يا انه ذاكرتي مضروبة , او ما اذكر قد كتبت انطباع عن ثري هاوسس ؟
لو فعلا ما كتبت ، مهتم اسمع رايك وقت ما تفضى : P
ما كتبت هنا لاني جيت متأخر ، لكن دامك طلبت ما راح اردك ..
انا اكتفيت باول اعلان اللي طلع في الاي ثري ، تجنبت كل التريلرات و تحليلات الفانز و مسكت اللعبة في يوم الاطلاق.
بديت بالدجاجة السوداء ثم القطو الازرق - كلهم على مستوى هارد - ثم مسكت الضب الذهبي على مستوى مادننق و اضطريت اوقف في الوسط عشان العاب ثانية و راح ارجع لها قريب ان شاء الله.
صراحة انا سعيد جداً من اللي شفته هنا ، انا من الناس اللي تضايقت من كارثة fates القصصية و القيم بلاي - استثني كونكويست ، شوف المعلقة اللي انا كتبتها في الموضوع الرسمي لو تحب - و كنت متخوف مرة من مستوى ثري هاوسس. لكن الحمدلله الشغل اللي سووه كان رائع ، ممكن انهم فعلاً سمعوا للفانز اللي اشتكوا من المستوى المنحط - و هو كذلك طبعاً -.
من المعروف انه واضح انهم اخذوا الجزء الرابع كمصدر الهام رئيسي لما اشتغلوا على ثري هاوسس ، لدرجة انه بعض اسماء المدن هنا = اسماء شخصيات طلعت مثل ديدري ، بريدجيت و داقدار. بعض الميكانكيات في القيم رجعوها هنا و غيرها الكثير.
طبعاً انا للأسف ما اقدر اكتب نقاط ايجابية حتى للأشياء اللي احبها زي ثري هاوسس ، لكن النقاط السلبية ؟؟
You bet
راح اذكر النقاط السلبية اللي كنت اتمنى لو ركزوا عليها اثناء التطوير :
- واضح جداً ان طموحهم كان اعلى من ميزانياتهم المالية بأميال ضوئية ... انا متأكد ان اغلب المشاكل طلعت بسبب هذه النقطة بشكل او بآخر. كمية ال hidden removed content المهولة داخل ملفات اللعبة تدعم النظرية هذه.
- لما تلعب اللعبة لأول مرة راح تحب كل شيء فيها ، المشكلة لو قررت تعيد اللعبة بمنزل مختلف راح تحصل نفسك قاعد تعيدالنصف الاول بالضبط لكن بطلاب مختلفين + مقاطع مختلفة هنا و هنا. النيو قيم بلص راح تساعد في تخفيف النقطة هذه الا اذا تبغى الشاشة الذهبية.
- الطور الصعب كان سهل جداً بشكل عام - فيه استثنائات - لدرجة اني كذا مرة شكيت اني ممكن دخلت طور السهل بالغلط.
- في الجهة الثانية ، طور مادننق كان صعب جداً لدرجة اني و بكل ثقة اقول انهم حطوا الطور هذا في الدقيقة الاخيرة بدون اي اختبار او فحص . الدليل اللي راح اقدمه هو : القي نظرة على تشابتر ١٣ .... اذا التشابتر هذا ما اقنعك بكلامي ما ادري ايش بأقول لك .
- المونستري او الجامعة : راح توصل لنقطة راح تطفش منها خاصةً لو لعبت على النورمال لدرجة انه ممكن بتحصل نفسك تسحب على الاكسبلور و تسوي المحاضرات او skip بكثرة في النصف الثاني من اللعبة. الوضع يختلف في المادننق مود ، انت تحتاج كل نقطة و ايتم من المونستري عشان تقدر تجتاز المجازر اللي بتمر عليها.
- نتكلم growth rate هنا : انا نهائياً ما حبيت حركتهم مع كلاسات الخيول و انه خصموا منهم ستات السرعة بنسب مختلفة عشان يسوون "بالنص" ..... هذا مدعاة للضحك و السخرية لسببين : ١ ما سووا ال "بالنص" هذا على البقاسوس و الدراقون - المعروف ان الدراقونز هو افضل كلاس في اللعبة هذه-. ٢ اللعبة ككل ما هي موزونة من الاساس ، فيه شغلات بروكن تقدر تسويها بين الكلاسات و ال art بتحصلها في اليوتيوب. لما تشوفها راح تخليك تفكر ليش تعبوا نفسهم و خربوا على الخيالة !
- انا جداً زعلت لما عرفت انهم رجعوا لغباء gender exclusive classes ... ما اقدر اخلي لاسيثيا دارك ميج ، ما اقدر اخلي هيلدا وور ماستر و ما اقدر اخلي اي ذكر يركب البيقاسوس بسبب الغباء هذا. تدري ايش المضحك المبكي ؟ فيه مرحلة بتوصل لها - بدون سبويلر - بيكون فيها هيلدا كشخصية npc ... لو انت اخذت هيلدا معك ، توقع مين بيكون مكانها في ذاك الماب ؟ وور ماستر انثى ! صراحة لا تعليق ...
- اعادتهم استخدام نفس الماب مرات و مرات و مرات خاصةً في مراحل الجانبية.
بالرغم من هذا كله انا حبيت اللعبة هذه و اعتقد اني اقدر احطها في التوب ٥ - باقي ما لعبت فاير امبلم ٦ ، ٧ ، باث اوف ريدينس و ريدنت داون - ، و باقي راح ارجع لها عشان اكمل الطريق الثالث اللي علقت + كريمسون روز بصعوبة المادننق بدون النيو قيم بلص.
?
، مو منك من اللي ماخذ قلبك (&).
