الموضوع الرسمي Final Fantasy XIV .. الـ MMO بنكهة يابانية ..

[persona]

اي توكل على الله ، اذا تقدر تاخذ كرت شاشة 1gig أفضل بعد.
عندي نفيديا 340M ويشغله على المواصفات الدنيا ولابتوبي من سنتين شاريه.

http://www.youtube.com/watch?v=RGeaoR8eUcg

توشيبا كوزمو ، بالبنشمارك وصل 2124

وعندك هذول الكومبيورات \ اللابتوبات اللي جربوا البنش مارك ونتايجها:

https://spreadsheets.google.com/ccc?key=0AimI6xhXN4XXdF9xQWRTTWlSWFZmWkRSTHFkR05zNEE&hl=en#gid=0

القائمة قديمة ، لاحظ في كروت شاشة اقدم من كرت شاشتك المذكور وقدر يشغلها.

 

[SCORPION-Q8]

^
اجل الحين بطلبها ان شاء الله و بكره او الي بعده توصلني
شكرا جزيلا لكم جميعا

 

[persona]

أي شركة توصلك بعد يومين او ثلاثة بالكويت؟ ارامكس تزرعني اسبوع :\

 

[SCORPION-Q8]

^
لا ... محل كويتي يوصلي لي البيت ^^"

 

[D_SHEHAB]

لو واحد يتكرم ويفهمني عملية الكرافتنج ، عندي آداة كلاس الليذر وركر وسويت سيانيث وبديت أحط المتيريالز ( الدارك ماتر طبعاً بدل المتيريالز التقليدية ) وجيت بحط الكرستال بس ما أقدر أختارها وما تنحط .. + كل ما اخترت المين هاند يقولي ما تقدر تسوي سيانيث بالمتيريال هاذول ..

 

[SCORPION-Q8]

جربت الbenchmark و السكور طلع 1654
ينصب علي و لا شنو : ... حاس ان اللاب مو قاعد يشتغل بكامل قدراته
بيرسونا جربت الbenchmark من قبل ؟
كم طلع السكور ؟

 

[c d 2]

جربت الbenchmark و السكور طلع 1654
ينصب علي و لا شنو : ... حاس ان اللاب مو قاعد يشتغل بكامل قدراته
بيرسونا جربت الbenchmark من قبل ؟
كم طلع السكور ؟

حبيبي ماعليك انا جهازي alienwaew ونتايجه بالاختبار مو قد كذا بس مشغل اللعبه على اعدادت حلوه جدا لاتشيل هم

 

[c d 2]

شباب انا جديد باللعبه وعندي سوال من وين اقدر اشتري ملابس واسلحه باللعبه في Limsa Lominsa

 

[persona]

روح Ulda'h أحسن ماركت يبيعون فيه اللاعبين

من صوب كرستالة uldah في مكان أسمه The Fronds وبعدها روح اختار search for an item ودور اللي تبيه وروح الward اللي معروضة فيه السلعة.


سكوربين ، انا لابتوبي بالبنش مارك جاب 800 وقدر يشغل اللعبة(اقل شي 1200) مو مقياس أساسي هذا البنشمارك شوي مضروب.

 

[c d 2]

شباب كيف اسوي seek عشان البارتي وشكرا

 

[D_SHEHAB]

^
حط المؤشر على اللاعب اللي تبي تسوي بارتي معه > افتح المين منيو وبتحصل خيارات فوق (شيك ، إنفايت ... إلخ ) > إحتر إنفايت وهو إما يقبل أو يرفض ^^
طيب لو بارتي أولردي وتبي تخش وياهم ؟ تكلم في السيي وقلهم وإن شاء الله يدخلونك معهم ..

بالنسبة للشراء ، في طريقتين الأولي اللي قلها لك الأخ بيرسونا من الوارد ، أو من الإنبي سي ( الشخصيات الرسمية اللي تبيع في اللعبة ) وما أنصحك بصراحة ولا بوحدة
من اللي فوق ، ما أدري هل الوارد يختلف من سيرفر لسيرفر لأني حالياً في وتاي والسلع في ( أولدا ) ما لبت طلبي وما حصلت اللي أبيه ، سو كرافتنج أفضل ( كرافتنج يعني اصنع أسلحتك بنفسك ) ..
صحيح إنه بياخذ وقت وجهد لكن بتطلع بنتايج حلوة خصوصاً بعد ما أضافوا الدارك ماتر .

 

[D_SHEHAB]

جالس أستخدم المتيريالس التقليدية ، مادري ليش لكن الدارك ماتر جريد ١ ما قدرت أسوي فيها سيانيث .

 

[D_SHEHAB]

أول ما تلعب اللعبة ( خصوصاً مع قلة الآربيجي لهذا الجيل ) بتشوف إنها ممتازة وحلوة ، بتجلس فيها بعض الوقت وكل شي تمام ، لكن مع الوقت وكل ما طلع لك عيب بيخلي
إعجابك في اللعبة يقل ، حركات القتال ( الواقعية جداً ) + عدم وجود دنجنس أو بوسس + قلة المناطق بشكل كبير جداً + عدم التنوع في البيئات + نظام تطوير النقاط العقيم جداً
+ الكرافتنج والأسلحة اللي مخلينها بشكل معقد وزايد عن اللزوم وكان بإمكانهم إختراع أنظمة جديدة + الكويستات المملة جداً اللي تحسسك بإحباط كل ما تقدمت في اللعبة + الوحوش اللي مدري وش تبغى في الحياة
+ المواصلات كلها خلتني أترك اللعبة حالياً .. اللعبة حلوة وممتازة لكنها فااااضية جداً وتحس بملل منها بشكل عجيب ، إن شاء الله أرجع لها في عام ٢٠١٢ في منتصفه أو مع نسخة
الوحش لمن تنزل وأتمنى تكون وقتها تطورت كثير وعدولوا كل أخطاء اللعبة ، متفائل بالفريق الحالي واللي سواه مو شوية وهو اللي بيخلي اللعبة في بالي للعام القادم .

