Eye
السوسة
هو فتحت الموضوع لأني داخل بصراع نفسي الحين
بسم الله عليك
عشان كذا التنسيق عطب
العنصرين واحد لطالما كان مفضلي بالالعاب "الليفل ديزاين" وثاني "الكومبات" أهميته ما كانت كبيرة لحتى أستجد جديد خلاني أعيد النظر فيه! ب2020 لعبة Bloodborne وكانت هائلة كثير وتقدر تأخذها بعناصر مميزة تجعل تقديرها حتى يختلف من شخص لشخص رغم تشارك بعض الامور مثل التوجه الفني الجذاب وتصميم المناطق والاسلحة والزعماء الخ، لكن جزء ضخم من هوية اللعبة هي تغير نظام القتال من الصد (الدفاع) ثم هجوم إلى المبادرة بالهجوم هي ترغمك أنك تهاجم لتحصل أكبر مكافأة هذا خلق سرعة كبيرة مع خاصية تجنب جبارة وعكس ضربة العدو لضربة قاتلة، النظام سريع وممتع يجعل المواجهات حية رغم أنه قابل للتوسع أكثر فيه لكنه كما هو يخلق تجربة حية وممتعة للقتالات الفردية والزعماء. المهم بعد ما قضيت من بلودبورن تحمست اجرب سولز ثانية وكانت دارك سولز الأولى مشادة بعالم مترابط وتصميم عبقري وفيه مراحل حتى أحسن من بلودبورن! الكلام على الورق هائل، الصدمة اللعبة ما أخذت مني الا ساعات قليلة انتهيت بملل فظيع والسبب الرئيسي لذلك الهبوط الفظيع لتجربة الكومبات مقارنة مع بلودبورن! عبقرية عالمها وما دخلت علشانه ما خارجت معي كثير للاسف وأشوفها كثير قديمة الحين لدرجة حتى ما تنلعب!
يؤ يؤ يؤ يا المغالطة ، استناد ضعيف جدا استاذ عبدالله
مش عشان الكومبات في دارك سولز ما ناسبك معناه بالضرورة انه عطب!
دارك سولز تستند على جانب استراتيجي في الكومبات اكثر من جانب التنفيذ المهاري اللي بلودبورن كانت انتقال مباشر له بالمقام الاول
يب اللعبتين يوظفون العنصرين ذولا مثل كل العاب السولز ، لكن فيه تباين في درجة توظيف كل عنصر
دارك سولز بطيئة لسبب مهم جدا الكثير ممكن يسقط عن اعتباره ؛ اللعبة تعطيك وقت تقرا الهجمات وتفكر وش تسوي ، وبنفس الوقت تعطيك فرصة تنفيذ تجاوب مستمر
ما تقدر تسقط ذا الجانب الا بحسب تفضيل شخصي ، لكن غير كذا يظل جانب صلب ويحسب للعبة ومدرسة في التصميم
تختلف؟ عاركني
هو ما أبغى أوصل نقطة تفضيل ذا على ذا لكن فيه شئ بالكومبات الاحترافي يخلق تجربة لعبة بديمومة أكبر لأن لو افكر العالم اداة زي أي اداة تأخذها باللعبة العصب الاساسي لهذا العالم لعبك فيه وهنا تدخل عناصر ما تستطيع فعله فيه ويدخل الكومبات كشئ يخليه حتى أعلى وأمتع مما هو فيه! نعم أنا ما أدعم التصميم الممل والانابيب العريضة الكسولة لا أبدًا ما أدعم هذا، لكن بنفس الوقت مع كومبات ضخم واحترافي تجد نفسك تتغلب حتى على هذا وتكمل اللعبة، لأن لو تأخذه كخيارات فبتشوف نفسك تضيع فيه لدرجة تنسى العالم حتى. هذه العقلية تجعلني أفهم محبي العاب الهاك اند سلاش وتضخيمهم له لأن بالفعل يخلق عالم لحاله أكبر من تعقيد تصميم المراحل!
