الموضوع الرسمي God of War: Ragnarök | وشومُ العار لن تَمّحي، فاكسر مطرقة البرق بفأس الغضب!

[شيطون]

العاب الموسو معفنه &&
وترى مو كان الغاز قاو او دمك تحتاج تفكير لتحلها من كثر ماهم عبقرين

للتوضيح أنا ماتفق معا @game for new
بس إذا الالغاز ماتخدم فكرة وجودها كتحدي ذهني واحلها بدون تفكير فالصدق مالها لزمه خاصة ان الالغاز هنا كلها بفكرة وحده
تتكرر معاك طول اللعبة

 

[Good Hunter]

العاب الموسو معفنه &&
وترى مو كان الغاز قاو او دمك تحتاج تفكير لتحلها من كثر ماهم عبقرين

تحتاج تفكير بس انت عبقري بزيادة تحلها بسرعة &

أساسًا هذا اللي مطلوب من لعبة مغامرات، أن الالغاز اللي فيها تكون مبسطة وخفيفة لكسر الرتم وتقديم أجواء اوتموسفيرية والاستمتاع بالليفل ديزاين.


عاد تضل أرحم من الغاز الطبلية وتشغيل الماطور في ذا لاست اوف أس.

مثلا لعبة امير بلاد فارس القديمة، ما كانت لتكون اتموسفيرية لولا فقرات الالغاز اللي فيها. على الرغم من أنها تجربة مرتكزة على الالغاز بشكل كبير بس كانت سهلة وبسيطة.
قس عليها الغاز جاو القديمة ودمك.
الغاز انشارتد وتومب رايدر.

ما اذكر لعبة فيها الغاز صعبة الا الفيجول نوفل

 

[Kain's]

فرضا لو انهيت الجزء الاول . انتظر الى ان يصدر باتش يحل موضوع الالغاز و لا مو كثير مؤثر

 

[used2Bcat]

فرضا لو انهيت الجزء الاول . انتظر الى ان يصدر باتش يحل موضوع الالغاز و لا مو كثير مؤثر

مستحيل ينزلون باتش اتوقع يحل هالشيء، بس عمومًا في شخصية حتى و انا استكشف رحت جهة ثانية قلت يمكن في شي مخفي الا علمتني حل لشيء انا ما شفته ولا بديته و لا حتى سلكت الطريق مدري ليش افترضت اني معلق!

 

[Dead]

لعبة عظيمة جدا .. لكن ......... ارفعوا لنا الهايب وما قدروا يوصلون للسقف اللي هم رفعوه للسما .. الجزء هذا يفتقر للملحمية .. تحس المخرج ضعيف جدا مقارنة مع كوري بارلوغ ... الجزء الأول كان ملموم .. ثابت في تصاعده من البداية للنهاية مع ملحمية جبارة .. اما هذا الجزء يصعد ينزل يصعد ينزل بقوة .. تذبذب في البيسنق للقصة .. وكل الهايب اللي بنوه للجزء هذا ما أوفوا بوعدهم فيه.. او يمكن انا كنت مفجر الهايب للسما؟ مادري ...

كنت متوقع دور قوي ل يورمونغادار ... مع ذلك عطوه جزئية بسيطة تافهة مع ثور " تخدم قصته بالجزء الأول " .. كنت متوقع شي قوي من فينرير خصوصا انه بالنورس ميثولوجي ياكل يد تير .. مع ذلك حطوا له مسار قصصي ضعيف للاسف .. اوكي فريا حطوا لها قتال ودخول مفاجئ جميل جدا .. لكن يخرب بيت التحول المرعب في توجهها واختفاء دافعها بالانتقام لولدها الوحيد وفجأه صارت طيبة ؟ اقسم بالله كانت اكبر خيبة باللعبة .. بالجزء السابق .. كلماتها للحين في بالي وهي تقسم لكراتوس بعذاب عظيم!!!!! ..

بالنسبة لثور تجسيده كان ممتاز جدا.. وفقط القتال الاول كان جيد اي شي بعده ماكان قد الهايب اللي ذبحونا فيه ....

تير كان صدمة جدا.. من العروض توقعت انه شخصية قوية جدا تعكس لقب إله الحرب .. رغم انهم في الجزء السابق وضحوا باكثر من موقف انه يسعى للسلام ..
بهالجزء طالع شخصية مهزوزة ضعيفة جدا حسيت بخيبة قوية الى ان جاء التفسير بنهاية اللعبة

هايميدال هو الوحيد الممتاز من بداية ظهوره وشكله الرهيب وشخصيته الشرسة الشريرة حتى النخاع .. اللي قتاله الروعة ولو ان كنت متوقع شي اقوى وعلى نطاق اكبر .. لان هذا اللي تعودناه من GOW ..

اودين وما ادراك ما اودن .. الممثل رهيب لكن حسيته انعم من انه يجسد اودن العظيم.. قتاله كان رهيب ولائق على سكيل شخصيته بس مدري ليش خلوه ضعيف للامانة ..

تطور اتريوس كان جيد وما تضايقت من جزئياته باللعبة مع اني ماحب شخصيته الغثيثة .. كان فيه صراع قوي بينه وبين نفسه كأتريوس وك لوكي.. وكان ضايع بينهم .. عجبني تعمقهم في جوانب شخصيته

تظل لعبة بيرفكت من نواحي عديدة واكبر سلبية فيها مستوى الكتابة والقصة المحبطة اللي مو قد الهايب ابدا... اي شي عدى ذلك فهو بيرفكت .. جيمبلاي ممتاز أرت دايركشن عظيم جرافيكس خارق ... لعبة تستاهل تقاييمها للامانة ..

والقصص الجانبية .. بحياتي ماشفت لعبة قصصها الجانبية بمستوى او حتى افضل من الرئيسية .. جهد عظيم مبذول فيهم .. ونصيحة لاي احد يخلص القصة الرئيسية كمل الجانبية لان فيها نهاية رئيسية ومافي لها اي تلميح بشكل غريب ..

