TG CARS _|||_ الموضوع الرسمي للســيارات

[Sea.roOock]

خبري ان مافي فيوجن جديدة ممكن بس موديل جديد لكن شكل لا. انت من النوع اللي يسمع كلام غيره ويمشي عليه معليش مع احترامي لك هذا غلط،

هو حلو انك تاخذ خبره غيرك بس لا تمشي عليها، انا لو ماعجبتني سياره وقلت لك سلبياتها ما يعني ان غيري يتفق معي وباين انك تتأثر وقاعد تضيع على نفسك سيارات لول

فورد وباقي الشركات يخلونك تجرب سياراتهم جرب الكل واحكم اما كلام المنتديات و تجارب البعض ما ينفع.

 

[Bakloyd]

^
سوي بحث بسيط عن الجبر وكيل كيا وراح تعرف ليه اخذت بكلام غيري، حتى مسوين صفحة فيسبوك لضحايا الوكاله!

وطبعاً قطع الغيار واسعارها هذي مو اذواق و ما تختلف من شخص لآخر زي ماتعرف. عموماً انا رسيت عالفيوجن او ميلان، الى الان كل شي ممتاز فيهم.

 

[Sea.roOock]

^

ممتاز الفيوجن خيار جيد، لو بغيت اي مساعدة أو عندك اسئلة عنها كاملة قولي و بساعدك إن شاء الله

 

[عاشق 360]

الكشف رسميا عن الجيل الجديد للكسزس GS !!

فيديو الكشف :

http://www.youtube.com/watch?v=fSxUUxYF_g4&feature=player_embedded#!

الداخليه :

اشهالتخبيص الي قاعد اشوفه !!!

الشكل الخارجي خليط بين ال LS للاضواء الاماميه والسوناتا مدري الكيا او الي هو كوري والخلفيه سياره كوريه مو لكسزس !!!


الداخليه بي ام على غفله !! كانها داخلية الفئه السابعه القديمه , التقنيات جيده المستخدمه داخل المقصوره .

المحرك 6 سلندر " مافيه 8 حسب ماقريت "

مساحة السياره الداخليه ممتازه .

ماعرف , ماحبيت ابدا , الجي اس فقدت روحها المتمثل بتصميم المصابيح الامامي المنفصله !

السياره بتتوافر كاول موديل موديل 2013 .

ماعرف هذا الي جا في بالي من اول نظره , اتمنى يتغير رايي لما اشوف السياره على الطبيعه , كنت جدا متحمس اشوف الجيل الجديد .

 

[JIN KAZAMA]

ا
الشكل الخارجي خليط بين ال LS للاضواء الاماميه والسوناتا مدري الكيا او الي هو كوري والخلفيه سياره كوريه مو لكسزس !!!


.

خخخ تحسها سوناتا محسنه

 

[The Doctor]

السوناتا شكلها أحسن :\

 

[I-NERO-I]

ال GS الجديدة بشعة بشكل ( كأنها كامري :yuck:: ) .

 

[MAX9009]

بالإضافه لحركة اغطية الاكزوست صارت مستهلكه =/

 

[عاشق 360]

خخخخ بالفوتوشوب على السريع جذي اضبط

http://im9.**********/2011-08-21/1313936253142.jpg

http://im9.**********/2011-08-21/1313936253311.jpg

http://im9.**********/2011-08-21/1313936254963.jpg

 

[Painkiller Q8]

شبااااااااااب اليوم كنت رايح الدوام (وشفت سياره دشت اعماق قلبي) وقلت شاريها شاريها , لان السياره حبيتها من كل قلبي , ومن الاساس حاب اغير سيارتي !

المشكله صدمني سعرها يتراوح من 10.000 إلى 11.000 دينار كويتي !!! يعني يعتبر غالي شوي على حجمها ... بس الحب اعمى !

السياره

آلاائكم ؟؟

 

[BRO4ALL]

شبااااااااااب اليوم كنت رايح الدوام (وشفت سياره دشت اعماق قلبي) وقلت شاريها شاريها , لان السياره حبيتها من كل قلبي , ومن الاساس حاب اغير سيارتي !

المشكله صدمني سعرها يتراوح من 10.000 إلى 11.000 دينار كويتي !!! يعني يعتبر غالي شوي على حجمها ... بس الحب اعمى !

