشة الي فوق وبعدين تطلع .
التحكم بالسفينة مو مثل زمان انت تلف وتتحرك طول الوقت ,, تحدد بالخريطة المكان الي تبيه وهو يتحرش ويمشي بلحاله ,, شي جيد كمان.
واضح ان اللعبة في مراحلها الاولى,, بنشوف فيديوز اكثر اكيد في E3 .. ما اعتقد بنشوف تحسن من ناحية الجرافيكس في الفيديو الي بيعرضونه لكن اكيد بيتحسن بعدين وبيصير اقوى ,, مثل ما اول صور لتيلز اوف تيمبست وآخر صور لها ,, في فرق واضح جداَ..
الي مخوفني شي واحد فقط ,, الي هو Hourglass بمعنى القزاز الي فيه الرمل حق الوقت ,, خايف اللعبة تصير مثل ماجورا ماسك والوقت يكون له دور كبير في اللعبة , يربك الواحد في اللعب ويخليه مستعجل ويترك اشياء كثيره باللعب .. لاحظنا باول مقطع من الفيديو حل اللغز كان رسم هذا الشكل ,, القصة اكيد لها دخل بالوقت لكن هل الوقت له دور يأثر فيه على نظام اللعبة الله يعلم ,, اتمنى لا.
مبروك عليكم شباب
🙂 اسطورة جديدة قادمة.
العرض وصل
🙂
Zelda: Phantom Hourglass High - Res Video
Size: 26.7 M.b
Right Click. Save As
http://myweb.saudi.net.sa/khalid-s/ZeldaPH_HighRes.mov
لحد ينشره شباب ,, الزوار ياريت ما تنشرونه لان اذا نشرتوه بيخرب ويمكن يوقفون السيرفر لان الباندويدث بيصير عالي, وعاد اذا سكروه انتم الخسرانين مافي عروض بسرعة كاملة مافي عليها ضغط
😛