 

[شيطون]

كنت ناوي اجيب البلاتينيوم بس كنسلت
كمية الكولتبيلز مرة كبيرة فاكتفيت باهم المهام الجانبية وقتالات البرسيركز الرهيبة

كانطباع نهائي ؟
اعجبتني ذي اللعبة بشكل ماتوقعته على اني قبل فترة حاولت العب جزء 2018 وماقدرت اكمله
وذي ملغمة بنفس القرارات التصميمة اللي صرت اكره وجوده بالالعاب بس كان فيه سحر غريب يخليني العبها بشكل مستمر من لما نزلت لليوم

كثير حبيت الاعداء وتصميم بيئات القتال وكيف ممكن بعض الاعداء يستغلونها عليك
اذكر واحد كان يتعلق ببعض الجداران وانت ممكن تكسر عليه هذي الجداران وتحرمه من هذي الميزة
خاصة العالم الثاني او الثالث اللي تنعكس فيه رميات الفاس ذي جد تمنيت لو كانت حاجة اساسية باللعبة ومو محصورة على منطقة معينة
قتالات الزعماء برضه ممتازة اغلبية الجانبين على الاساسين(بستثناء كم واحد ) وجد حسين انهم اخذو انتقادات الجزء السابق واشتغلوا عليه

المحتوى الجانبي مدحته اكثر من مرة
بس معا الوقت بديت الاحظ كم شيء مزعج من تكرار ميني بوسز بدون سبب خاصة بمنطقة معينة وكانت كبيرة شوي
فجاني شعور انها اكبر من اللازم وصاروا يرقعونها بذا الشيء
ولسه فيه كم كويست غثيث بس مجملا المحتوى الجانبي ممتاز وبيوصلك لاماكن في العالم مارح توصلها بدونه

وخلاص هنا تخلص كل الاشياء اللي امدحها
الالغاز والتسلق حشيتهم اكثر من مرة فمابكرر كلامي

لكن باتكلم عن القصة

محتوى مخفي: حرق كامل القصة

بيييييييييييييييييييييييض
معا ان بدايتها حلوة بتقديم ثور واودين بس حرفيا ذا الشيء الوحيد الكويس
كل مايمر وقت كل مافقد اهتمامي فيها اكثر واكثر ومليانة كلام فاضي كثير ومطمطة مالها داعي خاصة مراحل الورع
فوق ماهي مملة كجيمبلاي حتى قصصيا تعبانه وماحسيتها مهمة الا لما تروح اسقارد غير كذا وصلت لمرحلة اني اطالع في الجوال وانا انتظرها متى تخلص

لسه فيه كم حدث ممتاز زي تويست تير وموت بروك ولقطة كريتوس والورع قبل الحرب واللقطة الاخيرة بس غير كذا مييه
المعركة الاخيرة على انها ممتازة كجيمبلاي بس انها مرة قصيرة معا ذا التهيب من اول اللعبة
هل نحارب او لا وبناء طويل عريض وسالفة واخرتها تخلص بنص ساعة معا شوية دراما مالها حق المسامحة وتقدرون تعدلون نفسكم ومو شرط نقتلكم
غير كذا سالفة انك تحارب اودين وثور وراى بعض كانت جدا غبية

عاد ثور اكثر شخصية ماحسيت بان ماله داعي باللعبة وموجود عشان بس يكون زعيم تقاتله ولتسويق
غير كذا حضوره وتاثيره ضعيف حتى نهايته مرة سخيفة وتافهة واودين هو اساس اللعبة

من لحظة اعلان ان اللعبة بتنهي النورس ميثولوجي وانا كنت حاس ان واحد من هالاثنين بينهضم حقه والقصة بتصير rushed ويب ذا اللي صار بالضبط

الزبدة راقنروك مو احسن شيء بالحياة وعندي مشاكل كثيرة ذكرتها فوق بس حبيت اللعبة بحلوها ومرها

 

[Old Hunter]

 

[Old Hunter]

انهيت اللعبة.

+ المستوى التقني و الفني
+ اضافت الجيمبلاي ممتازة و خلت اسلوب اللعب منوع أكثر ( كنت اتمنى أسلحة أكثر صراحه، مش سلاح واحد جديد )
+ حوارات الشخصيات و بالاصح ميمير، لا زالت ملح اللعبة بشكل عام!
+ المحتوى الجانبي فخم و متعوب عليه
+ اللعبة صلحت أكبر عيب من الجزء الأول و هو معارك الزعماء

- القصة ما كانت بالشكل الي تخيلته و تحمست له.
- القصة برضوا، فيها لحظات اسطورية، لكن ما فيه ولا لحظه جابت نفس هايب الجزء الأول ( لما كريتوس راح ياخذ البليد اوف كيوس)
- التنقل المفروض يكون أسلس بكثر خصوصا مع نهاية اللعبة.
- اللغة الي تحسها داخله عرض احيانا، ما تناسب الحقبة نفسها.

انطباع اخير، هل اللعبة احسن من الأول؟ في جوانب معينه ايوه احسن وفي بعض الجوانب .. لا.
نهاية اللعبة احس انها rushed بشكل غريب.

الطريقة الي مات فيها ثور ؟ غريبة و سريعة بشكل غريب .. مدري ليه دخلوا العاطفه في لحظات كانت بتكون احسن لو انها انعرضت بشكل ايبك. اودن، توقعت المعركه معه تكون ملحميه بشكل اكبر صراحة، المعركة ممتازة مش سيئة ابدا، لكن الهايب عندي كان اكبر من كذا

 

[Good Hunter]

وش هذا

فريا أحد يقولها انها ممثلة صوتية سيئة جدا

وش هالانحطاط بمستوى الحوارات مو معقول

محتوى مخفي: فريا

تقول لكريتوس Shut Up and kill Things
بصوتها ذاك اللي كنها جاية متأخرة بالتمثيل وجالسة تصارخ بالحوارات لحالها.

جزئيتها سيئة جدا ما عدا البوس فايت..