+ إضافة وحوش متنوعة ومبتكرة ( مو بخرفان وصراصير وكم دجاجة )
+ إضافة مناطق متنوعة
+ تغيير نظام النقاط ويحطون شي شبيه بفف ١٢ .
+ يحون نظام Summoning ويكون محترم
+ يضيفون حركات فنتازيا للقتال والمقاتلين ( شي شبيه بفف ١٣ لكن بصورة أخف )
+ تعديل الكرافتنج ( إختراع شي بديل عنه جديد كلياً على اللعبة أو تطويره ويخلونه شي مختلف ) .
+يشيلون الأوتو أتاك ويخلون مكانه شي أفضل بدل ما أجلس أطالع في الشخصية وهي تضرب .
+وضع مسار محدد وواضح للعبة ويخليك تكمل ، حالياً خلاص صرنا عارفين .. بنروح للكامب اللي التالي وهكذا حتى نوصل
الكامب الأخير وخلاص خلصنا !! مافي شي جديد مافي مدن ما تنتفح إلا إذا وصلت لرانك معين مافي بوس بين كل منطقة ومنطقة ..
+الأسواق بحاجة لترتيب من الصفر .


وأشياء كثيرة ثانية لكن هاذي المهمة حالياً ، تعودنا من سكوير لمن تنزل لعبة تكون لعبتها هي المعيار لكل باقي
الألعاب اللي في جينرا الآر بي جي ومع الأسف ما شفت هذا حاصل مع فف ١٤ .
راجع لمن تتعدل اللعبة وتصير شي يخليك تواصل تلعبها ، أعتقد مع نهاية عام ٢٠١٢ وبداية عام ٢٠١٣ في الربع الأول اللعبة بتصير ممتازة .

 

[persona]

اختلف معاك بخصوص

• الكوستات ، الحين قامت تعطي sp و gil زيادة.

• الوحوش في بداية اللعبة شي طبيعي بيكونون تكرار عن اللي قبلهم ، الحين ضافوا مدن tribes للوحوش الجديدة.

• الدنجنات موجودة لرانك 25 و 50 ، بس ناطر الشباب متى يشبكون ، صراحة ممتعة اشوفها وفيها main bosses بالاخير.
• الاوتو اتاك هي الميزة اللي خلت بعض اللاعبين يرجعون بدل الbottom mashing ، أحسن أضافة اشوفها.
• نظام السوومون ؟ اهم مفروض يحطون كلاس لحاله حق السمونز عشان يزيدون شوية كلاسات للميجز
• وضع مسار؟ بالاساس عندك مسار خاص فيك التلفيل ل50 ، عندك إنهاء القصة ، قريباً كوستات زيادة للCompany System ، الهاملت وغيرها بهالالعاب انت تحدد المسار اللي تبيه

كم وصلت رانك؟لفل؟ للامانة في اشياء انت مااكتشفتها :\.

 

[SCORPION-Q8]

وصلتلي اللعبه للتو :rockon:
يالله بسوي الابديتات و ارجع
شهاب مشكور على التحبيط + احسك توك بادي باللعبه و ما اكتشفت اشياء كثيره :/

 

[D_SHEHAB]

اختلف معاك بخصوص

الكوستات ، الحين قامت تعطي sp و gil زيادة.

أي إس بي وجيل زيادة ؟ أبعدوا البونس تبع الوحوش وعوضوك بشي أقل منه ، حتى الإس بي في نهاية الكويست شي ما يسوى قدام اللي كنت آخذه أول أما الجيل لو يرفعونه لليل
مع الأسعار الفلكية الموجودة باللعبة ما أتوقع ، يا يشوفون لهم حل مع الوارد أو مع الكرافتنج ماني شخص فاضي أجلس أسوي كرافتنج وألفل بالأدوات وأتعب عشان أطلع لي درع وسيف .
الأهم من هذا كله الإس بي وغيره ماهو مهم رفعه أو أو ينزلونه بقدر ماهو مهم إن مقدراه بتناسب مع اللعبة كأوفر أول وذكرت لاحقاً فكرة سووها من قبل أفضل من الإس بي .

الوحوش في بداية اللعبة شي طبيعي بيكونون تكرار عن اللي قبلهم ، الحين ضافوا مدن tribes للوحوش الجديدة.

مش فقط في بداية اللعبة ، أنا ماشي وشايف وحوش كثير في اللعبة وكديزاين سيئة جداً وما تحس حتى إنها وحوش ( إستكشفت مكان كبير من اللعبة وقابلت وحوش رانكاتها ٧٠ )

شوف تصميم وحوش فف ١٢ و فف ١٣ ، مستحيل يسوون مثلهم ؟ يعني لأنها MMORPG لازم تكون وحوشها خايسة ؟ طفش + ملل تجلس تذبح لك نعامة وسناجب وخرفان ونمل وعنكبوت : /
أنت بس شوف لوحوش فف ١٣ ، والله لو يسوون لها بورت أبرك بكثير من اللي موجودة حالياً .

