المتاجر السعودية بدأت بإستقبال الطلبات المسبقة لجهاز البلاي ستيشن 4! (محدث أول بأول)

[Game Time]

السعر مغري لكن سمعتهم سيئة من ناحية الأجهزة الإلكترونية ، الي ما يخليك تتحمس للشراء منهم هو شكاوي والمشاكل الي تواجه الناس مع اجهزتهم في منتديات اخرى

 

[Veeto]

رغم ان السعر مغري جدا لكني مو مستعجل عليه راح انتظر لما ينزل السليم مثل ماسويت في بس3
غير ان شكل بس4 ماعجبني اتوقع السليم تصميمه بيكون احلى بكثير وايضا راح يرخص اكثر خلال هالمدة ويمديها تنزل عليه العاب ممتازة
اخذت درس من بس2 مانتظرت وشريته من الدفعة الاولى وتحسفت لانه طلع سيء جدا كثير خراب العدسة بعكس الصغير
كان اقوى بكثير عمر العدسة اطول والسوفت وير اسرع كمان اضافو فيه اي ار للريموت كنترول غير فارق الحجم المهول

واحيانا العكس .. اول نسخ البلاي 3 تضمنت تشغيل البلاي 2

 

[Saadawii]

طيب بكم سعر الوي يو الحين من الوكيل عندنا؟.

 

[M 7 L]

والله سعر طيب، المشكلة انا متحير مادري اشتريه من مكاني الحين ( سدني ) لو انتظر واشتريه من هناك،

الا صحيح شباب كم وزن الجهاز؟

 

[Veeto]

والله سعر طيب، المشكلة انا متحير مادري اشتريه من مكاني الحين ( سدني ) لو انتظر واشتريه من هناك،

الا صحيح شباب كم وزن الجهاز؟

حسب معرفتي المتواضعة الاسعار في استراليا جدا مبالغ فيها .. اعتقد 700 دولار استرالي كانه بيكون سعر الجهاز
فلو انا مكانك بتاكد اول

 

[Sir Guts]

والله سعر طيب، المشكلة انا متحير مادري اشتريه من مكاني الحين ( سدني ) لو انتظر واشتريه من هناك،

الا صحيح شباب كم وزن الجهاز؟

اشتريه لما ترجع السعودية احسن و ارخص لك .. انا ابن خالي يدرس في استراليا و يقولي كل شي لازم يبالغون في سعره

 

[Saadawii]

أحد عنده فكرة عن سعر الوي يو هنا؟.

 

[Old Snake]

والله سعر طيب، المشكلة انا متحير مادري اشتريه من مكاني الحين ( سدني ) لو انتظر واشتريه من هناك،

مستحيل!! أظن سعره بسيدني حول الـ600دولار ولا شيء حسب نيوجاف، الأسعار هناك دايما دبل.

 

[Old Snake]

أحد عنده فكرة عن سعر الوي يو هنا؟.
​

حسب، فيه محلات 2000 ريال وفيه بـ1800 ريال، هذا آخر علمي فيه قبل شهر، الله العالم لو رخص.

 

[MD3]

الوكيل يبيع بأكثر عادةً، لأنه تلقائياً بيعتمد على الموزعين الصغار في تصريف بضاعته، ومو منطقي انه يكسر السوق عالموزعين اللي شايلين عنه عبء التوزيع والتسويق .

 

[Saadawii]

حسب، فيه محلات 2000 ريال وفيه بـ1800 ريال، هذا آخر علمي فيه قبل شهر، الله العالم لو رخص.

الله يعطيك العافية. كنت أتمنى لو يرخص أكثر. السعر هذا واجد عليه، خصوصاً بالوقت الحالي.

 

[m5050]

أحد عنده فكرة عن سعر الوي يو هنا؟.

قيم نيشن جاب دفعه من الوكيل نفسه بسعر رخيص 1620 نسخه الديلوكس
وعندك اكسترا يبيعه 1700 على كلام واحد بس تاكد

 

[Saadawii]

قيم نيشن جاب دفعه من الوكيل نفسه بسعر رخيص 1620 نسخه الديلوكس
وعندك اكسترا يبيعه 1700 على كلام واحد بس تاكد

تمام! الله يعافيك. هذا خيار ممتاز. اكسترا ما حصلته يبيع الوي يو من زمان. ولا جرير.

عذرا على خبص الموضوع، بس من زمان أسأل بالمنتدى وأخيراً أحد جاوب.

 

[Dark Fantasy]

سعره حلو كـ بداية ، على ما تنزل ألعاب زيادة عليه بعد الاصدار بمدّة ، إن شاء الله يكون سعره نزل أكثر من كذا

 

[X I I I]

والله سعر لنش معقول مو مثل بعض الناس < وي يو
Day One بس مو من إكسترا

 

[M00]

في شباب يستغربون من ان بعض المحلات تبيع أجهزة سوني بسعر أرخص من الشركة، هذا طبيعي، لان الشركة تهتم ببيع اجهزتها بالجملة للتجار و تكسب ارباحها منهم.

