الموضوع الرسمي للـAndroid : جوهرة جوجل اللامعة

[guitaro]

لما اطوره بالكيز اللغه العربيه الرسميه موجوده ؟ والماركت موجود ؟

تعديل :
بااك .. رجعت بعد ماحدثت جهازي الجالكسي
التحديث حلو بشكل عام
بس لاحظت ان التنقل بين القوائم وتدوير الشاشة صار بطيئ
الاستجابه في اللمس صارت ابطئ وتقهر ..

في احد لاحظ هالشي مع التحديث الجديد ؟

 

[Saudi pro]

^

وشلون حدثته بالضبط ؟

انزل برنامج الكيز و اشبك الـ USB و بعدين وش اسوي ؟ .. بخصوص برنامج الكيز عجزت انزله عالويندوز XP وش السالفه

 

[FARES_]

اهو راح ينبهك بالشاشه في برنامج كييز انه جهاز قابل للتحديث... وبس تضغط upgrade واهو يقوم بشغله

تحديث :
تم التطوير - _ - بس لما يشتغل الجهاز وتطلع شاشه البدايه ..
يعلق على حرف الS ويضل يلمع باللون البنفسجي لمده طويل هذي المره .. 3 دقايق
توقعت علق او شي - _ - بس اشتغل الحين الحمدلله... الجهاز صااااااير ثقيييييل وبطئ - _ - شكلخ يحتاج وقت على ما يستوعب البرامج ههههه - _ -

 

[guitaro]

^
نفس حالتك ياخوي
احسه ثقييييل واستجابة اللمس بطيئة وتقهر << هالمشكله عندك ولا بس انا ~_~

افكر اني ارجعه على التحديث 2.1

 

[MohamedEgy]

شكلى هستنى مش هعمل ابديت

ياريت تطمنونا هل التحديث بيخلي الجهاز بطئ عند الكل؟

 

[s3rorh]

شباب ... في فرق بين التحديث الأوروبي .. والعربي !؟

لأني لحد الأن ما حدثت جهازي للـ2,2 .... اذا في فرق بحدث للعربي عن الطرق المعروفه بالنت ... أنا اذا مافي فرق .. بحدثه عن طريق Kies
ش
وسؤال اخر .. لما احدث الجهاز عن طريق برنامج الكيز ... بتروح كل البرامج والتطبيقات ألي منزلها ولا لأ !؟ يعني لازم اسوي باك أب ولا كل شي بالسليم ؟

 

[Akilla]

الله ياخذ سامسونق على الكييز على تحديثهم الرسمي >_<

كنت مركب الفرويو على قولتكم ( الرسمي ) , وقلت احدث الجهاز للرسمي ( ايه الرسمي ) من الكييز . بعد ماسويت كم شي هنا وهناك واكتمل التحديث وبكلام بعض الشباب ان الذاكرة الداخليه تبع الصور والفيدوهات ماراح يجيها شي ( كلام صحيح ) . بعد ماحدث سويت ريستارت للجهاز وجت علامة الS . طول شوي والجهاز بدأ يهتز ويهتز وطلعت شاشه سودا . لفيت يمين يسار مافيه فايده لأن الجهاز معلق على الشاشه السودا . بعدها حدثته ثلاث مرات من اودين ومافيه فايده ! حسبت الجهاز خلاص مات . شوي فكرت فيها قلت الروم الفرويو لسى بجهازي اجرب ماني خسران شي . والحمدلله الجهاز شغال زي الفل . اما صوري وفيدوهاتي والباك ابز كلها راحت . السبب اني سويت فورمات للذاكرة بعد كل تحديث سويته من اودين . لأن الجهاز طلب هالشي

يله . توبة ما احدث شي منزلينه سامسونق . انتظر زي الالناس احسن لي .