ويا الهي على نهاية الفقرة والمبالغات والابتذال في علاقتها مع اخوها فرير

طالعة كأنها سايد كويست مبتذل من هورايزن الأولى.

هالجزئية خلتني اتفهم ليه الكوري حق ign عطاها 6 من 10


مو قادر أهضم القصة بتاتا لحد الان.


السيكول عظيم في كل حاجة الا نقطة القصة والحوارات فيها هبوط حاد.

 

[Kaido III]

تجربة مرضية بقيمة إنتاجية وإخراجية عالية، مش كل سنة بتحصل لعبة تقدم بكج كامل بهذه الجودة والإتقان، تجربة راجناروك تذكرني بـ دووم إترنال.. سيكول أفضل وأضخم من جميع النواحي تقريبا لدرجة صعب مرة ترجع تلعب الجزء السابق منها لكنها تفتقد للـimpact وشعور التجربة الأولى الفريش وهذا أمر طبيعي كونهم تكملة وإمتداد مباشر، ومن النقاط المشتركة أيضا بين راجناروك و إترنال هي مشاكل البيسنق الواضحة فيهم وهذا نتيجة للتوسع وضخامة اللعبتيين مقارنة بالجزء السابق، وهي مهمة صعبة جدا في أي سيكول مباشر محاولة الوزن مابين التغييرات/الإضافات الجديدة وتأثيرها على رتم اللعب والقصة لأن التوقعات في السيكولز خصوصا اللي مبنية على أساس صلب تفرض عليهم حشوها بمحتوى أكبر وأوسع لتبرير شراء ووجود التكملة

ستركشر وبيسنق راجناروك مليان مشاكل للأسف، تصميم المراحل مزعج من ناحية التقدم والتفاعل، كمية "أضغط x" لحتى تنتقل من مكان لمكان جدا كثيرة، الممرات الضيقة أيضا بالعادة ماتزعجني لكن هنا متواجدة بشكل أكثر من الازم!... ما أذكر جزء 2018 كانت فيه هذه المشاكل، مش بالشكل هذا على الأقل.. وعلى الجانب الآخر، راجناروك تملك منطقة جانبية the Crater مصممة بشكل رائع والتقدم/التفاعل فيها ممتاز وممتع، حرية كبيرة بالتنقل والاستكشاف، محتوى جانبي كبير ومؤثر بشكل مباشر وخطير على المنطقة وتطورها من ناحية التنقل والإستكشاف، تتحكم بدورة الليل والنهار وكل دورة مخصص لها مسار إستكشاف ومكافآت خاصة، بالإضافة إلى مسار مائي تفتحه بعد مهمة جانبية معينة توسع المنطقة والاستكشاف فيها، بجانب Stalker like enemy يباغتك في أماكن محدد وتقاتل تنانين كمان!.... ستركشر وليفل ديزاين والبروجرشن في هذه المنطقة حاجة top tier فعلا، خسارة مرة إن اللعبة الكاملة مش مبنية على هذا الستركشر والفلسفة التصميمية فيها.... الجانب المشرق إن المنطقة هذه كانت إختبار وتجربة لمشروع مستقبلي قادم من الاستديو على كلام مخرج راجناروك Eric Williams .

الألغاز وبيسنق القصة، بعد كل جزئية قتال لازم تحل تقريبا ثلاثة جزئيات ألغاز وهذا الشيء خرب رتم وإيقاع القصة واللعب بشكل واضح، ما أمانع الألغاز لكن وزعها لي بشكل منطقي ومتباعد لاترميها لي ورا بعض وفي كل مكان، القصة هممم بحتاج أنام على رأيي حولها لفترة.. كيف أوصفها... إستمتعت فيها أكثر من 2018 لكنها أقل تأثير من الجزء السابق، قصة راجناروك طموحة أكثر ومليانة شخصيات مثيرة وتملك لحظات إخراجية جدا creative!... والكتابة فيها جيدة وممتعة، التمثيل والأداء الصوتي توب نوتش.. ثور و أودين و هيمدال أبدعوا في تطبيق شخصياتهم بشكل مثير للإهتمام، وأداءهم التمثيلي والصوتي ممتاز وأستمتعت فيه كثير!... مشكلتي مع القصة في البيسنق وفي أيضا تنفيذ بعض جزئيتها .

الكومبات سيستم.. روعة!... التحسينات والأضافات ممتازة وممتعة.. دعم الدول سينس ولو إنه subtle لكن تشعر بوزن الضربات.. الهت رياكشن بجانب وزن الضربات هو أبرز تغيير شعرت فيه مقارنة بـ2018 بعيدا عن الإضافات الجديدة، الكاميرا ما أحسها مشكلة مؤثرة مثل ما البعض يوصفها بل العكس أشوفها معطية النظام القتالي هوية مختلفة عن باقي ألعاب الأكشن.. لا هي سولز لايك ولا هي H&S تقليدية، جاية بالنص.. مشكلة الكاميرا ممكن تكون بسبب بعض تصاميم المواجهات أكثر من توجه الكاميرا نفسه، الكومبات مرة دايناميك بـ إيقاع ورتم satisfying بمعنى الكلمة بجانب إنها تملك ميكانيكات وحركات كثيرة والإنتقال/الدمج بينهم جدا seamless، ومع قدرات الـPS5 لما تلعبها بطور الـhigh frame rate بتطلع بحاجة قمة في السلاسة وضيف عليها جودة التحريك/الصوتيات والمؤثرات البصرية!.. سبويلر تحت وجب التنبيه.. بعض الكومبوهات أخذتها من تويتر

محتوى مخفي

وكمان حتى جيمبلاي اتريوس كان بشكل مفاجئ ممتع ومش تسليكي او بسيط.. قبل ما تنزل راجناروك فكرة إحتمالية إنك تلعب بـ اتريوس كانت مملة مرة لكن بصراحة not bad..



