hits counter

الموضوع الرسمي لكل ما يتعلق بهاردوير الـ PC

Pineapple

True Gamer
المشكلة انها اسوء من الجيل العاشر حتى, لا أفضل أداء و لا أرخص سعر و لا أقل حرارة أو استهلاك طاقة و لا قابلية للترقية و لاشيء, شرائهم خصوصا الـi9 أو i7 اسوء قرار, اذا تبغى الاداء عنك Ryzen 5000 واذا السعر الجيل العاشر افضل!
كان من الأفضل لو انهم لم يصدروهم خصوصا ان الاخبار تقول ان الجيل 12 Alder Lake راح يصدر في نهاية السنة و راح يكون مقبس جديد و راح يدعم الـDDR5 و غيرها
لهذا السبب هو مجرد تعبئة فراغ للكسب السريع ، اذا حصل نقص لمعالجات رايزن في السوق بسبب TSMC انتل راح تستغل هالشي بما انها تمتلك مصانعها الخاصة لاغراق السوق و تصبح هي الخيار الوحيد ، لكن شخصياً خيار شراء معالج انتل في الوقت الحالي غير منطقي ، شراء معالج رايزن اكيد افضل في الوقت الحالي او الانتظار للنصف الثاني لمتابعة أداء معالجات انتل الجيل الثاني عشر.
 

ABUALI

True Gamer
أظن انتل مضطرة تعمل مع tsmc لو أرادت البدء بال7nm صح؟
 

Eizu

Hardcore Gamer
أظن انتل مضطرة تعمل مع tsmc لو أرادت البدء بال7nm صح؟
انتل اعلنوا ان معالجاتهم بدقة 7 نانو ستأتي في عام 2023 بالتعاون مع TSMC
 

Pineapple

True Gamer
أظن انتل مضطرة تعمل مع tsmc لو أرادت البدء بال7nm صح؟
لا ، انتل بدؤوا بالفعل الانتقال الى عملية تصنيع 7nm EUV بمصانعهم و أول معالج راح يتوفر في 2023 ، أعتقد TSMC مجرد باك أب بوقت الحاجة و للمعالجات المنخفضة ، لكن بشكل عام راح يعتمدون على تقنيات التصنيع الخاصة فيهم ، 10nm انتل اكثر كثافة من 7nm TSMC و نسخة الـ SuperFin أعتقد أنضج و هي اللي راح يبنى عليها معمارية Alder Lake في النصف الثاني من العام الحالي ، سوكت جديد LGA 1700 و دعم PCI-E 5.0 و DDR5 و راح يستخدمون نظام جديد في توزيع الأنوية نفس نظام معالجات الـ ARM ، انوية كبيرة و أنوية صغيرة Low Power.
 

النسر الأسود

TG news editor
صدور ابديت rsizable BAR لكروت انفيديا



لازم اخر درايفر من انفيديا و بايوس من صفحة دعم الكرت و بايوس للمذربورد مفترض يكون اخر واحد و تفعله من بايوس المذربورد و تقدر تتأكد من تفعيل الخاصية من nvidia control panel

هذا الرد مكانه هنا. تفعيل الميزة يزيد الأداء لحد 12% تقريباً حسب اللعبة:

geforce-rtx-3080-resizable-bar-performance-improvements.png


مزيد من المعلومات هنا.
 

ibrahimJ

True Gamer
السوق سيئ جدا إلى درجة انوا المعالج الي اشتريته ب400 ريال صار 800 ريال.
والكرت صار من 600 ريال إلى اكثر من 1500 ريال !!
ونسيت اضيف انو القطع ذي عمرها ثلاث سنوات !!!
 

bits

True Gamer

فيديو من ديجيتال فاوندرى يظهر قوة تقنية تتبع الأشعة عند استخدامها بشكل أكبر. الفرق كبير جدا ويعطي الجرافيكس نقلة كبيرة.
 

Pineapple

True Gamer

فيديو من ديجيتال فاوندرى يظهر قوة تقنية تتبع الأشعة عند استخدامها بشكل أكبر. الفرق كبير جدا ويعطي الجرافيكس نقلة كبيرة.
الـ RTGI في النسخة الأصلية كان Single bounce لكن النسخة المحسنة من المحرك يستخدم Infinite light bounces لهذا السبب طالعة مبهرة جداً و فرق جيل ، فريق 4A Games من يومه و هو فريق متقدم تقنياً ، شخصياً اتوقع انه اقرب فريق راح يطور اول لعبة AAA تستخدم Path Tracing على البي سي ، النسخة المحسنة بشكلها الحالي ملغمة تقنيات RT خصوصاً انهم اضافوا الانعكاسات اللي كانت غايبة عن النسخة الأولية بسبب ضيق الوقت ، الغريب في الأمر ان اداء اللعبة أصبح افضل حتى مع زيادة تقنيات الـ RT.
 