 

[FARES_]

باااك .. هذي انطباعاتي عن الفريو 2.2

اولا صار الجهاز تمام ما يعلق نفس قبل
لاحظت فيه تحسن واضح في البطاريه
ظهور ايقونات ملونه
صار اسهل بالأستخدام لأنه فيه قوائم يديد طلعت
مثل DATA و SILENT وحتى في تحويل اللغه في المسجات ..

وسؤال اخر .. لما احدث الجهاز عن طريق برنامج الكيز ... بتروح كل البرامج والتطبيقات ألي منزلها ولا لأ

انا منزله من برنامج كييز بس لازم قبله مسوي باك آب .. لا تسألني شلون سويتها xD
المهم .. الapplications والأغاني والصور ..المتميديا عموما كله موجوده بعد التحديث.. حتى طريقة تضبيط الأعدادات للجهاز نفسها الي آخر مره حطيتها
بس انه شاشه البدايه رجعت على شكلها الأصلي فلازم ترجع تضبط ايقوناتك الخ ..
للي يهمه الأمر ترا العربي ماراح موجود بالجهاز حتى بعد التحديث..


ملاحظة: بالنسبة لتعليقي الأول الظاهر لأنه توه مشغل الجهاز فكان بطئ
وما يستوعب كمية البرامج فيه فأخذ وقت حتى يعرف الخ... ليين صار خفيف الأن !
لكن الحين تمام افضل من اول :rockon:

 

[guitaro]

^
اخوي انا حدثته عن طريق الكيز والعربي موجود ..
وإلى الآن ماني عارف سبب البطئ اللي صاير .. ألف مره أسوي ضبط مصنع ولا في فايده :s

 

[Unknown]

انا باقي على 2.1 مدري احدثه ولا لأ :/
مرتاح واخاف احدثه ينعفس علي او شي

 

[s3rorh]

تشكر فارس على الرد .. عيل أنا للإحتياط بنسخ كل اغراضي للميموري وافك عمري .. وأبدأ بالتحديث *من بعد ما اخلص من مشاهده حلقات ون بيس ألي تارسين الميموري طبعا >,>*

بس السؤال يبقى باللغه العربيه .... لما احدث جهازي راح تروح اللغه ... ولا تنزل اللغه العربيه المحدثه ... ولا ماذا !؟

 

[FARES_]

^

بس السؤال يبقى باللغه العربيه .... لما احدث جهازي راح تروح اللغه ... ولا تنزل اللغه العربيه المحدثه ... ولا ماذا !؟

العربي مازال موجود بالجهاز بعد التحديث الى 2.2 ما راح.. يمكن لأنه جهازي شريته معرب رسميا من سامسونج!؟

 

[Monster]

السلام عليكم شباب ,, انا اليوم شريت جهاز سامسونج جالاكسي ,, ونزلت الماركت انابلر بس ما عرفت اشغله ,, وقريت انه لازم انزل البرنامج الثانيه اللي يفك الضغط ,, اللي موجود بموقع الكتروني الفله ,,, زبدة الكلام اني ما عرفت افتح الماركت ,, مين الحلو اللي يشرح لي كيف ,, او يدلني على برامج ثانيه سهله بعد ,,,
بالنسبه للخلفيات مو عارف كيف ادور على خليفه حق one piece او اي مسلسل انا ابيه واحطه ويكون مثل حجم الشاشه ,, نزلت واحد بس اضطريت اني امعط فيه وما طلع زين ,,, انا عارف انه مشروح هنا بالموضوع بس مستحيل اقعد اطالع 53 صفحه ,,, فارجو من الاخوان الحلوين انهم يساعدوني او يعطوني ارقام الصفحات اللي ممكن استفيد منها على الاقل

 

[T i d u s]

^
طيب أنت ليش ما تستخدم ماركيت الأندرويد الرئيسي الموجود في الجهاز ؟

 

[Monster]

اشي اسم البرنامج ,, ما عندي الا samsungpp موجود بالجهاز ,, وما يحط كل البرامج ,, هذا على حسب ما اعرف

 

[T i d u s]