هذي نقطة حلوة ومنعطف جيد ، اللي تتكلم عنه هو التفاعل المستمر ، هدف الالعاب بالنهاية تخليك متعلق بشي تسويه
سواء شطرنج او سيكرو ، الكونسبت واحد
نقطة المفارقة هنا ؛ نوع التفاعل
اللفل ديزاين المشكلة انه شي ابداعي ، شي تقدره لما تتأمله او تواجهه للمرة الاولى ، بعد كذا يعتبر شي مألوف
خذ عندك undead burg في دارك سولز ١، فيه تشابكين رهيبين من البداية ، اول بون فاير بعد الفاير لينك شراين لما تنزل له بالسلم ، والدرج اللي عند اللحوج اللي يرمون عليك قنابل
بالبداية اول ما تكتشفهم تقول : اوف ديم يا الترابط والعبقرية والله ما كنت ادري يقدرون يسوون كذا
بعدين؟ تقول : اوكي انزل من هنا واروح الدرج واكمل لبوس وجه العنز الخسيس ، والله غش شلون الكلب يعض درع حديد واتعور؟ شذا الشلخ!
اختفى الابهار تماما ، لان العنصر ذا تنحرق ورقته بعد المرة الاولى
هو اداة تفاعلها غير مستمر
ولكن!
خذ زيلدا اوكارينا تحديدا ، اللعبة مجملها وتفاعلها المستمر في اللفل ديزاين! تخش جحور وابواب وطول الطريق تفكر شلون اوصل الى ذاك الحجر المقفل علي الطريق اللي فوق على اليسار
لحظة! هل من الممكن! اني اخش ذا الكهف واتعلق بالهوك شوت لفوق واكمل الطريق والف يسار واصير في مستوى عالي جدا ، وانط واستخدم المطرقة وانا بالهواء واكسر الصخرة! بوم
ذا اللفل ديزاين يا عم نفس البرية
خذ ذا الكونسبت ومده على لعبة كاملة ، وبتطلع بتجربة فريدة تنسيك الهاك قد يبكي والشيطان قد يسوي سلاش في كشك بالعزيزية جنب سيارة الاسكريم
الان لعبت ديفل ماي كراي الاولى وعلى كل حاجة تعيش باللعبة لكن ما تخارج كيف بعض الأشياء أحفورية وبدائية بنظام اللعب لأني وقت خلصتها وجربت دمك 5 حسيت بنقلة جبارة رغم أن الثانية حتى أقل أتموسفيرية وتركز على الكومبات بس كانت حية وأمتع معي من دمك الاول، ايه مش مصدق أقول هذا الكلام لكن والله صدق دمك 5 أمتع باللعب بسنين ضوئية من دمك 1
بس وسلامتكم &
ياخي طبيعي نظام اللعب تطور بينهم ٢٠ سنة! فيه مغالطة بالمقارنة ، زي اللي يقارن بين واقعية البكسل ارت والثري دي مودلز!
لكن وين الملل بدمك ٥؟ انهم غاصبينك تطق مشاوير عشان حلبات قتال ، حرفيا تمشي في سيب عشان توصل حلبة مسطحة ترفع فيها في كم عدو مكررين ، لين توصل البوس وتخلص المهمة
التفاعل المستمر في اللفل ديزاين بس انك تمشي
اللوب حق اللعبة : امشي سيدا -> قاتل -> امشي سيدا -> قاتل -> توصل بوس -> خلصت المهمة
x ١٥
الوقت ذا اللي تمشي فيه فكك! اللفل ديزاين ك اداة تفاعلية تعبان ويبرد اللعب ، يعطيك فجوات خايسة بالجيمبلي
بس قارنها ب است شين على السويتش؟ فيه محتوى تتفاعل معاه على طول الخط
المشي ك اداة بسبب اللفل ديزاين مرضي لانه تفاعل مستمر