الكتابة بالإنجليزي

[king zell]

ممنوع نهائيا

و اذا المراقب شاف اي استخدام غير ضروري للإنجليزي في الرد راح يحرره مباشرة


تنبيه نهائي للجميع

 

[Torpedo]

و اذا كان الشخص ما بإمكانه يكتب عربي لسبب ؟ مثل ان الجهاز اليستخدمه ما يدعم العربية .. ؟

 

[Nintendude]

ممكن أعرف السبب؟

 

[king zell]

اللي يكتب من الجامعة أو كيبورد ما يدعم العربي.. مسموح لها لكن بحدود..

-----------------
ممكن أعرف السبب؟
-----------------

انت في منتدى عربي.. و هذي اللغة اللي نستخدمها.. تبي تكتب إنجليزي استخدم منتدى أجنبي.. يعني توقعت السالفة بسيطة جدا ما تحتاج لسبب..

 

[Jizasu]

كينج زيل انزين ليش حررت الرد...>< لو مخليه ماعليه و مره ثانيه اكتب بالعربي...بعدين انا مادري انه الكتابه بالانجليزي ممنوعه...

 

[Uzumaki Naruto]

مدري ليه تكبرون من الموضوع ..

عالعموم .. ان شاءلله ..

 

[king zell]

لأن في ناس اذا احترمتهم و عطيتهم راحتهم يمصخونها شوي.. و هذا شي مش بس بخصوص اللغة و الكتابة..

حتى التواقيع و الصور الشخصية.. مش معناها اننا نتركها مفتوحة يصيرون الناس يمصخونها..

عالعموم هذا المنتدى مبني على أساس الإحترام بين الأعضاء و الإدارة عشان كذا احنا نسأل الأعضاء في اي تغييرات جديدة و نعطيهم راحتهم كثير في المنتدى..

ما نبي هذي الثقة تختفي..

 

[Uzumaki Naruto]

ما تقصرون يالاداره ^^ ..

بس شلون يقللون من الاحترام بالانجليزيه ؟ .. يعني قصدك العباراة الحقيره مثل wtf وغيرها ؟ ..

ونفس السؤال للتواقيع ..

ومعليش على الازعاج ..

 

[Torpedo]

الله يخلي الادارة و يطول عمرها و عمر ..

 

[Jizasu]

لأن في ناس اذا احترمتهم و عطيتهم راحتهم يمصخونها شوي.. و هذا شي مش بس بخصوص اللغة و الكتابة..

حتى التواقيع و الصور الشخصية.. مش معناها اننا نتركها مفتوحة يصيرون الناس يمصخونها..

عالعموم هذا المنتدى مبني على أساس الإحترام بين الأعضاء و الإدارة عشان كذا احنا نسأل الأعضاء في اي تغييرات جديدة و نعطيهم راحتهم كثير في المنتدى..

ما نبي هذي الثقة تختفي..

كلامك على العين و الراس مشكور للتحذير

 

[Koshiro]

تحرير:توني اشوف السبب معك حق محمد والله.

 

[Xavi]

تعجبني يا محمد ^_* !

 

[The Heartless]

ok no problem

لول أمزح لا تعصب على أخوي زيل خلاص من الحين ورايح مافي إنجلش

شاكرين لكم على جهودكم

 

[szero]

ما تقصرون يالاداره ^^ ..

بس شلون يقللون من الاحترام بالانجليزيه ؟ .. يعني قصدك العباراة الحقيره مثل wtf وغيرها ؟ ..

ونفس السؤال للتواقيع ..

ومعليش على الازعاج ..

معك حق ... ممكن نعرف ليش ؟
(مع كل الاحترام طبعا)

 

[king zell]

لا مش قصدي يستخدمون كلمات غير لائقه.. لأن هذي بيكون فيها طرد على طول..

لكن بعطيك مثال بالتواقيع.. يوم بدأنا ما كان في تواقيع.. لكن بعض الأعضاء طلبوها فاحنا على طول جاوبنا طلبهم و حطينا الخاصية.. على اساس اننا نحترم رغبة الأعضاء.. و لكن اشترطنا يكون استخدام التواقيع بحدود المعقول و صور حجمها مناسب.. بعد فترة للأسف تشوف بعض الأعضاء تستخدم صور كبيرة في التوقيع أو أكثر من صورة حتى..

