والآن مع وصولي لنهاية القصة، أقدر أقول بكل إقتناع إن هوريكوشي كان في باله 100% نهاية مختلفة لما بدأ في كتابة القصة، 100% ما كانت هذه النهاية المقصودة.
الإنطباع فيه حرق لنهاية المانجا.
.
.
.
بالرغم من إنه كان واضح كثير انه في اختلاف في توجه القصة من ما بدأنا اوفرهول آرك، من كيف طفل طموح ممكن يصبح مثل قدوته أفضل بطل في العالم إلى معركة أزلية بين الخير والشر، لكن التوجه الجديد نفسه ما كان سيء وحصلّنا كثير لقطات حلوة.
في الواقع البناء للأشرار هنا كان الأفضل وأحسن بكثير من قصص شونين ثانية، مرورًا من بداية تقديمهم ولمحات عن الماضي، المعركة الأخيرة نهاية كل واحد منهم. حتى "talks no jitsu” تقديمها كان كويس ومش سيء زي مع توغا هيميكو مثلا، لأن الجوهر حقها ما كان pure evil وهي فعلا قبلها مرت بفترة صراع، وكان كل مبتغاها تلقى أحد يتكلم معاها، هذا فعلا اللي كانت محتاجاه، ونهايتها هي وتويا كانت ممتازة.
حتى المعركة الأخيرة مع تومورا مع إنها ما كانت أفضل حاجة في الحياة وحسيت كان فيها شوية استعجال وما شفنا "قتال" حقيقي، لكن الطريقة اللي ديكو كان يفكر ويحلل فيها في القتال وكيف يستخدم الميزات حتى مع إنها المفروض تكون مملة وما منها فايدة لكنه لسه كان عنده فكرة كيف يستفيد منها في القتال كانت حاجة حلوة وممتعة، تخليك تفكر إنه all for one يمكن ما كانت الميزة الأفضل لديكو من البداية &
لكن مع هذا كله وين المشكلة؟
أملك عتب كبير جدًا في طريقة تعامل الكاتب مع ديكو، من بداية ارك اوفرهول حتى النهاية.
الكاتب مش بس ما خلاه يصير أفضل بطل زي ما صرح في بداية المانجا، لكن هو مب راضي ينسب له أي فضل أو يُظهر له أي لقطات تظهر إنه بطل فعلا وعمل حاجات رهيبة خلت الناس تحترمه وتشوفه زي اول مايت، مثلًا.
هو لو كنا دقيقين، من بداية القصة الكاتب كان يبدو إنه يضع عوائق في طريق ديكو عشان يتم الإعتراف به وبقدراته، لكن كنا نعتقد وقتها إنه هذا كله في سبيل المستقبل وإنه في نقطة ما أكيد حيتطور كثير ويصل للشيء هذا.
مثلا في ارك المسابقة، مع إنه كان الأول في السباق وأظهر قدرات مميزة في المواجهات وحتى ضد شوتو، لكن بسبب الإصابات مافي أبطال كثير كانوا متهمين به ومافي أحد أرسل طلبات له زي الباقين. هنا الحدث كان مفسّر مفهوم، بسب بالإصابات.
وفي آرك ستاين، بالرغم من إنه هزم ستاين مع إيدا وشوتو ما أخذ الفضل لأنهم كانوا طلاب وما عندهم رخص، اوكي هنا كمان كان مفهوم.
ضد muscular, بالرغم من إنه هزمه بنفسه حتى وهو شرير كان معروف من زمان وأنقتل بسبه عدة أبطال لكن الحادثة ككل كانت شائكة كثير للمدرسة وفي طالب اختطف، كان مفهوم إنهم يركزون على الصورة الكبيرة، لكن مع هذا كله ما أخذ أي credit
في ارك اوفرهول هنا بدأت المشاكل، شفنا كيف ديكو ،بمساعدة قدرة البنت الصغيرة ايري، قدر لوحده يهزم زعيم هاسايكاي اللي كان معروف إنه بدأ مشاكل كثيرة في المنطقة والكل كان يخاف منه. هو لوحده -طالب السنة الأولى- بالرغم من إنه كان فيه كثير أبطال محترفين متواجدين لكنه هزمه وفي وضح النهار في منتصف المدينة، وكان عنده رخصة مؤقتة وأي حاجة، ومع كذا، ما شفنا أي أحد يتكلم عن هذا الإنجاز وينسبه له، وهنا، ما كان في أي سبب، الكاتب بس قرر يتجاهل هذي النقطة، مع إنها كانت المفروض تكون -بداية- بطولية ديكو.
