Final Fantasy
Banned
XD XD XD
أنا فيني حالة توني أكتشف أنها شاذه و غريبة !!
من و أنا صغير و أنا كل ما أنام لازم أحلم الا مرات نادرة .. حتى لو نمت و بعدين قمت من النوم لمدة دقيقة و رجعت أنام أحلم حلم ثاني .. و أيضا لو أنام لمدة 20 دقيقة أحلم فيها .. هالشي استمر معاي من صغري الى الحين .
كان على بالي أن كل الناس مثلي و هذا شي طبيعي ... و لكن السنة الي طافت اكتشفت أني كنت مخطأ !!
العكس هو الي يصير .. الناس لما تنام تغمض عين تفتح عين و خلاص .. و نادرا ما يحلمون .
عاد ياريت لو أحلامي عادية .. أحلامي عبارة عن أفلام غريبة عجيبة غير شكل :suspiciou
خلوني أقولكم آخر الأحلام الي حلمتها :
---------------------------------------
Dream N:1
هالحلم حلمته اليوم أني في بيت جيرانا الي لما كنت صغير 24 ساعه مطيح عندهم .. و كان الجو بره مرعب و مطر و رعد و رياح قوية و أنا أفكر أني لازم أرجع البيت علشان أقعد مع أمي .. فجأة انتقل المشهد لفوق السطح و أنا واقف فوق الحواف و قاعد أنطنط من جدار لجدار حتى أوصل لبيتنا .. و أنتبهت بعدين أن فيه ناس كثار قاعدين ينطنطون من بعيد مثلي و يتنقلون بين البيوت عن طريق النطنطه فوق السطوح 😕
المهم و أنا مشغول بالتنطيط و لا فجأة تصير السما لونها أحمر و يبدأ ينزل منها برق على الناس ... و قاعد أشوف شلون البرق يصيب ناس و يطيحهم من فوق لتحت و أنا شوي و تصير فيني سكتة قلبية من الرعب فقمت أسرع في التنتيط و أحاول بسرعة أوصل لبيتنا علشان أدخل .. قمت دخلت داخل البيت و صكرت الباب و أنا خايف .. بديت أنزل من فوق السطح و لا ألقى الكهربة منقطعه و البيت ظلمة و الأغراض متناثرة و جوه كئيب كأنه بيت مسكون .. رحت أدور على أمي ما حصلتها قمت طلعت للحوش و شفت فوق و لا ألقى فوق بالسما فيه مثل دوامة حمررررررررره ضخمة قاعده تدور و تحرك الغيوم بشكل يخلي الدوامة مظهرها أكبر .. خفت فرحت فتحت باب البيت و طلعت و لا ألقى الشارع مهجور و هادئ و مافيه أي أحد .. صرت أركض و أركض و أركض و أحاول ألقى أحد بس مافيه غير الأوراق الي الهوى تطيرها و تتلاعب فيها .......... و هني بس ما أتذكر تكملة الحلم ( أدري شوقتكم عالفاضي بس شنو أسوي اذا نسيت XD ) .
Dream N:2
أمس قمت من النوم و أنا معصب و متضايق و متنرفز .. أحاول أتذكر و أكتشف ليش مو قادر !!
نزلت تحت جلست مع أمي شوي رجعت فوق غرفتي شفت تلفزيون و تغذيت و أنا أحاول أعرف ليش متضايق و متنرفز .. و وقت الغذا و أنا أتعذى تذكرت ليش .. طلعت متضايق و متنرفز لأن جدتي صرخت علي و عطتني (علقه) في الحلم XD
كان الحلم أني قاعد أسوق سيارتي و رايح لمنطقة اسمها (حولي) و هذه معروفة أنها منطقة جدا نشطة و كلها محلات و مجتمعات و كافيهات و شوارعها مليانه ناس رايحه و جايه في كل الأوقات .