جزء فرعي من بطولة لوكي فكرة مش بطالة ابدا الان @@

تنوع الأعداء والمواجهات واحدة من أبرز مشاكل 2018 لكن حلوها براجناروك.. لو فيه حاجة تنقص الكومبات في بيكون hit counter او ستايل رانكس..


نجي الآن لأكثر سلبية مزعجة في الريبوت واللي هي عناصر الـRPG، مان مش ممكن قد أيش هذا الشيء pointless وماله أي معنى.... حاولت أفهم فكرة وجود الـstats وتطوير الدروع وقوائم التطوير.... في توجه هذه اللعبة لكن ما قدرت!... بجانب تصاميم هذه القوائم والتفاعل معها تعيس ويخرجك من جو اللعبة وتحديدا فكرة الـone shot، واللي أشوف إجبار اللعبة لـ دخولك على قوائم الدروع والتطوير بشكل متكرر هو cut غير مباشر ومزعج للون شوت approach.. تمنيت لو كانوا creative شويتين وخلوا جميع التطويرات in-game مثل ديد سبيس او حتى ريترنال، بحيث إنك تحط أدوات في العالم أطور منها شخصيتي بدون ما أفتح وأقفل عشرين قائمة >>


الموسيقى والتوجه الفني والاتموسفير بشكل عام ويو شغل خرافي!





راجناروك تجربة إستثنائية في بعض جوانبها ومعيوبة بشكل واضح في جوانب أخرى، أفضل قرار عملوه إنهم أنهوا الميثولوجي هذه في ثنائية ومش ثلاثية مثل ماكان مخطط، مع إني أستمتعت بجزئين الريبوت لكن الأساس اللي بنوه وصل لأقصاه مافي أي مجال تدفع بهذا الستركشر وهذه الفلسفة التصميمية أكثر من كذا، لازم باللعبة القادمة يجربوا حاجة مختلفة وجديدة وما أمانع لو كانت بنفس ستايل الجيمبلاي/كومبات، وفكرة الـone shot الإخراجية إنجاز وتحدي كبير ويستحق التقدير لكن الأفضل يجربوا approach آخر، الكونسبت كان مناسب وكويس لثيم الريبوت لكن بيحدهم كثير لو حاولوا يحشروا هذا الكونسبت في مشاريعهم المستقبلية كعلامة خاصة بالاستديو... بنام على راجناروك لفترة وبشوف كيف رأيي يتغير حولها، ذي من التجارب اللي أحتاج لفترة حتى أستقر على رأيي وشعور حولها..

عموما متحمس لمستقبل الفريق جدا وخصوصا مشروع كوري الجديد!
​

 

[Invader Zim]

كنت ناوي اجيب البلاتينيوم بس كنسلت
كمية الكولتبيلز مرة كبيرة فاكتفيت باهم المهام الجانبية وقتالات البرسيركز الرهيبة

كانطباع نهائي ؟
اعجبتني ذي اللعبة بشكل ماتوقعته على اني قبل فترة حاولت العب جزء 2018 وماقدرت اكمله
وذي ملغمة بنفس القرارات التصميمة اللي صرت اكره وجوده بالالعاب بس كان فيه سحر غريب يخليني العبها بشكل مستمر من لما نزلت لليوم

كثير حبيت الاعداء وتصميم بيئات القتال وكيف ممكن بعض الاعداء يستغلونها عليك
اذكر واحد كان يتعلق ببعض الجداران وانت ممكن تكسر عليه هذي الجداران وتحرمه من هذي الميزة
خاصة العالم الثاني او الثالث اللي تنعكس فيه رميات الفاس ذي جد تمنيت لو كانت حاجة اساسية باللعبة ومو محصورة على منطقة معينة
قتالات الزعماء برضه ممتازة اغلبية الجانبين على الاساسين(بستثناء كم واحد ) وجد حسين انهم اخذو انتقادات الجزء السابق واشتغلوا عليه

المحتوى الجانبي مدحته اكثر من مرة
بس معا الوقت بديت الاحظ كم شيء مزعج من تكرار ميني بوسز بدون سبب خاصة بمنطقة معينة وكانت كبيرة شوي
فجاني شعور انها اكبر من اللازم وصاروا يرقعونها بذا الشيء
ولسه فيه كم كويست غثيث بس مجملا المحتوى الجانبي ممتاز وبيوصلك لاماكن في العالم مارح توصلها بدونه

وخلاص هنا تخلص كل الاشياء اللي امدحها
الالغاز والتسلق حشيتهم اكثر من مرة فمابكرر كلامي

لكن باتكلم عن القصة

محتوى مخفي: حرق كامل القصة

بيييييييييييييييييييييييض
معا ان بدايتها حلوة بتقديم ثور واودين بس حرفيا ذا الشيء الوحيد الكويس
كل مايمر وقت كل مافقد اهتمامي فيها اكثر واكثر ومليانة كلام فاضي كثير ومطمطة مالها داعي خاصة مراحل الورع
فوق ماهي مملة كجيمبلاي حتى قصصيا تعبانه وماحسيتها مهمة الا لما تروح اسقارد غير كذا وصلت لمرحلة اني اطالع في الجوال وانا انتظرها متى تخلص

لسه فيه كم حدث ممتاز زي تويست تير وموت بروك ولقطة كريتوس والورع قبل الحرب واللقطة الاخيرة بس غير كذا مييه
المعركة الاخيرة على انها ممتازة كجيمبلاي بس انها مرة قصيرة معا ذا التهيب من اول اللعبة
هل نحارب او لا وبناء طويل عريض وسالفة واخرتها تخلص بنص ساعة معا شوية دراما مالها حق المسامحة وتقدرون تعدلون نفسكم ومو شرط نقتلكم
غير كذا سالفة انك تحارب اودين وثور وراى بعض كانت جدا غبية

عاد ثور اكثر شخصية ماحسيت بان ماله داعي باللعبة وموجود عشان بس يكون زعيم تقاتله ولتسويق
غير كذا حضوره وتاثيره ضعيف حتى نهايته مرة سخيفة وتافهة واودين هو اساس اللعبة

