s3rorh
True Gamer
دام إنها فتره عطله صيفيه ، و السفر هذي حزته ،، خل نشوف بنو بطابيط ألي عندنا وين سافروا قبل !؟ لعل و عسى احد فينا راح لدوله مو مشهوره بالزيارات ،،
فا كل واحد يذكر لنا الدول ألي زارها ، مع انطباع شخصي عنها او اي معلومه حب يشاركها
- كوبنهاغن ، دنمارك ٢٠٠٩ ، اول مكان اسافر له بحياتي و هنا ألتقيت بزوجتي، او بالاحرى عرفتها بشكل أفضل
. الديره نفسها كئيبه و تحس الكل بالعمل و مافي وقت للحياة الإجتماعيه .. و ممله و استغرب من ألي يحطها كا وجهه له للسياحه ،، طبعاً من سنه ٢٠٠٩ لغايه اليوم، زرتها ٦-٩ مرات ، ومره منهم عشت فيها ٦ أشهر تقريباً ، كان كافيه اني اكره البلد و ما افكر العيش فيه
- سيده زينب/دمشق، سوريا ٢٠١١ ، للحين اذكر لما بالمطار عند وصول، الموظف عطاني نقزه انه يبي بغشيش/رشوه علشان يمشي معاملتي بسرعه، وانا فهمت النقزه و سحبت اول مبلغ بجيبي و عطيته وانا فل توتر ،،، ناظر للمبلغ و ناظرني و ضحك ، قال اول مره تجي سوريا ؟ قلت له اي و إن شاء الله مو اخر مره، نظام مسوي نفسي امون عليه و فله و كذا … ضحك و ختم جواز و قال تفضل ،،، مجرد ما طلعت من المطار و ألتقيت بربعي ،، و شرحت السالفه لكم، ضحكوا و قالوا المبلغ ألي عطيته له، يدوبك يجيب ربطه/كيس خبز !!! ههههه .. الديره حلوه و بخاطري اعيد زيارتها ، حبيت اجواء سوق الحميديه و العشوائيه ألي بالشارع ، خاصه لما تمشي بالشارع و تحصل واحد ماسك طقم اسنان بايده ، و بايده الاخره شنطه العده معاه ،، نظام عياده اسنان سفري الحبيب
- برشلونه ، إسبانيا ٢٠١٤ ، اول سفره مع المدام و كانت لمده ٤ ايام اذكر ،،، تجربه كانت فريده و للحين اذكر حراره الجو الجميله و الاسواق الشعبيه الجميله ألي جلسنا ندخل لها بشكل عشوائي و من غير تخطيط ،، من اجمل التجارب كانت السكوتر الكهربائي واحد لي و واحد للمدام ،،، و بهالسفره، عرفنا انه اكبر خطأ ما سوينها من day 1, هو اننا ما اجرنا الباص المكشوف. تجربه الاكل كانت عاديه و اغلب اكلنا كان من محلات مغربيه و نظام فلافل و شاورما ، وما اعتقد تسوى اعاده زيارتها
- مشهد ، ايران ٢٠١٥ ، اخذت بناتي و امي و المدام ، انبهرت بالنظافه هناك و فوق هذا ، كل شي رخيص !! ،، اجواء كانت جميله بفتره تمشي الليل ،، ومتعتي كانت لما البائعين الجواله كانوا يفرشون الارض و يعرضون بضائعهم من خواتم و مسابيح ، وانا كنت بس استمتع بالنظر للبضاعه ، ومرات استمتع اكثر ، لما البائع و المُشتري يصير نقاش حاد بينهم عن خاتم ما !! ،،، و زحمه الشوارع ما ادري كيف اوصفها ،، يعني اول مره اشوف زحمه سيارات و عشوائية، بس بشكل مُنظم !!! .. تقول بيت نمل
- إسطنبول، تركيا ٢٠٢٠ ، انا و المدام فقط ، من اجمل المدن ألي زرتها ، استمعت بكل يوم فيها و حللنا كل يوم فيها ،، السر ورا هالشي ، لا تروح لمكان يروحون له العرب !! لانه تعامل الاتراك بيكون من اسوء ما تراه و هالشي جربناه عند الاماكن المزدحمه بالسياح ، بل رحنا اماكن بالقطارات ، ما تسمع فيها ولا حرف واحد زايد غير التركي ! ، الاكل كان حلو و السفاري و المغامرات بصبنجه كانت رهيبه ،، تعرفت على ٣ اشخاص مختلفين و للان اتواصل معاهم ،، زوجتي كذلك نفس الشي ، تجربه اتمنى اعيدها باقرب وقت ممكن ،، بس اكيد مو قبل ما ازور باقي الدول ألي بخاطري ازورها بالاول !!
