خلصت اللعبة أمس
اشياء حلوة:
- ما جربت اي بلاتفورم شبيهة لها، هي فيها شوي استلهامات من سونيك زي الrollling والاعتماد عالمومينتوم ببعض الاحيان، بس هي لعبة مختلفة تماما خارج هذا، مش زي الالعاب الثانية "السونيكية" بالسوق زي فريدوم بلانت وسبارك مثلا، هذي فعلا لها هوية قوية منفصلة لها وجاية مباشرة من عصر العاب البلاتفورمنج المزدهر زمان اللي كنت بتطلع بتجارب بلاتفورم كثير مختلفة وغريبة تتميز عن بعضها.
- التحكم لما يشتغل ويتعاون معاي يكون ممتع ،تقدر تمشي سريع او توصل اماكن عالية بشوي لعب، مع ذلك لسه ما احس اني فهمته مرة
- اللعبة لطيفة على العين بشكل عام.
أشياء مش حلوة:
-تصميم البطلة.
- التحكم برضو، هو كل ازرارك واضحة ووظائفها واضحة، المشكلة انه للحين مش شابك 100%، مرات اعتقد اني خلاص فهمت الاساس العام للتنقل، نطة و دبل جمب و مربع عشان احصل مسافة قدام اكثر او داش بالهوا وبعدها هولد مربع عشان اقدر اوصل لاماكن اعلى، بس مرات كومبوز الحركات ما يشتغل، وأنا مش متأكد هل في حركة منهم كنسلت الثاني؟ ولا مجرد انه ما عرف يستجيب للكونترولر حقي؟ مش واضح أبد.
-الموسيقى أول مراحل ما عجبتني أبد، بس هذا يتحسن بشكل كبير مع تقدمك بالمراحل
-الزعماء هممممممممم
- اللعبة بواقع الامر فيها جليتشات كثير، بعضها يؤثر اكثر من غيرها، يعني مرات تطيح تحت الارض لأنه في مشاكل collision ، في زعيم مجرد ضربة بسيطة تطيرني ورا المرحلة كلها
نفس هالجليتش جاني بالضبببط
والمشكلة جاني بالفاينال بوس برضو، في سيت بيس بسيط لكن كل شوي على نهايته اللعبة تقرر انها تطيحني تحت الارض، وأعيد فيز كامل قبله
اللعبة إجمالا ممتعة....لما تزبط معاي، الاساس حقها جدا قوي بالحقيقة، آخر مراحل بالذات استمتعت فيها كثير أكثر من اول مراحل، ولما التحكم يزبط معاك تماما؟ تقدر تسوي حاجات رهيبة، هنا انقذت نفسي من السقوط على آخر لحظة وحسيت اني أكول شخص بالحياة.
قدرات اليويو عندها بوتينشل خارق.
تعرفوا زمان كيف كانت سلاسل البلاتفورمنج أول جزء منها يكون عندها اساس معين لكن ناقص و rough around the edges ويجي سيكول خارق يرفع بمستواها بشكل كبير ويخليها عظيمة؟ انا هنا منتظر السيكول بفارغ الصبر لأنه الاساس جدا قوي هنا واللعبة ممتعة حتى مع منغصاتها اللي بتخليها niche اكثر من اللازم، بس كأول تجربة من هالفريق لصنع بلاتفورمنج ثري دي جديدة من الصفر؟ جهد خارق محترم ومن أفضل الجهود الموجودة اللي ممكن تلقاها.
بس برضو ما اتوقعت يجي اليوم اللي تحكم لعبة من سونيك تيم زي سونيك فرونتيرز يكون أدق وأمتع وسلس أكثر من لعبة من تطوير فريق سونيك مانيا لول.
