hits counter

الموضوع الرسمي من ناوي يعمل ابجريد للتلفاز للأستعداد للجيل الجديد؟

ASWD قال:
وعليكم السلام والرحمة

يعتمد وش تقصد*بعائق*..اذا احتراق بالاستخدام الطبيعي فالجواب لا لان التقنية وخيارات الحماية ومقاومة البانل تطورت بشكل كبير وصارت مريحة جدا لكل متخوف..حتى ان بعض محلات البيع يعطيك ضمان على الاحتراق مثل اوروبا وامريكا..عندنا ما اظن لانه ينافي النصب حقهم

الاحتراق موجود وهو سمة ملازمة مع الاوليد ويكون اثره حتمي في حالة المشاهدة لنفس المحتوى او المحطات خصوصا الاخبارية والرياضية اللي فيها شعارات كثيرة واعني بفترات تفوق ٨ ساعات متواصلة واكثر..او حتى اللعب لهذي الفترة الطويلة مع نفس المحتوى الثابت او الايقونات الثابتة لهذي الفترات الطويلة..وفي الوضع والاستخدام الطبيعي للفرد هذ شي مستحيل الحصول بسهولة

انصحك ايضا بشاشة سامسونج S95B خلها ضمن الخيارات لانها شاشة اوليد جبارة وسعرها في اكسترا حجم ٥٥ واصل الى ٦٩٩٩ ريال واكثر شاشة اوليد سطوع بين الثلاث..اذا مهتم للجيمينج بشكل اساسي والhdr فهي الاعلى كعبا مع ٤ مداخل 2.1 مثل ال جي C2 مقابل مدخلين لشاشة a80 واللي احد المنافذ فيها بتكون eARC للمسرح المنزلي وغيره لو عندك..اما لو الافلام داخلة بالحسبة واجهزة الالعاب ما يتعدى ٢ او جهاز العاب واحد ومصدر صوت مثل هوم ثيتر فا سوني الخيار الامثل خصوصا مع الابسكيل الجبار لمحتوى الsd

امانة الاستثمار في الled بمبلغ فوق ٥٠٠٠ ريال وباحجام ٥٥/٦٥ مضيعة فلوس مع وجود خيار رهيب وافضل على كل الاصعدة مثل الاوليد..حتى الميني اوليد اللي شفناهم للحين ما يقربون جمب الاوليد بكل صراحا مع ان التقنية افضل من ستاندر led

عندكم اكسترا وامازون السعودية والاهم شوف اول شي سعر الوكلاء والعروض ان كانت موجودة*هوم ثيتر مجاني الخ*عشان تقارن مع المحلات الثانية وتروح مع الخيار الانسب بالنهاية

شخصيا عيني على S95B انتظرها تنخفض اكثر مع نهاية/بداية السنة والطش لي شاشة
أنقر للتوسيع...
الله يعطيك العافية.
طمنتني بخصوص ال OLED
عدد ساعات اللعب عالتلفاز يادوب يوصل 15 ساعة في الاسبوع
S95B بالنسبة ل65 سعرها جدا مرتفع
وامازون السعودية مافيه ولا شاشة من اللي فوق
شاشة C2 في اكسترا 65 بوصة ب 7400 ومعاها ساوند بار تعبان و A80J اغلى ب 400 ريال تقريبا
بحثت كثير ومالقيت شي ارخص من اسعار اكسترا (او بالاصح مهي متوفرة الا في اكسترا)
 
RE-load قال:
الله يعطيك العافية.
طمنتني بخصوص ال OLED
عدد ساعات اللعب عالتلفاز يادوب يوصل 15 ساعة في الاسبوع
S95B بالنسبة ل65 سعرها جدا مرتفع
وامازون السعودية مافيه ولا شاشة من اللي فوق
شاشة C2 في اكسترا 65 بوصة ب 7400 ومعاها ساوند بار تعبان و A80J اغلى ب 400 ريال تقريبا
بحثت كثير ومالقيت شي ارخص من اسعار اكسترا (او بالاصح مهي متوفرة الا في اكسترا)
أنقر للتوسيع...

