hits counter

حان الوقت لإمتلاك الـPS3!

Akilla

True Gamer
بسم الله الرحمن الرحيم

الأن وبعد مضي 7 سنوات بالضبط أقتنعت أخيراً أني امتلك PS3... بتقولولي ليششش ما امتلكته من قبل؟ بكل بساطة كان عندي Xbox 360 . وأغلب العاب الجهازين ملتي فما كان براسي اشتري البس3 الا علشان حصرياته.. وبصراحة لي فترة الان ماني لاقي شي العبه " بالعربي ابغى العب شي أبيك " من العاب سوني, ودي اجرب انشارتد, قور, وغيرها,

وسعر الجهاز الان يساعد الواحد انه يمتلكه بما انه رخيص " فيه مواقع من النت تبيع الجهاز 200 دولار + مع الشحن ممكن يطلع 1000 جديد وما أستعمل! وأصلاً أحتمال اني اشتريه من هنا, اذا طفشت من الجهاز عطيت ولد اختي يلعب فيه وبعدها أنتقلت لل3ds وأبدا رحلة جديدة,, الأكس بوكس عليه حصريات قليلة مؤخراً مثل قيرز ججدمنت,, وصراحة اخر لعبة أدمنتها حرفياً هي دارك سولز.. عدد الساعات اللي صرفتها على اللعبة غير منطقية! بالبداية لعبت نسخة مهكرة بما اني وقتها مطفر, وخلصتها وحاولت انقل تخزينتي ولكن مع الأسف صعبة, ومن ثم شريتها اصلية ولعبتها من جديد,,, لأزم العب ديمون سولز وهي بتكون التوب على الجهاز إن شاء الله!!!

وفيه شي ثاني,,, نسخة كاثرين الخاصة :inlove: صراحة ممتازة وفكرت قبل اطلب نسخة الاكس بس ماهي بروعة نسخة البس3 لأن نسخة البس3 الإمريكية تجي بإضافات غير الأوربية, وهذا كان عائق بالنسبة لي أني امتلكها...

http://www.amazon.com/Catherine-Lov...69412496&sr=8-3-fkmr0&keywords=catherine+ps34

فيه برضو ذا لاست اوف أس,,, كانت وحدة من أهم الالعاب اللي خلتني أفكر بالجهاز, الديمو حقها بالاي 3 السابق كان تفجيري بالنسبة لي صراحة!

وعلى فكرة لاحد اسمعه يجيب سيرة البس4,,, الجهاز اوكي حلو ولكنه ماراح يكون سبب أساسي إني اشتريه بس علشان العب العاب البس3! وأصلاً مهما كان العاب البس3 على الجهاز " من اللي سمعته " بتكون على الكلاود, كلام غير منطقي, ابغى العب بالجهاز الأن وماعندي وقت اصبر صراحة.

قبل شهرين تقريباً رزقني الله بوظيفة ومن وقتها ماكنت متفرغ لشي أسمه " قيمنق " بس الان ضغط العمل بدأ يقل والصراحة الخميس احس نفسي متفرغ أني اقعد اليوم كله والعبه لعب,,, تذكرت الأيام الخوالي لما أجي انام ويد الكنترولر مازلت ماسكها :crying:

البي سي قيمنق غير :evil:: لأنه بصراحة لا يقارن تدفع فلوسك على هاردوير وتلعب كل العاب بالشكل اللي كنت تتمناه واكثر, علشان كذا لي فترة طويلة جدا مالمست الاكس بوكس 360, ويوم لمسته لعبت رايزنق وليومكم ماخلصتها :crying:

عموماً الان بصراحة مخطط على الجهاز وودي بألعاب ترشحونها تكون التوب على الجهاز " أقولكم ابي ارجع احس اني قيمر من جديد "

واللي ماعنده بس3 يركب معي القارب وينضم لنا في رحلة من الإيبكنس!
 

sadness

Hardcore Gamer
بالبركة أخ فهد، وخيار ممتاز بصراحة.
بس ما قلتلنا نوع الألعاب إلي تفضلها عشان نقدر نساعدك أكثر؟
 

Unknown

Fake Gamer
ميتل جير 4
انتشارتد 1 & 2 & 3
انفموس 1 & 2
قاد اف وار 3
ليتل بيق بلانت 1 & 2
كيل زون 3
هافي رين
هافنلي سورد
ياكوزا 3 & 4
وارهوك
تويستد ميتل
رزيستنس 1 & 2 & 3
ديمنز سولز
* بيوند تو سولز
* ذا لاست اف اس


* مانزلوا لحد الان
 
التعديل الأخير:

Akilla

True Gamer
كل شي حصري, بإستنثاء العاب السبورت, الرايسنق, العاب الـJ-RPG العبها ولكنها ليست أولولية بالنسبة لي.
 

