Saudi Arabia to lift ban on women drivers

[The Last Fantasy]

كابوس أتمنى ما يتحقق. -_-

 

[Torpedo]

طبعا سواقة الحريم ما فيها شي شرعا وهذا الكلام أكده علماء ثقات كثير، لكن في ناس يتحججون في الشرع لمنع سواقة الحريم وهذا شي خاطئ 100%. المشاكل اللي ممكن تصير هي مشاكل اجتماعية فقط، و99% منها ما يحتاج إلا الوقت عشان يختفي. إذا سواقة الحريم راح تجي قبلها إعادة هيكلة للمرور وللقوانين بشكل يتناسب معها، أنا معاها. إذا بنظل على نفس أنظمة المرور وطريقة تطبيقها، أنا ضدها تماما إلى أن نشوف حل.

مشكلة الحريم في السواقة هي البرود + تشتت الانتباه. لهذا السبب أغلب حوادثهم بسيطة. لكن مشكلة الرجال هي التهور، و ميزة الحريم ما عندهم تهور لول. على فكرة في منشآت أرامكو مسموح بسواقة الحريم، وصراحة ما شفت منهم شي سيء هناك، سواقتهم عادية وما فيها شي. في البحرين أعترف أن كاد يصير لي حادث مع بنت لكنها كانت غلطتي تقريبا، لول.

man, they drive carefully in Aramco cuz if they ddnt aramco would "u know " them up >.> .. i go to aramco like everyday , if i dnt drive according to their rules my dad will get in lots of troubles.. inside aramco is way different than outside, and u know that..

 

[DeaDMaN]

اماا عاااد ؟؟؟!!! :gasp:

لاتذكرني بالهنود اسأل يوسف , وهو كان معاي , صار اليي اول حادث في حياتي بسبت هندي غبي

لول , انا اقول الحريم بعضهم ممكن يسوق احسن من السواق اللي عندهم"بعضهم".

p: و على طاري الهندي .. اذكر الى الحين الموقف , احنا بنطلع من لفة .. الهندي كان بيلف في نفس اللفة اللي احنا فيها"عاطي اشاره",لما صدم فينا قال .. كنت أقصد اللفه اللي بعدها ! ليش انت طلعت على الشارع ؟!

على فكرة في منشآت أرامكو مسموح بسواقة الحريم، وصراحة ما شفت منهم شي سيء هناك، سواقتهم عادية وما فيها شي.

p: نفس كلام احمد ,بعض الاحيان نروح نتغذى في الCamp لو ماكان عندنا وقت..و بعض البنات اللي في الSTC يسوقوا ..لكن النظام شديد بشكل خرافي مقارنة بالنظام خارج ارامكو , و البنات هناك يسوقوا بسرعات محدود "اعلى limit شفته كان 70" فـ .. صعب أتخيل اني اشوف حادث هناك .

 

[NSider]

man, they drive carefully in Aramco cuz if they ddnt aramco would "u know " them up >.> .. i go to aramco like everyday , if i dnt drive according to their rules my dad will get in lots of troubles.. inside aramco is way different than outside, and u know that..

لا تخربط بين الحريم والرجال لول. الرجال هم اللي ما يهتمون بالقانون عادة لكنهم يخافون من أمن أرامكو، والحريم مشكلتهم البرود في السواقة، وما أعتقد في قانون ضد البرود حتى في أرامكو.

 

[Mada Mada Dane]

^
ما توقعت الكلام ذا منك محمد.




هو مو المشكلة إنهم يعرفون وإلا لا .... المشكلة إن نصف المجتمع بيسوق لأول مرة وشوف الحوادث اللي على كيف كيفك.

ما اتوقع بيصير في تغيير كثير, لان الان السواقين يسوقون بدلا عن نصف المجتمع, لا ساقوا الحريم اتوقع بيتم الاستغناء عن كثير من السواقين, الحرمه بتسوق سيارة السواق ..

 

[hussien-11]

طبعا سواقة الحريم ما فيها شي شرعا وهذا الكلام أكده علماء ثقات كثير، لكن في ناس يتحججون في الشرع لمنع سواقة الحريم وهذا شي خاطئ 100%. المشاكل اللي ممكن تصير هي مشاكل اجتماعية فقط، و99% منها ما يحتاج إلا الوقت عشان يختفي. إذا سواقة الحريم راح تجي قبلها إعادة هيكلة للمرور وللقوانين بشكل يتناسب معها، أنا معاها. إذا بنظل على نفس أنظمة المرور وطريقة تطبيقها، أنا ضدها تماما إلى أن نشوف حل.

مشكلة الحريم في السواقة هي البرود + تشتت الانتباه. لهذا السبب أغلب حوادثهم بسيطة. لكن مشكلة الرجال هي التهور، و ميزة الحريم ما عندهم تهور لول. على فكرة في منشآت أرامكو مسموح بسواقة الحريم، وصراحة ما شفت منهم شي سيء هناك، سواقتهم عادية وما فيها شي. في البحرين أعترف أن كاد يصير لي حادث مع بنت لكنها كانت غلطتي تقريبا، لول.

