أبي أبدأ أقرأ.

[G7Ga7]

السلام عليكم ..

طول حياتي وانا اشوف كل الي حولي عندهم كتب يقرونها. إلا انا , كنت - ولسبب غريب - أكره القراءة بشكل كبير. المشكلة أذكر أبوي الله يحفظه كان يعطيني وأنا في الابتدائي مجلة كبيرة كل شهر يقول اقراها ترى راح تفيدك .. الخ الخ.

دئماً كنت اتوقع انه يبالغ واني "ما احتاج" اقرأ طلما عندي التلفزيون والمسجل.

الآن اكتشفت اني كنت غبي, وكان رميي للمجلات الي عطاني اياها ابوي هو من أغبى الامور الي سويتها في حياتي .
كل الي حولي يقرؤون كتب بمئات الصفحات , وانا يالله استحمل اقرأ سطر ولا اثنين.

وش الي خلاني أغيّر نظرتي عن القراءة فجأة؟
كنت طالع مع اهلي يوم العيد, وهم بغوا يتقهوون في مقهى (نسيت اسمه XD) المميز فيه انه وانت قاعد تتقهوى , تقدر تختار كتاب من مكتبتهم المحترمة وتقراه في المقهى.
الي صار اني قلت خلني أجرب اشوف هالدافينتشي كود الي ازعجونا فيه .. فتحت الكتاب, قريته, وتحمست معاه بشكل غريب. يعني جاني شعور حماس أول مرة احس فيه :laugh::.

قعدت افكر ذاك اليوم, وقررت اني باذن الله احاول محاولة جدية أكمل رواية كاملة.
انا فتحت الموضوع ابي اشوف شباب نادي قُرّاء TG ينصحوني بأول رواية اقراها من حوالي 10 سنوات. (الرواية - او القصة لول - الوحيدة الي كملتها كانت وحدة من القصص الصغيرة المعروفة بروايات الجيب -مو متأكد من الاسم - .. كانت القصة عن ناس في مكّوك فضائي, وجوهم كائنات فضائية ومدري ايه , الزبدة شي يشبه Dead Space :laugh:: )

الكتاب الي ابي ابدأ فيه يكون:

- باللغة الانجليزية. ( لأسباب كثيرة , أهمها اني احسن اسلوب كتابتي في الانجليزي)
- ما تكون انجليزيّا مستحيلة (مثل شيكسبير ولا ادب انجليزي لول.)
- يكون رواية أو قصة. (كمُبتدئ ما ودي ابدأ بشيء ثقيل على القارئ, يعني الرواية تشدك على الاقل وتخليك تكملها ... اتوقع.)
- ما تكون طويييييلة. (لأني اخاف ازهق , وأوقّف , واطلع برى جو القصة , ولعد اقرأ من جديد الا بعد 10 سنين .)
- تحمس. (اممم ما ادري كيف اوصف لكم .. يعني يشدك تقراه , ما فيه كثير لحظات باردة.)
- أقدر اتخليها كفلم وأنا اقراها. (أوكي انا عارف هذا الشيء ممكن يكون سطحي أو غريب في نظرك , لكن يهمني في هذي النقطة كثير .. ابي الرواية تكون مُجسدة/مكتوبة بشكل اقدر اتخيلها/أصورها في بالي على انها فلم. )

اممم . اتوقع هذا كل الي في بالي حالياً .

حازم اقترح علي ابدأ بهالكتاب:

مو اني ما اثق برأي حازم , لكن ما ادري شباب .. هل فعلاً هالكتاب راح ينفع لشخص أول مرة يقرأ رواية ؟

كتاب ثاني افكر فيه :

السبب لأن واحد في موضوع تريلر الفيلم قال: "دان براون ما يكتب كتب, يكتب أفلام" . وعجبني كلامه :laugh::


رأيكم TG ?