- ديزني لاند باريس ، فرنسا ٢٠٢١ ، اخذت بناتي و زوجتي و سحبت على ولدي و خليته عند جدته، المسكين للحينه حاقد علي و يتذكر هالسالفه ،، و السبب من هالشي بانه الرحله كانت هديه مننا انا و زوجتي ، حق بناتي ، لانهم بيتحجبون ،، فا كان واجب علينا نلبسهم لبس الاميرات و نخليهم يسون و يلبسون الي بخاطرهم بمدينه الاميرات ، قبل لا يتحجبون ،، و الحمدلله توفقنا بالرحله ،، كانت لفتره ٣ ايام و طلعنا بري من ليدز-لندن-باريس-لندن-ليدز ،، إن شاء الله بمجرد ما يكتمل عالم marvels ، باخذ ولدي و اعوضه … و باريس و برج ايفل اكبر مقلب -_-
-مدينه المنوره و مكه و جده ،السعوديه ٢٠٢٣ انا و زوجتي فقط ،، و انطباعي بكلمه🙁انبهرت !!) ،،
المدينه لمده اسبوع : انبهرت من التوسعه بالمدينه و كيف البنايات مُحاطه بالحرم ، بنايات ضخمه من جد !! ، و كانت اول مره ادخل فيها مقبره و أُشارك بدفن شخص حتى ما اعرفه !! ،، جربت الاكلات الشعبيه بالمكان و حبيت الاجواء جدا و راحه نفسيه ، تخليني اشتاق ارجع للمكان باقرب وقت ،، و ألتقيت مع أحد اصدقائي الي تعرفت عليهم بتركيا، كان اللقاء جميع و ممتع بسبب مغامره البحث عن العجوة المثاليه بسوق التمر ،،xD ،، و شارع قباء يفوووز ،، و ايوه ، بمجرد ما لمحنا الباص المكشوف ، على طول ركبناه
مكه : على الرغم انه بيت الله الحرام فيها ، بس ياخي تحس بشي مُزعج بداخلك ،، ما تحس براحه و تحس الكل متوتر و معصب ،، شاركت مشاعري مع غيري ، و الاغلبيه شاركتني نفس الشعور !! ،، حتى واحد من اهل مكه وافقني الرأي !! غريبه ،،،
مشهد رؤيتي للكعبه، كان لا يوصف ، و خاصه لما تشوف الناس بكل اجناسها و اشكالها ، تدور حول الكعبه ، و كأنه هذا الشي تصور بسيط و صغير لكيفيه وضع البشر بيوم القيامه ،،، جداً غيرني المظر كا شخص و بيومها افكاري و نظرتي للدنيا تغيرت بشكل اكبر و اسرع عن قبل ، و على طول صار نيتي احج بأسرع وقت ممكن ، و الحمدلله المدام حجت هالسنه و النيه دوري السنه الجايه مع امي
جدة ، امرين اثنين لا ثالث لهما :
-سوق البلد
- لقائي ب @squall leonhart / فيصل .
كان بودي أوصل لغايه الرياض و الشرقيه ، و ألتقي ببقيه الشباب ، بس المدام عرقلت حركتي و صار لابد ازور المملكه مره ثانيه بس من غير المدام ، لحريه افضل
- ابو ظبي و دبي ، الإمارات ٢٠٢٣.. جلست هناك تقريباً ٤٨ ساعه ، سبب الروحه عشان احضر عرس بدبي ، بس اقامتي كانت بابوظبي ،،
ابو ظبي مُبهرة !!! للحيني اذكر لما شفت احد شوارعها و قلت لرفيجي ، شكله الشوارع دايماً عندكم يصلحونها اول باول ، ولا قال "يا شيخ الشارع هذا عمره فوق ١٠ سنوات و ما تم لمسه من يوم إنشاءه !!" .. 😵 ,,, يمكن لاني كنت اقارن بينها و بين الكويت او السعوديه ،،، و المفروض اي مُسافر ، يبطل سالفه المقارانات ،، و يبطل مقارنه اسعار السلع خصوصاً!! علشان لا يصدع !