من لحظة اعلان ان اللعبة بتنهي النورس ميثولوجي وانا كنت حاس ان واحد من هالاثنين بينهضم حقه والقصة بتصير rushed ويب ذا اللي صار بالضبط

الزبدة راقنروك مو احسن شيء بالحياة وعندي مشاكل كثيرة ذكرتها فوق بس حبيت اللعبة بحلوها ومرها

محتوى مخفي: القصة

كل ما افكر فيها كل ما احس بالاحباط اكثر توقعت افضل بكثير من كذا بعد 2018

 

[Super Shadow]

خلصت اللعبة قبل كم يوم.
استمتعت بالتجربة بشكل عام لكن هل هي لعبة عشرات أو تسعات؟ قطعا لا ، شخصيا أشوفها لعبة ثمانيات.
الكومبات بشكل عام ما شفته تطور بشكل كبير عن الجزء السابق و عندك معظم الحركات و ترجع تستخدمها في راغناروك ، هذا لا يعني أنه سيء لكن الفكرة أنه ما تطور كثير.
بالنسبة للقصة.
أنا ما أنكر أن الاخراج فيها كان أقوى شي بس فيها ثغرات و أمور ما عجبتني شخصيا ، جزئيات أتريوس بكبرها ما كان لها داعي و من غير أن اللعب فيه صار ممل مع التقدم.
الصدمة الكبيرة كانت ثور ، بس تألق في بداية اللعبة و بعدين طلع واحد سكير ملطشة ، الي يقهر أنهم من الجزء السابق لمحوا أنه بيكون عائق كبير لكريتوس و آخرتها قدموه بشكل سريع و مات بطريقة جدا غبية.
في كثير جزئيات الحشو ما كان لها داعي و تمنيت بصراحة اقتباس افضل للحضارة الاسكندنافية
للاسف اللعبة هذي فرصة ضائعة

 

[NOBLE]

ختمت اللعبة، رهيبه جداً الا سالفة النهاية كريتوس صار درامي فجأة و ليّن بزيادة اوكيه اتفهم ان صار شخصية شايب متقاعد .. ماش كنت ابيه يقطّع كرشة ثور و يفقع عين اودين الثانية ويحطهم بخلاط واحد، + طول الوقت انتظر لقطة قتال زي افتتاحية الجزء الاول كريتوس و بالدور.. واضح جداً بذا الجزء مخففين شراسه كريتوس

 

[Asura8]

اللعبة أكبر "Wasted potential" شفته في حياتي

اختصار اللعبة في جزء واحد وموضوع الكروس جين قتل اللعبة بالنسبة لي

8/10 كثير عليها

 

[FCB-Kratos]

السلبية بدت تزيد، جيد جيد (&) كل ما زادت السلبية للقصة و الكتابة كل ما كان أحسن، قصة عادية بشخصيات ميه و كتابة بايخة
نفس جزء 2018 أوفرريتد و نفسه جزء 2018 مع الوقت يقل تقديري له

 

[Veeto]

متاخر كثير عن الحفلة .. تبا للافتتاحية العظيمة
لحد الحين احسهم اخذوا اساسات 2018 وبنوا عليها
ما اتوقع بشوف شي خارق .. بس شي اكبر واضخم

 

[Black Wolf]

ختمتها من بعد ما قضيت فيها 40 ساعة

- افضل محتوى جانبي قدمته سوني في السنوات الاخيرة

- بعض الجزئيات الرائعة في المسار الرئيسي

- نظام اللعب جميل وادماني مع بعض الاضافات البسيطة عن 2018

- القصة الرئيسية بشكل عام احباط شديد من بعد كل هالهايب كل هالسنوات

- ثور واودين الاثنين احباط وخيبة امل

اللعبة بشكل عام جميلة جدا ولكن شخصيا مش التتمة الملحمية يلي كنت انتظرها للأسف

 

[Good Hunter]

محتوى مخفي: حرق

أسقارد

يا الهى على جمال المنطقة. هذي أفضل منطقة في الجرافيكس والاتموسفير شفتها بحياتي، جمال على مد بصرك ومنظر خلااااب جدًا جدًا

 

[used2Bcat]

تو اللحين خلصتها، كلعبة فهي ممتازة خصوصًا مع تحسن الزعماء ولكن للأسف القصة خيبة أمل كبيرة ومب قد الهايب.

٧/١٠

 

[Mr.Assassin19]

محتوى مخفي: مراجعة بسيطة للعبة

وأخيرًا خلصت التحفة الفنية هذه ويا إلهي يا لها من لعبة
تستاهل كل ريال يندفع فيها
ما أبالغ لو أقول إنها أفضل لعبة AAA لعبتها الـ 3 - 4 سنوات الماضية

ألخصها بكلمة واحدة "متوازنة"
اللعبة قدمت توازن ممتاز ما بين القصة والسرد
والوتيرة والغيمبلاي والأداء الصوتي والموسيقى

الجزء هذا مشي على مبدأ if it ain't broke don't fix it
نواة اللعبة هي نفسها المستعملة في جزء 2018
يعني ما غيروا اللعبة وبنوها من الصفر
الإضافة في هذا الجزء كانت في إكمال القصة + تطوير النظام السابق

أعطيها 9\10

 

[Good Hunter]

ال personalization " مدري وش بالعربي التشخيص ولا ايش && "

للآلهة تحسه مو راكب أبدًا.
اودين وثور وباقي الشخصيات اللي المفروض nordic gods تحسهم ناس من عيال الحارة.

 

[Mr.Assassin19]

ال personalization " مدري وش بالعربي التشخيص ولا ايش && "

للآلهة تحسه مو راكب أبدًا.
اودين وثور وباقي الشخصيات اللي المفروض nordic gods تحسهم ناس من عيال الحارة.