المهم كان الوقت الليل و كئيب و قاعد أسوق سيارتي .. فجأة صار فيني جنون !! قمت أدعم في السيارات و فقدت سيطرتي على السيارة .. ألف يمين أدعم سيارات .. أحاول أرجع لورى أدعم سيارات .. و أنا بالحلم خايف و متضايق و متنرفز أبي أوقف دعم بس مو قادر و كل شوي يزداد فقدان سيطرتني على السيارة .. فجأة أدعم سيارة شرطي و بعدين هربت منهم .. و هات ملاحقات و مطاردات في الشوارع ... أنا أدعس و أدعس و أدعس و هو وراي وراي وراي .. أقوم أختبئ في زاقوق و أطفي أضواء السيارة تقوم دورية الشرطة تمر أمام الزاقوق مو شايفتني و بعدين أقوم أشغل السيارة و أكمل هرب و ينتهبون لي و يرجعون يطاردوني .. آخر شي قدرت أضيعهم و رحت لبيت جدتي لأني الحين صرت فار من العدالة و أحتاج مكان أختبئ فيه 😛
دخلت داخل عند جدتي و قلت لها الي صار فقامت هي مسكتني و صارت تصارخ علي و تعطيني علقه و تتذمر على راسي و أنا ساكت و بالعها و حاسس أني راح أنفجر من الغضب عليها لأن الي فيني كافيني و هي قاعده تزيد علي .. بعدين قمت من النوم و أنا لا زلت متضايق و متنرفز و لكن نسيت السبب مثل ما عرفتوا XD
Dream N:3
هذا الحلم حلمته من كم شهر و لكنه ظل عالق في ذاكرتي لأني حسيت نفسي عايشه فعلا !!
كنت قاعد أسوق سيارتي في الشارع و كانت الدنيا أيضا ليل .. كنت عند اشارة المرور و قررت أني أبي أطوفها لأني مستعجل أبي أوصل البيت بسرعة .. طفت الاشارة و مشيت و لا فجأة تطلع لي شاحنة كبيرة تدعم سيارتي .. و السيارة تبدأ تدور و تدور و تدور و تنرمي بعييييييييييييييد و تنقلب بالشارع و أنا أعيش اللحظات و أصاااااااااارخ و أقول خلاص أنا راح أموت أنا ميت ميت .. و توقفت السيارة عن التحرك لما اصطدمت بعامود الجسر و كنت منحبس في السيارة و حسيت نفسي قاعد أموت .. فجأة أقوم من النوم و أنا مفزوز و أنتصب في جلستي مع صرخة عالية .. مستحيل أنسى هالحلم و الشعور للحين أحس فيه و أحس كأني عشته حقيقة مو حلم
Dream N:4
هالحلم حلمته من فترة و لكن للحين أتذكره .. حلمت أني مع مجموعة من الناس موجودين على جزيرة نائية ضايعين .. قاعدين نمشي مع بعض و الجو هااااااادئ و الدنيا ظلمة و ليل (( أغلب أحلامي تجري أحداثها بالليل لوووول )) .. قاعدين نمشي نمشي نمشي و فجأة يطلع لنا ديناصور !!! يبدأ يلحقنا الديناصور و احنا نركض و وصلنا عند سور مكون من أسلاك شائكة مثل الي موجود في فيلم ( جوراسيك بارك ) الناس قاعده تحاول تصعد علشان توصل للطرف الثاني و أنا معاهم .. و الديناصور حضرته قاعد يتمشى في رواق و يبدأ يلقط الناس و هي تتسلق واحد واحد يلقط و ياكل .. قاعد أحاول أتسلق بسرعه بس مافيني لياقة و قاعد أحس بتعب و الديناصور قاعد يقترب .. لما اقترب مني و قام لقط الرجال الي كان يحاول يتسلق بجانبي و صارت اللقطة ZooM عليه ((وجعععع)) و هو ياكله و الرجال يصرخ .. هني ارتعبت فبديت أتسلق بسرعه بسرعه بسرعه و رحت للصوب الثاني و لما التفت أشوف ناس قاعدين على كراسي استجمامية لابسين قبعات شمسية و يشربون العصر و أنا أطالع فيهم مستغرب --> :jawDrop::
أشوف وراي ألقى الديناصور قاعد يروح و يجي على جانب السور يحاول يدخل بس مو عارف كيف .. أطالع قدام أشوف الناس جالسه على رواق تشرب عصير و تسترخي و أنا أقول في نفسي ( شفيهم ما يتحركون ما يشوفون الديناصور وراي !! ) قمت مشيت صوبهم و قاعد أتنقل بين كراسيهم بهدوء و أنا أطالع فيهم .. طالعت صوب الديناصور و لا أشوفه بدأ يرجع لورى و أنا شوي ارتحت لأن على بالي أنه خلاص راح ... :bigSmile: ... و لكن فجأة يلتفت و يبدأ يركض يركض يركض و يقفز فوق السور أنا هني قلبي وقف من الخوف :jawDrop:: و الناس بدأت تصارخ و تراكض يمين و يسار و أنا أتخبط بينهم و الديناصور قاعد يلقطهم و يقذفهم فوق و بعديت يفتح فمه و يبلعهم ... قمت ركضت و ركضت و دخلت داخل مخزن و لا ألقى فيه طيارة قمت ركبتها و حلقت فيها لفوق و انحشت .. و أنا قاعد أحلق فوق شفت الديناصور تحت يطالعني رافع راسه يحاول يوصل لي بس مو قادر .. قمت ابتعدت عن الجزيرة و حلقت فوق المحيط و أنا أقول بنفسي أخيرا صرت بأمان .. بس بعدين استوعبت أني مو عارف وين أروح و شلون استعمل الطيارة .. مالت علي أجل ركبتها ليش !!
