hits counter

Mac Guide

Van

True Gamer
السلام عليكم و رحمة الله و بركاته يا أيها الأعضاء ...

أول شي اللي من الحين فايخ من الموضوع الألف لأبل يطلع ما يحتاج يكمل يقرأ الموضوع p=

في مواضيع كثيرة للماك و من كل موضوع كنت اخذ معلومات أكثر و أكثر عن هذا الجهاز و النظام ... لكن يبقى عندي بعض التساؤلات أو أشيا مرت علي و نسيتها و أنا ناوي اخذ لي واحد قريب ان شا الله (في العطلة القادمة أغلب الظن) و هذا سبب الموضوع الأساسي ... طبعا لما أشتري الجهاز أكيد بكون عندي أسئلة جديدة و ممكن أسأل عن برامج فبكتبها في هذا الموضوع و أي واحد عنده سؤال أو معلومة حلوة عن الماك لا يبخل علينا عشان نكون مطلعين عليه قدر الامكان قبل لا نشتريه و الكل يستفيد من الموضوع XD ... و لو كان شي مذكور في موضوع ثاني عادي تعيدونه عشان يكون الموضوع هذا شامل كل ما أردنا ناخذ معلومات (يتعب البحث في المواضيع ... خاصة للكسلة مثلي)

المهم ما بطول ببدأ بأسئلة أساسية و بعضها ممكن تكرر كثير ...

أول شي أسئلة بخصوص الـHardware

- لو واحد مفكر ياخذ الماك بوك ... شنو راح يفوته من مميزات الماك بوك برو ؟
عني شخصيا مو مهتم بألعاب الـPC و حجم الشاشة مو مهم لذيك الدرجة شنو راح يفوتني ؟

- بالنسبة للماك بوك ... هل يوجد من النوع 2.0GHz Intel Core 2 Duo و بذاكرة 80GB ROM لون أسود ؟
لأني رحت للموقع الرسمي و لاحظت انه فقط الموديل بـ120GB ROM يتوفر بلون أسود
*سبب السؤال اني سمعت انه اللون الأبيض مع الوقت يتسخ بسبب اليد + اللون الأسود عاجبني أكثر بس فرق السعر مو شوي ... لو ما فيه غير 120GB ROM أسود باخذه و زيادة الـROM خير XD

- هل ينصح بعمل Upgrade للـRAM الى 2GB عند شراء الماك بوك ؟
* أنا عارف انه الـ1GB سريع لكني أطمح للأسرع ... بكون فرق ملحوظ بينهم و للا ما ينصح بالـUpgrade ؟

ثاني شي أسئلة عن النظام و بعض الخواص فيه

- هل بكون مرتاح نهائيا مع البرامج ؟
*سؤال مكرر كثيرا و عارف اجابته بس أبغى تطمين

- عن الـParallel ... شنو طريقة عمله بالضبط ؟
هل يغني عن الـBootCamp ؟ يعني مثلا لو حاب واحد يضع Windows Vista يقدر بالـParallel ؟ و كيف تكون طريقة التركيب ؟ و هل يبطء الجهاز ؟
*أنا مو عارف شي عنه لو نبذة بسيطة تكفي

- بالنسبة للتواصل مع مستخدمي الـWindows ... كيف نقدر نتواصل معهم بالـمحادثات الصوتية ؟
لو في طريقة حتى لو تتطلب منهم أيضا تنزيل برامج أبغاها ... و لو في طريقة للتواصل معهم بالفيديو يكون شي طيب p=

- شنو الطريقة لتغيير توزيع الأحرف العربية في الماك لتكون مطابقة للتوزيع في الويندوز ؟
*أدري سؤال مبكر لي توني ما شريت الجهاز لكن أبغى أرتاح ... لأني يمكن اخذ واحد بدون كيبورد عربي بسبب أنهم يعربون كل شي حتى الـEnter و هذا شي ما عجبني شخصيا ... لو واحد يقدر يصور الكيبورد العربية للماك و يحطها في الموضوع أكون شاكر له لأني أبغى أشوفها مرة ثانية مع اني ما أتوقع بغير رأيي p=