للآسف كل انطباعاتي عن الآلهة النوردية جاية من Marvel فما أدري أقول إن البار مرتفع أو منخفض كذا
لكن حسب ما سمعت ثور هنا أقرب ما يمكن لنسخته في الميثولوجيا النوردية >>> تحديدًا التصميم
أودين ما أدري عنه بس عجبني ظهوره كمخادع انتهازي ماكر خصوصًا بلوت-تويست تير المزيف
فوق كونه أقوى من في آزغارد كإله

 

[Dark_N11]

من بعد البلاتنيوم .. اقدر اقول هذه افضل لعبة بتاريخ الطرف الأول لسوني و تستحق النجاح النقدي و التجاري الضخم!

الإيجابيات

- الكومبات الأفضل بالسلسلة و اداماني بشكل كبير
و مع الوقت تنفتح خيارات لك كثير و يصبح اعمق
كمية الBuilds الي شفتها باليوتيوب مو طبيعية

- التمثيل الصوتي و الإخراج اسطوري و على اعلى مستوى

- الجرافيكس و التوجة الفني ممتاز جداً هذا احسن تصوير لمثولوجيا النورس في اي ميديا!!

- القصة رائعة و جعلتني متعطش ألعب بدون توقف!!!
و الحوارات ممتازة خصوصاً بين الشخصيات خلال اللعب

- كمية التفاصيل باللعبة مجنونة انصح اي شخص انهى اللعبة يأخذ لفه على اليوتيوب راح ينصدم!!

- المحتوى الجانبي يقارع ويتشر 3 و من الأفضل بتاريخ الألعاب .. لدرجة اذا شخص لم ينهي المحتوى الجانبي ما اعتبره لعب اللعبة!!!

- معارك الزعماء ملحمية و مجنونة

السلبيات
- اخر ساعة باللعبة كانت سريعة بالأحداث

محتوى مخفي

اللعبة من المفترض تكون نهاية النورس ميثولوجي لكن بعد النهاية تشعر كأن في جزء اخر

اللعبة 10/10 .. سعيد اني استمتعت بكل لحظة
اعطوني المزيد من جاو !!!

 

[faris alwany]

اليوتيوب الحمدلله كان مؤدب و ما انحرق علي شيء

اذا سار كل شيء تمام ببدأها بعد شوي

 

[Valtr]

انتهيت من اللعبة واخذت البلاتنيوم بعد 44 ساعة، كنت اتمنى لو اني ختمتها بمهمة معينه، الي جاب البلاتنيوم في الغالب يعرف الي اقصده.

المحتوى الجانبي كان افضل شيء واستمتعت فيه اكثر من المسار الرئيسي، جدا ضخم ومليان محتوى ممتاز.
المراحل والمناطق جدًا ممتاز لأسباب كثيره، تصميم، حس إستكشاف رهيب، الغاز وعواقب ممتعة، بيئة متنوعه ومظهر جدا مفصل وشعور التقدم ممتع.
افضل منطقة طبقت هذا كله كانت The Crater، هنا راح تشوف اطلال واماكن على السطح وتحت الأرض بشكل مترابط والغاز مصغرة وعواقب هنا وهناك؛ حتى في المنطقة هذي تقاتل تنانين وغير ان في إختلاف في قتالهم إلا ان في إختلاف كبير عشان توصل لهم وكل وحده كأنها مغامره صغيرة ماراح تشوف مثلها لا في المسار الرئيسي ولا باقي المحتوى الجانبي.

الألغاز والعواقب في اللعبة متنوعه واللعبة طول الوقت تقدم افكار جديدة او نفس الفكرة لكن بتطبيق مختلف. مرات تصادف لغز معين تحتاج تحله عشان تحصل على حاجة وبنفس الوقت تلاقي في حل ثاني له عشان تحصل على شيء جانبي، عاد هذا الشيء يعجبني كثير واحب وقت اشوف صندوق او حاجة وافكر كيف اوصل له.
مافي لغز او عقبة تاخذ منك تفكير طويل، ولكن ذكيين وممتعين وشعور انك تحلهم وتتقدم في اللعبة دائما رهيب.

ياخي انا مندهش جد من مظهر اللعبة، مرات كثير وخصوصًا منطقة الثلج تحس ان الي قدامك لوحة فنية بجودة عالية وما استغرب لو الفريق قدر يحاكي الرسمات الفنية للعبة بشكل نادرًا تشوفه لأن مظهرها جد مفصل والوانها جميلة وكل بيئة تحس لها هويتها وجوها الخاص، وعاد يعجبني ان الأشياء الي في الغالب فيها حاجة او تقدر تستكشفها تحس مظهرها بارز ويشدك تروح له.

نظام القتال حصل على إضافة كويسه ما اقدر اتكلم عنها، ولكن بشكل عام يشبه الجزء الي راح كثير والي هو اصلا جيد جدًا مع تحسينات مثل ان ساحات القتال صار فيها قفز من الحواف والأعداء صاروا متنوعين اكثر من قبل، الزعماء اغلبهم عاديين وبنفس الوقت في عدد لا بأس فيه ممتع، احس نوعًا ما تمنيت شيء افضل في هذي الناحية.
ايضا سعيد ان الQTE حسيتها رجعت بشكل اكبر.

اللعبة جدًا ممتازة وصعب تشوف مطور مستعد يقدم محتوى جانبي بهذا الشكل مع إحتمالية ان ممكن كثير لاعبين ما يجربونها، هذي من قلائل الألعاب الي إذا ما لعبت محتواها الجانبي فأنت ما شفت مستواها الحقيقي؛ بنفس الوقت مع انها جدا ممتازة ولكن أحبطتني بسبب قصتها وابغى اتكلم عنها شوي.