السياره

آلاائكم ؟؟

خالد نصيحة بعالم السيارات

معاك فلوس؟؟ حبيت سيارة مثل الحب ذا؟؟؟

ما تسال حد عنها جيبها وانت مبسوط لان اذا جبت غيرها راح ترجع تجيبه لو لفيت عمرك كله

والدي مرة كان وده يشتري رانج روفر باع سيارته وصار يسمع للناس

آخر الشي من كثر الآراء اشترى الينترا هيونداي وقال توبة اسأل احد

 

[Zero]

الشيروكو سيارة جميلة جدا شكلا، حبيت السيارة؟ أوكي، بس حط في بالك أنها سيارة خفيفة وحليوة حق كشخة وما هي شيء قوي بالنسبة لسعره، عاد أنت شوف وزن هالشيء من ناحيتك.

تقدر تاخذ لك طلة على موديلات الGolf بعد يمكن تقنعك أكثر في حاجات معينة.

 

[snake eyes]

زمان عن الموضوع, بما انه معرض ديترويت على الابواب والسوق الامريكي في تحسن ومنافسه قويه بين طحوش الشركات حبينا نشاركم اخر اخبار السيارت و الاخبار المسربه قبل المعرض.

ملاحظه: اخر رفعه للموضوع من شهر 9:w00t:

اكثر الشركات المترقب ظهورها في المعرض شركه هيونداي والكشف عن الجنسس كوب والاطلاق بشكل رسمي وتوحيد اشكال السيارات في التصميم بحيث يكون لها بصمه مميزه(يعني اول ماتشوفها من بعيد تقول ايوه دي هيونداي مثل المرسدس:razz: وضمو معهم المصمم Christopher Chapman من BMW ليصبح رئيس المصممين على خطى شركه كيا مع ضم مصمم شركة أودي Peter Schreyer.

دودج كشفت عن نسخه خاصه من التشارجر charger Black Top (اسود X اسود) مشاركه في معرض CES وحيتم الكشف عن تفاصيل المحرك في المعرض

و كاديلاك تكشف عن ATS المنافس الأمريكي لـBMW الفئة الثالثة

فورد فيوجن 2013(شبيه بالمونديو)

كلمه راس لحسن:سيبك من خرابيط الانمي واكتب عن علوم الرجال

 

[Zero]

أنا متابع "علوم الرجال" كل يوم يا ريان :xd:، بس كلنا ساحبين على الموضوع من فترة.

شباب أحب أنبهكم، في سيارات واجد بتنزل 2013، اللي ما يعرف في السيارات يتحرى قبل لا يروح أي معرض ويتسرع في شراء سيارة من الموديل الحالي. مثلا: Fusion من فورد جاي لها موديل 2013، من شفروليه في سيارات منها Malibu وImpala.

على العموم AutoBlog عنده ملخص محترم بنهاية كل معرض، صفحة واحدة فيها صور لكل سيارة واسمها تحتها ورابط يوديك للخبر الأساس حقها. ديترويت أوتو شو :inlove:

أوكي نعلق على بعض السيارات.

Hyundai Veloster ظهر موديل الTurbo. قوته 201 حصان/196 باوند للقدم، تمنيت شيء أقوى شوي يوصل السيارة لدرجة "الإبهار". عموما أنا عاجبني تصميم السيارة، أحسه فريد خصوصا بحركة الباب الخلفي الثالث من جهة اليمين.

Hyundai Genesis Coupe السيارة بدون 5.0 V8 ب430 حصان و+370 تورك باوند-قدم ما راح تبهرني، الخطوة هذه الكل ينتظرها من هيونداي، لو الشركة ذكية كفاية بتقوم بها، لو الشركة تبغى تهز السوق الأمريكي لازم تقوم بها... بينما اليابانيين نايمين من ناحية هالسيارات، بتكون منافس حقيقي لكل من Mutang وCamaro وChallenger فئة الV8.

Cadillac ATS تصميمها ممل بصراحة، بديت أمل من تصميمات كاديلاك، تحس الCTS بمكان وباقي السيارات قاعدة تحاول توصل له، لازم الشركة تنتبه لهذه النقطة.

Ford Fusion كل اللي أتمناه إعلان ال4WD V6 بشكل رسمي، هالنوع من السيارات صار توجهه واضح جدا في الفئات المتوسطة والدنيا... اقتصادي للغاية، وكل السيارات محركاتها نسخة من بعض وبنفس القوة والوزن والشكل وكل شيء تقريبا، الأهم من هذا كله أن السيارة تحافظ على مستواها. تبين كبيرة وثقيلة (ما شيكت وزنها لو موجود أو قريته ونسيته وما لي مزاج أرجع أشيك... كل شيء جايز :xd.