 

[Snake-87]

قرأت حقيقة الخديعة لدان براون , من أفضل القصص إلي قرأتها وسمعتها بحياتي وأفضل رواية قرأتها .

 

[Id]

الخيارين ممتازة يابو داحم ... وتقدم لك الكثير من العناصر الممتازة أثناء قرأتها ...

في كتب كثير في بالي أقدر انصحك فيها ... بس لو تبي كبداية في رواية قصيرة تقدر تقرئها علشان تعود نفسك على الأسلوب ...

إذا جيت للرياض أعطيك كم كتاب من عندي إن شاء الله ..

 

[Golden_Sun]

the alchemist
خيار ممتاز كبداية، رواية حالمة تخليك تعيش جوها وانت قاعد تقراها.
اتذكر قريتها في سفرتي دبي (لما شفتك يا بو لارا انت ونايف اول مرة P: مادري اي سنه).

وترا السالفة كلها مسألة تعود، راح تقرا كتاب راح يعجبك، تقرا بعده، وبعده، وبعده. شوي شوي الا انت خلاص صرت دودة كتب D;

خلص من هالكتاب بالاول، بعدها اعطيك عناوين بعض من اللي قرأتهم، وان شاء الله يعجبونك.
بس لا تحاول تشتت انتباهك بأكثر من كتاب بنفس الوقت.

 

[Saadawii]

السبب لأن واحد في موضوع تريلر الفيلم قال: "دان براون ما يكتب كتب, يكتب أفلام" . وعجبني كلامه

رأيك أعتز فيه.

شرطك باللغة الانجليزية ما يخليني أساعدك عن قناعة، علما أن تخصصي وعملي لغة انجليزية كله. مع أن موضوعك هذا يتعلق بهوايتي الأولى، بالإضافة للكتابة.
عموماً خل أطلع وش بيقولون الشباب.

 

[Id]

صحيح أبو داحم موضوع النادي P : ... فيه كم كتاب ممتاز لك وينفع كبداية كمان ...

http://www.true-gaming.net/boards/showthread.php?t=14089

 

[Lunar Poet]

فيه جميع الصفات اللي طلبتها

.

 

[Dark soul]

كنت طالع مع اهلي يوم العيد, وهم بغوا يتقهوون في مقهى (نسيت اسمه XD) المميز فيه انه وانت قاعد تتقهوى , تقدر تختار كتاب من مكتبتهم المحترمة وتقراه في المقهى.

اوتاكوتشي ؟

 

[Majeed]

هاري بوتر وحجر الفيلسوف.jpg

فيه جميع الصفات اللي طلبتها

.

لول كنت برشح روايات هاري بوتر بس خفت أنها تكون طويلة عليه ،،
لكن فعلاً ،، إذا مسكتها بتمسكها ،، بتدخلك في عمق الشخصية بشكل خيالي ،،

ومرحباً بك في عالم القراءة 😉 ،،

 

[The Doctor]

داخل أبحط الكتابين اللي ذكرتهم في الموضوع >.>

 

[Ash Storm]

اوكي جرب الأتي:

 

[Dr MaD]

Angels & Demons .. لما خلصت هالرواية سألت في نفسي سؤال : هل راح أقدر أقرا بعدها شي ؟

Harry Potter : لاتحكم على الرواية من الأفلام (( زي كثير من الناس )) .. راح تعرف ليش فيه حمى اسمها هاري بوتر :nerd:

 

[Pichi]

اوتاكوتشي ؟

أعتقد أنه هو مافيه مقهى هنا بالشرقية له مكتبة إلا هو.
أنا عندي مشكلة إني أشتري كتب. بس يادوب ابدأ اقرأها صفحة صفحتين بعدين أوقف. ما أكمله.

 

[MALDINI]

عشرون الف فرسخ تحت الماء .
من اشهر الروايات .
اقرأها وادعيلي .

 

[NESTA]

عشرون الف فرسخ تحت الماء .
من اشهر الروايات .
اقرأها وادعيلي .

حملتها قبل شوي وقاعد اقراها الحين .... مشكور مقدما :laugh::

 

[BioMario]

يس الموضوع رح يفيدني وايد شكراً جحجاح لأني مثلك بالضبط :happy:

 

[Colorization]

When Bruno returns home from school one day, he discovers that his belongings are being packed in crates. His father has received a promotion and the family must move from their home to a new house far far away, where there is no one to play with and nothing to do. A tall fence running alongside stretches as far as the eye can see and cuts him off from the strange people he can see in the distance.

But Bruno longs to be an explorer and decides that there must be more to this desolate new place than meets the eye. While exploring his new environment, he meets another boy whose life and circumstances are very different to his own, and their meeting results in a friendship that has devastating consequences.

Orphans of the Sky is the prototypical multi-generation starship story. The inhabitants of the Ship, for the most part, have forgotten that it is a ship; to them it is the world. They live the simple lives of farmers, and worry only about the occasional radiation problems and the ever-threatening muties. Their only history is a mostly mythic oral tradition of a past fall from grace, when the Ship moved. Then Hugh Hoyland is kidnapped by Joe-Jim Gregory and begins to learn the truth.

 

[TH3 PHENOMENA]

انا مثلك ياعبدالرحمن ..
بس ابغى كتاب عربي ..ياليت تنصحوني بأي شي :nerd:

 

[G7Ga7]

أوكي شكراً لكم جميعا😀
الظاهر اني راح ابدأ بـThe Alchemist , بما ان اغلبكم فعلاً يمدحه (وحتى في موضوع نادي القراءة).

ان شاء الله اذا خلصتها احاول ادبّر Angles & Demons عاد ان الله وفّقني وكملت هذي الثانية .. الكتب الي حطيتوها - باستثناء هاري بوتر :sarcastic:- شكلها كلها مثيرة للاهتمام .. دعواتكم.

الخيارين ممتازة يابو داحم ... وتقدم لك الكثير من العناصر الممتازة أثناء قرأتها ...

في كتب كثير في بالي أقدر انصحك فيها ... بس لو تبي كبداية في رواية قصيرة تقدر تقرئها علشان تعود نفسك على الأسلوب ...

إذا جيت للرياض أعطيك كم كتاب من عندي إن شاء الله ..

كفو والله 😀 شكرا.
عاد كان كتبت اسم الكتاب xD

اوتاكوتشي ؟

أيوه بالضبط , حق مجمع الظهران.

هاري بوتر.jpg
فيه جميع الصفات اللي طلبتها

.

بس طويل صح؟ .. وانا فيني كره للشخصية وأجواء القصة (من الفلم) , فما اتوقع اقدر اتقبل قراءة القصة بسهولة 😛

شكراً جميعاً مرة ثانية 😀

 

[itachi]

The Alchemist
أشوفها عند أخوي ..وأشوف المديح عليها هنا ...تحمست أقراها .. :happy:

 

[The Shadow]

والله يا اخوي عبدالرحمن من قرأت العنوان شمرت على سواعدي وبا اقول لك ديفنشي كود افضل خيار ، يا اخي هبال ذي الرواية تشدك بشكل مجنون وحتى لو كنت شخص يكرهه شي اسمه روايات مثل حالتي ، من بعد هالرواية مكتبتي اللي كانت تحتوي على اعداد مجلات الفيديو جيمز صار فيها اقل شي 10 روايات . انصحك برواية جميلة اسمها الهارب ، بس بالله لاتشوف الفيلم +______________________________+ ، ايضا الحصن الرقمي تناسبنا كثير حنا الشباب .

