bXNmbQ==
True Gamer
هو الأنميشن الياباني تميّز لأنه موجود كميديا رئيسية، بينما مثلاً في الغرب قاعدة تنقرض أعمال الـ2D بشكل مخيف!
أتوقع لو أعطي الغرب نفس الفرصة في التحكم في الأعمال كان طلعنا بشيء ممتاز و منافس و ممكن يغير أشياء كثيرة في الأعمال اليابانية من الكليشيهات و بعض التوجهات لإرضاء ناس معينين.
المشكلة بوجهة نظري هي تعامل الغرب مع الأنميشن كميديا مخصصة للأطفال و المراهقين، هذا الشيء قاعد يضيق على الناس الي ودهم يشتغلون في هذا المجال و يخليهم يتجهون لليابان لطرح أفكارهم، لو تتابع الأنميترز و رسامي الخلفيات هذي الأيام بتحصل فئة كبيرة منهم فرنسين! الفرنسيين عندهم مجموعة من أرقى الفنانيين في مجال الأنميشن و مدرسة "قوبلان" لحالها كفاية! عندهم فيديوات قصيرة و مشاريع تخرج بأفكار رائعة جداً (بعض الأمثلة هنا أو هنا أو هنا أو شيك على قناتهم في اليوتيوب هنا)
يعني أنا ما أشوف إنه تفوق لليابانيين بسبب قوة أعمالهم و إنما بسبب ضعف المنافسة، (طبعاً ما أعمم فيه أعمال خرافية) لكن فيه إنتاجات كثيرة ماهي بالمستوى و ماكانت بتنجح أو تطلع بهالمستوى لولا ضعف المنافسة..
كلام Akihiro Kanayama (أنميتر اشتغل مع ديزاكي) عن كيف لما خلصوا "كيمبا" و بعدها شافوا "لاين كينج" انبهروا بشكل مو طبيعي! و كيف إن الانميترز الأجانب كانوا سابقينهم لأن عندهم خلفية فنية أكبر توضحلك إن لو كان الجانب مفتوح لهم كان شفنا شيء ممتاز.
يعني أنا أتمنى أشوف أشياء أكثر مثل افاتار و كورا، أتمنى الصناعة تنتعش في العالم مثل الأفلام و يصير فيه خيارات كثيرة للواحد بدال حصرها في مكان واحد يفرض عليك أسلوبه، يعني أنا سألت السؤال لأني بأشوف هل بتفضل الأنميشن الياباني على غيره في حال بروز أعمال من دول ثانية؟ مثل لما ناس يحبون الأفلام الهندية لأن فيها مميزات تعجبهم رغم إن فيه خيارات بديلة
شوف عبدالله
يمكن يجي ناس ويبدعون في المجال هذا صحيح
بس كااعمال يابانية لها لمستها الخاصه وجربنا هذا الشيء مع الألعاب مع ان الغرب متفوق حاليا بس تجد اللمسه اليابانية لها طعمها الخاص
الشيء الوحيد الي اتمناه من اليابانين يطلعون من الاعمال التقليديه حاليا والي جالسه تتكرر مثل البطل غالبا عمره صغير ... مدرسه هذا الشيء الي ينقص أعمالهم
و اظن هم حادين انفسهم بالشيء هذا