hits counter

مقابلاتك الغريبة لشخصيات TG

ممم مره كنت قاعد بمحاضرة , مرت علي ورقة الغياب , من الملل قعدت اقرا كل الاسماء علشان يمر الوقت بسرعه .
فجأه لمحت اسم , الي لمحته كان اسم عائلة , مميز , قعدت اتذكر نص المحاضرة يمكن ( وين سامع هالاسم؟ ) , بعدين تذكرت انه واحد أعرفه من المنتدى ( صراحه ماذكر اسم عضويته , بس دايما أكلمه بالمسنجر ) .
المهم قعدت اتلفت بالقاعه أدور واحد بالمواصفات الي أعرفها عن هالعضو ( طويل - نظارات ) و ما أعرف شي ثاني .
و اشتغل الرادار و شغل التحري .
بالنهاية طلعلي 4 أشخاص مشتبه فيهم ( كانوا 10 بس تصفوا لانه بعضهم مو كويتيين ) , هالأربعه في اثنين منهم مغترين , شلتهم من الحسبه , ماتوقع ستايله يغتر .
باقي اثنين , واحد 24 ساعه يجاوب مع الدكتور , و الثاني نايم على نفسه .
اخترت الثاني استنادا لشخصيته بالانترنت , عرفت شنو لابس , كلمته بالمسنجر , و طلع هو!
و نجحت عملية التحري ههههههه , و طبعا شفته اليوم الثاني وراها على طول .

pacino قال:
لوووول والله عليكم صدف..

في واحد اعرفه من 2 سنتين واهو عضو بالمنتدى ومن نفس المنطقه ولا مره شفته XD .
بس اتذكر بالكورس إلي طاف شفت ash فيصل بكلية الهندسه .طبعا لمحته من بعيد وشكله كان مستعجل ما حبيت اضايقه XD (تقريبا بنص شهر 11)
أنقر للتوسيع...

!
لول شعندك مو تبدأ دوام الكورس الجاي , لوول الظاهر كالعادة كنت متأخر عالمحاضرة .
 
التعديل الأخير:
The Sinner قال:
ل

اقول وش صار على شي قلتلي انك بتتعلمه هناك ؟؟:cooool:
أنقر للتوسيع...

لول .. ما أمداني .. مشغول مرة بالدراسة .. بس بشهر 4 بدخل جامعة .. بيكون عندي فترة شهرين اتعلم .. يمكن أرجع أسوي شي .. يمكن <.<
 
فيه مرة قابلت المرعب بمطعم في اليابان... >.>;
 
لول .... اتذكر مرة شفت كنج زيل في مطعم ابو نواس( في الشارع الاول )
بس كنت مع الشباب و ما حصلت لي فرصة علشان اكلمه ..... اصلا حتى لو كلمته ما بيعرفني :yuck:
 
التعديل الأخير:
لول شعندك مو تبدأ دوام الكورس الجاي , لوول الظاهر كالعادة كنت متأخر عالمحاضرة
أنقر للتوسيع...
لوووول كنت اقعد عندكم ماكو شغل 😛
 
إيهاب بالله اوصف لي شكل إياد..
 
Kingsize قال:
حراااااااااااااام عليـــــــــــــــــــــــك :yuck:
أنقر للتوسيع...
أقصد واحد شفته/طلعلي بالصدفة مثل كل مواقف الشباب.

بس لو قصدك الي في بالي، خخخ يبيلها موضوع كامل :yuck:
 
إيهاب بالله اوصف لي شكل إياد..
أنقر للتوسيع...

صدق سليمان لازم توصف شكله ياخي ... مسكين كل همه دراسة هالرجال ، الله يوفقه ..رجال طيب.
 
السلام عليكم

أنا العضو Zero_IYAD مراقب منتدى الننتندو في منتدى المنتدى سابقا .مقيم في الرياض من أصل سوري , و طالب طب حاليا في الأردن / سنة ثانية .

أرجو من الجميع الضغط على الرابط للـتأكد من هويتي :
http://xs.to/xs.php?h=xs123&d=08040&f=untitled497.jpg

طبعا هذه عضوية زميلي "هيثم" = HAB عضو في منتدى المنتدى .
و كما هو معروف عني , فان منتدى المنتدى هو المنتدى الأول و الأخير الذي شاركت فيه , فمن الطبيعي اني لا أعلم شيء عن هذا الموضوع .
الأخ هيثم هو الذي أعطاني رابط هذا الموضوع عندما ذكر لي بأنه تم ذكري فيه , فأحببت أن أطلع .