دبي ، حسيته اوفريتد و فل دكوره ، و ما حبيتها امانه ، ذكرتني بلندن ألي انا ألريدي اكرها !! ،،، و برضوا المطاعم بصوره عامه ،، حسيتها عاديه و تمشي الحال ، بس ابداً ما تتقارن بمطاعم الكويت
- كربلاء و النجف و الناصرية ، العراق ٢٠٢٣. و اخيراً شفت خوالي !! ههههه
طلعت بري من الكويت و ابوي لأخر لحظه يقول لي " يبا شعندك ذالف للعراق ، لا تضيع ما فيني شده ادورك" ،، واما كل شوي اهديه و اقول له ترا عمري ٣٥ ، ماني ياهل !!
نمت فيها ٣ ليالي ،، و كنت انتقل بروحي من مكان بمكان عن طريق الباصات و السيارات العامه مع ناس غرباء و عشوائيين ، والضحك بأنه الكل على بالهم انا عراقي ، بسبب إتقاني للهجتهم ههههه ، جربت الاكلات الشعبيه بكربلا ، و جربت افضل مغامره غير مخطط لها !! ،،، اكنت امشي على رجولي متوجه لمطعم عليه مدح كبير بالإنستقرام،، وانا امشي ، ولا الوضع صار مصخره و المسافه كل مالها قاعد تطول !! ، بلا سابق انذار، ألتفتت للخلف ولا شفت واحد شاب يمتطي دراجته السيكل ، جان اوقفه ، وقلت له "توصلني للمطعم الفلاني !؟" ، و فعلاً الشاب ما قصر و اخذني ،،، صحيح كنا بنندهس مرتين بسبب قيادته الطائشه ، بس جداً استمتعت !!! ،،، و لما وصلت المطعم ،، إضطريت اسحبه من ذراعه، علشان نتعشى سوا، لانه ما رضا ياخذ اجره التوصيل لما درا إني زائر ،،، و من ذاك اليوم للان واحنا على تواصل ،،
النجف ، ما طولت فيها جلست قرابه ٣ ساعات و رحلت عنها 🙁 ،، متوجهً للناصريه
و الناصريه = شفت خوالي !!،، نمت فيها ليله و ناوي قريب اعيد الزياره إن شاء الله
دول اتمنى زيارتها عقب الحج :
تايلند
المغرب
نيبال
مصر
سيرلانكا
اليابان
الهند
زنجبار
كندا
عُمان
فا كل واحد يذكر لنا الدول ألي زارها ، مع انطباع شخصي عنها او اي معلومه حب يشاركها
- كوبنهاغن ، دنمارك ٢٠٠٩ ، اول مكان اسافر له بحياتي و هنا ألتقيت بزوجتي، او بالاحرى عرفتها بشكل أفضل
. الديره نفسها كئيبه و تحس الكل بالعمل و مافي وقت للحياة الإجتماعيه .. و ممله و استغرب من ألي يحطها كا وجهه له للسياحه ،، طبعاً من سنه ٢٠٠٩ لغايه اليوم، زرتها ٦-٩ مرات ، ومره منهم عشت فيها ٦ أشهر تقريباً ، كان كافيه اني اكره البلد و ما افكر العيش فيه- سيده زينب/دمشق، سوريا ٢٠١١ ، للحين اذكر لما بالمطار عند وصول، الموظف عطاني نقزه انه يبي بغشيش/رشوه علشان يمشي معاملتي بسرعه، وانا فهمت النقزه و سحبت اول مبلغ بجيبي و عطيته وانا فل توتر ،،، ناظر للمبلغ و ناظرني و ضحك ، قال اول مره تجي سوريا ؟ قلت له اي و إن شاء الله مو اخر مره، نظام مسوي نفسي امون عليه و فله و كذا … ضحك و ختم جواز و قال تفضل ،،، مجرد ما طلعت من المطار و ألتقيت بربعي ،، و شرحت السالفه لكم، ضحكوا و قالوا المبلغ ألي عطيته له، يدوبك يجيب ربطه/كيس خبز !!! ههههه .. الديره حلوه و بخاطري اعيد زيارتها ، حبيت اجواء سوق الحميديه و العشوائيه ألي بالشارع ، خاصه لما تمشي بالشارع و تحصل واحد ماسك طقم اسنان بايده ، و بايده الاخره شنطه العده معاه ،، نظام عياده اسنان سفري الحبيب
- برشلونه ، إسبانيا ٢٠١٤ ، اول سفره مع المدام و كانت لمده ٤ ايام اذكر ،،، تجربه كانت فريده و للحين اذكر حراره الجو الجميله و الاسواق الشعبيه الجميله ألي جلسنا ندخل لها بشكل عشوائي و من غير تخطيط ،، من اجمل التجارب كانت السكوتر الكهربائي واحد لي و واحد للمدام ،،، و بهالسفره، عرفنا انه اكبر خطأ ما سوينها من day 1, هو اننا ما اجرنا الباص المكشوف. تجربه الاكل كانت عاديه و اغلب اكلنا كان من محلات مغربيه و نظام فلافل و شاورما ، وما اعتقد تسوى اعاده زيارتها