أسئلة مو كل ممتلكين الماك يقدرون يجاوبون عليها و ممكن غير مستخدميه يقدرون يجاوبونها p=

... و السبب انها أسئلة متعلقة بأماكن الشراء و الأسعار في الشرقية لول

- شنو أفضل مكان في الشرقية لشراء الماك بوك في الشرقية ؟
*البحرين اعتبروها من ضمن الشرقية لأني في الدمام و هي قريبة مني

- سمعت انه أبل سنتر في السعودية عنده خدمات تركيب برامج مجاناً (علماً انها تشترى من الانترنت مثل Parallel) و مثلا لو ينزل نظام ماك جديد يركبه مجاناً و غيرها من الخدمات ... هذا الكلام صحيح ؟
و لو كان صحيح لو شريت الجهاز من أبل سنتر الموجود في البحرين أقدر أعطيه للموجود في الشرقية (الراشد) عشان يوفر لي هذي الخدمات ؟

- تكملة للسؤال الأول و الثاني ... أبغى أعرف أسعار الماك بوك الموديلين المحتوين على 2.0GHz Intel Core 2 Duo من المحل المنصوح به + سعر المودم الخارجي للـDial up + سعر الـMini-DVI to VGA Adapter (هل موجود أصلا هنا ؟)

*لو سعر تقريبي عادي لكن ما يكون السعر الرسمي لأنه عارف لازم يكون فيه نصب شوي ... و لو واحد عارف سعر شيء واحد يقوله أي شي يفيدني p=

- شنو سعر الـUpgrade للـRAM الى 2GB في المحل المنصوح به بعد لول ؟
*سؤال منفصل لأهمية هذي المعلومة بالنسبة لي ... و بعد أبغى أعرف لو هذا الشي ياخذ مدة يعني مو على طول لو شريت الجهاز أبغى فيه 2GB RAM يكون جاهز أو يركبه لي في نفس اليوم ... أسأل عن كذا عشان لو شريته من البحرين و أبغى أركب الـUpgrade هناك

------------------------------------------------------------------------------------------------

حاليا هذي أسئلتي و عذرا لو طولت عليكم لكني ما حب أشتري شي بدون ما أكون خلفية قوية عنه ... و الماك بكون نقلة كبيرة و شي جديد و قلت بجربه لأني أحب التغيير

أعيد أي واحد عنده أسئلة لو يقدر يكتبها هنا و الواحد لو عنده فرصة أو وقت فراغ يروق و يجاوب على اللي يقدر عليه p=

و في النهاية أقول ... ان شا الله أتمنكش قريب p=
 

AMG

True Gamer
السلام عليكم اخوي

اولا الاسئلة المتعلقة بالسعر ما راح اقدر اساعدك فيها للاسف :cryy:

بالنسبة للفرق بين الماك بوك و الماك بوك برو هو اولا السرعة الماكبوك برو اسرع الان مواصفته اقوى انا كمان كان عاجبني الماكبوك الاسود الان شكله روعة لكن بعدين اخذت البرو ال15 انش

بالنسبة للماك بوك برو الاسود هذي المواصفات

معالج : انتل كور 2 ديو 2 جيجا هيرتز (( البرو 2.16 او 2.33 ))

رام : 1 جيجا

هارد ديسك : 120 جيجا

كرت شاشة 64 ميجا (( البرو 128))

بما انك ما تلعب جيمز فهذا بيكون مناسب لك لكن انا افضل تاخذ برو زي الي انا اخذته الفرق بينه و بين الماك بوك ان البرو 15 انش معالج 2.16 كرت شاشة 128

بالنسبة لبرامج تشغيل الويندوز انا ما جربت اي واحد منهم لاني ما اتحجت لهم لكن انا عندي برنامج سمعت انه قوي جدا لكن ما حطيته و يخليك تشغل ويندوز من دون ما تسوي ريستارت اسمه parallel desktop