هدفي من الرد هو أن أوضح للأخ "The Shark" تساؤلاته ..
أول شي .. سلام عليكم , كيف أخي ^___^
طبعا أنا تفاجأت بقوة لما قرأت انك شفتني !! ما شاء الله عليك اشتغلت محقق و طلعتني مع أني ما أذكر اني أعطيتك معلومات كثيرة عني !!

عموما .. هذا توضيح لماذا رفضت مقابلتك :
- كنت عضو نادر نشوفك عندنا في منتدى الننتندو .. فما كانت هناك علاقة قوية بيننا .
- كنت قبل الغربة , كأي بني آدم , أخجل لحد معين .. خاصة كما ذكرت انك غريب عني و عن منتدانا .
- السبب الأهم هو ..
أحب أن أزرع صورتي كـ"ZERO" في أذهان كل من يتكلم معي على النت .
بحيث كلما ذكر اسمي تتخيلني على أنني ذلك الـ"ZERO" الذي يجسد شخصيتي .
في النهاية لو شفتني أو قابلتني يمكن تستغرب أو تحس بشيء غلط غير الصورة يلي متخيلها عني .. في النهاية أنا بني آدم مثلي مثلك .

فمن هالباب رفضت لقاءك و لقاء العديد من الأعضاء .

علما اني أيضا شفتك شخصيا بدون ما تعرف خخخخخ .. أذكر انك أعطيتني اسمك في محادثتنا الوحيدة على الماسنجر .. و كان من السهل عليي أن أسأل عنك أصحابي في الثاني ثانوي آنذاك .. و شفتك من بعيد , و لكن كما قلت , أفضل أن أحتفظ بصورة الأعضاء كما تظهر لنا في المنتدى " تلك الشخصية التي اخترتها لتجسد شخصك ".

سبب آخر لردي .. هو رجاء .. و أعتقد من حقي أن أطلبه..
فأرجو منك عدم الرد على الردود السابقة في الموضوع و التي طلبت مواصفات عني .. أيضا لنفس السبب , أحب أن أحتفظ بشخصيتي على المنتدى كما هي معروفة و يلمسها الآخرين .. أعتقد هذا من حقي .

أخيرا ..
بما أن الموضوع مفتوح و مفتوح فراح أتكلم عن تجربتي .. طبعا اعذروني لأنها كلها عن أعضاء من منتدى المنتدى .
- حسين_11 .. أتوقع معروف لدى الكثيرين .. قابلته في الأردن شخصيا بما اني أدرس هناك .. شخص من خيرة الشباب , فعلا أخلاقه كما هي على النت هي ذاتها على الواقع .
- A.J .. لا أعرف ان كان هذا العضو معروف أم لا .. و لكن تعرفت عليه في محادثة جماعية على الماسنجر مع حسين .. و هذا العضو معي في نفس الجامعة .. كان يحط صوره الشخصية على الماسنجر فكنت أشوفه أحيانا في الجامعة من بعيد دون أن يعرفني .
حاليا نحن أصدقاء على الـface book .
- سنيك فانج .. أيضا مراقب معروف .. على اتصال دائم معه عبر المسجات .
- مستا كوو .. عضو في منتدى المنتدى , تكلمت معه عدة مرات .. و قريب مني كأخي .

هؤلاء الذين أذكر اني كنت على اتصال مباشر معهم .

طبعا ..
هذا ردي الوحيد هنا .. فالعضوية ليست لي و لا أنوي أن أكمل المشاركة خارج منتداي .
أعتذر عن الظهور المفاجيء .. ولكن أحببت أن أوضح الصورة للأخ The Shark .

موضوع جميل .. بالتوفيق أعضاء و مراقبي TG .. و شكر لأخي هيثم = HAB على ثقته و اعارته لعضويته .

Zero_IYAD
 
مرة مريت بجانب Mario2 في الجامعة (السمستر اللي قبل الصيف اللي فات، كنت اخذ كورس في كليتهم). كنت بسلم لكن للاسف ما اتاكدت انه هو لا بعد ما ابتعدت عنه.


