(منسوخة من تحدي الالعاب)
بعد ٤٨ ساعة من اللعب انهيت اللعبة بكل النهايات (ما اصدق انها اخذت وقت اكثر من RDR2)
كيف اقدر اوصف اللعبة ؟
تخيل انك تنطعن في يدك اكثر من مره
في البداية راح تتألم كثير ثم اقل ثم اقل لين ما يصير عندك رغبة غريبة وتحب هذا الالم هذا افضل وصف للعبة
من بين كل الالعاب الي انهيتها هاذي كانت الاكثر مرض كمية الاشياء الي تصير في ذي اللعبة شي ما شفته الا في اكثر احلامي المريضة
طرق الموت فيها كثيره جدا منها مثلا:
دعست على مسمار مصدي وجاني تلوث وكان عندي خيار اما اقطع رجلي بالمنشار الان او ادور عن علاج واعالج نفسي طولت ومالقيت علاج ومت من الجرح.
التوجة الموسيقي هنا غريب ومقلق يخليك تحس انه في شي بيصير فإي لحظة ويعلق في الدماغ لدرجة انه السماعة كانت فاصلة ورغم كذا الموسيقى لسى كانت تشتغل في راسي
اللعبة ممكن تكون اكثر لعبة مرعبة لعبتها
هل حبيت اللعبة ؟
نعم
هل انصح فيها احد ؟
لا اكيد
اللعبة هذي من افضل التجارب اللي لعبتها وتستاهل الوقت الي حطيته فيها الاجواء الكئيبة ذي ما تتكرر في اي لعبة ثانية