Ceseil

sugar man, colors to my dreams
اذا اشتريت الجهاز اشترك بالبلس وعيش بالمجان !
 

Punished Noctis

A Silver Bullet
سبحان الله.. حتى انا بجيب بس3 الاسبوع الجاي.
الدرس القاسي اللي تعلمته هالجيل ان مايكروسوفت لا تناسب ذوقي.. سابقى مع اجهزة سوني بالاجيال القادمة.
 

DarK7WiZaRd

Hardcore Gamer
انا اشتريت الجهاز مؤخرا وما ندمت والفضل يعود للبلس خدمة رائعة
ركز على الحصريات لانها بتبين قوة الجهاز الحقيقية
 

T u R k I

True Gamer
- ميتل جير 4
- ثلاثية انتشارتد
- ليتل بيج بلانيت 1-2
- هيفي رين
- جاد أوف رار 3 وأسينشن
- جورني
- راتشيت آند كلانك: تولز أوف دستركشن & كراك إن تايم


ننتظر موضوعك عن رغبتك لشراء الـPS4 في 2020 :tongue:
 

Zone

Hardcore Gamer
ميتل جير 4
انتشارتد 1 & 2 & 3
انفموس 1 & 2
قاد اف وار 3
ليتل بيق بلانت 1 & 2
كيل زون 3
هافي رين
هافنلي سورد
ياكوزا 3 & 4
وارهوك
تويستد ميتل



قاعد اذكر لك الحصريات .. فيه غيرهم بعد


Journy
Demon's Souls
Valkyria Chronicles
The ICO and Shadow of the Colossus Collection ( اذا ما لعبتهم بالجيل السابق )
 

Genocide Diego

True Gamer
سلسلة انشارتد
سلسلة انفيموس
سلسلة جود اوف وار
سلسلة سلاي كوبر
سلسلة جاك اند داكستر
سلسلة راتشيت اند كلانك
سلسلة كيلزون
سلسلة ريزستنس
كولكشن ايكو وشادو اوف ذا كلوسيوس
ميتل جير سوليد 4
ديمونز سولز -وراح تعطيك نفس تجربة دارك سولز :)-
هيفي رين
جورني -لعبة داونلدبل لكنها باختصار تحفة فنية ما تتكرر، لازم تلعبها وانت مروق عشان تستمتع فيها-
تيلز اوف جريسس f

هذي افضل الالعاب الحصرية على الجهاز

سوني وفرت كل سلاسلها للجهاز وفرصة ذهبية انك تلعبهم لو ما لعبتهم

عندك هافنلي سوورد لكن مستواها جيد الى جيد جدا لكن تستحق التجربة عموما

مبروك مقدما واستمتع :)
 
التعديل الأخير:

hussien-11

Senior Content Specialist
وعلى فكرة لاحد اسمعه يجيب سيرة البس4,,, الجهاز اوكي حلو ولكنه ماراح يكون سبب أساسي إني اشتريه بس علشان العب العاب البس3! وأصلاً مهما كان العاب البس3 على الجهاز " من اللي سمعته " بتكون على الكلاود, كلام غير منطقي, ابغى العب بالجهاز الأن وماعندي وقت اصبر صراحة.