قالوا لي لو الواحد يقرأ آية الكرسي و ينام ماراح يحلم ... بس أنا خلاص تعودت على الأحلام و صرت أتشوق لمواعيد النوم علشان أحلم حلم جديد و أعيش جو و أتموسفير جديد لول 😀
سألت واحد و قلت له أني كل ما أنام أحلم و ليش أنا صاير عكس الناس الطبيعيين .. قالي أن الأحلام عبارة عن كبت 😕 و أنك تستفرغ هالكبت أثناء النوم عن طريق هالأحلام !!
و واحد قالي أن الي يتهاون في صلاته يحلم بشكل مكثف .. بس أنا مداوم على صلاتي و الحمدالله و أحاول أصليها في وقتها دون تأخير !!
طيب اذا شنو سالفة هالأحلام ؟؟ معقولة تكون شي مرضي و لازم آخذ لي استشارة !!
أنا ما عندي مانع أحلم كل يوم لأني شخص أحب الأحلام (( الا الي تغث الواحد مثل حلم حادث سيارة الشاحنه -_- ))
بس أبي أعرف فيه أحد له حالة مثل حالتي و شنو سبب هالحالة !!
و هاتوا لنا كم حلم من أحلامكم 🙂
على فكرة أتذكر مرة حلمت عن ترو جيمنج .. بموضوع مادري ردود ما أتذكر بالضبط عن شنو كان الحلم بس كأن عمر (نينتندو) كان بالحلم لأني أتذكر شفت اسم أحمر 😛
و ان شاءالله أي حلم آخر جديد راح أضيفه هني و أقولكم عنه (( الا شرايكم نخلي هالموضوع رسمي حق الأحلام أي واحد يحلم يقوم يحط حلمه هني هههههههههههههههه XD ))
و دمتكم سالمين ._.
أنا فيني حالة توني أكتشف أنها شاذه و غريبة !!
من و أنا صغير و أنا كل ما أنام لازم أحلم الا مرات نادرة .. حتى لو نمت و بعدين قمت من النوم لمدة دقيقة و رجعت أنام أحلم حلم ثاني .. و أيضا لو أنام لمدة 20 دقيقة أحلم فيها .. هالشي استمر معاي من صغري الى الحين .
كان على بالي أن كل الناس مثلي و هذا شي طبيعي ... و لكن السنة الي طافت اكتشفت أني كنت مخطأ !!
العكس هو الي يصير .. الناس لما تنام تغمض عين تفتح عين و خلاص .. و نادرا ما يحلمون .
عاد ياريت لو أحلامي عادية .. أحلامي عبارة عن أفلام غريبة عجيبة غير شكل :suspiciou
خلوني أقولكم آخر الأحلام الي حلمتها :
---------------------------------------
Dream N:1
هالحلم حلمته اليوم أني في بيت جيرانا الي لما كنت صغير 24 ساعه مطيح عندهم .. و كان الجو بره مرعب و مطر و رعد و رياح قوية و أنا أفكر أني لازم أرجع البيت علشان أقعد مع أمي .. فجأة انتقل المشهد لفوق السطح و أنا واقف فوق الحواف و قاعد أنطنط من جدار لجدار حتى أوصل لبيتنا .. و أنتبهت بعدين أن فيه ناس كثار قاعدين ينطنطون من بعيد مثلي و يتنقلون بين البيوت عن طريق النطنطه فوق السطوح 😕
المهم و أنا مشغول بالتنطيط و لا فجأة تصير السما لونها أحمر و يبدأ ينزل منها برق على الناس ... و قاعد أشوف شلون البرق يصيب ناس و يطيحهم من فوق لتحت و أنا شوي و تصير فيني سكتة قلبية من الرعب فقمت أسرع في التنتيط و أحاول بسرعة أوصل لبيتنا علشان أدخل .. قمت دخلت داخل البيت و صكرت الباب و أنا خايف .. بديت أنزل من فوق السطح و لا ألقى الكهربة منقطعه و البيت ظلمة و الأغراض متناثرة و جوه كئيب كأنه بيت مسكون .. رحت أدور على أمي ما حصلتها قمت طلعت للحوش و شفت فوق و لا ألقى فوق بالسما فيه مثل دوامة حمررررررررره ضخمة قاعده تدور و تحرك الغيوم بشكل يخلي الدوامة مظهرها أكبر .. خفت فرحت فتحت باب البيت و طلعت و لا ألقى الشارع مهجور و هادئ و مافيه أي أحد .. صرت أركض و أركض و أركض و أحاول ألقى أحد بس مافيه غير الأوراق الي الهوى تطيرها و تتلاعب فيها .......... و هني بس ما أتذكر تكملة الحلم ( أدري شوقتكم عالفاضي بس شنو أسوي اذا نسيت XD ) .