ان شاء الله تكون فهمت قصدي..

 

[mario0o]

لاني استخدم كمبيوتر الجامعة فكنت اكتب بالانجليزي

اسهل واسرع من انني اكتب عن طريق موقع فيه كيبورد عربي

بس الحين خلاص ,عشان خاطر اخوي محمد بكتب كله بالعربي الين ما الله يفرجها ونرد البلاد

والى الامام

 

[Golden_Sun]

Roger uncle Muhammad ^^

اصلاً انا ما احب اكتب بالإنجلش وايد ( ^ لا تحسبون الجملة اللي فوق ) .. إلا اذا كنت في الجامعه (بعض الكمبيوترات ما تدعم عربي) والموضوع ما يتحمل ارجع البيت علشان ارد .. اكتب رد بالإنجلش lol :razz: ..

 

[Xavi]

Kabamaru of the Iga Ninga Clan

:razz:

+ المنتدى بكبره بالـE بدون سبب صراحة ..

وأكرر

تعجبني يا محمد

 

[Mr.3B]

...

من زمااااااااااااااااااااان كان ودي القرار ذا يصير و أخيرًا صار .
مشكور محمد .

 

[Koshiro]

لاني استخدم كمبيوتر الجامعة فكنت اكتب بالانجليزي

اسهل واسرع من انني اكتب عن طريق موقع فيه كيبورد عربي

بس الحين خلاص ,عشان خاطر اخوي محمد بكتب كله بالعربي الين ما الله يفرجها ونرد البلاد

والى الامام

اللي يكتب من الجامعة أو كيبورد ما يدعم العربي.. مسموح لها لكن بحدود..

 

[Conqueror]

من زمااااااااااااااااااااان كان ودي القرار ذا يصير و أخيرًا صار .
مشكور محمد .

.......

 

[Uzumaki Naruto]

لا مش قصدي يستخدمون كلمات غير لائقه.. لأن هذي بيكون فيها طرد على طول..

لكن بعطيك مثال بالتواقيع.. يوم بدأنا ما كان في تواقيع.. لكن بعض الأعضاء طلبوها فاحنا على طول جاوبنا طلبهم و حطينا الخاصية.. على اساس اننا نحترم رغبة الأعضاء.. و لكن اشترطنا يكون استخدام التواقيع بحدود المعقول و صور حجمها مناسب.. بعد فترة للأسف تشوف بعض الأعضاء تستخدم صور كبيرة في التوقيع أو أكثر من صورة حتى..

ان شاء الله تكون فهمت قصدي..

هممم .. وعرفنا سالفه التواقيع ..

بصراحه يا محمد .. من اسلوبك كأنك تطرينا وبـ"تواقيع" .. يعني اي منتدى لازم يكون فيه تواقيع ..
ويمكن الاعضاء هذول .. هم الجدد .. ما اعتقد احد من الاعضاء المعروفين راح يسوي مثل الي قلته .. واذا صار .. تنويه اعتقد يحل المشكله ^^ ..

شلون نقلل من احتراكم بالانجليزي ؟ ..

 

[Nintendude]

من زمااااااااااااااااااااان كان ودي القرار ذا يصير و أخيرًا صار .
مشكور محمد .

ايه صح............

 

[Koshiro]

فواز والله انك تحفه p:

 

[Mada Mada Dane]

عارف اني جديد هنا , وجهه نظر أخوي محمد على العين والـراس , عموما انا ماتفرق معاي مااستخدم انجليزي كثير هنا ...

بس الي اعرفه دايم لكل قرار " موقف " - أكيد في موقف حصل وتم إتخاذ القرار لهذا

أو لتجنـب " مواقف " قد تحصل إذا لم يتخذ هذا القرار , وهو الحل الأنسب له

لكن للحين مافهمت

شلون نقلل من احتراكم بالانجليزي ؟ ..