بالنسبة تركيب الرام اعتقد انه مافيها مشاكل سهلة جدا و موجودة حتى في الماونيول الي يجي مع الجهاز :smile: تقدر تركبه بنفسك

بالنسبة للماك و نظام تشغيله فهو ممتاز مهما احكيلك عنه ما اقدر اعبر على مدى قوته و سرعته عيبه الالعاب


وشكرا
 

king zell

Network Director
Administrator
تصدق اليوم بغيت اكلم خالد نفتح موضوع رسمي


باركولي شباب صدت مستخدم رسمي لاول مره في حياتي للماك


بس للحين ما عرفت احصل حرف الهمزه :yuck:
 

DeViL MiNd

Banned
تصدق اليوم بغيت اكلم خالد نفتح موضوع رسمي


باركولي شباب صدت مستخدم رسمي لاول مره في حياتي للماك


بس للحين ما عرفت احصل حرف الهمزه :yuck:



مبرووووووووووووووووووك
 

Leon

Electrony Editor
فان ومحمد زيل ألف مبروك والله يعطيكم خيره ويكفيك شره .. :smile: لول شباب أحد يساعده في حرف الهمزة .. :p
 
التعديل الأخير:

Ash Storm

True Gamer
و الله يا فان كبرت و صرت تريد تكون واحد من مستخدمي الماك p:
عموماً مبروك عليك مقدماً ^__^ و مبروك عليك زيل كمان الجهاز :laugh: ..

و الله TG بدأ يتحول لمعسكر ماكاوي @_@
عقبالي :angry:
 

AMG

True Gamer
مبروووووك زيل

ء : شيفت و V

اي جهاز اخذت ؟؟؟
 

BioMario

مصمم
مبروك عليكم ..
و عقبالي انا و Ash وكل واحد XD ..
 

H-Bomb

Hardcore Gamer
عما قريب راح أخذ الماك بووك الأسود
 

Van

True Gamer
شكرا تنين ... المشكلة فرق السعر بين البرو و العادي و للحين اللون الأسود عاجبني أكثر p= ... و بالنسبة للـRAM سهلة أجل

زيل مبروك ... أجل تمنكشت قبلي p= ... ممتاز انه الموضوع جا في وقته

لو واحد يقدر يجاوب على بعض الأسئلة اللي ما تجاوبت يساعدنا ^^


تعبت نفسي و تصفحت بعض المواضيع القديمة و لقيت ردود مفيدة بنقلها ... أكيد أشيا فاتتني طبعا ...
Sir Doyle قال:
الماك يجي معاه هذه البرامج:
Automator ..... خل الويندوز يحلم به
Comic Life ..... برنامج تتوقع بكم سعره لو باعوه منفصل؟؟؟
Dictionary Oxford
DVD Player
GarageBand.... تعرف وشو هذا البرنامج لول لو تشوفه تنصدم بالقوة لانه موجود ببلاش
iCal
iChat
iDVD .... برنامج لتصميم الدي في دي بشكل ما تتخيله.... لو بتشتري واحد مثله... هذا لو حصلت مثله... بكم تتوقع
iMovie HD ...... برنامج تحرير الفيديو..... آه طلع ستيف لاعب على اليوزرز
iPhoto
iTunes
iWeb ..... تصميم صفحات الويب
apple Mail ...... في الويندوز اشتر الآوت لوك رللي مايسوى قدام هذا البرنامج.... مستخدمين الآبل موجود عندهم ببلاش
Photo Booth
Safari
Grapher.... برنامج للغراف
Xcode ........ عبارة عن برنامج يجمع لغات البرمجة في برنامج واحد مع أدوات بروفشنل.... يعني تقد تمثله بال (.net)..... يجي مع الماك ببلاش

+
في الليوبرد:
-- Time Machine
http://www.apple.com/macosx/leopard/timemachine.html
-- Space
http://www.apple.com/macosx/leopard/spaces.html
Sir Doyle قال:
الخطوط العربية في الماك أقل بكثير من الويندوز .... هذا هو النقص الوحيد
البعض لما يشتري الماك يروح يركب خطوط الويندوز العربية فتسبب له مشاكل في التصفح و غيره و يعتقد أن الماك ما يدعم العربي بشكل جيد....
إذا الماك يدعم اللغة العربية بشكل كاااامل ... و الشيء الوحيد الناقص هو : قلة الخطوط العربية + الأنترفيس ما يجي كامل بالعربي زي الويندوز
Sir Doyle قال:
بعض الشركات الله يهديها نزلت برامج المسنجر اللي حقها بدون خاصية الصوت... مثل الهوت ميل
لكن تقريباً أكثر الشركات المشهورة البرامج إللي حقها كاملة بصوت و صورة... مثل Skype....سكايب إللي في الماك أفضل من اللي في الويندوز...... و إذا أخذت الماك أنصحك أنك تركب Adium و بس برنامج بمواصفات لا يوجد مثله في الويندوز
Khalid-S قال:
في نقطه بسيطه ... تحويل الكتابه من العربي للانجليزي Apple + Space ..
لمن تكتب ارقام .. لازم تحول تكبهم بالانجليزي .. لان ما تطلع بالعربي في المنتدى الله يعلم ليش ..

في برامج رهيبه مجانيه احجامها صغيره تحصلها هنا www.freemacware.com

خذ لنا برنت سكرين وورينا جهازك الرهيب .. اذا تبي تاخذ برنت سكرين .. في طريقتين .. طريقه ياخذ لك الشاشه كامله .. وطريقه يطلك لك الماوس وانت تحدد الشي الي تبي تسوي له برينت سكرين (مثلا مربع معين في هذي الصفحه)
كل الصور اوتوماتيك بعد ما تاخذ البرنت سكرين تنحط في الديك توب

Full Print Screen = Apple + Shift + Number 3
بدل الثلاثة 4 عشان تحدد الي تبيه.
Wicked قال:
some useful shortcuts

1: Apple + i = folder/file info
2: Apple + delete = to delete a file
3: Apple + Option + Control + Eject = quick shutdown

and make sure to setup the Expose from the system preferences
when you get used to it, you won't live without it.
 

Wicked

Hardcore Gamer
- عن الـParallel ... شنو طريقة عمله بالضبط ؟
هل يغني عن الـBootCamp ؟ يعني مثلا لو حاب واحد يضع Windows Vista يقدر بالـParallel ؟ و كيف تكون طريقة التركيب ؟ و هل يبطء الجهاز ؟
*أنا مو عارف شي عنه لو نبذة بسيطة تكفي


I think BootCamp is better, Parallel is very slow
and anyways with time you'll just let it go, you won't be needing or using Windows when you switch...unless it was a rare case

:laugh: and Welcome, You've been Mac'ed
 

H-Bomb

Hardcore Gamer
شنو أفضل مكان في الشرقية لشراء الماك بوك في الشرقية ؟

أنا إلا أعرفه بس آبل سنتر ، أعتقد أنهم أفضل محل ولهم فرع في البحرين بعد أسمه ايمشينز ، لو تبي رقمهم موجود عندي ،لو تعرف موقع ماك للعرب صاحبه صار مدير مبيعات آبل سنتر الراشد روح له يوم السبت بيكون فاضي وأنا راح أكلمه لك علشان يسوي لك تخفيض

- سمعت انه أبل سنتر في السعودية عنده خدمات تركيب برامج مجاناً (علماً انها تشترى من الانترنت مثل Parallel) و مثلا لو ينزل نظام ماك جديد يركبه مجاناً و غيرها من الخدمات ... هذا الكلام صحيح ؟

البرامج أي يركبها لك مجاناً فوتوشوب و RealPlayer و مجموعة برامج ... أما النظام أعتقد أي ( مو متأكد )

