hits counter

الموضوع الرسمي Half-Life: Alyx

MAS

Hardcore Gamer
أكثر لعبة مرتقبة . المشكلة بإلزامية اللعب بالخوذة !
 

sabah

True Gamer
ما كنت اتخيل ابداً إن هاف لايف جديدة بتنزل وحماسي لها معدوم بسبب حصرها للـ VR، حتى عروض اللعبة ماشفتها.
 

NA1F

True Gamer
موضوع ممتاز
شاهدت عروض الجيم بلاي الاخيرة, الجيم بلاي مذهل واستغلال النظارة بامتياز.

لن انسى شعور تجربة رزدينت ايفيل 7 على البلايستيشن VR بالتحديد في موقع المطبخ المتسخ, التفاصيل واضواء الشمس التي تخترق النوافذ المحطمه, والاصوات اعطتني تجربة لا تنسى, رغم محدودية نظارة البلايستيشن من ناحية الدقة وتفاصيل الرسومات
واعتقد هاف لايف ستنقل التجربة الى ليفل اخر.

المشكلة نظارتي في مدينه اخرى, وشكلي ابي اكلم احد يرسلها لي
 

SNYMA_

True Gamer
يقدرون يتحكمون بالمودات؟
هي اللعبة راح تدعم مودز عن طريق الووركشوب و الايديتور لكن مسألة انهم يحولونها للعبة عادية همم أعتقد فالف ما راح تسمح ، هذا غير اني سمعت ان صعب تحول لعبة واقع افتراضي الى لعبة عادية ، خصوصاً ان اللعبة مصممة للواقع الافتراضي و طريقة اللعب تعتمد عليها بشكل كبير ، بمعنى تغيير شامل راح يطرأ على اللعبة و ممكن المود هذا لو سمحت فيه فالف راح يأخذ وقت طويل جداً ، لهذا السبب انا ما انتظرت و أخذت لي أرخص خوذة مدعومة بالسوق.
 

SNYMA_

True Gamer
البريلود يوم الجمعة القادم .. متحمس لها جداً ما أكذب اذا قلت أكثر من DOOM Eternal ، يااااه أكثر من عقد على لعبة هاف لايف جديدة ، أتمنى اعلان هاف لايف 3 بعد انهاء اللعبة كبونص ههههه راح تكون مفاجأة حلوة ..

 

NA1F

True Gamer
سعر اللعبة رخيص حوالي ال 80 ريال
ارجو ان تكون دسمة، لأن جودتها لا خوف عليها
Pineapple@
وش النظاره الي تستخدمها
 

SNYMA_

True Gamer
سعر اللعبة رخيص حوالي ال 80 ريال
ارجو ان تكون دسمة، لأن جودتها لا خوف عليها
Pineapple@
وش النظاره الي تستخدمها
Samsung Odyssey+ WMR ، أرخص خوذة حصلتها في السوق تدعم تشغيل اللعبة.
 

SNYMA_

True Gamer
البريلود اشتغل .. هجووووووووم ، حجمها 48 جيجا.
 

SNYMA_

True Gamer
أقل من 24 ساعة على فتح اللعبة على ستيم بشكل رسمي .. Can't wait.
 

belmont

Hardcore Gamer
الـ VR Killer app؟ يبدو كذلك.
عطنا تجربتك لـ vr سامسونق اذا لعبت اللعبة..صعبة أدفع +500$ عشان لعبة وحده.
 
التعديل الأخير:

NA1F

True Gamer
التقييمات 93 !!!
نظارتي بالطريق بالشحن شكلها تاخذ كم يوم تبا ::ann::
 

SNYMA_

True Gamer
لعبت ثلاث ساعات بدون ما أحس بالوقت ، الانطباعات جداً ايجابية ، بداية اللعبة كلمة جبارة عليها قليلة ، شي خيال ، الأتموسفير هو أتموسفير ألعاب هاف لايف لكن مضروب بعشرة ، ما أظن اني شفت City 17 بهالجمال و الرهابة ، طريقة اللعب حلوة لكنها بطيئة مقارنةً بالأجزاء السابقة عطفاً على انها لعبة VR ، لكن التحكم جداً صلب و بجودة عالية ، في فرق يوم تشوف لعبة VR مطورة من فريق عادي و من فريق متمرس ، اللعبة تميل الى الرعب بشكل خفيف و مؤثر ، في مرة كنت أمشي و فجأة طلع لي السترايدر وقف قلبي ، ضخم جداً بالألعاب الثانية السكيل ما هو مظبوط هنا تحس بضخامته و كان مخيف ، حتى جنود الكومباين يا رجل خبصوا قلبي بأحد المقاطع ، الزومبيز كذلك و الهيدكرابس ، الأسلحة ممتازة ، سلاح المسدس العادي جيد لكني أفضله في الأجزاء السابقة ، سلاح البندقية فتاك.