ABUALI

True Gamer
السوق سيئ جدا إلى درجة انوا المعالج الي اشتريته ب400 ريال صار 800 ريال.
والكرت صار من 600 ريال إلى اكثر من 1500 ريال !!
ونسيت اضيف انو القطع ذي عمرها ثلاث سنوات !!!
وقريب الهارديسكات والssd بتنضم لهم لتعدين عملة Chia
الـ RTGI في النسخة الأصلية كان Single bounce لكن النسخة المحسنة من المحرك يستخدم Infinite light bounces لهذا السبب طالعة مبهرة جداً و فرق جيل ، فريق 4A Games من يومه و هو فريق متقدم تقنياً ، شخصياً اتوقع انه اقرب فريق راح يطور اول لعبة AAA تستخدم Path Tracing على البي سي ، النسخة المحسنة بشكلها الحالي ملغمة تقنيات RT خصوصاً انهم اضافوا الانعكاسات اللي كانت غايبة عن النسخة الأولية بسبب ضيق الوقت ، الغريب في الأمر ان اداء اللعبة أصبح افضل حتى مع زيادة تقنيات الـ RT.
حسبي الله على التعدين
 

used2Bcat

True Gamer
ابغى ssd بسعر جيد ما يهمني يكون سريع مرة دام عندي 1tb 3500mb/s.. اي نصائح؟

وهل فيه احد جرب برامج اللي تدمجه مع الهارديسك وتخليه cache زي StoreMI؟ افكر اسويها مع الهارديسك حقي بو 2تب و اركب 1tb ssd.
 

Pineapple

True Gamer
ابغى ssd بسعر جيد ما يهمني يكون سريع مرة دام عندي 1tb 3500mb/s.. اي نصائح؟

وهل فيه احد جرب برامج اللي تدمجه مع الهارديسك وتخليه cache زي StoreMI؟ افكر اسويها مع الهارديسك حقي بو 2تب و اركب 1tb ssd.
 

Tanton

True Gamer
السلام عليكم. في محل في الشرقية (او اونلاين او اي مكان بالدنيا) يبيع كروت شاشة بأسعار معقولة؟ ما عندي مشكلة حتى لو كرت قديم.
 

ABUALI

True Gamer
السلام عليكم. في محل في الشرقية (او اونلاين او اي مكان بالدنيا) يبيع كروت شاشة بأسعار معقولة؟ ما عندي مشكلة حتى لو كرت قديم.
ما لك إلا تشتري جهاز مجمع مسبقًا، كرت بروحه اذا حصلت فرصة تشتريه السنة الجاية بتكون محظوظ. حتى القديم، عندنا المستخدم ينباع دبل السعر للأسف وما تضمنه.
 

النسر الأسود

TG news editor
شرايكم في هذي التجميعة طبعا اقل شيء بيقعد عندي فوق 4 سنوات


برأيي تغير لمعالج من AMD، وأيضاً كرت الشاشة حرام ٣٠٩٠ لأن فرق الأداء عن ٣٠٨٠ لا يستحق فرق السعر.
 

Only games

True Gamer
برأيي تغير لمعالج من AMD، وأيضاً كرت الشاشة حرام ٣٠٩٠ لأن فرق الأداء عن ٣٠٨٠ لا يستحق فرق السعر.

ليش معالجات انتل أفضل في أداء القيمنق عكس amd الي متفوق في أداء البرنامج ولا انا غلطان؟؟؟
وأما سالفة rtx 3090 ابي الكرت يقعد عندي اقل شي 4 سنوات ويمكن يكون في تغير في حااال إذ تم إطلاق rtx 3080ti
 

Ahmad-001

True Gamer
ليش معالجات انتل أفضل في أداء القيمنق عكس amd الي متفوق في أداء البرنامج ولا انا غلطان؟؟؟
وأما سالفة rtx 3090 ابي الكرت يقعد عندي اقل شي 4 سنوات ويمكن يكون في تغير في حااال إذ تم إطلاق rtx 3080ti

تفوقها في القيمنق ضعيف ولا يرى في العين المجردة، انا مالك لإنتل لكن AMD تفوقت بشكل عام وبفارق
 

Pineapple

True Gamer
ليش معالجات انتل أفضل في أداء القيمنق عكس amd الي متفوق في أداء البرنامج ولا انا غلطان؟؟؟
وأما سالفة rtx 3090 ابي الكرت يقعد عندي اقل شي 4 سنوات ويمكن يكون في تغير في حااال إذ تم إطلاق rtx 3080ti
اذا بتستخدمه في اللعب ما راح يفرق اذا اخذت AMD او انتل.
 