الدنجنات موجودة لرانك 25 و 50 ، بس ناطر الشباب متى يشبكون ، صراحة ممتعة اشوفها وفيها main bosses بالاخير.

طيب رانك ٥ ؟ رانك ١٠ ؟ رانك ٢٠ ؟ رانك ٢٥ فقط ؟ رانك ٥٠ فقط ؟ المفترض أساساً نظام الرانكات يشيلونه بتاتاً ويدمجونه مع نظام التطوير ويخلونه شبكة كبيرة زي فف ١٢ ( مناسب للإم إم أو )
ويشيلون حتى الفيسكل ليفيل ويخلون شي شبيه بفف ١٢ و ١٣ و١٠ من ناحية التلفيل ، يعني في الشبكة تقدر تلفل كل ما وصلت لختام الليفيل الخاص في الشبكة ( ميكس بين فف ١٢ + ١٣ ) وتكون النقاط من الوحوش والباتلس .
ويكون عندك قدرات كل الكلاسات في الشبكة لكن مثلاً أنت إخترت محارب في بداية اللعبة خلاص ٩٠٪ من الشبكة قدرات محارب و١٠٪ قدرات ثانية مهمة تنقص المحارب ( مثل الكيور والمجك البيسك )
الشبكة تكون واسعة وكبيرة جداً وحتى الأسلحة ما تقدر تلبسها إلا إذا فتحتها في الشبكة ( فف ١٢ ) بحيث وسعها وكبرها يخلي لك مجال كبير تلعب حتى تطور .

الاوتو اتاك هي الميزة اللي خلت بعض اللاعبين يرجعون بدل الbottom mashing ، أحسن أضافة اشوفها.

ما أشوفها ميزة بكثر ماهي ترقيعة ، الوضع الأول سيء جداً والأوت أتاك أقل سوء والمفرض شي جديد يكون إضافة فعلية للعبة تخليك تستمتع بالمعركة : /

نظام السوومون ؟ اهم مفروض يحطون كلاس لحاله حق السمونز عشان يزيدون شوية كلاسات للميجز

السومون المفتروض تكون لكل الكلاسات مش لكلاس دون كلاس ويخلون للسومون قدرة يزيد من قوتك وطاقتك ( وسومون محترم أو بلاش موهو لازم @@ ) .. إلخ لكن كل كلاس له سومون خاص فيه بمعنى كلاس المحارب يقدر يستدعي
باهموت بينما كلاس الميج يقدر يستدعي شيفا + إفريت ، بإختصار السمونس نفسهم يعبرون عن الكلاسات .

وضع مسار؟ بالاساس عندك مسار خاص فيك التلفيل ل50 ، عندك إنهاء القصة ، قريباً كوستات زيادة للCompany System ، الهاملت وغيرها بهالالعاب انت تحدد المسار اللي تبيه

التلفيل لخمسين مسار ؟ وكويستات القصة .. شخصياً أشوفها شي جانبي وسيء برضو .. هذيك ميهي كويستات أروح أسولف مع فلان بعدين
أرجع أكلم فلان وأجلس أتشحطط من مكان لمكان في المدينة وبرا المدينة وفي النهاية خلاص خلص الكويست ولا شيء حتى مميز فيه ؟ الكويست المفروض يكون عليه شيء ضخم وكبير وكل كويست في منطقة مختلفة وبيئة مختلفة ، يعني مثلاً الكويست الحالي
حقك تجمع ١٢ كرستالة من المنطقة وكل كرستالة موجودة في كهف عند بوس معين ، بكذا بتحس في مسار جالس تمشي عليه وبتلفل في الطريق وبتتطور كثير .
مسار بمعنى قفل بعض الأماكن ، ما تقدر تروح من كامب لكامب حتى تواجه بوس مع بارتي .. ويكون قوي بحيث ما تقدر تهزمه إلا إذا وصلت لليفيل معين . مع الأسف أقدر أوصل لأي كامب بوضعي الحالي .

كم وصلت رانك؟لفل؟ للامانة في اشياء انت مااكتشفتها :\.

صحيح وبصراحة ما ودي أكتشفها ولهنا بوقف : / ، مليت من اللعبة .. أوصل لرانك ٢٠ ولا في شي مميز ، كلها جلد ليفز مملة وعالم مكرر من بعضه ولا بوس حتى واجهت ولا في أماكن محترمة وتنوع بيئي .. حتى الدنجنس شبه معدومة ..
حتى المكان اللي وديتنا له مكان عااادي جداً ، وين رهابة وآرت فاينل فانتاسي ؟ وين قوة الديزاين ؟، تاخذ بيهيست وتذبح الوحوش في اللفة الثانية اللي جنب البيهيست ! وحتى المتاهة جدران كوبي بيست من بعض ..
وش الفايدة ألفل ٢٥ رانك عشان دنجن وبوس ؟ ثمن ٢٥ ثانية عشان بوس ودنجن ثاني ؟ ماهي لعبة ذي صارت .. تقشف : / ...