- تكملة للسؤال الأول و الثاني ... أبغى أعرف أسعار الماك بوك الموديلين المحتوين على 2.0GHz Intel Core 2 Duo من المحل المنصوح به + سعر المودم الخارجي للـDial up + سعر الـMini-DVI to VGA Adapter (هل موجود أصلا هنا ؟)

الأسود = 7500 ريال
الأبيض = حوالي 6200 ريال

طبعاً هذي أسعار آبل سنتر

أما المودم أعتقد يعطوك إياه مجاناً

أما ادابتر مدري عنها

- شنو سعر الـUpgrade للـRAM الى 2GB في المحل المنصوح به بعد لول ؟

هو على حسب السرعة ، أخر مرة رحت قالي الرام 1 جيج بـ 800 ريال ، راح أجيب لك أسعار المحلات الثانية
 
التعديل الأخير:

Van

True Gamer
ممتاز Bleach ما قصرت ^^

أنا سمعت في البحرين يكون أرخص ... بس تقول يسووي تخفيض لو كلمته ؟ هذي الأسعار مع التخفيض و للا كيف ؟ و كم تكون نسبة التخفيض لو موجود ؟

خدمة أبل سنتر ممتازة ... لو ما تكون متوفرة لي في السعودية لو أخذته من البحرين (مركز أبل سنتر هناك) ممكن خلاص ما أفكر أشتريه من هناك حتى لو بسعر أفضل

أنا قريت من مدة الـ2Gb RAM بألف بس لو ممكن تتأكد من أسعار المحلات ^^
 

H-Bomb

Hardcore Gamer
ممتاز Bleach ما قصرت ^^

أنا سمعت في البحرين يكون أرخص ... بس تقول يسووي تخفيض لو كلمته ؟ هذي الأسعار مع التخفيض و للا كيف ؟ و كم تكون نسبة التخفيض لو موجود ؟

خدمة أبل سنتر ممتازة ... لو ما تكون متوفرة لي في السعودية لو أخذته من البحرين (مركز أبل سنتر هناك) ممكن خلاص ما أفكر أشتريه من هناك حتى لو بسعر أفضل

أنا قريت من مدة الـ2Gb RAM بألف بس لو ممكن تتأكد من أسعار المحلات ^^

لا هذي بدون التخفيض ، راح أكلمه وأرد عليك

أما أسعار الرام 1 جيجا

office1 بـ 460 ريال و شركة الصنع ليجاسي السرعه ٥٣٠٠ الباس ٦٧٧
جرير بـ 700 ريال مدري عن السرعة
iMachines بـ 80 دينار يعني 800 ريال
آبل سنتر بـ 600 ريال

بس ما أنصحك تأخذ الرام أحين ، لأنها مو متوفرة بسوق بكثرة و أسعارها غالية ، انتظر شهر أو شهرين وراح تشوف الأسعار طايحة
 
التعديل الأخير:

Van

True Gamer
لا هذي بدون التخفيض ، راح أكلمه وأرد عليك

أما أسعار الرام 1 جيجا

office1 بـ 460 ريال و شركة الصنع ليجاسي السرعه ٥٣٠٠ الباس ٦٧٧
جرير بـ 700 ريال مدري عن السرعة
iMachines بـ 80 دينار يعني 800 ريال
آبل سنتر بـ 600 ريال

بس ما أنصحك تأخذ الرام أحين ، لأنها مو متوفرة بسوق بكثرة و أسعارها غالية ، انتظر شهر أو شهرين وراح تشوف الأسعار طايحة
روعة XD ... لما تكلمه رد علي ... ان شا الله يكون متوفر بـكيبورد انجليزية فقط و طبعا يدعم العربي (لمعرفة السبب راجع الموضوع لول)

بالنسبة للرام خلاص بنتظر دام الأسعار بتطيح و الماك بوك بكون سريع أصلا
 

itachi

True Gamer
هلا شباب آسمحو لي ما كنت موجود..بس بعد المعاناه اللي عنتها من اليوم الشاق في البحرين من الصبح إلى الليل ....ترقبو موضوعي القادم " عن الماكبوك :) "
والسلام :) بعض الناس تعرف (أكلمكم من الماك) :yuck:
 

AMG

True Gamer
هلا شباب آسمحو لي ما كنت موجود..بس بعد المعاناه اللي عنتها من اليوم الشاق في البحرين من الصبح إلى الليل ....ترقبو موضوعي القادم " عن الماكبوك :) "
والسلام :) بعض الناس تعرف (أكلمكم من الماك) :yuck:


شريت ماك بوك ؟!؟!!؟!؟!؟!