 

[Mista Koo]

يس الموضوع رح يفيدني وايد شكراً جحجاح لأني مثلك بالضبط :happy:

نفس الشي هنا

إختي شبه bookworm ودايم تحاول فيني.. مرة أهدت لي مجموعة قصص صغيرة لأجاثا كريستي مترجمة بالعربي تحمست معها وخلصتها

القراءة بالنسبة لي -باستثناء الدراسة- قصص مصورة (كوميكس/مانجا) أو Wikipedia لأي شي ثاني.. أحيانا أقعد فيه ساعات من موضوع لثاني وهكذا :xd:
أحيانا كنت أقرأ قصص المكتبة الخضراء (مو مصورة) وأنا صغير.. حتى في وحدة تخيلتها لعبة سايد سكرولنق :wow:

بس جحجاح صدقني إنك في العربي أسوأ من الإنجليزي.. صدقني!

 

[Burdegation]

Life of Pi is a fantasy adventure novel written by Canadian author Yann Martel. In the story, the protagonist Piscine "Pi" Molitor Patel, an Indian boy from Pondicherry, explores issues of religion, spirituality, and practicality from an early age and survives 227 days shipwrecked and stranded in the Pacific Ocean

.

اذا حبيت فلم cast away ستعشق هالكتاب

 

[Uzumaki Naruto]

HARRY POTTER, Child 44:

 

[Def-yusuf]

Lemony Snicket's A Series of Unfortunate​

أسلوب الكاتب بسيط ورهيب في نفس الوقت .. ( قريت أول ثلاث كتب وراء بعض )

وأحسن شي إنكـ مو ملزم إنكـ تقرأ كل السلسلة ( 12 كتاب على ما أظن ) لأن كل كتاب يحمل في طياته قصة خاصة فيه مرتبطة بالقصة الأصلية ( والله إن خبصت ما عرفت أوصف:annoyed: )

أنصحكـ فيها وبشده ,, إقرأ أول كتاب ( ترى حجمه مو كبير ,, 100 صفحة تقريبا ً من الحجم الصغير: )

كنت بأقولكـ : هاري بوتر لكن خفت إنكـ تقول طويلة شوي ( صحيح إنكـ ما راح تحس بالوقت لكن ... )​

​

تحريــر :

السلسلة كلها على بعضها 13 كتاب .

وهذا الموقع الرسمي ( يمكن تحتاجه ) http://www.lemonysnicket.com/books.cfm

 

[Dr.Manhattan]

اوكي جرب الأتي:

فكرتها اسطوووورية ، انصحك فيها (بدايتها مملة شوي بس بتقدرها لما تخلصها)

يمكن اسمها ما يشدك بس تراها رهيبة .. و تقدر تتخيلها كفيلم بسهولة.

 

[Van]

الموضوع خلاني أشتهي أقرأ The Alchemist لول... اخر مرة رحت لجرير حصلت عندهم نسخة جديدة يصور و شكلها محترم , شكلي باخذها لو شفتها مرة ثانية .

 

[Saadawii]

على شهرتها، ما أعجبتني بصراحة. أقصد الخيميائي. بس لها شعبية جارفة.

 

[Black]

جحجاح انصحك بـ

المانجا > الأنمي

 

[T i d u s]

خطوة موفقة أخوي جحجاح ; )

في عندي كم نوتة //
- كونك قارئ جديد .. ركز على كتاب واحد بس إلين تاخذ على الوضع
- كونك قارئ جديد .. إبدأ بـ الروايات العالمية ( إتركك من الروائيين العرب! )
- كونك قارئ جديد .. لا تضغط على نفسك في القراءة ( يعني لا تغصب نفسك إذا زهقت )
- خصص وقت معين دايماً تقرأ فيه, مثلاً بين المغرب والعشاء
- دايماً حط في بالك وأنت تقرأ إنك تقرأ لأنك تريد أن تقرأ لا لأن يُقال عنك أنك قرأت !
- لا تنسى القرآن :

[ أول كلمة نزلت على نبينا الكريم عليه أتم الصلاة والسلام: "إقرأ" !! ]​

​