Pineapple

True Gamer
حلو شرايك في التجميعة وخاصتا الكيس تنصحني فيه
ممتازة لكن هل تحتاج 2 تيرابايت 980 Pro؟ أعتقد 1 تيرا يكفي و تقدر تاخذلك قرص صلب ميكانيكل 2 او 3 تيرا تسوي باك اب حق العابك توفر فلوسك و تحطها بشي ثاني أفضل ، RTX 3090 بطاقة قوية لكن انصحك تنتظر RTX 3080Ti لأن حسب الاشاعات يعطيك نفس الأداء لكن بسعر أرخص.
 

Only games

True Gamer
ممتازة لكن هل تحتاج 2 تيرابايت 980 Pro؟ أعتقد 1 تيرا يكفي و تقدر تاخذلك قرص صلب ميكانيكل 2 او 3 تيرا تسوي باك اب حق العابك توفر فلوسك و تحطها بشي ثاني أفضل ، RTX 3090 بطاقة قوية لكن انصحك تنتظر RTX 3080Ti لأن حسب الاشاعات يعطيك نفس الأداء لكن بسعر أرخص.

دام اني دافع دافع اخليهم كلهم m.2 الجيل الرابع ما ابي ميكانيكل بس في مشكلة طالع عندي نوت في هذي التجميعة ما فهمت شنو يقصد ممكن توضح لي واكون شاكر لك
الي هو هذي

Note:The motherboard M.2 slot #4 shares bandwidth with SATA 6.0 Gb/s ports. When the M.2 slot is populated, two SATA 6.0 Gb/s ports are disabled.


للامانه انا كنت افكر في معالج amd 5900 او amd 5950 وبعدين يوم نزلت انتل معالجها ومع خاصية adaptive boost غيرت رايي

وأما بخصوص الكرت شكلي بنتظر كم اسبوع وبشوف rtx 3080ti
 
التعديل الأخير:

Pineapple

True Gamer
دام اني دافع دافع اخليهم كلهم m.2 الجيل الرابع ما ابي ميكانيكل بس في مشكلة طالع عندي نوت في هذي التجميعة ما فهمت شنو يقصد ممكن توضح لي واكون شاكر لك
الي هو هذي

Note:The motherboard M.2 slot #4 shares bandwidth with SATA 6.0 Gb/s ports. When the M.2 slot is populated, two SATA 6.0 Gb/s ports are disabled.
فتحة M.2 رقم ٤ اذا ركبت فيها NVME SSD في فتحتين Sata راح يتعطلون ، ما راح يهمك بنهاية الأمر خصوصاً اذا انت راح تركب فقط M.2 SSDs في جهازك.
 

Ahmad-001

True Gamer
شرايكم في هذي التجميعة طبعا اقل شيء بيقعد عندي فوق 4 سنوات


ياحلاوه! ناوي تهكر البنتاغون شكلك هههههههه

معليش بس توني اشوف التجميعه، انت ناوي على fps عالي في العاب الشوتر، او الترا على الالعاب القصصيه؟ في كلا الحالتين ال٣٠٨٠ يقوم بالواجب وزياده، لكن اظن ان الضمان المستقبلي مهم عندك
هذا استثمار لشخص يقضي ساعات طويله في الجيمنج، برضو لاتنسى الشاشه
 

Only games

True Gamer
فتحة M.2 رقم ٤ اذا ركبت فيها NVME SSD في فتحتين Sata راح يتعطلون ، ما راح يهمك بنهاية الأمر خصوصاً اذا انت راح تركب فقط M.2 SSDs في جهازك.

حلو الله يعطيك العافيه
 

Only games

True Gamer
ياحلاوه! ناوي تهكر البنتاغون شكلك هههههههه

معليش بس توني اشوف التجميعه، انت ناوي على fps عالي في العاب الشوتر، او الترا على الالعاب القصصيه؟ في كلا الحالتين ال٣٠٨٠ يقوم بالواجب وزياده، لكن اظن ان الضمان المستقبلي مهم عندك
هذا استثمار لشخص يقضي ساعات طويله في الجيمنج، برضو لاتنسى الشاشه
الشاشه عندي من زمااان من 2019 شااشتي asus pg27u
التجميعة للعاب قصيصة فقط كلش مو جوي العاب ملتي بلاير
 
التعديل الأخير:

ABUALI

True Gamer
شرايكم في هذي التجميعة طبعا اقل شيء بيقعد عندي فوق 4 سنوات

هذا بيظل عندي 40 سنة مو 4 سنوات ::grin::

لكن هل تحتاج ماذربورد ب500 دولار؟ ما أدري اذا خيارات أنتل لل z590 متوفرة بأسعار أقل ولكن مجملا مبلغ مثل هذا على مجرد ماذربورد يعتبر تبذير غير مبرر.
حط في بالك انك رح تحتاج مساحة أكبر للتخزين في المستقبل، فتوافر مساحة لتركيب الهارديسكات العادية يجب أن يكون في بالك.
غير هذا كل شي أوكي، ولو أنك حصلت ال3080 بدل ال3090 اللي ماله داعي أساسًا بيكون أفضل.
 