اذا نعم => مبرووووووووووووووك

اذا لا => عقبالك و قريبا ان شاء الله
 

Van

True Gamer
هلا شباب آسمحو لي ما كنت موجود..بس بعد المعاناه اللي عنتها من اليوم الشاق في البحرين من الصبح إلى الليل ....ترقبو موضوعي القادم " عن الماكبوك :) "
والسلام :) بعض الناس تعرف (أكلمكم من الماك) :yuck:
مبروك عليك الماك itachi ... لول و أنا مستغرب ما شفت رد منك اليوم على موضوع الماك أثرك رايح تشتريه قبلي ...

معذور و أكيد بنستفيد منك لاحقا في هذا الموضوع (خذ لك نسكافه و شوف اللي تقدر تجاوب عليه من الأسئلة الغير محلولة p=)

بالمناسبة ... شنو الـWidgets ؟ يعني تعتبر مثل البرامج ؟
 

itachi

True Gamer
الويدجيت هي عباده عن بدامج صغيده وخفيفه تشتغل في الخلفيه ... ،تقدر تستدعيها في آي وقت بضغطه زر واحده (مثل الساعه والتاريخ وأداء النظام ودرجه الحراره ) :)

وتقدون تباركون لي على المابوك الموديل الوسط ....عقبال الباقي أنشاء الله
محمد مبروك الماكبوك :laugh:
 
التعديل الأخير:

Futrus

True Gamer
أحد يعرف شلون الأسعار في مركز أبل - أبل سنتر في البحرين؟
 

itachi

True Gamer
الموديل الأول : ب 5200
الموديل الثاني : ب 6200
الموديل الثالث الأسود : تقريبا ب7000
هذي أسعار الماكبوك :) في آبل سنتر
 

Van

True Gamer
الموديل الأول : ب 5200
الموديل الثاني : ب 6200
الموديل الثالث الأسود : تقريبا ب7000
هذي أسعار الماكبوك :) في آبل سنتر
فرق الأسعار مو قليلة في البحرين عن السعودية ... لكن كلام Bleach عن وجود الخدمات في أبل سنتر السعودية حمسني اخذه من الراشد و لو كان المودم يجي هدية بكون الفارق أصغر ... ننتظر ردك يا Bleach لول
 

H-Bomb

Hardcore Gamer
هلا فان ، كلمت لك عبد الرحمن

قالي بيركب لك Parallel ، أما البرامج بيكتفي بالنسخ التجريبية و السيريل نمبر عليك ( لأن ممنوع من وزارة الأعلام و عليه غرامة خمسين ألف ريال ) .. ممكن أعطيك لو تحب

والبرامج الباهظة الثمن P: مثل الفوتوشوب بيساعدك فيها

أما المودم ما يجي مجاني ... قالي بيعطيك تخفيض 10% أو أكثر ... بيعطيك إياه بسعر أقل من آبل سنتر البحرين

شيك الخاص ...
 