اللعبة مظهرياً ممتازة وفيها أشياء حلوة ، لكن أكملها ؟ لا والله ما أعتقد حتى تصير شي يسوى ، ما بجلس والله حتى أوصل لرانك ٢٥ عشان أحارب بوس ودنجن ثمن بعدين أجلس لرانك ٥٠ برضو عشان بوس ودنجن ..
والفترة اللي أقضيها في التلفيل مملة جداً والكويستات الرئيسية في اللعبة مملة مافيها شي مميز وحلو ( على الأقل يحمسك يخليك تكمل الكويست ) .
كلامي كله متحور حول إن اللعبة ( فاينل فانتاسي ) بالمقام الأول و MMORPG بالمقام الثاني.


هذا رد ثاني لي في الماراثون حتى تستوعبني أكثر :

طيب بالتفصيل الممل

اللعبتين مختلفة قليلاً من ناحية الجنرا بشكل طفيف وممكن نهضم حق فف ١٤ في بعض النواحي فبحط النواحي الي تستحق المقارنة واللي ميزت كل واحد في الأجزاء :

- القصة دروب طبعاً لأن ألعاب الـ MMORPG مافيها قصة تقريباً وتكون قصتها كويستات عادية عشان تواصل في اللعبة بس ولا الأساس إنك تلفل وتفتح الأماكن الأساسية وتكون بارتي مع الناس .
- العالم المفتوح وحدة من أكبر ميزات فف ١٤ واللي حرفياً خلتني أتعلق باللعبة ، فرق كبييير جداً لمن يكون في مدينة كبيرة تتمشى فيها وتشتري وتبيع وعالم كبير تحارب فيه وتقابل الناس عن لعبة الماب حقها خط للأمام فقط
لكن بنفس الوقت وش فايدة العالم المفتوح إذا كان كله مكرر عن بعض ؟ تمشي تواصل تكمل تقول يا رب في مناظر جديدة وهي هي نفس المناظر مع الأسف حتى الكامبس ( المخيمات ) نفس بعض بالتمام .
- تطوير القوة في فف ١٤ عقيييييم جداً ويجيب الهم ، تقليدي بشكل .. الظاهر كانوا يستخدمونه في عصر ما قبل النيس ، ببساطة عندك ست خانات وكل ما زدت ليفل يجيك نقاط تعبيها في الخانات وخلاص إنتهينا ..
اللي يشوف سلسلة فف طوال السنوات الماضية بيعرف إنها في كل جزء قدمت نظام تطوير مبهر جداً ، ٨ السمونس ، ٩ نسيت والله >.>" ، ١٠ الشبكة ، ١٢ الشبكة لكن بشكل مطور جداً وأفضل ، ١٣ برضو شبكة لكن بشكل مختلف شوي عن العاشر ..
و١٤ طيب ؟ ها شباب ؟ لا ١٤ عصر ما قبل النيس .
- الجرافكس أكيد فف ١٣ تتفوق وبشكل عام أفضل ( بالرغم من إني حاط إعدادات اللعبة عالهاي .. لكن بقول MMO ) .
- نظام القتال ، آآآآآه !! طيب دقيقة >.>" نظام القتال كان حلو بصراحة ويخليك تكمل اللعبة ( نظام عادي تقريباً ) لكن لا مقارنة بينه وبين فف ١٣ لا من قريب ولا من بعيد . فنتازيا الحركات في فف ١٣ وفنتازيا الأسحار
في القتال وتحرك الكاميرا تعطي جو خرافي جداً بعكس فف ١٤ ! وربي ما أكذب لو تشوف قتال كلاس الجلاد ( المحارب وكلاس المقصود فها نوعية قوة الكارتر هل هي ساحر أو ضرب بيد أو بفاس أو سيف ) وهو يضرب بسيفه
وبالذات لمن تتهاوش مع خروف تقول راعي غنم جالس يهش له كم نعجة بيوديهم البيت ، نظام القتال ثقيل بالمرة وواقعي بزيادة .. حلو لمن يكون واقعي فانتازي.. أما الكاميرا مع الأسف ما تحسسك بجو القتال نهائياً ..
تقدر تسوي لوك للوحش حتى تركز عليه وبتصير الكاميرا تحسسك بجو أفضل شوي بس برضو لا زالت عادية أو أقل من متواضعة .
- تطوير الدروع مع الأسف ضعيف في الجزئين ، فف ١٣ لمن إنتقلت لها خلاص قلت ما راح أطور الأسلحة إلا لمن أوصل تشابتر ١٢ أو ١٣ :/ وطول اللعبة تطوير الدروع ما منه فايدة وشراء الأسلحة كمان ما منه فايدة ( أقصد فيه أقوى منها في مرحا متقدمة من اللعبة )..
في فف ١٤ ممصخينها بزيادة ، الحين لمن تاخذ كاركتر يكون لها شي إسمه رانك لكل كلاس ( لمن تاخذ سيف يصير كلاسك محارب ولمن تاخذ عصا الساحر تصير ساحر وكل ما غيرت السلاح لأي كلاس لازم تبدأ من رانك ١ وتلفل فيه ، لو لفلت وفكيت السلاح ورجعت بعدين تكمل من آخر ما وصلت له في التلفيل وهو يعتبر غير عن الفيسكال ليفيل اللي تاخذ منه النقاط كل ما تطورت فيه) تبدأ من ١ وتنتهي بـ ٥٠ وكل رانك من ذولي له أسلحة تتناسب معه ، تقدر تلبس درع رانك على أي رانك ثاني لكن ما تستفيد منه
بشكل كامل ، المشكلة هنا وش الفايدة من دروع وأسلحة حقت الرانكات من ١إلى ١٥ أو ٢٠ إذا كنت بوصل لرانك ٢٠ في يوم أو يومين ؟ عشان تشتري درع لازم تشتريه من كرافتر ( للتوضيح في اللعبة تقريباً تقريباً مافي شي إسمه
تشتري دروع وأسلحة زي ما نعرف في عالم الآر بي جي العادي ، تروح للبياعين واللي إسمهم هنا ( إن بي سي ) وتشتري منهم كل لاعب يسوي كرافت ، يصنع أسلحة ويبيع وبالرغم إنك تقتدر تشتري من الإن بي سي لكن أسلحتهم بإختصار خايسة ) ويالله خذ عندك يا عم الأسعار الفلكية ..
درع عادي لرانك ١٢ ولا ١٣ سعره حول 100000 G وأنا لو جلست ألعب أيام متواصلة بالموت طعلت المبلغ الفلكي هذا وإذا أنت بتسوي كرافت للسلاح الله يعينك ما راح تخلص ، عشان تسوي كرافت لازم تاخذ أداة للكرافت + خامات وإحتياجات
الكرافت ( واللي يا إما ما تحصلها بسهولة ومعقدة أو تشتري القليل منها بأسعار غالية ) ولا الأداة حقتك اللي تسوي فيها سلاح لازم تلفل فيها عن طريق صنع الأسلحة وكل رانك للأداة تقدر تسوي أسلحة جديدة !! والأسلحة والمعدات
من رانك 7 تقريباً و 8 في الأداة تصير متطلباتاها صعبة جداً جداً ، يعني عشان تسوي درع أو خاتم مثلاً محتاج خمس خامات وكل خامة من الخامات محتاجة خمس خامات عشان تسويها وكل وحدة من الخمس محتاج خامة أو خامتين .. إلخ من الهراء . ( ونسيت لا أذكر
إن فيه أكثر من آداة وبعض الأسلحة ما تنعمل إلا بآداتين أو ثلاث وكلها تكون في ليفيل عالي ، والشي اللي يجيب الغبن والهم إنك لمن تبدأ تسوي كرافتنج أو سيانيث لأي شي ممكن تنجح العملية وممكن لا .. لو فشلت فكل
الخامات اللي تعبت عشان تجمعها وتسويها ( خمس وخمس والعقدة اللي قبل شوي ) تروح في المشمش : / ، على الأقل نظام فف 13 أهون شوي من ناحية هالنقطة ..

