هل ممكن اعرف ليه انمي بدرجه غموض مميزه وشخصيات غريبه ونص عالي واسقاطات مثيره
تقييمه بمال ٦ وانمي تافه زي هيبيكي وكيجو وياوي اون ايس تقييماتهم ٨ ؟
مستمتع مع الانمي لاخر درجه واعتبره افضل مافي الموسم كله
ماببالغ انه بعد نهايه حلقه ٦ الاسطوريه تويست اضافي بهالقوه ويكون انمي السنه
مابال هذا العالم ؟ هل هذا زمن (ايتشي)جو ويـ(او)ي ؟
يعني عالاقل اذا شريحه المراهقين ماعجبهم المفترض الهاردكور هنا يعجبهم الانمي المليااان اسقاطات ومصطلحات واستعارات ممتعه
هو أنا ما أحب هيبيكي بس ظلم لهيبيكي إنت تحطه في نفس المكان مع كييجو و الشواذ على الجليد. هيبيكي عنده نفس قاعدة المعجبين السيئة و شديدة السمية إلا عند الشواذ على الثلج فعلا و إنت مو قاعد تصير أحسن منهم بإنك تهاجمهم كذا.
هيبيكي يوفونيوم أنمي كويس و أحق من أغلب إذا مو كل الحاجات إلا عندها 8/10 في مال بالتقييم.
يعني ترى إذا بتحسب إن أحد كويس عشان عجبه أوكولتك ناين بتتعب ويايي. هو بشكل عام أوكولتك ناين كان عنده حلقة أولى منفرة جدا. غير كذا نوعية القصة إلا هو يطرحها مش شيء يتقبله واجد ناس، إنت لازم تتذكر إن الحاجات المشابهة زي داركر ذن بلاك ما حصلت تلقي كويس جدا و الحالة هنا مش شاذة جدا.
من يعتمد على موقع جينتاما يحتل فيه 3 مراكز بالتوب تن ؟ الموقع وتقاييمه عادة ما تكون سخيفة هذا ويمكن أكون أكبر فانبوي لجينتاما ممكن تشوفه في حياتك.
وصدقني هناك أكثر مما تراه العين.
=========
حاس نفسي عديم فايدة خاصة بعد ما كنت منتظر أشوف وش هيقدم الأنمي حتى بعد كلام الشباب لكن لحين مافي عزيمة أتحرك من حلقة 4
.
يب إخجل من نفسك، و تسمي نفسك فان للسلسلة بعد. ليش ما قريت كايوس هيد؟ ليش مو قاعد تكمل أوكولتك ناين؟
اتفق معك ان كل واحد ورايه وتقييمات الناس لهم الحريه فيها لكنه شي اثار استغرابي
لان تداعياته خطيره .. ماودنا يقلب الموسم الجاي كله لف وينز
للاسف المكان عام فما أقدر آخذ راحتي في المسخرة، بس يعني فوق إن اليابان إكتشفت إن في بنات و البنات هذيلا ما يحبوا شيء في الوجود غير الBL
اكتشفوا إنك تقدر تشيل بطل الهاريم و يبقى الهاريم شغال أيضا، و نتائج هالحاجات تشوفها الحين، على كل هي مرحلة و تعدي أو كذا أكذب على نفسي كل ليلة.
بشان سرعه السرد اعتبره شي ممتاز .. يعني اشوف الفوضويه هذي تخليك تتشتت وتفوت عليك ربط الاحداث بطريقه منطقيه
فالناتج صدمه زي ماصار بالحلقه السادسه .. الاخراج جدا جدا رائع .. لقطات من حلقه ٥ و ٦ ( بالنسبه لي فقط ) اعتبرها هايله
بالنسبه لبقيه الانميات ماقصد التحقير من اذواق الاخرين بس يعني ان انمي جيد بافكار وكونسبت مثير مافي حد ملتفت له وانميات ( ممتعه ) لكنها عاديه
والاهتمام بها كبير .. المقصد زي ماقلت فوق الاتجاه هذا خطير وبيسطح عالم الانمي زياده
أبغى رد عن حلقة 7 عجل، على الأقل لحد ما يجيني خلق أكتب واحد.
بدل ما نشابق الناس لأنهم ما يشوفوا الأنمي الكويس حقنا، خلينا نقوليهم ليش هو كويس.
سرعة السرد يوم تكون صحيحة فهي ممتازة .. مثل مونوغاتاري و the Tatami Galaxy
لكن هنا فيه مشاكل واضحة .. وكلامي عن الحلقة الاولى بالذات .. حتى تغير الاجواء سريع جدا بين الكوميديا و الجدية يوضح انه مشكلة وليس سرعة سرد .. فحتى لو تم فهمه بشكل صحيح فمستحيل الاندماج بالاجواء بسبب السرعة .. المشكلة هذي قاعدة تتحسن مع الوقت ..
لكن السرعة لجعل المتابع ما ينتبه للتفاصيل و عمل تويست عليها ما اعتبره ابدا نجاح في الانمي او حركة ممتازة :/ ..
بالنسبة لقصة هذا النوع من الانميات افضل الحكم عليها بعد انهاء الانمي .. لكن الامور تبشر بالخير للان
هو مشاكل أوكولتك جاية من إنه فيه محتوى، مونوجاتاري يقدر يسرع كثر ما يبغى لأن المحتوى الحواري الفعلي في حلقة كاملة من مونوجاتاري أقل من حلقة من تيكيوو، و هالشيء يخليه يشتغل بشكل ممتاز جدا، مافي داعي إنك تركز فعلا و لو عرفت الشخصيات عن وش تتكلم تحس بالرضا و هم واقعا يرموا كلام فاضي ماله معنى عشان يحسوا إنهم موجودين (تقدر تاخذ الشيء بشكل أسود بس يعني مونوجاتاري ما يستاهل).
أختلف بخصوص سالفة إن السرعة مشكلة، الأنمي قاعد يعطي وقت كفاية لكل حدث يشوفوه مهم و مستغل البيسنج بشكل ممتاز عشان يسيطر على توقعات المشاهد بشكل أفضل.
مادري عن الإندماج إلا تمنعه السرعة، البريزنتيشن الممتاز في الأنمي حاجة خاصة و تقدر تخلق جو من العدم، و ما يحتاج نتكلم عن ذاك اللقاء الموعود في حلقة 5.
ترى الأنمي بالغ في إعطائك معطيات بالأساس، و لو ترجع للردود فوق بتلاحظ كلام عن شكوك بخصوص التويست، فهو ما جاك من محل غفلة كثر ما هو عطاك معلومات كفاية عشان تفهم الشيء لنفسك.