اها انت ناوي على ٦٥ بوصة..اهم شي عندك المساحة الكافية بين الجلوس والشاشة عشان تستمتع بهذ الحجم وما تكون مزعجة للنظر اذا كانت المسافة قريبة

امورك طيبة مع الاوليد اذا معدل استخدامك ١٥ ساعة بالاسبوع..واللي هو رقم قليل جدا اصلا للمعدل المعقول لاستخدامات الشاشة بشكل عام..خذ وانت مغمظ

بخصوص s95b ٦٥ بوصة سعره ٩٣٠٠ ريال في امازون و ٨٩٩٩ ريال في اكستراحاليا واتوقع ينزل سعره على نهاية هالسنة وبداية السنة الجاية لو كنت مو مستعجل


وطالما تبحث عن ٦٥ بوصة عندك بعد lg G2 خيار ممتاز جدا خصوصا اذا كنت تبحث عن خيار تعليق بالطوف


بخصوص c2 سعره في اكسترا ٧٥٠٠ ريال
www.extra.com

TVs – Best deals and Prices on Televisions

Best deals & prices on a big collection of TVs in different sizes from brands like Samsung, LG, Panasonic, TCL, Class Pro and more
www.extra.com www.extra.com

انتبه لان فيه موديل اخر مشابه له واللي هو CS بس مع بانل اقدم من المستعمل في C2

موقع نون عنده بعد بس نفس الاسعار
 
ASWD قال:
اها انت ناوي على ٦٥ بوصة..اهم شي عندك المساحة الكافية بين الجلوس والشاشة عشان تستمتع بهذ الحجم وما تكون مزعجة للنظر اذا كانت المسافة قريبة

امورك طيبة مع الاوليد اذا معدل استخدامك ١٥ ساعة بالاسبوع..واللي هو رقم قليل جدا اصلا للمعدل المعقول لاستخدامات الشاشة بشكل عام..خذ وانت مغمظ

بخصوص s95b ٦٥ بوصة سعره ٩٣٠٠ ريال في امازون و ٨٩٩٩ ريال في اكستراحاليا واتوقع ينزل سعره على نهاية هالسنة وبداية السنة الجاية لو كنت مو مستعجل


وطالما تبحث عن ٦٥ بوصة عندك بعد lg G2 خيار ممتاز جدا خصوصا اذا كنت تبحث عن خيار تعليق بالطوف


بخصوص c2 سعره في اكسترا ٧٥٠٠ ريال
www.extra.com

TVs – Best deals and Prices on Televisions

Best deals & prices on a big collection of TVs in different sizes from brands like Samsung, LG, Panasonic, TCL, Class Pro and more
www.extra.com www.extra.com

انتبه لان فيه موديل اخر مشابه له واللي هو CS بس مع بانل اقدم من المستعمل في C2

موقع نون عنده بعد بس نفس الاسعار
أنقر للتوسيع...
تسلم يا حبيب ما قصرت
اجل شكلي بتوكل على الله واخذ C2 في هذي اليومين ان شا الله
رحت وكيل LG ماعنده الشاشة ورحت سوني اشوف ال95B سعرها فوق 9000
C2 هي الخيار الافضل من ناحية السعر
 
RE-load قال:
تسلم يا حبيب ما قصرت
اجل شكلي بتوكل على الله واخذ C2 في هذي اليومين ان شا الله
رحت وكيل LG ماعنده الشاشة ورحت سوني اشوف ال95B سعرها فوق 9000
C2 هي الخيار الافضل من ناحية السعر
أنقر للتوسيع...

توكل على الله..خيار ممتاز

الله يعطيك خيرها ويكفيك شرها
 
RE-load قال:
اللهم امين

سوال اخير لاهنت
هل مكان الصنع يفرق في الجودة؟
أنقر للتوسيع...