العضو Orochimaru كان صديق عزيز في الابتدائية (كنا نجمع ستيكرات ليون كينج مع بعض 🙁 ). بعدها كل واحد راح في مدرسة ثانية و افترقنا. ارسلي رسالة خاصة ايام جيم ماستر بس ما عرفته (رديت عليه بس ما رد ارسلي هو من)، ما عرفته الا في تروجيمينج، تكلمنا بعدها على الماسنجر و عرفته من :0 لوول كانت مفاجئة
 
ماصارت لي مصادفة مثلكم°عاد من كثرهم اللي من بلدي خخخخخخخخخ°

تعرفت على ابو علي°موجود هنا°.من جيم ماستر ومن يومها طق بالماسنجر وساعات نسنتر ويا بعض هني في البيت.هي معرفة اجت بشكل عادي مو مفاجئة ولا شي
 
ما كان لي مقابلات غريبة.. لكن مرتين كانوا راندوم:
-مرة شفت لينك 0072 في الجامعة وكنت واصف له شكلي فعرفني وناداني باسم غلط كمان :yuck:.. بس كان عندي محاضرة وسلمت عليه ومشيت.. وليومك ما قابلته مقابلة محترمة (كلها راندوم سلام وبس)
-أول يوم دوام هالتيرم في الجامعة يوم الجداول وخبصتها (يلطعونا بالساعات عشان يتكرمون علينا بتعديلها).. شفت الخارق وسلمت عليه وقعدنا نسولف يمكن نص ساعة ولا ساعة (طبعا كنت شايف صورته في TG فعرفته)

HAB(Zero_Iyad) قال:
- مستا كوو .. عضو في ترو جيمنج , تكلمت معه عدة مرات .. و قريب مني كأخي .
أنقر للتوسيع...
عشان كذا ما تبي تقابل أخوك P: ؟!
(بعدين شارك هنا يا أخي >.> خلينا نشوفك)
 
أنا رحت اجتماعين TG .... و أشوف Yoshi SD على شكل اسبوعي >.>
 
أنا رحت اجتماعين TG .... و أشوف Yoshi SD على شكل اسبوعي >.>
أنقر للتوسيع...

أو يومي..

مرة كنت بألقي محاضرة وقابلت مستكه Mista Koo ...
 
^
أقول إني نسيت حد >.>
عاد شكلك كان فلة.. مشخص والشماغ معفوس و "لوسمحتوا في محاضرة هنا؟" 3=
 
مرة من المرات سفطت بمسافط الكلية وأنا صاعد مُتجه للمبنى شفت واحد لابس بالطو ويركض تقول منحاش من شغله P:
طالعت له وشحت بناظري للبعيد .. وبعدين اعيوني بققت وأتلفت عليه مره ثانيه علشان اتأكد من ألي شفته .... وتأكدت لي الرؤيا .... وهالشخص ألي شفته كنت شايف صورته بلقاء TG ألي صار بالكويت
ومر علي اسبوع تقريبا ... وكل ما اسفط و اتجه للمبنى اكون عامل إحسابي بأني هالمره راح اشوفه ... لغايه ما زهقت .... وبعدها كنت اتمشى ويا صاحبي متجهين للكافتريا (( كافتريا كليتهم )) ... وفجأه حصلته يمر يمي لوول وما قدرت اكلمه
وبعدها قفلت معاي ... قلت المره اليايه لازم اسلم عليه
ومره من المرات وانا توني سافط بالسياره ونزلت منها .. شفته هالشخص يهرول (( دايما مستعيل )) ومتجه للسياره .. جان أركب سيارتي ابسرعه وادق سلف ورحت أدور عليه بالمسافط وللأسف ما حصلته فجأه اختفى
والمره الأخيره
وأثناء ما راسي كان دايخ من بعد ما خلص الدوام و من بعد محاضرات طويله ومقرفه ... ركبت سيارتي متجه للبيت وكانت المسافط فاضيه و بينما وأنا امشي بالسياره حصلت هالشخص كان قاعد بسيارته الألتيما البيضا و يمه ارفيجه ... لول بس للأسف ما كان لي مزاج انزل وفضلت اكمل بالقياده

ومن بعدها راجعت نفسي (( قلت يمكن القدر ما يبيني أسلم عليه + شنو الموقف ألي بيصير من بعد ما يعرفني خصوصاً من بعد الماضي الأليم P: + توقعت بهالشي ممكن يسبب إحراجات له )) فا قررت إذا شفته مره ثانيه .... بأني أكتفي بالنظر لا أكثر.... ومن يومها وما شفته >_>

واتوقع بأنه ألحين مبسوط من هالشي P:
والشخص هو (( ماني قايل هع ))
 
^ خخخخخخخخخخخخخخخخخخخخخخخخخخخخخخخخخخخخخخخ .
 
في مرة الاخ soosi كلمني وقالي باجيب صاحبي يجرب الاكس360 عندك"الله يرحمه انباع"

وهالولد الي جا البيت اسمه يوسف aka ديدمان وماعرفت الا بعد فترة انه معانا في تروجيمنج :\
 
Nintendo قال:
انا جاني تنبيه من الاخ توربيدو انه فيه عضو بمنتدى ثاني قاعد يستلف ( ماراح اقول يسرق لانه يعصب منها ) مواضيعي ..