التعديل الأخير:

Van

True Gamer
ما تقصر Bleach لول ... اليوم بروح الراشد عشان اخذ لي نظرة على الأجهزة لو قدرت و بشوف يمكن يكون عبد الرحمن هناك

البرامج عندي حلها و السيريل نمبر مشكلة سهلة p=

التخفيض تمام ... خلاص أنسى البحرين ... مشكور ^^
 

Link

Hardcore Gamer
هلا و غلا شباب و انا واحد من شله الماك بوك بس الاسود

اي استفسار و ان شاء الله اقدر افيييييد
 

Sir Doyle

Hardcore Gamer
- بالنسبة للتواصل مع مستخدمي الـWindows ... كيف نقدر نتواصل معهم بالـمحادثات الصوتية ؟
لو في طريقة حتى لو تتطلب منهم أيضا تنزيل برامج أبغاها ... و لو في طريقة للتواصل معهم بالفيديو يكون شي طيب p=

- شنو الطريقة لتغيير توزيع الأحرف العربية في الماك لتكون مطابقة للتوزيع في الويندوز ؟ قصدي الـlayout
*أدري سؤال مبكر لي توني ما شريت الجهاز لكن أبغى أرتاح ... لأني يمكن اخذ واحد بدون كيبورد عربي بسبب أنهم يعربون كل شي حتى الـEnter و هذا شي ما عجبني شخصيا ... لو واحد يقدر يصور الكيبورد العربية للماك و يحطها في الموضوع أكون شاكر له لأني أبغى أشوفها مرة ثانية مع اني ما أتوقع بغير رأيي

- اسكايب في الماك يتوافق مع الويندوز في كل شيء..... صوت و صورة و إرسال الملفات....
في المايكروسوفت مسنجر تقدر ترسل فقط
في الياهو اتوقع بس مو متأكد.... أنك تستخدم الفيديو
المهم... اسكايب هو الحل الأمثل

- اللاي آوت لكيبورد الويندوز موجود للماك و تركيبه سهل جداً.........

هذه صورة كيبورد الماك بوك
http://www.image-dream.com/membre/up/anonym/8ff507708402029fa94b7fc447eba984.jpg

هذه صورة كيبورد الماك بوك برو
http://www.image-dream.com/membre/up/anonym/085b16ae9f1237374964bbb4fe9db1db.jpg

و بالنسبة للخطوط العربية إللي طلبتها...... أنت بس تأخذ الماك كلمني علشان أعطيك الخطوط

شباب الأسئلة صايرة زحمة و ليست مرتبة... حطوا الأسئلة بشكل مرتب علشان أجاوب عليها...
 

Van

True Gamer
زين أجل اسكايب هو الحل ... و تركيب اللاي أوت سهل ... خلاص انحلت جميع تساؤلاتي الحين XD

مشكور دويل على الصور ... دورتها لين ما تعبت بس ما حصلتها >< ... أكيد بتفيدني

ان شا الله لما اخذ الماك بكلمك على الخطوط ... و بالنسبة للأسئلة الحين تجاوب عليها كلها و اللي عنده أي سؤال يحطه ... أنا لما أشتري الجهاز و أحتاج شي بكتب اسئلة و ان شا الله تكون مرتبة p=
 

bnbn

Hardcore Gamer
هلا شباب

انا حاليا افكر بشكل جدي انتقل للماك و مفكر اخذ الماك بوك الابيض و عندي كم سؤال اذا ممكن تساعدوني فيهم وراح احطهم على شكل نقاط

- شنو عيوب تشغل ويندوزXp عن طريق الـ BootCamp باختصار شديد؟
- هل استطيع تشغيل فيديوات avi و mkv و wmv على الماك (لان بعضها يحتاج الى كودات خاصه بالوندوز على ما اعتقد)؟
- عندي هارد ديسك خارجي (هو هارد ديسك داخلي بالاساس بس محطوط بشل عشان يصير خارجي) هل سوف يشتغل على الماك؟؟
- في برامج تورنت للماك؟
- هل يوجد حل لمشكلة الخطوط العربيه بالماك (انا اصلا مو فاهم المشكله)؟
- في طريقة تخليني اشغل اكسبلورر على الماك ؟
- اقدر اوصل الماك بوك بشاشة تدعم الـ VGA ؟

هذي الاسئلة التي اذكرها و مشكورين مقدما
...
 

Tomb raider

True Gamer
Soon i'll join the
AUGTG.jpg
 
أعلى