ماشاءالله تبارك الرحمن انت في نعمة عظيمة جدا ، لان الملل يجيب المرض ، والمرض طبيعي ، بس الكلام عنه ممنوع
ف قل لنا من ورا التريلات وش السر ؟ عطنا الاشياء اللي تسويها
مع اني اتصور انك انسان بسيط تفرحك الاشياء الكاجوال مثل دمك ، بس لا يمنع نستفيد من خبراتك
هو الشيء less عن الاشياء اللي تسويها تحديدا، لانها تختلف من شخص لآخر ووقت لآخر من نفس الشخص حسب الظروف، it’s more about the mindset itself وهو اللي يفيدك بشكل عام
والمايندسيت يتجاوز مسالة الملل نفسها ويوصل لامور ثانية عامة بالحياة ، يجي من امور روحانية، مثلا، لو تؤمن انه لن يصيبك الا ما قدر الله لك، وقتها خلاص يكون في يقين وإيمان تام انه كل شي له سبب، واللي يجيك بالحياة ايا كان هو نصيبك فيه، سواء ايجابي او سلبي، احداث تشوفها سيئة ومصايب، بس فيها خير يجي من وراها، مجرد الايمان بهالشي يخلي وقع اي مصيبة عليك مريح لانه تعرف انه وراه سبب انت ما بتعرفه بلحظته، وبتعيش كل حياتك مرتاح بإذن الله.
على سيرة الملل وبما اننا بمنتدى جيمنج، خلني اشرح مثال احسن ، كثير ناس تقول "مليت ما عندي شي العبه"، انا ما اصدق هالشي، الخيارات اوسع واكثر من اي وقت مضى وعندك تاريخ الجيمنج كله واجيال مختلفة والعاب من جنرات متعددة، اكيد عندك باكلوغ والعاب مكدسة عندك، فكيف تتململ؟ المسألة هنا تطلع مش ملل، لكن مزاج، او انه ما يكون عندك طاقة مثلا
بس نفترض انه فعلا، انت ما عندك باكلوغ ومخلص كل شي ما شاء الله، وفعلا متململ، وقتها الحل بسيط برأيي: ترجع للالعاب اللي تحبها جد، مهما كنت متململ لكن اكيد في لستة العاب مفضلة عندك، طيب بتقول مليت منها، هنا اقوللك لا استنى، لسه تقدر تنجز فيهم وتستمتع وتحط فيهم اهداف، بما انك جبت سيرة دمك: تقدر ببساطة تعطي هدف لنفسك انه تخلص كل المهمات ب S rank ، عملتها؟ تجرب تلعب بصعوبة اعلى، عملتها؟ جرب تعمل كل الS ranks فيها، سويت؟ روح للبلودي بالاس وحاول تخلص ال١٠٠ طابق بجلسة وحدة، قدرت تسويها؟ سويها بالشخصيات الثانية
بايش تستفيد كذا؟ لما تسوي هالاشياء وتركز على هالاهداف، بتكتشف جوانب ثانية من الالعاب ذي ما كنت منتبه لها او مركز عليها، هي العاب انت الريدي كنت تحبها وتتعمق فيها اكثر بهالطريقة ويزيد تقديرك لها بشكل كبير.
-وجزء كبير من تقديري للالعاب الاركيدية انها تسمح بالتعامل مع بهالشكل بطريقة مريحة وواضحة اكثر ويكون باساس التصميم حقها- ، لو تلعب نيو جيم بلس بألعاب سولز مثلا وتجرب كلاس مختلف واسلحة مختلفة ، هي نفس الفكرة.
لما يكون وقتي ضيق ذو؟ ولسه اقول ابغى العب شي عالسريع، العاب الملتيبلاير حلوة كثير بهالمسالة، ودائما متجددة، عن نفسي احب العاب الفايتنج لهالسبب، مهما كنت سيء في بعضها، لكن دايما في اشياء متجددة تصير، سيناريوز مختلفة تحصل، مافي ملل، ومبارياتها سريعة جدا ايضا بالمتوسط وما تتجاوز دقيقتين بالكثير
بس ذي بمسألة واحدة فقط، ممكن تطبق ذا على كثير اشياء ثانية، حسيت بالملل؟ مرات مجرد تحتاج ترجع وتكرر اشياء تحبهم زمان مثلا، هالشي بيرجع يعطيك perspective
او روح اقرا عن اشياء ممكن تشوفها مسلية او مفيدة، ويا كثر الخيارات بهالجانب والموسوعات والمعلومات اللي ممكن تقضي حياتك فيها كلها وما بتخلص، احنا بأفضل عصر من هالناحية، كل شيء متاح بين يديك، وبفورماتز متعددة، تبغى تقرا، تسمع، تشوف، كله ممكن.
ولو ان كثرة الخيارات ممكن تشتتك ببعض الاحيان وتكون overwhelmed ومنها تبطل تسوي الشي وتصير …متململ

-فخ يطيح فيه الكثير ويشتكي منه-…بس برضو وقتها تقرر انه تحدد اولوياتك بحزم، حددتها ولسه عندك خيارات؟ ابدا من الاسهل للاصعب، او من الاقصر للاطول -هذي طريقة من طرق اختيار لعبتك القادمة بالباكلوغ برضو-
#فلسفة_كثيرة