محتوى مخفي: *** حرق قوي للقصة ***

الجزء السابق كان يسرد بشكل كبير عن خلفية العالم وشخصياتها والأشياء الي سواها اودين وأتباعه، وانتهى بموت بولدير والي هو سبب من اسباب حدوث راقناروك.
الجزء السابق مع انه كان عنده لحظات ممتازة وهنا وهناك ولكن بشكل عام كان يبني معرفتنا حول العالم وللأحداث القادمة وجزء راقناروك بدأ بداية جادة وفخمة توريك ان هذا الجزء بيكون ملحمي خصوصًا مع سالفة راقناروك وموت الملوك. لكن حرفيًا بعد البداية الرهيبه مستوى الأحداث دخل في تفاوت عظيم وأشياء غريبه تخليك تسأل نفسك إذا انت جالس تلعب ملك الحرب او لعبة ثانية، هنا راح تشوف مشاكل عائلية مو فقط بين كريتوس واتريوس، بل حتى فريا وأخوها والأسوء ثور وعائلته وكيف انه ترك الشراب وبعدين رجع له وبنته زعلانه منه وزوجته تبغاه يتمرد على ابوه وابوه مسيطر عليه.
كريتوس تغير كثير وهذا الشيء واضح من الجزء السابق ولكن هنا اصبح لين بزيادة وفي كثير لقطات كاد يبكي فيها، ايضًا يقهرني انه مرات ما يدري وش يبغى بالضبط، مثل وقت مات بروك، كريتوس في لحظتها بطل انه يستمر مع سالفة الحرب ضد اودين وتركهم بدال انه ينتقم لصديقه، واتريوس بعد هذا الموقف فجأة يبغى يروح يصيد وانا متفهم ان المقصد انه يشغل باله عن الي صار لكن هذي الحاجة حرفيًا صارت بعد موت بروك بدون اي فاصل، وفوقها الحدث رامينه بس عشان يذكروننا ببداية الجزء الأول بطريقة مره مالها داعي، بعد هذا كله؟ رجعنا نخطط للحرب ولا كأن قبل شوي كريتوس انسحب وقال ما ابغى...

أغلب جزئيات اتريوس ممله، وهي اكثر الجزئيات الي حسستني اني جالس العب نسخة سيئة من انشارتد، راح تشوفه يكلم نفسه بشكل غريب ومزعج حتى في وقت الألغاز يلمح لك عن الألغاز، ومره وقت جاء يتسلق قال "Here goes nothing"، لا يا نيثان دريك && هذا غير في لحظات "كوميديه" جايه غلط.
جزئيته مع البنت انقروبودا ممطوطه وممله جدًا جدًا ومليانه أشياء سامجة مثل الرومانسية الرخيصة: "هاك وردة من عندي"، "ايش لونك المفضل؟" او وقت نرمي الاحجار في النهر.
اما جزئيته وقت راح لأسقارد كانت كويسه ومستغرب من هذا الشيء، ولكن نفس الشيء ما تحس انك جالس تلعب ملك الحرب.
القتال به مو سيئ وبالعكس كويس ولكن يعني شخصيًا فارق اللعب بينه وبين كريتوس كبير فيخليه اضعف بكثير وقت تقضي ساعات كثيره بكريتوس وتروح تلعب به.

سمعت ان عشان تكون موتة هايمدال واقعية مثل كذا اضطروا انهم يقتلون الممثل في الأستديو &&&

هذي اللحظات الي فوق تخليني انقهر اكثر ان اللعبة ما سلكت إتجاه جاد ويركز على الأكشن والمواجهات بدال الي موجود.
القصة كان عندها إمكانيات عظيمة، ولكن كل شوي اطلع بحاجة غبية منها، يعني حتى في النهاية مع قتال ثور ينتهي بتصالح و "Be better" ويموت على يد الشرير الأكبر بطريقة ماش. واوه على فكرة ثور وهايمدال رهيبين، اودين مو مثل ما توقعته وحسيته خاش غلط ولكن والله كان كويس.

إختصار لكلامي؛ إذا تبغى لعبة عندها إستكشاف، الغاز، قتال، ومحتوى جانبي ممتاز فصدقني ملك الحرب راقناروك من قلائل الألعاب الي تقدم كل هذا مع بعض بهذا المستوى، ولكن إذا تبغى قصة ملحمية، فأنا على سبيل المثال جيت ابحث عن قصة ملحمية تستحق الإنتظار ولكن جلست اتابع انمي شونين &​

 

[faris alwany]

صعوبة give me god of war هي الصعوبة اللي المفترض اي شخص يختم اللعبة فيها اول مرة.

 

[N.O.B.D]

خلصتها

اللعبة مجملا حلوة و فيها جوانب عديدة انبسطت فيها
سواء من التوجه الفني الرائع و رحلة كريتوس مع ولده في تخطي أخطاء الماضي، القصة فيها ثيمز حلوة و لو ان بعضها تمنيت تتقدم بشكل أفضل خصوصا المشاكل العائلية في أسرة ثور ،اسلوب الطرح و ردات فعل الشخصيات و حوارتهم تحسها جاية من مجتمع امريكي معاصر و احس ضر شوي بمصداقية الشخصيات الميثولوجيا التاريخية
ككل الجزء الاول قدم ثيم الأبوة بشكل اروع و بشكل عفوي اكثر

ننتقل للكومبات في النص الأول للعبة ما فيه تطورات عديدة عن الأول لكن مو شيء سيء لأنه بالأصل حلو
جغل الاعداء في الهواء لا يزال جدا ممتع و الباري و كثرة الدروع عجبتني و صار تنفذيها أمتع من اي وقت و صراحة قاو عندها باري من أفضل ما شفت من العاب الاكشن مؤخرا


و من دخولنا لربع الأخير و فتح القدرات الأخيرة و فيه شيء معين يوم انفتح كانت لحظة رهيبة و الكومبات وصل قمته
و الجزء هذا صلح اكبر مشكلة في الأول و اللي هي قتالات الزعماء الرئيسية و تنوع الأعداء العاديين في كل منطقة كان جيد
فيه قتالات عديدة كانت ملحمية و فاجئتني
و الزعماء الضخام متواجدين بقوة و هذا اللي كنت أريده بعضهم ذكرني بزعماء الثلاثية القديمة