Dream N:2
أمس قمت من النوم و أنا معصب و متضايق و متنرفز .. أحاول أتذكر و أكتشف ليش مو قادر !!
نزلت تحت جلست مع أمي شوي رجعت فوق غرفتي شفت تلفزيون و تغذيت و أنا أحاول أعرف ليش متضايق و متنرفز .. و وقت الغذا و أنا أتعذى تذكرت ليش .. طلعت متضايق و متنرفز لأن جدتي صرخت علي و عطتني (علقه) في الحلم XD
كان الحلم أني قاعد أسوق سيارتي و رايح لمنطقة اسمها (حولي) و هذه معروفة أنها منطقة جدا نشطة و كلها محلات و مجتمعات و كافيهات و شوارعها مليانه ناس رايحه و جايه في كل الأوقات .
المهم كان الوقت الليل و كئيب و قاعد أسوق سيارتي .. فجأة صار فيني جنون !! قمت أدعم في السيارات و فقدت سيطرتي على السيارة .. ألف يمين أدعم سيارات .. أحاول أرجع لورى أدعم سيارات .. و أنا بالحلم خايف و متضايق و متنرفز أبي أوقف دعم بس مو قادر و كل شوي يزداد فقدان سيطرتني على السيارة .. فجأة أدعم سيارة شرطي و بعدين هربت منهم .. و هات ملاحقات و مطاردات في الشوارع ... أنا أدعس و أدعس و أدعس و هو وراي وراي وراي .. أقوم أختبئ في زاقوق و أطفي أضواء السيارة تقوم دورية الشرطة تمر أمام الزاقوق مو شايفتني و بعدين أقوم أشغل السيارة و أكمل هرب و ينتهبون لي و يرجعون يطاردوني .. آخر شي قدرت أضيعهم و رحت لبيت جدتي لأني الحين صرت فار من العدالة و أحتاج مكان أختبئ فيه 😛
دخلت داخل عند جدتي و قلت لها الي صار فقامت هي مسكتني و صارت تصارخ علي و تعطيني علقه و تتذمر على راسي و أنا ساكت و بالعها و حاسس أني راح أنفجر من الغضب عليها لأن الي فيني كافيني و هي قاعده تزيد علي .. بعدين قمت من النوم و أنا لا زلت متضايق و متنرفز و لكن نسيت السبب مثل ما عرفتوا XD
Dream N:3
هذا الحلم حلمته من كم شهر و لكنه ظل عالق في ذاكرتي لأني حسيت نفسي عايشه فعلا !!