وش وجهت التصنيع اللي عندنا؟

هو يفرق من ناحية التركيب بس القطع اتوقع كلها من نفس المورد اللي هو ال جي
 
ASWD قال:
وش وجهت التصنيع اللي عندنا؟

هو يفرق من ناحية التركيب بس القطع اتوقع كلها من نفس المورد اللي هو ال جي
أنقر للتوسيع...
حسب اللي مكتوب في اكسترا مصر
 
RE-load قال:
حسب اللي مكتوب في اكسترا مصر
أنقر للتوسيع...

تجميع مصر

مدري والله بس ما سمعت باختلافات في الاداء لان لكوالتي كنترول تحت يد الشركة الام..مثل مسالت التجميع في الصين مثلا
 
ال S95B مسببلي ازمة كبيرة، السعر لا يضاهى وبكل صدق خسارة ماتشتريه فيه

لكن مخاوفي من الكواليتي كنترول، الانترنت مليء بالشكاوى سواء من هشاشة الشاشة وكونها على اصغر شي تصير curved، او تحديثات سامسونق اللي ضعفت اداء الشاشة مع الوقت وغيرها من المشاكل

لكن بنفس الوقت ال A95K اعلى بفرق حول 6000، ومافيه شي يبرر هالفرق حتى لو كانت افضل
ال A80K اغلى بحول 1600، وشتان بينهم
LG C2 اغلى ب 700، وال CS ارخص ب 200
والوكلاء مو مقصرين بسوء التسعير والتوفر

باختصار وجود هالشاشة يخرب كل شيء، in a good way لو بس كانت سامسونق تحترم نفسها لكن للاسف

مو عارف ايش اسوي بصدق، مهما تشتري بتحس انه انسرقت بالوضع الحالي، هل انتظر لموديلات 2023 او اخذ شيء من ال budget offers - مع حجم شاشة اكبر
 
ال S95B سعره الأن 7200 ريال من جرير و اكسترا
لكن مشاكل الحرق مشكلة بالموديل تجعلني اتردد في الشراء
 
Dark_N11 قال:
ال S95B سعره الأن 7200 ريال من جرير و اكسترا
لكن مشاكل الحرق مشكلة بالموديل تجعلني اتردد في الشراء
أنقر للتوسيع...

للشخص العادي لا مشكلة..حاله حال WOLED من ال جي..اختبارات المختصين هي امور مكثفة ما تفعلها انت او افعلها انا

عموما الجيل الثاني من qd oled نزل الريدي برا مع s95c/s90c والانطباعات مبشرة من ناحية التطور مقارنة مع اول جيل..انتظر وشوف+c3 جاي بالطريق هو الثاني
 
ASWD قال:
للشخص العادي لا مشكلة..حاله حال WOLED من ال جي..اختبارات المختصين هي امور مكثفة ما تفعلها انت او افعلها انا

عموما الجيل الثاني من qd oled نزل الريدي برا مع s95c/s90c والانطباعات مبشرة من ناحية التطور مقارنة مع اول جيل..انتظر وشوف+c3 جاي بالطريق هو الثاني
أنقر للتوسيع...
يارجل انا مهمل و اترك التلفاز ل ساعات و انام او اخرج
للأسف ماقدرت اترك هذه العادة السيئة
 
Dark_N11 قال:
يارجل انا مهمل و اترك التلفاز ل ساعات و انام او اخرج
للأسف ماقدرت اترك هذه العادة السيئة
أنقر للتوسيع...

لا تشتري اوليد نهائيا..ميني ليد راح يخدمك اكثر عندك موديلات Q90C/Q95C او موديلات tcl وسوني وهايسينس راح تكون مناسبة الك بذا الوضع دارك..انتظر ينزلون وشوف ادائهم

او اذا تبغى شي متوفر حاليا واداء ممتاز وسعر طيب عندك QN90B/QN95B او Hisense U8H
 
ASWD قال:
لا تشتري اوليد نهائيا..ميني ليد راح يخدمك اكثر عندك موديلات Q90C/Q95C او موديلات tcl وسوني وهايسينس راح تكون مناسبة الك بذا الوضع دارك..انتظر ينزلون وشوف ادائهم

او اذا تبغى شي متوفر حاليا واداء ممتاز وسعر طيب عندك QN90B/QN95B او Hisense U8H
أنقر للتوسيع...
انا بالفعل افكر في الميني ليد لسوني مع ان سعره مبالغ فيه و اغلى من سامسونج S95B
 
Dark_N11 قال:
انا بالفعل افكر في الميني ليد لسوني مع ان سعره مبالغ فيه و اغلى من سامسونج S95B
أنقر للتوسيع...