- الأعداء !!! آآخ ودي أذبح الفريق اللي سوا اللعبة .. والله مافي مقارنة بين وحوش أو أعداء فف 13 وبين 14 لا من قريب ولا من بعيد ولا حتى من آخر المنطقة ! في بداية اللعبة قلت لنفسي أكيد البداية لازم وحوش ضعاف
( تعرف صراصير ، فيران .... إلخ ، كوكتيل جراثيم ) تقدمنا باللعبة مشينا رحنا كذا كامب لكن مع الأسف الوحوش لازالت غبية بس تطورت شوي بدل ما كانت صراصير صارت خنافس وبدل الفيران حطوا خرفان ونعامة وبطاريق !!
ولو تشوف التنانين اللي حاطينها في اللعبة ! XD ضفادع مركبين لها أجنحة ... ، المشكلة الأكبر الوحوش مرة غير متنوعة ولا حتى 1٪ .. كل منطقة كبييييرة من المناطق لها وحشين أو ثلاثة إذا كثروا وإنتشارها ضئيل جداً لكن مع الباتش الأخير
صلحوا هالمشكلة تقريباً وصارت الوحوش موجودة ومنتشرة بشكل كويس . بس ولو ملل ورا ملل تقاتل نفس الوحش وغالباً اللاعبين ما يقاتلون الوحوش لأنه الإكس بي والإس بي حقهم ضعيف جداً ! يعني مدري وش الفايدة من الوحوش أساساً بهالشكل ؟
لازم موازنة بين المناطق والبارتي والسولو ، ما تروح لمنطقة إلا إذا وصلت لليفيل معين ولازم تواجه بوس قبل لا تروح والتلفيف السولو في المنطقة القديمة يوصل لمرحلة يصير يسوليس فتحتاج بارتي وكذا ..

- الليفلز مع الأسف سكوير لحقت بالألعاب الثانية من نفس الجنرا ، خلاص توصل ليفيل 50 ما عاد تلفل أكثر وتستنى لمن الشركة تسوي توسعة .. بدل ما يكسرون هاذي القاعدة ويحطون رقم فلكي لليفيلز ( 600 مثلاً مع تلفيل سريع كأن تلفل للـ 150 بنظام الـ 50) ومع كل توسعة يزيدون فيه قلدوا ونزلوا لك اللعبة .
- الكلاسات بشكل عام متداخلة ولو كانت مثل نظام فف 13 فواو وبقوة ، في فف 13 تقدر تاخذ قدرات كل الكلاسات لكن في كلاس أو كلاسين مين لك والباقي تاخذها بشكل طفيف أو بنسبة قليلة ، هنا لا مع الأسف تصير مجشن ومحارب وكل شي في كاركتر واحد ..
في البداية حبيت الفكرة وفكرت أمتلك الوايت & بلاك ماجك والمين محارب لكن لاحقاً كرهت الحركة ذي وصرت بس أبي أركز على كلاس معين مع بعض خواص الكلاسات الثانية لأني أحتاجها ، مثلاً أحتاج الهيست والسلوو وأحتاج الكيور والبروتكت والشيل من كلاسات الميج
واللي تحتاج إني أضيع وقت بدل ما ألفل في المحارب وأروح ألفل فيها .