Dodge Charger Black Top السيارة جميلة كالعادة، هيبة.

Dodge Viper المفروض ترجع ب2014، هل نعرف شيء قريبا؟ أتمنى!

Chevrolet Impala شفتوا الصور التجسسية؟ Chevrolet أخيرا عرفت تحط داخلية زي الناس مما يبدو! السيارة تبدو ضخمة جدا وزي التشارجر من الداخل، أحس شفروليه "أمريكيا" فقدت جزء كبير من هبيتها في الLarge Sedan مؤخرا، لو الشركة جادة؟ أتمنى شيء ينافس الTaurus أو حتى الCharger من ناحية القوة، ودي أشوف واحد بمحرك LS3

نقطة مهمة كنت بنسى أذكرها!

في أجيال من بعض السيارات راجعة ل2009/2010 وبنشوف جيل جديد منها في 2013! خصوصا السيارات السيدان العادية والاستهلاكية الوسط والصغيرة، صار الواحد ما يحلق صراحة :surprised: بس تعرفوا؟ هذا شيء جديد لهذه الأنواع من السيارات، يساهم في تطورها بشكل أسرع وتوفر تقنيات ترفيه وداخليات وتصاميم أفضل بسرعة، تطور أسرع = أحسن، بس الشيء المقرف أن اللي اشترى سيارته عام 2011 مثلا بيحس أنها قدمت بسرعة :xd:

 

[USefQ80]

الكشف رسميا عن الجيل الجديد للكسزس GS !!

خربو شكل سيارتي !!! : و انا كنت متوقع شي احلى من الحالية !! :

:

:sadwalk:

 

[Zero]

التصميم طالع من فترة، مادري هل أنا الوحيد اللي يشوفه أفضل؟ يعني أشوفه نفس الشيء لكن أفضل بشوي، عموما أنا ما أحب تصميم الGS واجد.

 

[USefQ80]

^^
القديم افضل بمراحل !! الحين حرام يحطون عليها شعار لكزس !!

 

[Zero]

المسألة مسألة أذواق.

بس شبك السيارة كان أكثر شيء أكرهه، حركات الأنوار الأمامية المنفصلة تميز السيارة بس كانت مشحوطة بزيادة، نور زي هذا عملي أكثر. بعدين هيكل السيارة ما تغير واحد أصلا، بعض السيارات لما يجي جيل جديد تنقلب شيء ثاني كليا :laugh:: أيه والتصميم السابق كان يخلي السيارة كأنها "بيضة" في نظري. شخصيا أشوف الIS وLS أحلى بمراحل وحتى الES من ناحية الخلفية والنصف الخلفي من السيارة بكبرها.

السيارة الآن صارت "متوازنة"، الداخلية بتكون جودتها عالية، بس شكلا ما أشوف فيها لمسة خاصة، السيارة أحسها أقرب لليجاسي حجمها أكثر من أي شيء.

الGS السابق من السيارات اللي عمري ما فهمت ويش عاجب الناس في تصميمها، بس بالنهاية الناس أذواق :

 

[dro]

والله لا زلت اتذكر اننا كنا نحتقر شركة هيونداي ... الآن تصميمها تغيرت للأفضل و تصاميم راقية و عملت نقلة بشكل مفاجئ لكل الأنواع .. دائما اتسائل عن السبب

 

[USefQ80]

اكيد كل شي يعتمد عالذوق ! بس اختلف معاك ! الGS اكثر لكزس يمكن منتشر عندنا بسبب الشكل !! بس بفريجنا في 5 غير اللي عندي ! p; من ناحية الشكل
GS > IS >>>>>> ES
:tongue: الـES احسها كامري بس عليها كيت !
انا قبل الGS كنت ابي E-Coupe بس السعر كان غالي على سيارة ما فيها مواصفات مثل اللكزس !
و A5 رحت اشوفها و كان بيتغير الشكل !

مرسيدس للفوز :rockon: الشركة الوحيدة اللي كل موديل ينزل يكوون افضل من اللي قبله ! عكس اغلب الشركات اللي قاعدة تخرب بأشكال سياراتها :

 

[Zero]

الES هي فعلا كامري مجرد كامري مفخمة حتى أنها من بين جميع سيارات لكزس FWD دفع أمامي (لول) ومحركها 3.5 V6 نفس الموجود في الكامري والأفالون والأوريون... إلخ من المتغيرات حق السيارة، بس هذا ما له علاقة بشكلها أبدا، النصف الخلفي من السيارة تصميمه حلو لو تسألني.