من هنا كان واضح إن الكاتب غير تركيز قصته، وصار مش مهتم كثير بديكو وقصة بطوليته. حتى تطوير ديكو ل AFO وقف هنا، والكاتب قرر يخليه يقدر فجأة يستعمل قدرات ثانية ويطورها بسرعة عشان يقدر يهزم شيغاراكي في النهاية. هذه الفكرة بحد ذاتها مش سيئة، لكننا ما شفنا الfull potential لقدرة OFA.
بعدها الإتجاه نحو ديكو أتغير، بعد ما كان العالم يشوفه كطفل يطمح يبقى بطل بقدراته وجهده، صار العالم يشوفه كحامل OFA, الشخص اللي المفروض يهزم AFO! حتى مع إنه ما وصل للمكان اللي هو فيه بسهولة واضطر يحسن قدراته ويشق طريقه بصعوبة لكن مافي شخص شاف كل تعبه هذا.
المشكلة إن الكاتب ما كان يتعامل كذا مع بقية الشخصيات! وكان أصغر إنجاز لهم يُذكر، مرات من قبل أصحابهم، ومرات عن طريق مقالات، وحتى في المعركة الأخيرة الكل ذكر إنجاز شوتو لما هزم تويا في البداية، واللقطة اللي أنقذ فيها باكوغو اول مايت.
طيب كل هذا ممكن نمشيه، حتى حقيقة إنه في نهاية المعركة الكاتب أستقصد يُظهر ضعف ديكو وإنه لازم يستعين بأصدقائه عشان ينهي المعركة، لكن التبعات؟
الكاتب ما أظهر أي حاجة عن كيف العالم المفروض ينظر لديكو إنه أعظم بطل اللي هزم أعظم شرير، بالرغم من عظمة الإنجاز اللي أظهره.
وهذا كله يهون مقارنة بما بعد التايم سكيب، هو الكاتب لو أراد كان ممكن يرجع ميزة ديكو بأي طريقة حتى في نهاية المعركة، لكنه اختار إنه ما يسوي كذا.
اختار إنه يخلي ديكو معلم في المدرسة ل٨ سنوات وأصحابه كلهم يكونوا أبطال محترفين،
كان ممكن الموضوع يكون أحسن لو أصبح سفير بين الدول مثلا، يعني حاجة منطقية من اللي هزم أقوى شرير ومنع دمار العالم&
وبصراحة التعليقات التالية يمكن تختصر الموضوع:
مشكلة الكاتب الأساسية إنه ألزم نفسه بنهاية معينة في بداية المانجا، "this is a story of how I became the strongest hero”
وألزم كل القراء بتصور هذه النهاية، وكيف ممكن نصل لها؟
لكنه ما التزم بها، اللي خلا كل الامتعاض نحوها مفهوم.
وأكثر حاجة تقهر إنه حسسنا كأنه مستقصد يعمل كدة، وهو كان ممكن يعمل أحسن وما كان حيكون في أي تناقض لكن لا أنا عايز كدة &
يعني بصراحة لو تجاهلنا نقطة ديكو هذه اللي كاتب أصلا كان متجاهلها من منتصف القصة تقريبا، النهاية نفسها مش سيئة بأي شكل والآرك الأخير كان ممتاز والرسالة حلوة.
لكن المشكلة إنه نقطة ديكو حاجة مش ممكن نتجاهلها.
في النهاية أعتقد مشاهدين الأنمي بعد ما يعرض الجزء الأخير أكيد بيكونوا أقل امتعاضًا لأنهم حيكونوا متوقعين للأسوأ مثل ما حصل معي &
أتمنى الكاتب يكتب لنا رسالة, تويتة أي حاجة كدة تفسر لنا النهاية شوية، نشوف وجهة نظره كانت ايش وليه اختار هالنهاية تحديدًا؟ لأني ما أقدر أفكر في أي سبب منطقي صراحة.
، الشئ يخليك ماتقدرش تقتنع بكلام اول مايت فى النهاية بإن الفرصة دى جت نتيجة مجهوده و تحس إنها حاجة اتعملت من قبيل العطف عليه نتيجة حالة النفسية لا أكثر