- آرت اللعبة لا مقارنة بينه وبين فف 13 أو حتى فف 12 ، كمقارنة فيهم أعطيه 5 من 10 أو أقل حتى ، 5 بس تقديراً لإسم السلسلة ، المدينة قبيحة جداً تحس إنها مدينة سكنية مو مدينة صناعية حيوية ، جربت جرادينيا وأولدا ولوميسا وكلهم كبار وواسعات
لكن الجدران والمباني والنقوش والتنوع في المدينة وتصميم المداخل + المخارج سيئة بشكل عجيب ويخليك تستنى بس متى عاد تطلع من هنا .

- اللعبة مافيها شي تسويه ، يعني في عندك عالم مفتوح ( كورنيش ) تتمشى فيه وخلاص ! في شي إسمه جلدليفيز وهي مهام تسويها ، بإختصار توروح للمدينة حقتك اللي بديت منها اللعبة وتكلم شخص هناك يعطيك مهمات واللعبة فيها ثمان مخيمات وكل مخيم فيه
كرستالة وكل كرستالة لها مهمات ، لمن تسمع اللي قبل تحس المهمات تسوى لكن مع الأسف ، الحين أنت تمشي في اللعبة وتروح تذبح وحوش برية عادية لمن تاخد المهمة الفرق بين المعارك العامة ومعارك المهمات إن المهمة تحط لك سهم
فوق وحشين أو ثلاثة ( من اللي تقاتلهم بشكل عادي ) والمطلوب منك إنك تذبحها ، طيب غيروا بدلوا حطوا وحوش جديدة أو شي ما شفناه من قبل ؟ وإذا مهمة خلوها مهمة تسوى يكون فيها ألغاز ومتاهات ودروب لأشياء حلوة وتستاهل عالأقل أسلحة في كل كامب
تخدمك حتى توصل الكامب اللي بعده لكن دروب الأسلحة نادراً ما يكون ( والمفترض يكون متوسط هنا ) والوحش ميييه ولا في شي مميز بشأن المهمة ( البيهست هو اللي فيه وحوش مختلفة لكن كديزاين تعتبر سيئة ) ، لعبت سابقاً في تشابتر 11 في فف 13 كويستات وكانت أفضل من الكويستات اللي هنا
بالرغم من إن هاذيك شيء فرعية في اللعبة وهنا هي النواة الرئيسية للعبة ومن دونها مافي أحد بيلعب فف 14 .. ، بشكل عام في فف 13 القصة وحدها تخليك توصل اللعبة للنهاية .

- مافي مواصلات في فف 14 وفف 13 ما تحتاج أصلاً فممكن مافي مقارنة لكنها سلبية حصلتها في فف 14 وما حسيت فيها في فف 13 ، عندك أنيما 99 تبدأ اللعبة فيها إذا خلصت خلاص كل ساعة أرضية تزيد الأنيما 1 ، عشان تنتقل من مكان
لمكان تحتاج من 1 إلى 4 أنيما غالباً والمشكلة إن التنقل في اللعبة لازم يكون بشكل مستمر بحيث إنك بتسوي كويستات في الكامب الفلاني وبعدها بتسوي بيهيست ( شي ثاني في اللعبة ) في مكان غير وبعدين تبي تروح تشتري معدات
وفي النهاية تبي تروح تقضي أغراض رمضان ، مع الأسف أنت تحت رحمة الأنيما لو خلصت لازم تمشي مسافة طويلة + وإنت تمشي بتكره اللعبة ..


- مع الأسف مافي دنجنس أو بوسس بشكل محترم ، لازم توصل راناكت عالية وليفيلات بعيدة عشان تواجه دنجن أو بوس وتستمتع باللعبة ،
- مافي مؤشر أو خيار من القائمة يوضح اللي ناقصهم بارتي ، أقصد المفترض يحطون قائمة جديدة كلياً ويخلون بوسس ما تقاتلهم ومناطق ما تخشها إلا ببارتي وعشان تحصل بارتي يكون فيه خيار
في القائمة يفيدك بهالشي ، مثلاً خيار يطلع لك عالم ايروزا وتختار المهمة أو المكان الي يتطلب بارتي ويصير لك إما بليس ( تثبيت ) أو إنك بتشوف بارتيس مثبتة جهازة ويوضحون الكلاس اللي محتاجينه وتخش معهم .

- التراكات الصوتية ممتازة والألحان جميلة لكنها مش في محلها بتاتاً وإختيارها سيء بالنسبة لي . الميوزك تبع أولدا لمن تخشها يجيك النوم بدل ما يكون حيوي ويحسسك بالنشاط ـ كون أولدا مدينة حيوية )
وكذلك أقليم تنهلالا اللي جنب أولدا مباشرة حاطين ميوزك بيانو في منطقة شبيهة بالغابة
وأقرب للتصحر وتحارب فيها وحوش ، تراك القتال مش لهناك ويحسسك بملل .