مايسوى مقارنة مع المنافسين..لهذ ما اقترحته..اذا عنصر الافلام هو الاهم روح مع X95K اذا الالعاب اولوية روح مع سامسونج كخيار هاي ايند الفرق بين QN90B/QN95B هو الconnect box لصالح 95B…او روح مع الخيار الاقتصادي هايسينس مع ان الڤاليو اللي يقدمه صعب تلقاه حتى في الموديلات الراقية
 
ALONE قال:
sony-xbr900h-angle-c.jpg


اخذته بخصم ممتاز لليوم الوطني حجم 65 بوصة مع هدايا اذا وصل راح اشاركم الانطباعات بأذن الله
أنقر للتوسيع...
شاشتي انكسرت بعد سنتين ونص تقريبا

الحمدالله والله يعوضني بس فعلا ماكانت ناوي اغيرها

الا بعد فترة طويلة جدا وتقريبا كل شئ فيها كان معجبني

حاليا مافيه نقلة كبيرة عن السوني الي كان عندي

لاكن افكر في تلفزيون TCL الفئة العليا

C935 مقاس ٧٥ وش رايكم فيه ؟
 
التعديل الأخير:
ASWD قال:
عموما الجيل الثاني من qd oled نزل الريدي برا مع s95c/s90c والانطباعات مبشرة من ناحية التطور مقارنة مع اول جيل..انتظر وشوف+c3 جاي بالطريق هو الثاني
أنقر للتوسيع...

زمان عن التلفزيونات!

إيش المميز في ال qd oled عن قبل ومين الشركة الرائدة فيها؟
 
النسر الأسود قال:
زمان عن التلفزيونات!

إيش المميز في ال qd oled عن قبل ومين الشركة الرائدة فيها؟
أنقر للتوسيع...

برايتنس افضل والوان اكثر واقعية وعمق بسبب لكوانتم دوت فلتر والاهم السعر!!

مع ان هالسنة بيكون فيه طححححن بين g3 وشاشات سامسونج وسوني اللي تستخدم الجيل الثاني من qd oled..ولو ان الكفة تميل لسامسونج مع السعر كونها بتنزل شاشتين بنفس المستوى اللهم وحدة مع كونيكت بوكس والثانية شاشة تقليدية
 
السلام عليكم ورحمة الله وبركاته

ي جماعة انا والله ضعت وانا احاول ادور الالوان المناسبة (سطوع وتباين الخ)

طبعا شاشتي من LG حقت بيت تعتبر
 
@ASWD واحد من الربع يبي يشتري تلفزيون جديد ويقول أبي أفضل تلفزيون موجود حاليا مو مهم السعر! اهم شي التلفزيون يكون حرفيا أقوى تلفزيون موجود 65 بوصه.
 
m7tram قال:
@ASWD واحد من الربع يبي يشتري تلفزيون جديد ويقول أبي أفضل تلفزيون موجود حاليا مو مهم السعر! اهم شي التلفزيون يكون حرفيا أقوى تلفزيون موجود 65 بوصه.
أنقر للتوسيع...

حاليا LG G3 فيصل و Samsung S95C والاثنين بعدهم مانزلو في اسواقنا

اما اذا يدور موديلات ٢٠٢٢ ومتوفرة فا يروح مع سوني A95K كا افضل فاة عليا اوليد

اما اذا يدور led فا qn95B و سوني x95k كا افضل شاشة ليد ٤كي..٨كي حسبة ثانية
 
SULAR قال:
السلام عليكم ورحمة الله وبركاته

ي جماعة انا والله ضعت وانا احاول ادور الالوان المناسبة (سطوع وتباين الخ)

طبعا شاشتي من LG حقت بيت تعتبر
أنقر للتوسيع...