البلاي4 ما بيشغل العاب البلاي3 لذلك اكيد ماحد لازم ينصحك فيه ما دام هدفك العاب الجيل الحالي

عموما، هذي أفضل ألعاب الجهاز الي جربتها

- متل جير سوليد4 لو ما لعبتها : أفخم لعبة TPS هذا الجيل، الجودة تقطر منها

- أنشارتد2 : من أفضل ألعاب الجيل، استعراض تكنولوجي مبهر مع جيمبلاي ممتاز و قصة/شخصيات مسلية جداً ورتم عبقري من البداية للنهاية

- سايرن بلود كيرس : اشتريها من الستور، أفضل لعبة رعب على الجهاز

- ديمونز سولز : أكيد رح تاخذها P:

- جورني من الـPSN، تجربة للمتعة و الأتموسفير

- ني نو كوني : أتموسفير مبهر وموسيقى عظيمة

ألعاب مثل كيلزون و ريزستنس ما أنصح فيها بصراحة، و لتل بيج بلانيت أنصح تجربها أولاً إن أمكن و تشوف وضعك مع ميكانيكية الجيمبلاي فيها، و اذا نويت عليها أنصح بالثاني فقط و أشوفه أفضل و بفارق من الأول

عموماً حتى أكون صريح أشوف الحصريات الرهيبة قليلة هذا الجيل إجمالاً، بعد ما اشتريت الإكس بوكس360 و خرب اشتريت بلاي3 لكن ما لعبت عليه كثير .. أكم حصرية و بعته كان قاعد يجمع غبار عندي.
 

ASWD

True Gamer
-ميتل جير سوليد 4
-كيل زون 2 فقط
-رزيسستنز 2 فقط
-انشارتد الثلاثية مع ان فيها تفاوت والافضل عندي 2
-جاد اوف وار مدري لعبت الاجزاء القديمة اولا اللي على لبلاي 2 والبسب اذا لا فعندك كولكشن محترم كولكشن 1و2 وكولكشن جوست اوف سبارتا وتشين اوف اولومبس واجزاء لبلاي 3 الجزء الثالث واسنشن
-هيفي رين
-انفومس حبيت الثاني فقط
-ديمون سولز
-راتشيد اند كلانك اذا كنت تحب هالسلسلة
-سلاي كوبر الجديدة
-كولكشن آيكو وشادو اوف كلوسس
 

Cizer Shnider

True Gamer
انت قدامك مشكلة كبيرة
كيف حتخلص العاب البلاي 3 على الاقل الحصرية الرائعه قبل صدور البلاي 4
انت حتقع تحت ضغط رهيب خصوصا لما تصدر العاب جديدة سواء على البلاي 3 زي ذا لاست اوف اس او جران توريزمو 6 او العاب البلاي 4 الجديدة زي كيل زون و ناك
عموما نصيحة لا تشتري كل الالعاب الحصرية اللي فاتتك حاول تخلص افضل الحصريات حاليا حتى تلاقي وقت لحصريات اقل قيمة
ابدا بميتال جير 4 وانشرتيد الثلاثية بالكامل وهيفي رين
اربع العاب لا تفوت
 

Naserano

True Gamer
لا تهمل اللي ذكروها الشباب وركز أكثر على جورني.

قبل سنة أو شيء اشتريت بلايستيشن3. كان معاه ألريدي ديمو لكيلزون3 وانفيموس2، ولا وحده جازت لي.
بعدها بأيام أخذت ريزيستنس3 وسلسلة انتشارتد. بعد ما ختمتهم حسيت إن الجهاز حلل قيمته كلها.. لذلك نعم، حصريات الجهاز مرضية.
 

Sir Guts

Ryo Hazuki
اختيار موفق لكن للأسف القرار جاك بوقت غلط .. على نهاية الجيل يالله يمديك تلعب كل الحصريات الرهيبة اللي نزلت على مر السنين

على العموم، فالنهاية القرار ابدا مو غلط. استمتع بـMGS و Uncharted و Ratchet & Clank و العاب كثيييرة اخرى رائعة مقدمة من سوني :)
 

Def-yusuf

True Gamer
ألعاب يمكن تعجبك:
Demon's souls
Valkyria Chronicles
Ni no kuni
Shadow of the Colossus
God of War
Heavy Rain

ألعاب الستور:
Pixel junk games
Journey
Joe danger
وطبعاً سلسلة Crash bandicoot
 
التعديل الأخير:

MaxPro

True Gamer
طبعا لو لعبت اهم سلاسل سوني جيل الـPS2 مثل العاب تيم ايكو وgod of war 1,2 وراتشيت وجاك وسلاي فما انصحك انك تشتريهم كولكشين برأي تصرف فلوسك علي العاب الجيل الحالي افضل ونصيحتي هي:

God of War 3
ثلاثية Uncharted
Infamous 1
Infamous 2
Metal Gear Solid 4
Siren Blood Curse
Killzone 2
Little big planet 2
Heavy Rain
Journey

طبعا لو انت محب للـRPG الياباني فالجهاز فيه الكثير جدا وفيه من ينصحك بهم .
 