شرايكم في هذي التجميعة طبعا اقل شيء بيقعد عندي فوق 4 سنوات


انتظر نهاية السنه معالجات وبوردات جديدة تدعم ddr5 بتصدر وكذا تكون ضمنت بي سي يعيش معك 6 سنين ماتحتاج شي غير تغيير كرت الجرافكس لو طبعا كنت محب للفريمات العالية و ال4كي الترا جرافكس
 

Ahmad-001

True Gamer
الشاشه عندي من زمااان من 2019 شااشتي asus pg27u
التجميعة للعاب قصيصة فقط كلش مو جوي العاب ملتي بلاير

طيب ال٦٠ اطار كافيه للألعاب القصصيه، والمستقبل واضح انه للdlss يعني ماراح تظطر انك تلعب native 4k وكلنا شفنا الي حصل مع سايبر بنك وانه كان مستحيل تقريبا تلعبها 4k حقيقي

اذا كان ولابد خذ ال٣٠٨٠ وبعد سنتين خذ ٤٠٨٠، طبعا شيء خطا لكن افضل من قيمه ال٣٠٩٠ بصراحه
 

killer360

Hardcore Gamer
انتظر نهاية السنه معالجات وبوردات جديدة تدعم ddr5 بتصدر وكذا تكون ضمنت بي سي يعيش معك 6 سنين ماتحتاج شي غير تغيير كرت الجرافكس لو طبعا كنت محب للفريمات العالية و ال4كي الترا جرافكس

متى توقعكم صدور البوردات الجديدة ddr 5 والمعالجات الجديدة
البي سي حقي بدأ يقدم شوي البورد تبعي من جيل ddr 3 يعني رامات غير سريعة والبورد ما يقبل m.2 وايضا معالجي قديم i7 4790k لكن الكرت ممتاز 2080
بعض الالعاب يجيني بوتلنيك فيها لذلك انا احتاج الابجريد والفلوس معي لكن الامر متعب سواء من ناحية الانتظار او من ناحية عدم توفر القطع !! لاني راح اسوي ابجريد على جيل جديد من البوردات وما راح اكرر غلطتي 2015 لما سويت ابجريد على نهاية جيل وكان ممتاز معي الى هالسنة تقريبا وبدأت الاحظ انه خلاص احتاج تغير ضروري

توقعاتكم متى اقدر اشتري براحتي من المواقع ويكون كل شىء متوفر ؟ وايضا متى تتوقعون تتوفر البوردات الجديدة عشان اسوي ابجريد وانا مرتاح ؟
 

Ahmad-001

True Gamer
متى توقعكم صدور البوردات الجديدة ddr 5 والمعالجات الجديدة
البي سي حقي بدأ يقدم شوي البورد تبعي من جيل ddr 3 يعني رامات غير سريعة والبورد ما يقبل m.2 وايضا معالجي قديم i7 4790k لكن الكرت ممتاز 2080
بعض الالعاب يجيني بوتلنيك فيها لذلك انا احتاج الابجريد والفلوس معي لكن الامر متعب سواء من ناحية الانتظار او من ناحية عدم توفر القطع !! لاني راح اسوي ابجريد على جيل جديد من البوردات وما راح اكرر غلطتي 2015 لما سويت ابجريد على نهاية جيل وكان ممتاز معي الى هالسنة تقريبا وبدأت الاحظ انه خلاص احتاج تغير ضروري

توقعاتكم متى اقدر اشتري براحتي من المواقع ويكون كل شىء متوفر ؟ وايضا متى تتوقعون تتوفر البوردات الجديدة عشان اسوي ابجريد وانا مرتاح ؟

طيب خذ اعلى ddr4 وريح بالك، لأن الddr5 في بدايه نزوله راح يكون قريب من مستوى الddr4 ومع الوقت بيتطور، لاتظن من اول يوم راح يعطيك ضعف المستوى لكن اذا مهتم في المساحة اظن هذي راح تكون نقطه تفوق كبيره للddr5 في اشاعات انه بيوصل التيرا!
 
أعلى