المهمات الجانبية شهدت قفزة عن الجزء الاول
غالبا ما توديك أماكن جانبية بالكامل حلوة او تعطيك قتالات جانبية ممتعة و بعضها يعطيك خلفية حلوة عن اللور و الشخصيات و دايما ما تكون الحوارات الجانبية طول الطريق للمهمة جميلة

مثل ما قلت اللعبة مليانة ايجابيات بس فيه منغصات جالسة تنزل عناصر من هذي الايجابيات عندي و اولها عندي رتم التقدم في المراحل و كاميرا الون شوت
انا ما عندي مشكلة مع التوجه السينمائي اذا ما صار عائق في الغيم بلاي ، قود اوف وار لعبة هايبر اكشن و فانتسي ابدا ما يناسبها اللحظات البطيئة فالمشي في الأماكن الضيقة و الزحف و التسلق البطيء جدا على الجدران (ما امانعها مع العاب نوتي دوغ لأنها كانت أفضل و تناسب نوعية العابهم) اما هنا جالس تخلي التقدم في المراحل ابطئ من اللازم فوقها الغاز مملة اغلب الوقت و اطول المرحلة اكثر من اللازم
الشيء هذا انتج رتم بطيء و مهمات شغل زي بعض جزئيات ارتيوس تأخذ وقت طويل

و الون شوت مخلي مساحة القتال ضيقة في لحظات عديدة في بعض الأماكن و تصير عائق كبير في القتالات الجماعية و الكاميرا ما تعرف ترصد العدو السريع يوم تسوي لوك اون خصوصا مع الكاميرا القريب و عدم اخذ الحرية في تحريكها.
هو اللي يضايقني انه شيء يمكن تعديله بسهولة بس شكلهم معطين السينمائية فوق اي اعتبار

أيضا لسى اشوف عناصر الاربيجي مالها داعي لسى ما اشوف لزمة التطوير للقطع الصغيرة في الدرع او السلاح و بالكاد الاحظ فيه فرق بين اللي الستتس حقه مرتفع و منخفض صراحة يوم اطور


القصة كانت فعلا اكثر طموحا و فيها شخصيات اكثر بكثير من الاول بس رتمها ما كان متماسك نفس الأول كذلك عدة شخصيات ما اشوف تم بناءها بشكل كافي
برضو جزء يسمى براغناروك او نهاية العالم تمنيت جانب الملحمية اكبر في الخاتمة،الخاتمة حلوة لكنها مستعجلة و ما تم البناء لها بشكل مثالي بنظري .

اتمنى الساغا الجديدة لو صارت تأخذ توجه جديد تجمع بين ايجابيات الاجزاء القديمة و الحالية لأني لسى اشوف بوتنشال كبير في سلسلة قود اوف وار لتقدمه في جنرا الاكشن

 

[Good Hunter]

اوكي.
لسا ما خلصت اللعبة.
على الرغم من تحفظي على القصة ورتمها

بس، راغناروك سيكول رائع جدًا. واللعبة ك Game Design فيها مفاجئات رهيبة، الكومبات لسا بعد أكثر من 25 ساعة لعب لسا قاعدة ترمي أوراق جديدة.
فقرات اللعب منوعة، الالغاز الجانبية منوعة، العالم مليان محتوى في كل زاوية وكل شبر، إحساس العجائبية موجودة واللعبة فيها احساس رحلة عظيم، اللعبة تذكرني باللي حصل ما بين GOW1 و GOW2 الكلاسيكية.
من حيث أن التجربة فيها تشابه بس في نفس الوقت حس الرحلة والتنوع وفقرات اللعب والشعور العجائبي العام يحضر هنا بقوة.


أيوه أتفهم البرود العام والتون البارد شوية للعبة تحمل إسم راقناروك. بس راغناروك تحمل بين طياتها لعبة مغامرات رائعة ومنوعة ومشبعة بالقيمبلاي والاستكشاف الممتع والشيق. قاد اوف وور رغناروك هي أفضل شكل ممكن تشوفه حاليا لألعاب الأكشن أدفنتشر. مزيج رائع بين الهاك اند سلاش والمغامرات الخطية + الميترويدفينيا.

مثال حي على كيف تقدم عالم عجائبي (الممالك التسعة) وترمي اللاعب فيه وتخليه يستمتع في عالم شبه مفتوح مترابط مصمم خصيصا انه يكون ممتع بعيدًا عن ملل ال AAA open world المعتاد.


لسا مو مطمن بخصوص القصة الرئيسية. بس اللعبة جالسة تفاجئني بأمور كثيرة ثانية. وفيها لحظات حلوة تقارع اللحظة ذيك اللي في الريبوت

محتوى مخفي: حرق لحظات حلوة

لما تروح البحر وتدخل بالحصان عند النورنات، ويتكلمون في نفس الوقت مع كريتوس.. احساس عجائبي رهيب.


ولما تنزل عند السيدة في البحر والسيدة تصمم لك وتسوي لك السلاح بحركات بهلوانية.. واوووه بوي سلاح جديد؟ ما شفت هذا قادما لا وبرضه السلاح يفتح لك اماكن جديدة وتستخدمه في الالغاز والتسلق والبلاتفورمنق..

فيه مشكلة في القصة ورتمها تحس انها كلها work orders.
يعني تعرف فكرة اوه يلا نروح هناك... بعدين لما توصل.. او نحتاج الشي الفلاني يلا نروح نجيبه.. لما توصل اووووه نحتاج الشي الثاني هذا يلا نروح نجيبه.... لما توصل.. اووووه ساعدني علشان اعطيك الاداه الفلانية...


القصة the princess is in another castle فعلا.

 

[Veeto]

توي منقذ

محتوى مخفي: سبويلر

تيير

صراحة ما توقعت اقولها .. بس هورايزون عطتني فايب واحساس ٢ .. اكثر من راجناروك !

 

[S30D1999]

توي منقذ

محتوى مخفي: سبويلر

تيير

صراحة ما توقعت اقولها .. بس هورايزون عطتني فايب واحساس ٢ .. اكثر من راجناروك !

اصبر شويه وبتغير رأيك