- مشهد ، ايران ٢٠١٥ ، اخذت بناتي و امي و المدام ، انبهرت بالنظافه هناك و فوق هذا ، كل شي رخيص !! ،، اجواء كانت جميله بفتره تمشي الليل ،، ومتعتي كانت لما البائعين الجواله كانوا يفرشون الارض و يعرضون بضائعهم من خواتم و مسابيح ، وانا كنت بس استمتع بالنظر للبضاعه ، ومرات استمتع اكثر ، لما البائع و المُشتري يصير نقاش حاد بينهم عن خاتم ما !! ،،، و زحمه الشوارع ما ادري كيف اوصفها ،، يعني اول مره اشوف زحمه سيارات و عشوائية، بس بشكل مُنظم !!! .. تقول بيت نمل
- إسطنبول، تركيا ٢٠٢٠ ، انا و المدام فقط ، من اجمل المدن ألي زرتها ، استمعت بكل يوم فيها و حللنا كل يوم فيها ،، السر ورا هالشي ، لا تروح لمكان يروحون له العرب !! لانه تعامل الاتراك بيكون من اسوء ما تراه و هالشي جربناه عند الاماكن المزدحمه بالسياح ، بل رحنا اماكن بالقطارات ، ما تسمع فيها ولا حرف واحد زايد غير التركي ! ، الاكل كان حلو و السفاري و المغامرات بصبنجه كانت رهيبه ،، تعرفت على ٣ اشخاص مختلفين و للان اتواصل معاهم ،، زوجتي كذلك نفس الشي ، تجربه اتمنى اعيدها باقرب وقت ممكن ،، بس اكيد مو قبل ما ازور باقي الدول ألي بخاطري ازورها بالاول !!
- ديزني لاند باريس ، فرنسا ٢٠٢١ ، اخذت بناتي و زوجتي و سحبت على ولدي و خليته عند جدته
، المسكين للحينه حاقد علي و يتذكر هالسالفه ،، و السبب من هالشي بانه الرحله كانت هديه مننا انا و زوجتي ، حق بناتي ، لانهم بيتحجبون ،، فا كان واجب علينا نلبسهم لبس الاميرات و نخليهم يسون و يلبسون الي بخاطرهم بمدينه الاميرات ، قبل لا يتحجبون ،، و الحمدلله توفقنا بالرحله ،، كانت لفتره ٣ ايام و طلعنا بري من ليدز-لندن-باريس-لندن-ليدز ،، إن شاء الله بمجرد ما يكتمل عالم marvels ، باخذ ولدي و اعوضه … و باريس و برج ايفل اكبر مقلب -_--مدينه المنوره و مكه و جده ،السعوديه ٢٠٢٣ انا و زوجتي فقط ،، و انطباعي بكلمه🙁انبهرت !!) ،،
المدينه لمده اسبوع : انبهرت من التوسعه بالمدينه و كيف البنايات مُحاطه بالحرم ، بنايات ضخمه من جد !! ، و كانت اول مره ادخل فيها مقبره و أُشارك بدفن شخص حتى ما اعرفه !! ،، جربت الاكلات الشعبيه بالمكان و حبيت الاجواء جدا و راحه نفسيه ، تخليني اشتاق ارجع للمكان باقرب وقت ،، و ألتقيت مع أحد اصدقائي الي تعرفت عليهم بتركيا، كان اللقاء جميع و ممتع بسبب مغامره البحث عن العجوة المثاليه بسوق التمر ،،xD ،، و شارع قباء يفوووز ،، و ايوه ، بمجرد ما لمحنا الباص المكشوف ، على طول ركبناه
مكه : على الرغم انه بيت الله الحرام فيها ، بس ياخي تحس بشي مُزعج بداخلك ،، ما تحس براحه و تحس الكل متوتر و معصب ،، شاركت مشاعري مع غيري ، و الاغلبيه شاركتني نفس الشعور !! ،، حتى واحد من اهل مكه وافقني الرأي !! غريبه ،،،
مشهد رؤيتي للكعبه، كان لا يوصف ، و خاصه لما تشوف الناس بكل اجناسها و اشكالها ، تدور حول الكعبه ، و كأنه هذا الشي تصور بسيط و صغير لكيفيه وضع البشر بيوم القيامه ،،، جداً غيرني المظر كا شخص و بيومها افكاري و نظرتي للدنيا تغيرت بشكل اكبر و اسرع عن قبل ، و على طول صار نيتي احج بأسرع وقت ممكن ، و الحمدلله المدام حجت هالسنه و النيه دوري السنه الجايه مع امي
جدة ، امرين اثنين لا ثالث لهما :
-سوق البلد
- لقائي ب @squall leonhart / فيصل .
