AM152
True Gamer
إلى حد ما فاهم قصدك
زى ما أنت قلت أى بطل مكتوب بشكل كويس مش هايعفى عن أحد يؤذى الناس و متفق مع المبدأ اللى ذكرته بس الفكرة هنا إن الكتابة السيئة منتشرة و البطل اللى بيعفو عن شخص ممكن يؤذى الناس بدون سبب منطقى موجود فى عدد من الأعمال فى عالم الأنمى و خارجه و يعتبر كليشيه و فى شابتر معين فى المانجا كان فيه سخرية واضحة من النقطة دى بالذات و تقدر تعتبر إن اللى بيحصل يبقى خروج عن كليشيه موجود أما بالنسبة للدوافع فأظن إن دى مشكلة بالنسبة للكاتب بصفة عامة
أظن إن كلامك بخصوص تفسير أفعال البطل بطريقتين ممكن يكون صحيح بس الكاتب مش عارف يقدم ده بالشكل المناسب و فى إحتمال تانى إن الكاتب مش عارف يبرر دوافع الشخصيات من البداية (مش بس البطل) ، هو عاوز يقدم أحداث معينة و يخلى القصة تمشى فى إتجاه معين بس مش عارف يوفق الدوافع مع ده و فى مثال واضح و هو اللى حصل فى الحلقة الأولى من واقعة استدعاء بطل الدرع و إتهامه بعدها و اللى كل ماتعرف معلومات أكثر عن تفاصيلها كل ما الدوافع تبقى غير منطقية أكثر
لو اتكلمت عن البطل تحديدا فبصراحة و فى عالم الواقع (و أنا عارف إنك بتكره الكلمة
) الدوافع ممكن تختلط و اللى بيعمله البطل شئ مش غريب ، لو إنت شخص عنده ضمير و اضطريت إنك تشتغل فى بيئة عدائية أو فاسدة فى وقت ما هايبقى عندك صراع ، من جهة ضميرك مش هايسمح لك إنك تتهاون فى وظيفتك لأن الشغل مالوش دعوة بمشاعرك و من جهة تانية كرهك للمكان و الناس اللى فيه هايخليك شخص سلبى و عدائى و هتتساءل إذا كان المكان يستحق بذل المجهود عشانه أو إذا كان من حقك تعمل اللى إنت عاوزه و الجهة اللى بتميل ليها و درجة الميل بتختلف من شخص لآخر و ده شئ شفته مع ناس كثيرة و مريت بيه شخصيا كشخص اشتغل فى مكان عدائى قبل كده طبعا أنا عارف إن تقديم ده فى عمل روائى شئ مختلف ، لو ده الوضع بالنسبة للبطل فكان المفروض توضحه و توضح الصراع اللى بيمر بيه و مش هاختلف معاك فى إن طريقة تقديم الدوافع فى العمل سيئة
شكرا
، قريت مراجعة عن العمل من فترة فعلا و الفكرة جذبت إهتمامى بس أذكر إنى كنت قلقان من كون البطل Overpowered بزيادة وقتها ، هحاول أديها فرصة قريب بس ممكن آخد وقت فى القراءة
التعديل الأخير:
*