اللي تحتاجه فف 14 عشان تصير لعبة جيدة :

تعديل كل اللي سبق وهذا ردي اللي كتبته أمس :

أول ما تلعب اللعبة ( خصوصاً مع قلة الآربيجي لهذا الجيل ) بتشوف إنها ممتازة وحلوة ، بتجلس فيها بعض الوقت وكل شي تمام ، لكن مع الوقت وكل ما طلع لك عيب بيخلي
إعجابك في اللعبة يقل ، حركات القتال ( الواقعية جداً ) + عدم وجود دنجنس أو بوسس + قلة المناطق بشكل كبير جداً + عدم التنوع في البيئات + نظام تطوير النقاط العقيم جداً
+ الكرافتنج والأسلحة اللي مخلينها بشكل معقد وزايد عن اللزوم وكان بإمكانهم إختراع أنظمة جديدة + الكويستات المملة جداً اللي تحسسك بإحباط كل ما تقدمت في اللعبة + الوحوش اللي مدري وش تبغى في الحياة
+ المواصلات مع اللي سبق واللي بيجي كلها خلتني أترك اللعبة حالياً .. اللعبة حلوة وممتازة كديزياين عام وأتموسفير قدمت شي ما قدمه غيرها لكنها فااااضية جداً وتحس بملل منها بشكل عجيب ، إن شاء الله أرجع لها في عام ٢٠١٢ في منتصفه أو مع نسخة
الوحش لمن تنزل وأتمنى تكون وقتها تطورت كثير وعدولوا كل أخطاء اللعبة ، متفائل بالفريق الحالي واللي سواه مو شوية وهو اللي بيخلي اللعبة في بالي للعام القادم .

+ إضافة وحوش متنوعة ومبتكرة ( مو بخرفان وصراصير وكم دجاجة )
+ إضافة مناطق متنوعة
+ تغيير نظام النقاط ويحطون شي شبيه بفف ١٢ .
+ يحون نظام Summoning ويكون محترم
+ يضيفون حركات فنتازيا للقتال والمقاتلين ( شي شبيه بفف ١٣ لكن بصورة أخف )
+ تعديل الكرافتنج ( إختراع شي بديل عنه جديد كلياً على اللعبة أو تطويره ويخلونه شي مختلف ) .
+يشيلون الأوتو أتاك ويخلون مكانه شي أفضل بدل ما أجلس أطالع في الشخصية وهي تضرب .
+وضع مسار محدد وواضح للعبة ويخليك تكمل ، حالياً خلاص صرنا عارفين .. بنروح للكامب اللي التالي وهكذا حتى نوصل
الكامب الأخير وخلاص خلصنا !! مافي شي جديد مافي مدن ما تنتفح إلا إذا وصلت لرانك معين مافي بوس بين كل منطقة ومنطقة ..
+الأسواق بحاجة لترتيب من الصفر .
+ يكون في موازنة بين البارتي والسولو بحيث إنك لابد تطور فترة ما سولو في كل منطقة ثمن بعدين تحتاج تخش بارتي .


وأشياء كثيرة ثانية لكن هاذي المهمة حالياً ، تعودنا من سكوير لمن تنزل لعبة تكون لعبتها هي المعيار لكل باقي
الألعاب اللي في جينرا الآر بي جي ومع الأسف ما شفت هذا حاصل مع فف ١٤ .
راجع لمن تتعدل اللعبة وتصير شي يخليك تواصل تلعبها ، أعتقد مع نهاية عام ٢٠١٢ وبداية عام ٢٠١٣ في الربع الأول اللعبة بتصير ممتازة .

وفي النهاية أضيف إذا لعبت فف ١٣ لا تلعب بعدها ١٤ مباشرة ، ١٤ تصلح تلعبها إذا صار في جفاف في الألعاب ولك كم شهر ما لعبت وتبي تلعب أي شي .


ختاماً وخلاصة الكلام ، فف 14 بعد كم يوم من اللعب بتحس إنها ثقيلة وما عاد صرت تستمتع بشي إسمه جيمنج بعكس فف 13 اللي توفر لك هالشعور وبالراحة ^^

إضافة :
تبقى فف ١٤ لعبة ممتازة كمظهر وتخليك تكملها وتواصل فيها كم يوم بعد ما تجربها لكنك راح تتركها مش لأنك ما حسيت بقوتها لكن لأخطائها الكثيرة جداً ولفراغها الكبير، مدري لكني حسيت إن سكوير أطلقت اللعبة وهي ما اكتملت حتى بنسبة ٢٠٪ من ناحية الجيمبلاي والمحتوى وتصميم المناطق .