الريلود جداً مرضي مع التحكم السلس و التعشيق ، الحركة ممتازة و اخترت تيليبورت لأن الحركة العادية بالأنالوج يصيبني بدوخة خصوصاً اني ثابت مكاني ، لعبت بوضعية الجلوس لأن المساحة اللي عند الديسكتوب ضيقة و التجربة كانت جيدة ، أتوقع لو شبكتها على اللابتوب في مكان أوسع ممكن التجربة تصير أفضل و أدق ، الشخصيات اللي قابلتها رائعة و كالعادة لازم كوميك ريليف ، في شخصية يساعدك بالأسلحة و كذلك يعطيك قفازات الجاذبية أسمه راسل ، كذلك في شخصية ثانية تساعدك من مخلوقات الفورتجنت ، اللعبة بكل اختصار واضح انها متعوب عليها ما هي لعبة VR اعتيادية ، لعبة AAA بس على الـ VR اذا جاز التعبير.
عطنا ترجبتك لـ vr سامسونق اذا لعبت اللعبة..صعبة أدفع +500$ عشان لعبة وحده.
ممتازة الحقيقة ، تفاجأت من أدائها ، اللعبة أدائها ثابت ما لاحظت أي هبوط ممكن لأني مشغلها على GTX 1080Ti ، بشكل عام تجربة مرضية ، اذا بغيت تلعبها انصحك فيها ، باقي الخوذ الحقيقة اسعارهم مرتفعة ، هذي أرخص خوذة حصلتها و الى الآن التجربة تمام.
 

SNYMA_

True Gamer
لعبت أربع ساعات متواصلة ، و الآن أقدر أقول اني تمكنت من طريقة اللعب و كل شي صار سلس ، في البداية كنت اعاني شوي و حركتي بطيئة في تبديل الذخيرة .. الخ ، لكن الآن كل شي تمام ، واااو على الأماكن اللي في اللعبة ، الأرت جبار و الجرافكس جنوني للعبة VR خصوصاً الاضاءة تعطيك مود و اتموسفير مرعب ، في أعداء جدد في اللعبة ما كانوا موجودين سابقاً في السلسلة ، ما أبي احرق على الشباب اللي ناوي يلعبها لكن واحد من الأعداء يوترك و يخليك على حافة كرسيك (قاعد ألعب اللعبة و أنا قاعد بالكرسي حرفياً) ، يسوي شغلات مرعبة ، اذا أحد من الشباب تواجه معاه يعطينا ردة فعله أظنه يطلع في الفصل الخامس ، ودي ألتقط صور للعبة لكن ما لقيت طريقة للآن ، راح أحاول ادور على طريقة ، الصور ما تعطيها حقها لازم تنلعب على الـ VR حتى تعطيها حقها.
 

NA1F

True Gamer
تقدر تمشي بالانالوج ولا بس تقفز من مكان الى مكان لاني احب امشي على راحتي
شفت كم فيديو بسيط ما بغيت احرق على نفسي والرسومات ممتازه بالنسبه للعبة VR
 

SNYMA_

True Gamer
تقدر تمشي بالانالوج ولا بس تقفز من مكان الى مكان لاني احب امشي على راحتي
موفرين لك اكثر من طريقة للحركة منها المشي و القفز من مكان لمكان .. الخ.
شفت كم فيديو بسيط ما بغيت احرق على نفسي والرسومات ممتازه بالنسبه للعبة VR
اعتقد وقت ما تلعبها راح تعرف ان مقاطع الفيديو و الصور ما تعطيها حقها.
 

NA1F

True Gamer
انا العب النظاره من عام 2017 وجربت افضل الالعاب الممكنه بالنظاره, و افضل لعبتين جربتهم
تنس الطاوله و رزدينت ايفيل على نظاره البلايستيشن

لكن يالهي من الي شفته خلال اول 40 دقيقة من اللعب بهاف لايف! .. تجعل التجارب الاخرى مضحكه بالمقارنه بها.
جودة اللعبة لا يعلى عليها, و فارق كبير جدا عن العاب الفي ار الاخرى.
الديتيلز مجنونه, تفاصيل و اقعيه تجعلك تنسى انك تلعب بنظاره, الرسومات لم اتوقع الشي الكبير لمحدودية تجارب الفي ار لكن رسوماتها ابهرتني, التكستشر متعوب عليه, الاضائة جميلة.

