فى البداية الحلقة الأولى كانت فيها مشاكل كثيرة و كانت منفرة لعدد كبير من المتابعين للأسف بس بالرغم من كده قدرت تشدنى للعمل فعلا ، الوضع اتحسن بشكل كبير جدا مع الحلقة التانية و اللى لاحظته إن بالرغم من ال Pacing السريع إلا إن كل النقط المهمة و الجزئيات الرئيسية تم تغطيتها بشكل جيد جدا و ده اللى خلانى ماحسش بوجود مشكلة فى القصة

، بالرغم من كده العمل كان عنده إمكانية كبيرة جدا للتوسع و كان ممكن فرده على 24 حلقة من غير أى مط أو تطويل مع كم الشخصيات و النقط الفرعية اللى فيه بس على مايبدو إن أى حد بيعمل أنمى أكثر من 12 حلقة بيعاقب بالإعدام

اللى حبيته فى العمل فعلا إن مافيش أى لحظة ملل

، طول ما أنت بتابع ماتقدرش توقف الحلقة و بعد ما تخلص تبقى عاوز تشوف الحلقة اللى بعدها

سواء الأحداث أو الشخصيات الإثنين مثيرين للإهتمام بس جزء كبير من ده سببه الإخراج الممتاز للعمل

، النقطة الوحيدة اللى ماحبيتهاش كان استخدام بعض الطرق الغريبة فى التصوير زى الصور المقلوبة أو المائلة فى الحلقة الخامسة أو مشهد دوران الغرفة المتعب فى الحلقة السادسة

بس دى حاجات بسيطة ماتقللش من مستوى الإخراج و ممكن تعجب البعض
بالنسبة للقصة ماعنديش كلام كثير أقوله أكثر من اللى اتقال فعلا و كنت أفضل أشارك معاكم فى البداية فى تحليل العمل بس دى بعض النقط اللى لاحظتها :
الفكرة غريبة و جديدة فعلا و موضوع إن كل الشخصيات الرئيسية يبقوا أموات كان تويست رهيب فعلا

، مانتبهتش لموضوع الأصوات الشبحية و كنت فاكر إنه مش مقصود بيه حاجه معينة بس فى كان فى نقط كثيرة بتلمح للموضوع فى الحلقات اللى فاتت زى تجاهل الصحفيين لكلام زميلتهم توكو أثناء متابعتهم لأخبار الحادثة أو كلام المؤلفة عن إنها كانت بترسم نفسها فى الوقت اللى كان معاها رسم لمشهد الغرق و بعض النقط التانية ، الغريب إنى ماكنتش فاكر إن ميو تبقى من ضمن اللى ماتوا فى البداية
متفق مع على
@Royal Spark بخصوص التواريخ ، أظن إن التاريخ الوحيد المهم هو وقت الحادثه و اللى ممكن تعرف من خلاله إذا كانت الشخصية حية أم ميتة أثناء قيامها بعمل معين
كنت قلقان جدا من Scale العمل بعد ظهور المنظمة فى الحلقة السادسة و مازلت بصراحة بس الطريقة اللى تم بيها التعريف عن المنظمة و إدخالها فى الأحداث فى الحلقة الثامنة كانت أسرع من اللى كنت متوقعة و جيدة نسبيا فى نفس الوقت ، ده إدانى إحساس إن لسه فى أمل بوجود نهاية جيدة
كرهت شخصية ريوكا أو ريوتاس جدا

، كان عندى شك فى الشخصية من الحلقة الأولى بعد إصرارها الغريب على إن يوتا يقابل الدكتور و حسيت إنها بتوجه يوتا بشكل مقصود و اللى زود الإحساس ده إن تلميحاتها ليوتا على مدار العمل مش عشوائية لما تفكر فيها ده غير المشهد الوحيد الجاد ليها فى العمل بس المشكلة بالنسبة للشخصية مش إنها حمقاء أو إنها بتدعى كده ، المشكلة إن أدائها مبالغ فيه جدا

لو هقارن الشخصية بشخصية تانية بتلعب دور صديقة البطل ال Airhead فأقرب مثال بالنسبة لى هو مايورى من شتاينز جيت ، أنا من اللى كرهوا الشخصية بصراحة و جملتها المشهورة كانت بتستفزنى بس بالرغم من كده مايورى كان ليها لحظاتها الجادة اللى تخليك تتعرف على شخصيتها و تخليها أكثر من مجرد Airhead
الوضع مختلف تماما بالنسبة لريوتاس

، لو كانت الشخصية كده فعلا فده معناه إنها مصابة بال Mania و محتاجة علاج نفسى

و صعب إنى اتخيل إن شخصية زى دى ممكن تتعامل مع البشر بشكل طبيعى أما لو كانت بتدعى فده ماينفيش إنها شخصية سيئة بما إن أدائها مبالغ فيه بشكل مستفز و مكشوف

شبه متأكد إن ريوتاس هى زونكو بما إنها الشخصية الوحيدة فى العمل اللى ممكن تناسب الدور و لسه مانعرفش عنها حاجة بس الإستثناء اللى اتمنى إنه يبقى مش حقيقى هو إن زونكو تبقى صاحب المحل