Raulioo

Tarnished
وراك جيش جرار من التجارب، الواحد ما يعرف من وين يبدأ ينصحك..بعطيك الاولويات بالنسبة لي لو كنت مكانك وخاتم كل هالالعاب >> ادري ما مفهومة كي تجي هذي @@
- هافي راين
- لبب1/2 "الستوري مود بالاثنين حاجات خرافية وقمة بالكريتفتي فحرام تفوتهم هم الاثنين"
- مجس4
- ديمونز سولز
- فالكريا كرونكلز
- سلسلة انتشارتد
- اذا تبي فيرست بيرسون فكيل زون 2 خير من يمثلها بالجهاز
- جاو3
العاب بسن :
- جورني
- انفنشد سوان
- جواكميلي "اذا كان عندك الفيتا فأفضل عليه"
طبعا اذا خلصتهم عندك رزستنس و انفيموس وني نو كوني وغيرهم
البلاي4 ما بيشغل العاب البلاي3 لذلك اكيد ماحد لازم ينصحك فيه ما دام هدفك العاب الجيل الحالي
بيدعم العاب البس3 بس مش مع بداية انطلاقة الجهاز
 

hussien-11

Senior Content Specialist
بيدعم العاب البس3 بس مش مع بداية انطلاقة الجهاز

ما بيدعم الأقراص و هذا المهم، بناء مكتبة ألعاب عن طريق الخدمة السحابية شيء مستقبلي بياخذ سنين طويلة و في الأخير يمكن ما نستفيد منه أساسا مع سرعات الإنترنت
لذلك في الوقت الحالي البلاي4 ليس BC و لا يلبي مطالب من يريد أن يلعب ألعاب الجيل الماضي بشكل سهل و سريع في أي وقت قريب.
 

khaled 13

True Gamer
واللي ماعنده بس3 يركب معي القارب وينضم لنا في رحلة من الإيبكنس!
سبقتك في ركوب القارب واخذت الجهاز قبل شهر :p لكن شكرا على الموضوع , راح يفيدني بعد
و جدا مستمتع مع الجهاز وندمان ليش ماشريته من قبل بدل الـ4 مدري 5 اجهزة X360 المعطوبه !
جهاز ألعاب عن حق وحقيقي , حاليا انهيت عليه قواكميلي وثلاثية انشارتيد وجالس ألعب جران تريزمو 5 حاليا , لا تفوتك

ايضا نصائح لك
خذ PS+ الحين ! الشهر هذا في الستور الأوربي فيه كاثرين الحق عليها قبل تروح باقي اسبوع وايضا هيتمان موجودة لكن شكلك انهيتها على البي سي
والشهر الجاي راح يكون ديمون سولز و كوليكشن ICO .

برضه لا تلعب على تلفزيون 1080P , الابسكيلن في الـPS3 سيء وراح تلاحظ بلورة اللعبة بسرعه خصوصا انك متعود على ألعاب الـPC مثلي
 

Raulioo

Tarnished
ما بيدعم الأقراص و هذا المهم، بناء مكتبة ألعاب عن طريق الخدمة السحابية شيء مستقبلي بياخذ سنين طويلة و في الأخير يمكن ما نستفيد منه أساسا مع سرعات الإنترنت
لذلك في الوقت الحالي البلاي4 ليس BC و لا يلبي مطالب من يريد أن يلعب ألعاب الجيل الماضي بشكل سهل و سريع في أي وقت قريب.
الصناعة تتقدم بشكل مريع وغير متوقع سنويا..من يدري ممكن الالياف البصرية بسنتين او 3 تصير ستاندرد، والسرعات عندنا وقتها تسمح بهذا الشي،
اما توفير المكتبة عن طريق السحابة نفسها فبالعكس احد الاغراض الرئيسية اصلا من تعاقد سوني مع جايكاي هو هذا الشي..وهم ذكروا ان بأولى فترات الجهاز بيتم دعم العاب البس1..يعني يبون يسيرون بخطى سريعة بهالامر.
 