بحط انطباعي و الاشياء الي شفته باول 40 دقيقة بنقاط بدون حرق:

- تفاعل اليد مع الاشياء واقعي وتحس بوجود الاشياء حولك فعلا, يعني لا يوجد تداخل بين اليد و الاجسام , على عكس العاب الفي ار الاخرى, لكن التداخل ليس معدوم تماما ,مع ذلك هاف لايف افضل من طبقت هالميزة بفارق عن الالعاب الاخرى.
- الاشياء الي تتفاعل معها بالبيئة كثيرة جدا, مثلا اذا مسكت علبة كبريت صغيرة و حركتها, راح تسمع حركة عيدان الكبريت داخلها, او اذا مسكت عبوة فيها سائل, ستسمع حركة السائل, و تقدر تطفئ اللمبات بالغرف, و اذا شاهدت سيارة بالشارع تقدر تفتح بابها , و اشياء كثيرة ممكن تفعلها, ايضا تفاعل الاعشاب مع حركة يدك, تظهر مدى الاهتمام الكبير من فالف على التفاصيل الصغيره.
- تفاصيل الشخصيات الرئيسية مبهره, خصوصا تعابيرهم و من افضل ما شاهدت.
- الاصوات جميلة و تدخلك جو باللعبة, مثلا راح تمشي بمرر , و راح تسمع صوت ازيز اللمبات, و صوت الذباب و هي تضرب اللمبة, و ايضا الاصوات الي تسمعها من الاشياء الي تمسكها.
- سلاسة التحكم و سهولته بالحركه الحره, و خيارات عديدة للتحكم بالشخصية لتناسب الجميع.
- اللعبة فيها احساس رعب خصوصا اذا مشيت خلال الممرات الضيقة, الاضائة والرسوم الواقعيه لها دور كبير تعطيك اتموسفير جبار.

اعتقد ممكن تصبح HLA من افضل تجاربي على الاطلاق.
 
التعديل الأخير:

SNYMA_

True Gamer
- اللعبة فيها احساس رعب خصوصا اذا مشيت خلال الممرات الضيقة, الاضائة والرسوم الواقعيه لها دور كبير تعطيك اتموسفير جبار.
ما شفت شي للحين ، في أماكن مرعبة حرفياً و تجيب لك التوتر و الخوف ، بالفعل مثل ما ذكرت لعبة أتموسفيرية بامتياز و الاهتمام بالتفاصيل مرعب ، خبرتي قليلة في الواقع الافتراضي لكن تقدر تتلمس المجهود الكبير اللي تم وضعها بأليكس.
 

NA1F

True Gamer
ما شفت شي للحين ، في أماكن مرعبة حرفياً و تجيب لك التوتر و الخوف ، بالفعل مثل ما ذكرت لعبة أتموسفيرية بامتياز و الاهتمام بالتفاصيل مرعب ، خبرتي قليلة في الواقع الافتراضي لكن تقدر تتلمس المجهود الكبير اللي تم وضعها بأليكس.
انا خفت من الالي العملاق الي حطم الالة الي اتبعها, الله يستر من اللي جاي ::laugh::
 

SNYMA_

True Gamer
انا خفت من الالي العملاق الي حطم الالة الي اتبعها, الله يستر من اللي جاي ::laugh::
نفسك ، السترايدر في الجزء الثاني كانت مواجهته عادية و ما هي مخيفة لكن في اليكس تقدر تحس بضخامته و صوته مرعب في هاللعبة ، لكن بعدين راح تدخل اماكن مرعبة حرفياً أتوقع راح تخليك تمشي بشكل بطيء
 

Solay

Double Jumper
يا عيال بالله اسكتوا لا احد يحمس، ما ودي اشتري في ار.
 

شيطون

شيطان آباد
فيه طريقة لتشغيل نظارة البلاي ستيشن على ال PC ؟
 

SNYMA_

True Gamer
فيه طريقة لتشغيل نظارة البلاي ستيشن على ال PC ؟
في طريقة بس ما تقدر تلعب أليكس فيها ، يدة البلايستيشن في ار ما هي متوافقة ، تقدر تلعب ألعاب ثانية تدعم يدة تحكم عادية لكن أليكس لازم يكون عندك يدة متوافقة ، اذا تبي تلعب اللعبة أنصحك تدور على خوذة Windows Mixed Reality هي أرخص خوذة متوفرة في السوق مدعومة أفضلهم هي اللي عندي Samsung Odyssey+ HMD.
 

Terminator

Hardcore Gamer
الحمدالله اني حصلت واحد من الربع بيعطيني ال VR اختم فيها اللعبة
بالعبها مباشرة بعد Doom Eternal
 
أعلى