عينك لما ترتاح مع سطوع ومع حدة الوان وغيره معناه هذ افضل شي الك..اما اذا تحس بازعاج وقت النظر له معناه فيه شي غلط

وش موديله؟
 
ASWD قال:
حاليا LG G3 فيصل و Samsung S95C والاثنين بعدهم مانزلو في اسواقنا

اما اذا يدور موديلات ٢٠٢٢ ومتوفرة فا يروح مع سوني A95K كا افضل فاة عليا اوليد

اما اذا يدور led فا qn95B و سوني x95k كا افضل شاشة ليد ٤كي..٨كي حسبة ثانية
أنقر للتوسيع...

شفت اختبار rating قالو lg الأفضل بخصوص موضوع burn In
 
Kain's قال:
شفت اختبار rating قالو lg الأفضل بخصوص موضوع burn In
أنقر للتوسيع...

هو تيست يمتد الى سنتين..وبنفس التقرير ذاكرين انه هذ التيست ستريتس ما يمثل نتيجة المستخدم العادي نهائيا
 
ASWD قال:
هو تيست يمتد الى سنتين..وبنفس التقرير ذاكرين انه هذ التيست ستريتس ما يمثل نتيجة المستخدم العادي نهائيا
أنقر للتوسيع...
LG استخدمته بعرض برزنتيشن تقول انا اجهزة تلفاز حقها افضل في موضوع العمر و الاستمرارية بدون burn in

هالفيديو ذكر الموضوع

 
Kain's قال:
LG استخدمته بعرض برزنتيشن تقول انا اجهزة تلفاز حقها افضل في موضوع العمر و الاستمرارية بدون burn in

هالفيديو ذكر الموضوع

أنقر للتوسيع...

وموقع rtings قرص ال جي على هالشي وبنفس الفيديو وذكرو ان هالتيست سنتين وبدري على الحكم والاحتكام بهذ التيست

عموما G3 وتقنية MLA اثبت مقدرته في مسالت لبرايتنس باقي بس نشوف المقارنات المباشرة بين الشاشتين لمعرفة باقي الجوانب مثل الالوان وماشابه..ڤينسيت من hd tv test ذكر ان للحين ما صدر عندهم s95c عشان يقارنو

القهر ان ال جي الزفت ما تنزل حجم ٥٥ بوصة من هذ الموديل في منطقتنا حالها حال اللي ازفت منها سوني مع الهاي ايند اوليد
 
التعديل الأخير:
cult قال:
@ASWD
حبيبنا بشتري شاشة Oled

C2 و B95S بينهم فرق ٥٠٠ ريال لصالح ال c2
وش رأيك؟
أنقر للتوسيع...

ما ابغى افتي وبعدين اوهقك..بس على مستوى العام سامسونج s95b ماكل c2..ماعدا عمق اللون الاسود وجودة التصنيع على ذمة rtings
www.rtings.com

LG C2 OLED vs Samsung S95B OLED Side-by-Side TV Comparison

The Samsung S95B OLED and the LG C2 OLED deliver a somewhat similar experience, but they each stand out in different ways. Colors are significantly brighter on the Samsung, and it can display a wider color gamut with HDR content. Skin tones look better on the Samsung, but some colors sometimes...
www.rtings.com www.rtings.com

خصوصا من ناحية حدة الاضائة والhdr والالوان وعمقها واللي تنعكس على واقعية الاشياء المعروضة مثل البشرة وماشابه وهالشي يتجلى في الالعاب الhdr brightness ممتاز جدا

انت وش استخدامك هل هو لكل شي مثل افلام ونتفليكس والعاب او بس فيدو جيم..اذا كان تلفزيون شمولي فا خذ c2 لعيون الدولبي ڤيجين واللي يفرق في المشاهدة..اما اذا كانت الركيزة العاب..s95b وانت تناقز
 
يجب تسجيل الدخول أو التسجيل كي تتمكن من الرد هنا.
عودة
أعلى