ايش يصير لو سوني اهتمت بالعملاء مباشرة؟

مثال: سوني تبيع اجهزتها بسعر 1400 و التجار يبيعونها ب 1500! انا مباشرة بتجه لمتاجر سوني و بشتري الجهاز، لكن بكتشف ان الجهاز مخلص و فوق كذا يسوون طلب حق الف واحد غيري مستعدين ينتظرون اسبوع مثلا، هنا الشركة ماراح تقدر تغطي الطلبات و تخسر.

الحل ان الشركة ترميك للتجار و تعرض عليك عروض مخيسة عشان توازن السوق و تطلع مكسب اكبر.

 

[Master Assassin]

في انتظار إعلان سوني بدء الطلب المسبق
أفضل إني أشتريه منهم مباشرة على الأقل لأن الجهاز جديد وغير مجرب على قولتهم لأن لي تجربة سيئه سابقة في الPS3
اشتريت جهازي من واحد من المحلات ورحت شغلته وان مبسوط وما كمل ساعة وأعطاني لمبة صفرة ، واضطريت أرجع للمحل بنفس اليوم وقلي مالي دخل وديه الشركة.
بالمقابل لما اشتريت جهاز ثاني لقريبي من عالم سوني قالولي عندك 3 أيام تجرب فيها الجهاز لو صار فيه أي خلل تعال بدله من نفس المحل.

 

[Unknown]

راحت ايام الجهاز بـ 7000 او 3000 ريال :clap:

 

[Spartan-A34]

المحل فتح فرع بالبحرين مؤخراً فمتوقع يكون بنفس السعر، ممتاز!

 

[The Doctor]

راحت ايام الجهاز بـ 7000 او 3000 ريال :clap:

لا تخاف، في ناس بيشتروه هو و الXbox One من Ebay ب10 آلاف لكل جهاز

 

[vSonar]

في انتظار MGS v و FF XV و اشتريه بإذن الله
وقتها يمكن يكون ارخص كمان !!

 

[Lawliet]

سعر ملفت، ومع 500 جيجا إذا ماكنت غلطان. على كذا نغير الخطة وبشتريه بعد ماتأكد من إن الدفعة الأولى سليمة، بدون لمبة صفرا وهالخرابيط

 

[Dark Fantasy]

راحت ايام الجهاز بـ 7000 او 3000 ريال :clap:

ذكرتني أول ما نزل PS3 يوم كان بالسوق السوداء ، كان محل بيت الكمبيوتر يبيعه بـ5 أو 6 آلاف ، و كانوا فيه ناس يشترونه بعد

 

[Fabri_4]

معقوله المحلات الصغيره يبيعوا الاجهزه ارخص من عالم سوني وبضمان سوني نفسه ؟ @@

ووكالات سوني الهبله راضيه بهالشي ؟ المفروض يكون السعر موحد

الضمان موجود بالمحلات الصغيرة ، لكن هل تضمن السعر يكون مناسب في المحلات الصغيرة !!
اشك صراحة ، إستغلال عيني عينك

 

[R E M i X E R]

ألعاب طوكيو بدأ يستقبل الطلبات !!

 

[Hironobu Sakaguchi]

نغير العنوان الى المتاجر الي تستقبل حجوزات بي اس4 ؟
اذا اوكي واحد يعطني صياغة عشان يصير مكان اعلان عن اماكن توفر الحجوزات

 

[JOKER MASK]

ولا عرض زين الى الان اذا فيه عرض افضل علمونا ولا بنستمر مع امازون

 

[NES]

^ الأمريكي 399 = 1500 ريال.
الأوروبي = 1700 ريال.

تكلفت الـ ( 10 باوند ) شحن بين 280 - 350 ريال والجهاز هنا حجمه أكثر من 10 اشوفه عرض مناسب.
مع هذا الوكيل حقنا يبغاله ضرب المفروض السعر ما ينقص أو يزيد ريال.

واتمنى من الشباب ما يعطوهم فرصة بالذات في الألعاب كفاية الأسعار الرسمية 220 ريال وهنا بين 250 الى 280 ريال.

 

[T i d u s]

ما أثق بالمحلات إلي عندنا ولا حتى الوكيل الرسمي .. من برى أبرك لي حتى ولو بدون ضمان!

 

[Game Time]

^ الأمريكي 399 = 1500 ريال.
الأوروبي = 1700 ريال.

تكلفت الـ ( 10 باوند ) شحن بين 280 - 350 ريال والجهاز هنا حجمه أكثر من 10 اشوفه عرض مناسب.
مع هذا الوكيل حقنا يبغاله ضرب المفروض السعر ما ينقص أو يزيد ريال.

واتمنى من الشباب ما يعطوهم فرصة بالذات في الألعاب كفاية الأسعار الرسمية 220 ريال وهنا بين 250 الى 280 ريال.

حتى الأسعار الرسمية برا ومن امازون ارخص ، المشكلة في بعض الزبائن الي يروح ويشتري الألعاب ب 300 و 350 والله لا أشتكي على كل محل يرفع اسعار ألعاب ال PS4 والإكس بوكس 1

المفروض الأسعار ما تتعدى من ال 150 الى 200