كنت قاعد أسوق سيارتي في الشارع و كانت الدنيا أيضا ليل .. كنت عند اشارة المرور و قررت أني أبي أطوفها لأني مستعجل أبي أوصل البيت بسرعة .. طفت الاشارة و مشيت و لا فجأة تطلع لي شاحنة كبيرة تدعم سيارتي .. و السيارة تبدأ تدور و تدور و تدور و تنرمي بعييييييييييييييد و تنقلب بالشارع و أنا أعيش اللحظات و أصاااااااااارخ و أقول خلاص أنا راح أموت أنا ميت ميت .. و توقفت السيارة عن التحرك لما اصطدمت بعامود الجسر و كنت منحبس في السيارة و حسيت نفسي قاعد أموت .. فجأة أقوم من النوم و أنا مفزوز و أنتصب في جلستي مع صرخة عالية .. مستحيل أنسى هالحلم و الشعور للحين أحس فيه و أحس كأني عشته حقيقة مو حلم
Dream N:4
هالحلم حلمته من فترة و لكن للحين أتذكره .. حلمت أني مع مجموعة من الناس موجودين على جزيرة نائية ضايعين .. قاعدين نمشي مع بعض و الجو هااااااادئ و الدنيا ظلمة و ليل (( أغلب أحلامي تجري أحداثها بالليل لوووول )) .. قاعدين نمشي نمشي نمشي و فجأة يطلع لنا ديناصور !!! يبدأ يلحقنا الديناصور و احنا نركض و وصلنا عند سور مكون من أسلاك شائكة مثل الي موجود في فيلم ( جوراسيك بارك ) الناس قاعده تحاول تصعد علشان توصل للطرف الثاني و أنا معاهم .. و الديناصور حضرته قاعد يتمشى في رواق و يبدأ يلقط الناس و هي تتسلق واحد واحد يلقط و ياكل .. قاعد أحاول أتسلق بسرعه بس مافيني لياقة و قاعد أحس بتعب و الديناصور قاعد يقترب .. لما اقترب مني و قام لقط الرجال الي كان يحاول يتسلق بجانبي و صارت اللقطة ZooM عليه ((وجعععع)) و هو ياكله و الرجال يصرخ .. هني ارتعبت فبديت أتسلق بسرعه بسرعه بسرعه و رحت للصوب الثاني و لما التفت أشوف ناس قاعدين على كراسي استجمامية لابسين قبعات شمسية و يشربون العصر و أنا أطالع فيهم مستغرب --> :jawDrop::
أشوف وراي ألقى الديناصور قاعد يروح و يجي على جانب السور يحاول يدخل بس مو عارف كيف .. أطالع قدام أشوف الناس جالسه على رواق تشرب عصير و تسترخي و أنا أقول في نفسي ( شفيهم ما يتحركون ما يشوفون الديناصور وراي !! ) قمت مشيت صوبهم و قاعد أتنقل بين كراسيهم بهدوء و أنا أطالع فيهم .. طالعت صوب الديناصور و لا أشوفه بدأ يرجع لورى و أنا شوي ارتحت لأن على بالي أنه خلاص راح ... :bigSmile: ... و لكن فجأة يلتفت و يبدأ يركض يركض يركض و يقفز فوق السور أنا هني قلبي وقف من الخوف :jawDrop:: و الناس بدأت تصارخ و تراكض يمين و يسار و أنا أتخبط بينهم و الديناصور قاعد يلقطهم و يقذفهم فوق و بعديت يفتح فمه و يبلعهم ... قمت ركضت و ركضت و دخلت داخل مخزن و لا ألقى فيه طيارة قمت ركبتها و حلقت فيها لفوق و انحشت .. و أنا قاعد أحلق فوق شفت الديناصور تحت يطالعني رافع راسه يحاول يوصل لي بس مو قادر .. قمت ابتعدت عن الجزيرة و حلقت فوق المحيط و أنا أقول بنفسي أخيرا صرت بأمان .. بس بعدين استوعبت أني مو عارف وين أروح و شلون استعمل الطيارة .. مالت علي أجل ركبتها ليش !!
قالوا لي لو الواحد يقرأ آية الكرسي و ينام ماراح يحلم ... بس أنا خلاص تعودت على الأحلام و صرت أتشوق لمواعيد النوم علشان أحلم حلم جديد و أعيش جو و أتموسفير جديد لول 😀
سألت واحد و قلت له أني كل ما أنام أحلم و ليش أنا صاير عكس الناس الطبيعيين .. قالي أن الأحلام عبارة عن كبت 😕 و أنك تستفرغ هالكبت أثناء النوم عن طريق هالأحلام !!
و واحد قالي أن الي يتهاون في صلاته يحلم بشكل مكثف .. بس أنا مداوم على صلاتي و الحمدالله و أحاول أصليها في وقتها دون تأخير !!
طيب اذا شنو سالفة هالأحلام ؟؟ معقولة تكون شي مرضي و لازم آخذ لي استشارة !!
أنا ما عندي مانع أحلم كل يوم لأني شخص أحب الأحلام (( الا الي تغث الواحد مثل حلم حادث سيارة الشاحنه -_- ))
بس أبي أعرف فيه أحد له حالة مثل حالتي و شنو سبب هالحالة !!
و هاتوا لنا كم حلم من أحلامكم 🙂
على فكرة أتذكر مرة حلمت عن ترو جيمنج .. بموضوع مادري ردود ما أتذكر بالضبط عن شنو كان الحلم بس كأن عمر (نينتندو) كان بالحلم لأني أتذكر شفت اسم أحمر 😛
و ان شاءالله أي حلم آخر جديد راح أضيفه هني و أقولكم عنه (( الا شرايكم نخلي هالموضوع رسمي حق الأحلام أي واحد يحلم يقوم يحط حلمه هني هههههههههههههههه XD ))
و دمتكم سالمين ._.