دايم اعتبر الفيديو جيمز والانجليزي , علاقة طردية =_=



على كل حال بما انه قرار , نلتزم فيه

 

[rubso]

لأن في ناس اذا احترمتهم و عطيتهم راحتهم يمصخونها شوي.. و هذا شي مش بس بخصوص اللغة و الكتابة..

حتى التواقيع و الصور الشخصية.. مش معناها اننا نتركها مفتوحة يصيرون الناس يمصخونها..

عالعموم هذا المنتدى مبني على أساس الإحترام بين الأعضاء و الإدارة عشان كذا احنا نسأل الأعضاء في اي تغييرات جديدة و نعطيهم راحتهم كثير في المنتدى..

ما نبي هذي الثقة تختفي..

نعم وانت الصادق..

 

[Xeno]

Mada Mada Dane مافي موقف معين بس لاحظنا أن الظاهرة بدت تكثر يعني فكل موضوع تلقى رد ردين بالانجليزي. :exclamati

وللشباب اللي يقولون مكبرين السالفة على الفاضي, محد مكبر السالفة كل مافي الموضوع أننا عرب نتحدث العربية واللي يبي يتباهى بلغاته الثانية يدور منتدى ثاني.

أنتوا اللي مطولين السالفة صراحة...

 

[Mada Mada Dane]

اذا على كذا , إقتنعت

" لان الشئ لازاد عن حده إنقلب ضده "

ومااتوقع احد يقدر يطلق قانون " جملة وحدة بالانجليزي لليوم الواحد " =_= لتجنب " التمصيخ "

اذا كذا الدعوه فــ " القرار في محله "

 

[king zell]

هممم .. وعرفنا سالفه التواقيع ..

بصراحه يا محمد .. من اسلوبك كأنك تطرينا وبـ"تواقيع" .. يعني اي منتدى لازم يكون فيه تواقيع ..
ويمكن الاعضاء هذول .. هم الجدد .. ما اعتقد احد من الاعضاء المعروفين راح يسوي مثل الي قلته .. واذا صار .. تنويه اعتقد يحل المشكله ^^ ..

شلون نقلل من احتراكم بالانجليزي ؟ ..

لا أخوي مش كل منتدى فيه تواقيع.. أنا أعرف أكثر من منتدى ما فيه تواقيع و بعضها فيه تواقيع بدون صور..

و بالنسبة للتواقيع في أكثر من واحد نبهته في الفترة الماضية على التواقيع و ما كان عضو جديد.. لكن أنا عطيتك سالفة التواقيع كمثال كيف ممكن يصير عدم احترام بين الإدارة و الأعضاء.. أنا ما قلت إن في مشكلة معينة مع التواقيع..

نرجع للغة.. أصلا في قوانين المنتدى الأصلية.. و اللي مفروض يكون قراها كل عضو التحق بالمنتدى و كان معنا من فترة إن الكتابة بالإنجليزي ممنوع الا للضرورة.. و هذا شي معروف من بداية منتدانا.. و لمن مع الوقت و عدم تدقيق المراقبين لثقتنا في الأعضاء صار البعض يستخدمها زيادة عن اللزوم و الأعضاء الجدد اللي ما يعرفون عن القوانين لأن المنتدى انمسح من اسبوعين فكتبنا هذا الموضوع للتذكير..

ان شاء الله تكون وصلت الفكرة

........

أخ Mada Mada Dane..

أنا ما منعت الإنجليزي نهائيا.. فكرة إن ألعاب الفيديو و اللغة الإنجليزية مرتبطين هذا شي أكيد جدا..

انك تكتب اسم لعبة أو موقع أو شركة بالإنجليزي مش مشكلة.. أو اقتباس حتى من موقع ثاني..

أما إنك تسولف بالإنجليزي؟!

هذي هي النقطة.. و عشان كذا كتبنا الموضوع هذا..

 

[Uzumaki Naruto]

اها ^^ ..

بالنسبه لي .. ما امانع اصلا اسولف بالانجليزي ..

عالعموم اشوف اغلب الاعضاء موافقين معكم .. وهذا المهم ^^ ..

الى الامام ترو جيمنج ..