جزئية بحر الاله أعفن من العفن وأسوء قصة جانبية أبد على طول السلسلة وحتى لو استخدمها عذر ليطلع فتى ضوء القمر فيها والذي بالمناسبة كذا أظنه راح يكون المفتاح الأخير لمواجهة جريفيث/فيمتو وأكثر شئ قصصي يشد في المانجا الحين أكثر من كاسكا أكثر من طاقم اللولي شونين أربيجي

من جد حورية تنظم للطاقم وجاتس يتم مساعدته من مجموعات حوريات! ومرة ثانية قتال مع وحش بدون خلفية تشدك له أبد! ولا أنسى ريفرينس قراصنة الكاريبي @@ والطامة سالفة غناء الحوريات

ما هذا بحق الجحيم يا ميورا؟
=========
بعدها يطلع ميورا جوه الترولي ويقولك تحسب راح أخليك تترك المانجا علشان ذا؟ ويرجع فلاشباك ممتاز عن جاتس ونستلوجيا إليمة من الجولدن إيج؛ شئ بسيط من الإيام الخوالي وكان أحسن بكثير من القتالات العشوائية المملة على طول أرك فالكونيا. دائمًا جزئيات طفولة جاتس مثيرة للاهتمام.
=========
مملكة جريفيث وتقديمها مثير للغاية وبصراحة جزئيات جريفيث أرحم بكثير من جاتس وطاقمه الممل، الحين المانجا دخلت بشئ عاطفي وقضية إخلاقية تطرح تساؤلات جيدة؛ فعليًا جريفيث ما تقدر تحدد في أي مكان هو بسهولة؛ من ناحية اللعنة والخيانة لجاتس وكاسكا وباقي فرقة الصقر ومن جهة ثانية الشئ الذي يسويه للبشرية وباقي الشياطين والعالم ونوع من السلام واليوتيوبيا؛ جريفيث بمثابة المخلص فعلًا. كذلك من الأشياء المثيرة والتي تشد كيف ميورا طلع شق قصصي جديد برجوع ريكيرت وتكوين طاقمه (أفضل بتريلون مرة من طاقم جاتس)، ميورا مدري متأثر كثير بون بيس وسالفة الناكاما لكن مش قادر يضبطها مع جاتس بس هنا فيه فرضة يسوي شئ ممتع أكثر مع ريكيرت. بالطبع ما أنسى تقديم مقابلة جريفيث والكف والمبدأ عند ريكيرت من أحسن لحظات المانجا أبد!