أتفق تماما مع كلام يوسف ، خصوصا الي باللون الأحمر

هو من الناحية العلمية فعلا ممكن تكون المرأة أقل كفاءة من الرجل في القيادة ، لأنو الخلايا البيضاء عندها في الدماغ أقل من الرجل ، و هذي الخلايا مختصة بـ ( الفراغ ) ، لهيك ما بيكون عندها القدرة على تحديد الموقع و المسافة و الأبعاد مثل الرجل ، لكن هذا ما يعني انها ما تقدر تقود السيارة بكفاءة ، انا حواليي كثير نساء يسوقوا ما شاء الله سواقتهم توب و احتراف ، والسواقة ضرورية بالنسبة لكثير منهم و فادتهم كثير .
​

 

[ZiZ]

لو ساقوا الحريم أنا بأعتزل السواقة...

قال أيش؟ قال حقوق المرأة...

 

[Monster]

يا عمي اختي تبي تتعلم سواقه وطلنا البر مره والا تبي تسوق قلت لها يلا واعلمها البنزين والبريك واول ما داست بنزين دعست بريك بقوه عيوني بغت تطلع من مكانها من قوه البريك ....... ويبون يتعلمون سواقه بعد.

 

[NSider]

يا عمي اختي تبي تتعلم سواقه وطلنا البر مره والا تبي تسوق قلت لها يلا واعلمها البنزين والبريك واول ما داست بنزين دعست بريك بقوه عيوني بغت تطلع من مكانها من قوه البريك ....... ويبون يتعلمون سواقه بعد.

خخخ أنت معلم فاشل.

 

[Monster]

لا يا يوسف الله يهداك انت قولي تدوس بريك ليش بالبر ومافي سيارات ؟ الحريم يبون يسوقون وهم خايفين . استحاله طبعا.
انا شفت اختي كذا غسلت ايدي اعلمها تبي تتعلم تروح للبابا

 

[Torpedo]

احسن شي نشتري للبنات kart داخل البيت >.>

 

[persona]

في قلة من الحريم يعرفون يسوقون متعقد اليوم بالسوق وحده راعيه البافايندر شلون طلعت سياراتها من حشره سيارات بدون لا مساعده ولا شي ..الباجيين الله يستر عليهم بس..ماسك الحاره اللي بالنص بالخط السريع والحجيه تكبس\تترك لي ليش شمسوي؟..بايق حلال ابوها؟! روحي على حاره اليسار اذا طايره ..مالت على الباميه بس..

 

[The Sinner]

لا يا يوسف الله يهداك انت قولي تدوس بريك ليش بالبر ومافي سيارات ؟ الحريم يبون يسوقون وهم خايفين . استحاله طبعا.
انا شفت اختي كذا غسلت ايدي اعلمها تبي تتعلم تروح للبابا

عادي عيدالرحمن انا اول مرة مسكت فيها سيارة بحياتي كانت بالبر وابوي يبي يعلمني السواقة الا قالي ادعس عالبنزين ولف السيارة شوي بعيد عن الخيمة انا دعست بنزي عالاخر وفريت الدركسون عالاخر اتوقع وش صار السيارة كانت بتقلب

فشي عادي اول مرة الواحد يسوق تطلع بلاوي فيها

 

[mohamed]

أكيد ما راح يصير اللي قلته (أصلا ما أحد عنده الجرأة)

لكن للأسف المنطقية عندنا منزوعة في القرارات.. أجل ليش مجلس الشورى عندنا رفض قرار جعل الإجازة الرسمية عندنا (جمعة و سبت) مثل باقي دول الخليج.. لأن مجموعة صغيرة (لكن قوية) في المجلس قالت إن هذا تشبه بالكفار و فقدان للهوية الإسلامية


طالما كذا طريقة التفكير عند مجموعة لها قرار.. فتوقع أي شي في المستقبل

لو كل الناس مثلك في كلامك كان فلحنا..
المشكلة الكبيرة والعظيمة انه الفئة الصغيرة الرجعية هذي هي السبب في تخلفنا آلاف السنوات الضوئية عن العالم , وراح نستمر كذا إذا ظلوا موجودين..

أذكر موقف صار لي مع استاذ التوحيد عندنا في المدرسة , شاف (الاستاذ المطوع) طالب لابس فانيلة عليها شعار مانشستر يونايتد فقال هذي سخافة وتشبه بالكفار +_+
طبعاً حصل لي نقاش معاه ومن شدة سخافة رأيه قلت له ( ما أقبل أناقشك مرة ثانية ولا تحاول تقنعني بكلامك).

الحين نفس الكلام حاصل مع قيادة المرأة!
يقول لك حرام لأنه فيه فتن على الشباب , لول أجل لو على هذا المبدأ أجل الجوال حرام والاسواق كلها محرمة والشوارع محرمة والتلفاز والنت محرم , لأن هذي كلها "ممكن" تؤدي لحرام -___- . فالانسان الحكيم يختار الجانب الطيب , منو قال انه "كل" الشباب راح يعاكسون بنات؟ ومنو قال انه سبب "مباشر" للفتن؟ لو بغى يشبع رغباته الحقيرة فيه ألف وسيلة أسهل بمراااااااااااحل من استغلال قيادة المرأة!!