كان بودي أوصل لغايه الرياض و الشرقيه ، و ألتقي ببقيه الشباب ، بس المدام عرقلت حركتي و صار لابد ازور المملكه مره ثانيه بس من غير المدام ، لحريه افضل
- ابو ظبي و دبي ، الإمارات ٢٠٢٣.. جلست هناك تقريباً ٤٨ ساعه ، سبب الروحه عشان احضر عرس بدبي ، بس اقامتي كانت بابوظبي ،،
ابو ظبي مُبهرة !!! للحيني اذكر لما شفت احد شوارعها و قلت لرفيجي ، شكله الشوارع دايماً عندكم يصلحونها اول باول ، ولا قال "يا شيخ الشارع هذا عمره فوق ١٠ سنوات و ما تم لمسه من يوم إنشاءه !!" .. 😵 ,,, يمكن لاني كنت اقارن بينها و بين الكويت او السعوديه ،،، و المفروض اي مُسافر ، يبطل سالفه المقارانات ،، و يبطل مقارنه اسعار السلع خصوصاً!! علشان لا يصدع !
دبي ، حسيته اوفريتد و فل دكوره ، و ما حبيتها امانه ، ذكرتني بلندن ألي انا ألريدي اكرها !! ،،، و برضوا المطاعم بصوره عامه ،، حسيتها عاديه و تمشي الحال ، بس ابداً ما تتقارن بمطاعم الكويت
- كربلاء و النجف و الناصرية ، العراق ٢٠٢٣. و اخيراً شفت خوالي !! ههههه
طلعت بري من الكويت و ابوي لأخر لحظه يقول لي " يبا شعندك ذالف للعراق ، لا تضيع ما فيني شده ادورك" ،، واما كل شوي اهديه و اقول له ترا عمري ٣٥ ، ماني ياهل !!
نمت فيها ٣ ليالي ،، و كنت انتقل بروحي من مكان بمكان عن طريق الباصات و السيارات العامه مع ناس غرباء و عشوائيين ، والضحك بأنه الكل على بالهم انا عراقي ، بسبب إتقاني للهجتهم ههههه ، جربت الاكلات الشعبيه بكربلا ، و جربت افضل مغامره غير مخطط لها !! ،،، اكنت امشي على رجولي متوجه لمطعم عليه مدح كبير بالإنستقرام،، وانا امشي ، ولا الوضع صار مصخره و المسافه كل مالها قاعد تطول !! ، بلا سابق انذار، ألتفتت للخلف ولا شفت واحد شاب يمتطي دراجته السيكل ، جان اوقفه ، وقلت له "توصلني للمطعم الفلاني !؟" ، و فعلاً الشاب ما قصر و اخذني ،،، صحيح كنا بنندهس مرتين بسبب قيادته الطائشه ، بس جداً استمتعت !!! ،،، و لما وصلت المطعم ،، إضطريت اسحبه من ذراعه، علشان نتعشى سوا، لانه ما رضا ياخذ اجره التوصيل لما درا إني زائر ،،، و من ذاك اليوم للان واحنا على تواصل ،،
النجف ، ما طولت فيها جلست قرابه ٣ ساعات و رحلت عنها 🙁 ،، متوجهً للناصريه
و الناصريه = شفت خوالي !!
،، نمت فيها ليله و ناوي قريب اعيد الزياره إن شاء اللهدول اتمنى زيارتها عقب الحج :
تايلند
المغرب
نيبال
مصر
سيرلانكا
اليابان
الهند
زنجبار
كندا
عُمان
التعديل الأخير:
