MGS V بعيد عنها اعجبتك او اعجبتني او لا لو تفكر فيها قليلا راح تعرف سبب كل هذا الكلام عنها
سبب كل هذا الكلام، ألوم فيه كوجيما و كونامي، كوجيما و كونامي ما شرحوا لكم ايش هي فانتوم بين قبل ما تصدر
شوف افتراضات soliding الخاطئة تجاه اللعبة و بتعرف كيف رسالة كوجيما ما انشرحت أبداً
كوجيما كان لازم يعرض مهمة معينة في اللعبة، و يوريك كيف تقدر تنفذها 3 أو 4 مرات ورا بعض بشكل مختلف، يوريك كيف تختار الload out للشخصيات و كيف تختار الشخصية المرافقة، وكيف تغييره ينعكس على التجربة
الناس ليومنا هذا بعضهم يتسائل ليش اللعبة مش زي GTA ولا سكايرم بما انها تسوقت كلعبة عالم مفتوح، وهي أبعد ما يكون عنهم ولا ليها أي علاقة فيهم.
طيب انا مش ضد اللي ذكرته ابدا..لكن بنفس الوقت لما تتيح خيار زي "كوايت" تقوم بكل الشغل عنك (على سبيل المثال وجديا كثيييير من اللي شفتهم اعتمدوا هذا الاسلوب طوال اللعبه)..هل بتضطر تفكر باستراتيجيات وخطط مختلفة لكل مرحلة؟
كوايت أنا أعتبرها زي وحوش الاستدعاء في فاينل فانتسي
خيار موجود لمراعاة مستوى الفرق و المهارة بين اللاعبين
في فاينل فانتسي تقدر تلفل شخصياتك وتلعب Attack Attack لحد ما تختم اللعبة، ولو واجهت مشكلة أو صعوبة جيب وحش استدعاء يخلص الشغل عنك
لكن لو تبغى تستمتع فعلاً بخيارات الجيمبلاي وتلمس قوته، لفل شخصياتك للحد الأقصى، جيب أقوى الأسلحة و الدروع، تعلم كيف تبني استراتيجيات وكيف تستعمل الماجيكات و الأبيليتز، كيف تستغل كل نقطة في اللعبة لصالحك علشان تقدر تغلب زعماء سريين زي أوميجا ويبون و لا روبي ويبون
كوجيما في النهاية يعطل عليك خيار كوايت (رجع بباتش لول)، وبعد نهاية القصة يترك لك أكم مهمة extreme تختبر فيهم قدراتك بدون ما يكون خيارها متاح قدامك
على فكرة وبما اننا ذكرنا كوايت، يا أن كوايت عندها ذكاء اصطناعي لا يوصف، ما في لعبة عندها partner بجودة كوايت، أو أنا ما جربت على الأقل
أول ما تجي معاك... ما تسمع أوامرك ! لما تزيد نسبة الثقة بينك و بينها ؟ أولاً تصير مطيعة لك، ولاحقاً تصير تتصرف بشكل تلقائي وعبقري، تغطيك بإطلاق النار على الأعداء القريبين منك، وحتى تنقذك في مواقف حاسمة! ياما أنقذتني في أجزاء من الثانية من اني أنكشف خلال لحظات العرض البطيء، شيء خارق وأسطوري ذكاء اصطناعي يتصرف بهالطريقة بأجزاء من الثانية
والشيء المذهل أكثر، أن الأعداء مبرمجين بحيث انهم يقدروا يكتشفوها، ويقدروا يتعاملوا معاها و مع شخصيتك بنفس الوقت، ولو غلبوها رح تخسرها في المهمة. متخيل قد ايش هالشي صعب كgame design ؟ أرجع وأضرب المثل بنوتي دوج كواحد من أبرز استوديوهات الصناعة، الشخصية المرافقة لك إن كان إيلي في لاست اوف أس أو سام في أنشارتد4 ما تنكشف نهائياً، برمجة اللعبة بهالطريقة شيء صعب صعب وتحدي ما يقدر يسويه إلا أشخاص عباقرة.
على العموم أنا متفهم أن اللعبة مش للجميع، زي ما قال فيتو الناس أذواق، لكن دائماً أحب أبين عظمة هاللعبة وإعجازها في التصميم وكيف كثير من جمهور السلسلة يهضم حقها.
