النقاش جميل .. مشكلتك عين انك جاي من النهاية او حتى من بعد النهاية .. تناقش مراجع تقني !
بعد بجيب مثال كورة .. كانك واحد يناقش محلل تكتيكي ان كرة القدم البسيطة .. مسونها كانها علم رياضيات بتحليلات تكتيكية .. وان مثل هالتحليلات خربت كرة القدم لان صارت الفرق تهتم لعدد التمريرات (( كمثال )) اكثر من الاهداف
فيه نقطة ثانية بعد
اشكرك
هو انا والله مش مشكلتي وجود مراجعة تقنية ، بس مشكلتي مع الالية والطرح الone dimentional
ذا شي اشوف مهم ننتبه ككل
هذي .. لما نحلل هالجزئية بشكل اكثر توسع
ليش صار في الالعاب (( مودين اثنين )) .. يعني هل فجاة صاروا المطورين كرماء ويانا علشان يعطونا مودين ؟
اعطونا الخيار وبعدين .. وبجيب مثال للسويتش .. مع انه مختلف لكن مقارب نوعا ما
لما حصل اللاعبين على الاختيار شنو صار .. 75% صاروا يختاروا خيار الاداء .. انا مطور شنو افهم من هالرسالة او هالاحصائية .. هل اللاعب مهتم لمظهر اللعبه الـ 4K .. الجميل .. او مهتم لاداء اللعبه الانسيابي ؟
وارجع لصحة كلامك ان هالقرار البسيط يحتاج تبنى اللعبه كامل حوله بس بالنهاية انت تصمم الالعاب للزباين ! اذا الزباين رايحين يمين مو منطقي تروح يسار !
كلام جميل
خلني ابين كلامي وهل تتفق ولا لا
بالنسبة ليش صار فيه مودين :
من جهة لان الالعاب صارت تصدر على منصات متفوقة تقنيا ففيه مجال تحط ٦٠ اطار
و من وجهة نظري الشخصية صار فيه push ل٦٠ اطار ، بسبب افكار مغلوطة بنت ثقافة غير صحيحة ممكن نتقصى اثرها لجيل بس٣ والعاب الشوتر وارتفعت لحد الوضع الحالي مع العاب الرياضة الالكترونية
صار فيه قناعة ان اللعبة على ٦٠ اطار متفوقة كمنتج دائما ، وهذا غير صحيح لان يعتمد على اللعبة بالدرجة الاولى
هذا يجاوب على ليش ٧٥٪ من اللاعبين صاروا يشغلون على وضع الاداء
وحقيقة كلامك منطقي ، اللاعبين رايحين يمين مو معقول تروح يسار
لكن احيانا لازم تصنع نورمز جديدة وتوجه اللاعبين لتجربتك ، ادري ان فيه مخاطرة ، بس لو لعبتك ممتازة بتكسر الحاجز وبتجيب زباين حتى مع انك مو جالس تسمع لهم الا انهم يبون منتجك
ونرجع للسويتش .. نينتندو ببدايات الجهاز كانت تنزل احصائية لكيفية استخدام الجهاز هل محمول او كونسول .. الاغلبية - حسب اعتقادي - كانوا يتوقعون ان الناس بتستخدمه كمحمول لانه كونسول ضعيف تقنيا
المفاجاة - الغير متوقعه اصلا - ان الغالبية فوق 80% تستخدمه هجين .. كونسول ومحمول .. لان هذا سر جاذبيته .. يعني لما وفرت نينتندو الخيارات الناس استخدمتها مو راحت لجانب على جانب
في لعبه راتشت مثلا .. فيها ثلاثة اطوار .. اداء و اداء RT وطور دقة .. انت تتوقع طور الاداء بتتبع الاشعه اللي الناس توجهت ليه ؟ لا لان التضحية بالدقة ما تتناسب مع اضافة تتبع الاشعه
هممممم افهم من كلامك ان الناس تجرب وتخصص تجربتها اكثر من تتبع ثقافة وعرف معين؟
والله اذا فعلا هذا الواقع فانا متفائل جدا وسعيد بهالحقيقة الجديدة علي!
اعتقد انك استغرقت الكثير في الرد والحديث بالجانب التقني للمطورين .. لكن مشكلتي انا الانطلاقة .. ما تصير الانطلاقة من المراجعات التقنية .. لان هذا دورها
حتى لو كانت محدودة .. كعدد .. او حتى لو اعطت انطباع خاطئ عن تفضيل معين
هي لو المسألة ابيض واسود ووقفت على انها مراجعة تقنية بحتة ما كنت بشوف فيها مشكلة
لكن هي فعليا تعتبر انتقاد لقابلية اللعب بشكل غير صريح ، ما ادري يمكن انا فاهمها كذا ، بس ما شفت شي يدعم عكس كذا
اللي اشوفه هو ترند بنش ماركنق للالعاب وترند كيف تحقق ذا البنش مارك ووش العتاد اللي تحتاجه او الادوات البرمجية وكيف تجيب فريمات زيادة وكيف تلغي الموشن بلر والخ
هوس جالس يصنع ديماند على اشياء غريبة وجالس يصير مين ستريم
نهاية .. فوق البيعه
مو انت اللي كنت منتقد ديجيتال فاوندري نفسهم على اختيار فورتنايت تقنيا ؟ الحين صاروا هم يوضعوا شروط تعجيزية وانت مو قادر تتقبل ان فورتنايت بانريل انجين 5 .. تقنيا ممتازة ؟
لا انا مب مشكلتي الشروط التعجيزية ، انا ابيها تكون شروط مبنية على اسس تراعي فيها اللعبة