تمت اضافة الشخص على الماسنجر ..

انا : هلا اخوي
المجهول : اهلا وسهلا اخ ننتندو

انا : اخوي كان تقدر تطلب نقل مواضيعي لمنتداك بدون مشاكل وبدون الحاجه الى ( الاستلاف )
المجهول : اعتذر منك والخ الخ واعتبر هذا طلب نقل مواضيعك

انا : مافي مشكلة .. من وين الاخ
المجهول : جده

انا : نادر احصل ناس من جده وش اسمك
المجهول : فلان الفلاني

انا : ؟؟؟؟
المجهول : ؟؟؟؟؟

انا : ؟؟؟؟
المجهول : ؟؟؟؟؟

انا : انت تدرس بمعهد .............
المجهول : يس !!!

انا : ترى انا عمر العمودي
المجهول : ..... اللي ....... شعره طويل ؟؟؟ ( قول ماشاء الله )

انا : يس
المجهول : لول اجل طلعنا طلاب بنفس المعهد

المجهول هذا طبعا عضو عندنا بالمنتدى واعتقد اغلب الشباب يعرفونه ..
أنقر للتوسيع...



لوووووووووووول حلوة المجهول :laughing:
بالنسبة للاستلاف والله كانت بطيب نية .. وكمان .. انا اللي اللي بادرت بارسال الرسالة طلب نقل الموضوع .. (عذري اني كنت وقتها في اول ايام المنتديات والموضوع كان عن تاريخ ماريو .. وانا وقتها ما صدقت لقيت واحد عربي بيكتب شي عن نينتندو فنقلته بذاك المنتدى وكان اول موضوع احطه ).
احلى شيء لما عمر عرفني باسمي .. وقلي اسمه .. انا ما صراحة ما تذكرته .. كنت اكره اغلب وملائي بسطحية تفكيرهم .. بس كنت شاكك بزميل لي بالمركز هيئته ممكن تأهله انه يكون نينتنداوي (ما ادري ليش تحس انو اشكالنا مميزة) كان ديما بيجلس ورايا مع شلة .. وكان شعره طويل ومن بيت العمودي .. فعرفته.

الحلو بمثل هالمواقف انه مثلا تعرف واحد بالمنتدى تكون شخصيته الي تعرفه فيها مغايرة تماما بالواقع .​
 
مرة مريت بجانب Mario2 في الجامعة (السمستر اللي قبل الصيف اللي فات، كنت اخذ كورس في كليتهم). كنت بسلم لكن للاسف ما اتاكدت انه هو لا بعد ما ابتعدت عنه
أنقر للتوسيع...

لول نايف .. اظن ذاك اليوم كنت انا وربيعي ننتظر واحد لين ما يخلص وكنتوا ورانا و عبدالله ( جري فوكس ) سلم علي وقال باسمي واظن وقتها كنت ما تعرف اذا يتسلم او لا بس دام عبدالله سلم فهي عنك وعن رباعتك مو مشكله ولو اني بالغالب الاحظك ( كنت تطلع يوم انا اخلص من الكلاس) بس قلت ممكن مستحي او لانه مع ربعه .. بس مو مشكله p: ..( طبعا عرفتك لانه صورتك موجوده كذا مره بمجلة ترو ) ..
 
لول قصة حلوة للأسف انا ماقابلت احد بالصدفة

لكن من جمعة لي جمعة انزل مجمع الراشد وكله مبسط في بيت الكمبيوتر

حتى كله اسولف مع (سيد) واحد يشتغل مناك اعرفه من زماااااان من صغري وانا اتعامل وياهم

لكن على توربيدو مافي قصصه كله مطاعم لدرجة بديت اشك انه وزنه 90 :yuck:
 
Solid_Snake قال:
لول قصة حلوة للأسف انا ماقابلت احد بالصدفة

لكن من جمعة لي جمعة انزل مجمع الراشد وكله مبسط في بيت الكمبيوتر

حتى كله اسولف مع (سيد) واحد يشتغل مناك اعرفه من زماااااان من صغري وانا اتعامل وياهم

لكن على توربيدو مافي قصصه كله مطاعم لدرجة بديت اشك انه وزنه 90 :yuck:
أنقر للتوسيع...
lol,, i wish haha >.>
 
يجب تسجيل الدخول أو التسجيل كي تتمكن من الرد هنا.
عودة
أعلى