Emirates

True Gamer
يا حبيب العين اختيارك ما تنلام عليه بالعكس انا حاليا قاعد العب العاب الويي اللي مالعبتها

ما بزيد على اللي ذكروه الشباب وركز على ثلاثية انشارتد وقود اوف وور
 

Rare Games

True Gamer
ما اقدر اضيف اغلب الالعاب المهمة انذكرت هنا

شخصيا انصحك بشده في LBP2 و هيفي رين من افضل تجارب الجهاز

ومستقبلا بيوند تو سولز
 

hussien-11

Senior Content Specialist
الصناعة تتقدم بشكل مريع وغير متوقع سنويا..من يدري ممكن الالياف البصرية بسنتين او 3 تصير ستاندرد، والسرعات عندنا وقتها تسمح بهذا الشي،
اما توفير المكتبة عن طريق السحابة نفسها فبالعكس احد الاغراض الرئيسية اصلا من تعاقد سوني مع جايكاي هو هذا الشي..وهم ذكروا ان بأولى فترات الجهاز بيتم دعم العاب البس1..يعني يبون يسيرون بخطى سريعة بهالامر.

هذا الشيء يحتاج سنوات أولاً، ما تقدر تقول لشخص ينتظر سنوات علشان يلعب
وثانياً الأسعار بتفرق، الان تقدر تشتري ألعاب البلاي3 مستعملة أو حتى جديدة برخص التراب و أقل من الأسعار الرسمية
وثالثاً تقدر تستعير ألعاب من أصدقائك حتى
أما بخصوص الإنترنت ما أشوف الألياف الضوئية بتصير ستاندارد في الدول العربية في أي وقت قريب.
 

GYWN

Hardcore Gamer
عالبركه فهد
انا فعلياً أفكر أرجع اقتني من جديد PS3 Slim بس هالشي ماراح يصير الا بعد صدور Dark souls2.
 

Lawliet

True Gamer
غير اللي ذكروه الشباب، عندك Ni no Kuni و سلسلة جود أوف وار كاملة HD إذا ماجربتها أو ماجربت أجزاء المحمول
 

Raulioo

Tarnished
هذا الشيء يحتاج سنوات أولاً، ما تقدر تقول لشخص ينتظر سنوات علشان يلعب
وثانياً الأسعار بتفرق، الان تقدر تشتري ألعاب البلاي3 مستعملة أو حتى جديدة برخص التراب و أقل من الأسعار الرسمية
وثالثاً تقدر تستعير ألعاب من أصدقائك حتى
أما بخصوص الإنترنت ما أشوف الألياف الضوئية بتصير ستاندارد في الدول العربية في أي وقت قريب.
يعني الاسعار بتصير اغلى؟ اكيد بترخص مع مرور الوقت رقميا، غير ان الكلاود معروف انه يتيح لك الاستئجار لفترة "لما يضرب بمزاجك تلعب" يعني أرخص وأرخص كمان
وانا ما قلت انه بيتاح له هالشيء فورا بردي..ولا نقدر نقول لين منتصف عمر الجهاز ما بتتاح هالميزة، العلم عند الله، بس بعصر السرعة التقنية وانهم بيبدأوا مباشرة بالعاب البس1 وشرائهم شركة مختصة لهذا الامر كأولوية كلها عوامل مبشرة ان الموضوع ما بياخذ وقت طويل ابدا
والامر الاخير كمان مالنا علم فيه..لكن قبل سنتين او 3 ما كنت متخيل او احلم اني بمتلك السرعة اللي عندي اليوم، فالمفروض كل ما نتقدم كل ما نتوقع انجازات اكبر بهالمجال
 

King Slime

محرر الألعاب
عالبركة والشباب ما قصروا بقوائم الألعاب
 

Rain

True Gamer
اشترك بالبلس !!! اشترك بالبلس !!! اشترك بالبلس !!! اشترك بالبلس !!! اشترك بالبلس !!! اشترك بالبلس !!! اشترك بالبلس !!! اشترك بالبلس !!!

والعب ديمونز سولز و ني نو كوني ..
 
أعلى