الE الموديل الحالي، من ما يتمنى واحد؟ شكله جذاب خصوصا الواجهة وخصوصا لما يجي بمواصفات، بس لو عندي فلوس ما أحطها فيه صراحة، أفضل أشتري سيارة رياضية أرخص منه بواجد وأقوى.

 

[Madainee]

مين يحس ان شكل فيوجن الجديده قبيح ؟ :yuck::

الشكل القديم بالنسبة لي واحد من افضل التصاميم الي شفتها من فورد.

 

[Zero]

http://jalopnik.com/5874279/2013-ford-fusion-live-gallery/gallery/8

صور 2013 Fusion في الرابط، صور حية من معرض ديترويت.

أنا للآن ما استوعبت التصميم الجديد كليا، بس التصميم السابق كان "رياضي" أكثر بصراحة، وله هيبة أكثر.

مادري ويش فيها نصف السيارات الmid-size قلبت دبة "متينة" وأحسها مرتفعة شوي، هذا غير المنحنيات الجانبية اللي مادري ويش تبغى، يعني شوفوا السوناتا وشوفوا هذه وغيرهم.

 

[Zero]

من فيكم شاف Dodge Dart؟ نازلة صورها من فترة وأشوفها شيء نظيف ومرتب جدا بالنسبة لسيارة صغيرة من هالفئة.

http://jalopnik.com/5874242/2013-dodge-dart-2012-detroit-auto-show-photos-info

الصور اللي حاطنها Jalopnik سيئة، شفت صور أوضح للسيارة في AutoBlog.

 

[The Doctor]

هممم... شكل الفيوجن كأنها نسخة ممطوطة من الAston Martin Cygnet

 

[USefQ80]

من فيكم شاف Dodge Dart؟ نازلة صورها من فترة وأشوفها شيء نظيف ومرتب جدا بالنسبة لسيارة صغيرة من هالفئة.

http://jalopnik.com/5874242/2013-dodge-dart-2012-detroit-auto-show-photos-info

الصور اللي حاطنها Jalopnik سيئة، شفت صور أوضح للسيارة في AutoBlog.

مالها داعي !! :tongue:

 

[Zero]

مالها داعي !! :tongue:

على أي أساس حكمت؟

السيارة فيها قوة بالنسبة لنوعها، تصميمها فيه شوية حركات، داخليتها حليوة.

ومو كل الناس تقدر تشتري مرسيدس أو لكزس :tongue: الحين ليها داعي أو لا؟ :nerd:

 

[USefQ80]

^^
لوول الناس اذواق ! و انا اشوفها مو ذاك الشكل الحلو :tongue:

كل واحد له اساسيات بنظرة للسيارة !
بالنسبة لي :
1- الشكل
2- المواصفات
فوق كل شي و ما يهمني الهورس باور و هالسوالف

 

[Solay]

الفيوجن الجديده كأنها سوناتا او ازيرا مدموجه مع الأوستن مارت اللي فوق,مع شوية لمسات اكورد.

وشكلها رهيب بالمناسبه.

 

[Zero]

^^
لوول الناس اذواق ! و انا اشوفها مو ذاك الشكل الحلو :tongue:

كل واحد له اساسيات بنظرة للسيارة !
بالنسبة لي :
1- الشكل
2- المواصفات
فوق كل شي و ما يهمني الهورس باور و هالسوالف

ما لها داعي بالنسبة لك أيه، بس ما لها داعي مطلقا؟ لا أبدا! أصلا دودج مقصرة بقوة في السيارات اللي مو هالنوع ومحتاجة شيء ينتشر ويطلع فلوس زي الفوكس من فورد والكوبالت من شفروليه... إلخ.

الفيوجن الجديده كأنها سوناتا او ازيرا مدموجه مع الأوستن مارت اللي فوق,مع شوية لمسات اكورد.

لما تكلمت عن الانحناءات وقلت موجودة بسيارات ميد-سايز بزيادة هاليومين أقوى مثال حاضر بذهني كان السوناتا والأزيرا، سواء ستايل السيارة من جنب أو حتى شكل الهيكل.

لو تبغى الصراحة؟ أحس كان المفروض تكون أنزل شوي. صايرة دبة.