اللعبة محتاجة شغل كبييير جداً حتى تحسسك إنها تستاهل إنك تواصل فيها ، يعبونها دنجنس وبوسس وينوعون البيئة ويفكونا من الكوبي بيست وشخصياً أشوف هذا شبه مستحيل إلا مع نهاية ٢٠١٣ وبداية ٢٠١٤
لأن اللي قاعدين يسوونه ببساطة ( تصميم لعبة جديدة ووضعها مكان فف ١٤ ويخلونها تحمل إسمها في عالم فف ١٤ ) . سكوير جالسة تبذل مجهود لكن زي ما حضرتك تفضلت سابقا ..
مدري وش كان توجه الفريق السابق ! للأمناة إنبهرت في اللعبة في البداية ، كان على بالي في بوسس ودنجنس وتفاجأت بإنها جلد ليفز خايسة ..
أتمنى من كل عماق قلبي يسوون ولو ٣٠٪ من اللعبة قبل نهاية ٢٠١٢ ، أعتقد مستحيل لعبة فاينل فانتاسي تنجز بهالمدة لكن متفائل كثير ..
وختاماً الشي اللي كنت أبغاه من اللعبة راح واندثر وما صرت أحس فيه ( متعة الجيمنج ) وهذا هو هدف اللعبة من الأساس إذا فشلت إنها تقدمه فما تستاهل إني أضيع وقتي عليها .

وصلتلي اللعبه للتو :rockon:
يالله بسوي الابديتات و ارجع
شهاب مشكور على التحبيط + احسك توك بادي باللعبه و ما اكتشفت اشياء كثيره :/

وصلت لليفيل ٢٠ من أصل ٥٠ وما شفت شي متى بشوف أجل : / ؟ شوف ردي فوق وبتفهمني أكثر .
لعبت بالمدن الثلاث وفريت مناطق كثيرة .. بالنسبة لي اللعبة فقدت الإستمتاع فيها .. عادي واصل وكمل فيها وبتوصل لمرحلة بتكره اللعبة فيها ..

لو ما صار يبقى رأيك وذوقك ^^

 

[SCORPION-Q8]

يا سلام
اول ما خلصت الابديت قفلوا نظام الاكاونتات
بعد بكره يبطلونها
قبسه

 

[SCORPION-Q8]

توني شغلت اللعبه وسويت شخصيه وكل شي تمام
فجأه و انا بوسط اللعب طلعلي هذا الايرور

شالحل ؟

مو متوفق بالعاب الكمبيوترات من و انا صغير ...

 

[D_SHEHAB]

^
http://www.ffxivcore.com/topic/28176-unable-to-detect-directx-device/
عن نفسي وجاهتني أكثر من مرة وسويت أبديت للوندوز وراحت^^ .

شيء جانبي ، المدينة اللي إخترتها نوعاً ما غير حيوية >.>" ، أولدا أفضل من هالناحية.. لكن شوف جرب كل المدن ^^..

 

[SCORPION-Q8]

سويت ابديت للويندوز وهم نفس المشكله
قربت اوصل لمرحله اليأس من الpc games

 

[SCORPION-Q8]

دورت بجووجل و لقيت واحد عنده حل

Hello boys and girls! This is a graphics driver bug associated with the newer NVidia cards. Most likely affecting onboards that are a year old or less. It's also big with Windows 7 64-Bit.

Here is how to fix it.

I have NVDIA 9800 GT and Windows 7 64-Bit

http://www.nvidia.co...96.21_whql.html

The link above is to a driver bug fix. I downloaded and installed this and it fixed the black screen of death right up. If you have 32Bit you'll need a different one. Just look around until you find your system and your card.

Happy gaming.

اعمل بنصيحته و لا اشوف احد غيره ؟
لاني مالي خبره بالNvidia وهذي السوالف
للعلم: كرت شاشتي هو GeForce 540G

 

[SCORPION-Q8]

هذا هو الموضوع
http://www.ffxivcore.com/topic/14087-unable-to-detect-directx-device/

 

[D_SHEHAB]

^
أيش الإعدادات اللي مشغل عليها اللعبة ؟ ^^

 

[SCORPION-Q8]

^
Display Mode: Windowed
Windows Size: 1280x720
Multisampling: No AA
General drawing quality: 8 standard
background drawing quality : 5 high
shadow details: standard

 

[D_SHEHAB]

^

هممم جرب وضع اللعبة عالإعدادات اللو بالمرة + حدث كرت الشاشة تبعك لآخر تحديث ..

 

[SCORPION-Q8]

^
جاري التحديث

 

[SCORPION-Q8]

حدثت كرت الشاشة و جربت اللعبه على اللو وهم نفس المشكله
-_-
شالحل -__- ؟

 

[D_SHEHAB]

^

:/ والله مدري حاولت أساعدك بأي شي توقعت تكون المشكلة منه .. >.>" ، برأيي راسل سكوير أسهل وأفضل حل .. سو برنت سكرين للشاشة لمن تطلعك اللعبة برا
ووضح لهم المشكلة ،إسل لهم برضو مواصفات جهازك بالكامل ( برنت سكرين من dxdiag ) وبيردون عليك بالحل ^^

 

[persona]

جرب تشغلها على الفل سكرين

واذا مانفع ، شوف

http://forums.majorgeeks.com/showthread.php?t=227492

لانه فف14 ماتشتغل على الدايركت اكس 11 بالشكل اللازم، على الدايركت اكس 9سي اكثر شي.

 

[SCORPION-Q8]

حطيتها عالفل سكرين .. واشتغلت تمااااااااام الحمدلله ^^
بس المشكله عانيت من bug اليم .. نوعا ما .. مادري هل من اتصالي او من الجهاز .. بجرب باخفض شوي من الكوالتي و اشوف
بس حسيت بالضياع التام لاول مره بحياتي .. مادري شسوي :/
اشوف واحد يطبخ ( كرافتينغ لول ) وواحد ياكل وواحد يسوي شاي ( هم كرافتينغ الظاهر لول )