لا سيبك منه .. المفروض يكون عندك آيكون خضرا على شكل كيس مشتريات مكتوب عليه Market ؟

 

[Monster]

لا لا ما عندي

 

[T i d u s]

أوكي .. طبّق الطريقة ذي صح وإن شاء الله يطلع معك
|هنا|

 

[Nintendo]

عبدالرحمن مبروك الجهاز اول شئ, روح لمحمد (اللي انت مديره) وهو ماشاء الله بيضبطك حرفيا

 

[Monster]

ياخي انت احلى واحد ,,, يعطيك العافيه

 

[Monster]

عبدالرحمن مبروك الجهاز اول شئ, روح لمحمد (اللي انت مديره) وهو ماشاء الله بيضبطك حرفيا

شريته اليوم ,, ولا امداني اروح له هالفله ,,, يقول لي امس اضبطه لك بالف ,, يحمد ربه ما يضبطه لي وانا اخذ منه الف ,,,
الله يبارك فيك ,, بروح بكرا لما اطيح اللي براسي من الجهاز الان

 

[Nintendo]

نزل برنامج جديد بالسامسونج ستور اسمه Snap n Go, وظيفته يرسل الملفات من الكمبيوتر للجوال والعكس عن طريق الواي فاي

للتنزيل: http://www.divshare.com/download/13224846-29f (بحكم انه مانزل بالستور العربي لسه).

بجربه واشوف لانه الشباب يمدحوه بقوه

 

[king zell]

هذا يفك أزمة تشغيل البلوتوث كل شوي و الـusb

أنتظر انطباعك عمر

 

[Nintendo]

اوكي تمت التجربه.

نقلت فيديو حجمه 20 ميجا من الكمبيوتر للجوال ب 5 ثواني تقريبا, طبعا الاثنين لازم يكونوا على شبكة اتصال واي فاي وحده, ماشاء الله نقل البيانات سريع ولو انه بالبداية قعد يستهبل شوي الين تعرف على جهازي, طبعا حط ببالك انك لو قاعد تنزل شئ بالنت راح تبطأ سرعة نقل الملفات.

 

[MohamedEgy]

شباب احدث من الكايز ولا استنى؟

 

[Zero_IYAD]

نزل برنامج جديد بالسامسونج ستور اسمه Snap n Go, وظيفته يرسل الملفات من الكمبيوتر للجوال والعكس عن طريق الواي فاي

للتنزيل: http://www.divshare.com/download/13224846-29f (بحكم انه مانزل بالستور العربي لسه).

بجربه واشوف لانه الشباب يمدحوه بقوه

ما اشتغل معي بأي شكل !!
إيش المفروض أعمل بعد تحميل البرنامج على الـPC و إعادة تشغيله ؟
الجوال مو قادر يتعرف عليه بتاتا !!

 

[Nintendo]

لازم الاثنين اياد يكونوا على شبكة واي فاي وحده وبعدها من الجوال تدور على الهوست وبيجصل جهازك

 

[Zero_IYAD]

^
و الله يا عمر كلا الجهازين رابط بشبكة البيت , لكن مع ذلك مع كل بحث ما يعطيني أي نتيجة !!

 

[Nintendo]

^
و الله يا عمر كلا الجهازين رابط بشبكة البيت , لكن مع ذلك مع كل بحث ما يعطيني أي نتيجة !!

اذا مشغل اي فاير وول قفله اياد! انت طبعا نقلت البرنامج من الجوال للكمبيوتر وفعلته بالكمبيوتر وبعدها سويت بحث وكل شئ! غريبه

 

[Nostalgic]

هل فات الاوان على شراء الجالاكسي اس؟ المشكلة جوالات HTC الاخيرة Desire Z و Desire HD يسيل لهم الالعاب لولا شاشتهم. اخخخخ بس لو كانت S AMOLED بدل الـS-LCD الباهتة. على اي حال افكر اشتريه من دبي :sarcastic: