الموضوع الرسمي السياحه والسفر لأعضاء True Gaming

[Fatale]

^^

شوفت مقطع للبلو مان قروب ما حسيت انه شي يستاهل

مع العلم الكثير مدحه هل صدق يستاهل الواحد يحضره ؟

 

[iPeace]

^ انا رحته بدون ما اشوف عنه شي بعد ما نصحوني الشباب وكان ممتاز، تقدر تحجز تذاكر اونلاين، اعتقد ارخص اذا كانت قبل بفترة.

 

[Painkiller Q8]

^ احجز تذاكر Blue Man Group اذا عندك ليلة فاضية في اورلاندو، عندهم عروض الساعة 6 و 9.
لا تفوت يونيفرسال ستوديوز، ودزني لاند ما كان في وقت نروحها بس يقولون الشباب انها كبيرة ويبغالك اكثر من يوم اذا تبي تزور كل الممالك الخمس.
وفي مجمعات اوتلت في اورلاندو بعد اذا تبغى تشتري ملابس، على ما اذكر كانوا مجمعين كبار رحنا لواحد منهم بس ما اذكر اسمه.

يعطيك العافيه ... انا حجزت 4 عروض في فيغاس وكان عرض البلومين موجود بس كنت خايف انه يطلع عادي !!!

خلاص بما انه في اورلاندو راح ادخله انشاءالله .. خصوصا ان جدول اورلاندو فيه فراغات في المساء في بعض الايام !

بالنسبه لينفيرسال ودزني انا مسوي جدول تفصيلي في Google Calender فيه كل يوم وكل ساعه وين بكون وشنو بسوي ^^ لاتحادي تارس الايام ترس !

بس عندي سوال بخصوص السياره الاجار ... راح ناخذ سياره عائليه .. فيه شركه معينه تنصح فيها ؟

 

[iPeace]

بس عندي سوال بخصوص السياره الاجار ... راح ناخذ سياره عائليه .. فيه شركه معينه تنصح فيها ؟

ما عندي فكرة بس اكيد كل الشركات الكبيرة عندهم فروع في المطار فتقدر تقارن بينهم.

 

[Fatale]

^ انا رحته بدون ما اشوف عنه شي بعد ما نصحوني الشباب وكان ممتاز، تقدر تحجز تذاكر اونلاين، اعتقد ارخص اذا كانت قبل بفترة.

توكلنا على الله بحجز تذاكره اول ما اوصل اولاندو بإذن الله

 

[squall leonhart]

يعطيك العافيه ... انا حجزت 4 عروض في فيغاس وكان عرض البلومين موجود بس كنت خايف انه يطلع عادي !!!

خلاص بما انه في اورلاندو راح ادخله انشاءالله .. خصوصا ان جدول اورلاندو فيه فراغات في المساء في بعض الايام !

بالنسبه لينفيرسال ودزني انا مسوي جدول تفصيلي في Google Calender فيه كل يوم وكل ساعه وين بكون وشنو بسوي ^^ لاتحادي تارس الايام ترس !

بس عندي سوال بخصوص السياره الاجار ... راح ناخذ سياره عائليه .. فيه شركه معينه تنصح فيها ؟

انا رايح اورلاندو مع زوجتي 5 ايام و 6 ليالي .. ابغى اشوف جدولك الي بيكون هناك عشان استفيد لو كان ممكن ..

+ شوف ذا
Orlando Activities and Tours

بالنسبة للسيارة في ذا الموقع http://www.hotwire.com/
[URL]http://www.cheaptickets.com/

[/URL]

 

[Painkiller Q8]

انا رايح اورلاندو مع زوجتي 5 ايام و 6 ليالي .. ابغى اشوف جدولك الي بيكون هناك عشان استفيد لو كان ممكن ..

+ شوف ذا
Orlando Activities and Tours

بالنسبة للسيارة في ذا الموقع http://www.hotwire.com/
[URL]http://www.cheaptickets.com/

[/URL]

توني اشوف ردك >.<

بالنسبه لجدول اورلاندو كان حافل بالاحداث
اول يوم Universal Island of Adventures من اروع المدن الترفيهيه الي زرتها في حياتي.. لكن حجمها كبير والجو حار حاليا .. انت وحظك احيانا تجي غيوم ومطر خفيف يصير الجو روعه و احذر من لعبه بوباي المائيه ممكن تتبلل فيها 70% وممكن لا ... احنا شباب عادي تغرقنا ونشفنا بالمشي .. بس يمكن الحريم يتبهذلون فيها

ثاني يوم Universal Studios .. هذي تصلح اكثر اذا كنت مع اهلك لان الالعاب خفيفه وعروض وانت قاعد مايحتاج تتبلل او تتعب في الالعاب مثل المدينه الاولى

اهم شيء في يونيفيرسال اشتر تذكره مع XPRESS PASS لان الدور زحمه زحمه جدا واذا عندك هذي راح تخليك تفوت كل الناس وتدخل الالعاب بأقل من دقيئق .. اما الانتظار العادي يصل إلى ساعات :/

ثالث يوم Disneyland Magic Kingdom كبيره جدا جدا لدرجه انك احتمال ماتفتر فيها كلها والعاب كثيره ومحلات وعروض .. اهم شيء الـ FAST PASS اول ماتخدل الحديقه توجه للعبه حلوه واخذ الفاست باس مالها وترجع لها بعد ساعه ونص وتدخل بدون دور... اقرأ الطريقه وراح تفهمها

وباقي الايام دخلت Disneyland Studios - Epcot - Animal

Epcot لاتفوووووووووووووووووتك .. روعه روعه خصوصا اذا مع زوجتك

وفي اماكن كثيره في اورلانو..

تعديل >.< توني اشوف تارخ ردك ... الظاهر رحت لها وخلصت :razz::

----

حاليا انا في Las Vegas من اروع الاماكن الي زرتها في حياتي وعندهم عروض جباره لاتخطر على البال .. امس دخلت عرض افضل شيء شفته في حياتي ومصدوم إلى الآن ... صديقي الي زار فيقاس يقول هذا اخيس عرض فيهم !!!!!!!!!!!!!!!!!!!!!!!!!!!!!!

اليوم بشوف عرض O وبعدها عروض اخرى

هذا عرض امس اسمه الغموض

 

[Rare Games]

شباب ان شاء الله بروح النمسا واسبانيا هالصيف


عدة اسئلة محتاج اجابات لها وانا من الكويت طبعا

-الفيزا اعتقد الدولتين تتبع الفيزا الموحده للاتحاد الاوروبي اعتقد اسمها شنغلن كم سعرها كم تحتاج من الوقت ؟
-التنقل بين الدولتين اي افضل واقل تكفله طيران او قطار ؟ وهل احتاج فيز اضافية او بغيت اروح بالقطار لاني هامر بايطاليا ؟
-كم تقريبا معدل سعر التذاكر لو نقول شاملة الرحلة من اسبانيا الى النمسا ؟
- مخطط 15 يوم للسفرة كم تقريبا الحد الادنى تكلف ؟
- ماهي اهم الاماكن السياحية بالبلدين ؟ وفنادق جيدة كخدمة وسعر ؟
ومشكورين مقدما والي يعرف او اجابة وحدة لا يبخل علينا

 

[s3rorh]

كل ألي ودي أنصحك فيه هو خلي فيزتك Multi. ...و ليست single. ...علشان إذا سافرت بالطياره من ديره لديره. ... ما تتوهق لما يختمولك خروجي

 

[chris]

شباب أنا بإذن الله بروح أمريكا ( سياحة ) ومش عارف طريقة استخراج الفيزا السياحية كيف بالضبط

وهل ممكن احصل محلات تساعدني في استخراجها عن طريق السفارة الأمريكية بجدة ؟!

 

[Classic Player]

^

.. فيزة السياحة اسهل بكثير من فيزة الدراسة .... و في مكاتب السفر يضبطونك من و إلى ... بس طبعاً بمبلغ و قدره اتوقع من 500 الى 900 ريال ...

بعد المقابلة الشخصية اخذت تقريبا 3 اسابيع لين وصلتني .. يبيلك تلحق من بدري وتضبط امورك خصوصا اذا ناوي تطلع في الاجازة الصيفية

 

[~L.O.R.D~]

شباب أنا بإذن الله بروح أمريكا ( سياحة ) ومش عارف طريقة استخراج الفيزا السياحية كيف بالضبط

وهل ممكن احصل محلات تساعدني في استخراجها عن طريق السفارة الأمريكية بجدة ؟!

بجانب السفارة يوجد 4 محلات عشان الفيزا
انا امشي هناك بخطوات لأنها أمام بيتي تماما

 

[Rare Games]

شباب طيب الاماكن السياحية في النمسا واسبانيا ما حد عنده فكرة ؟

 

[chris]

مشكورين شباب عالاجابات :...

Lord علاء
ياريت تعطيني وصف أدق للمحلات عشان بروح لها اليوم أو بكرا بالكثير أن شا الله

 

[Painkiller Q8]

توني جاي من العمره , تقبل الله مني ومن المسلمين اجمعين !

السوال .. الحرم كان فيه تعديلات كبيره ومسببه ازدحاب , متى تخلص؟ لان اذا جاء الحج والتعديلات ماخلصت بتكون كارثه !!!

 

[Raheem]

Painkiller Q8
والله مدري،كل مرة يقولون بنخلص بالشهر الفلاني ومايخلصون
بس اتوقع انهم بيغلقون قبل الحج لانهم شغالين ليل ونهار

كيف كانت عمرتك..؟
وين سكنت..؟

وتقبل الله

 

[BlackBird]

شباب طيب الاماكن السياحية في النمسا واسبانيا ما حد عنده فكرة ؟

أنا رحت النمسا في صيف الـ 2010 ... للأمانة البلد هذا Overrated بقووووة، رحت التشيك في نفس الصيفية والتشيك أفضل منها بمليار مرة

أسبانيا وش تروح و وش تخلي ... لو تروح أشبيلية وقرطبة وتشوف الحضارة العربية هناك بتكتفي. أسبانيا بلد حلوة كسياحة بس الأفضل تروح مع أصدقائك لإن مع العائلة 75% من المتعة بتطير

 

[Painkiller Q8]

Painkiller Q8
والله مدري،كل مرة يقولون بنخلص بالشهر الفلاني ومايخلصون
بس اتوقع انهم بيغلقون قبل الحج لانهم شغالين ليل ونهار

كيف كانت عمرتك..؟
وين سكنت..؟

وتقبل الله

الحمدلله , العمره كانت جميله , وتقبل الله مني ومنك !

سكنت في الابراج بالضبط في الموفنبيك

------------

سوال !

ناوي اروح Hong Kong للمره الثانيه , عارف كل شي عنها

لكن بروح Singpore لاول مره ... في احد راح لها من قبل ؟؟

رايح ل 3 اشياء بالتحديد

Sky Park

ايضا يونيفيرسال ستوديوز

وفيها سيرك دي سويل !

 

[M00]

باذن الله بروح لندن بعد ثلاث اسابيع و بتكي هناك 6 اسابيع
فيه اماكن تنصحون بزيارتها ؟
+ ودي اشوف كوميك كون و معرض ثاني مخصص للانمي اسمه لندن انمي كون فهل هناك فعاليات مشابهه تنصحون اروح لها ولا اكتفي بالثنتين و اكتشف معالم انقلترا احسن ؟

 

[Rare Games]

شباب ابغى فنادق باسعار كويسه في باريس نقول بحدود 100 يورو لليوم او اكثر بشوي

وابغى مكتب تأجير سيارات عالمي من الكويت غير الاوفست

 

[squall leonhart]

شباب ابغى فنادق باسعار كويسه في باريس نقول بحدود 100 يورو لليوم او اكثر بشوي

وابغى مكتب تأجير سيارات عالمي من الكويت غير الاوفست

www.carhire3000.com/‎

 

[Lawliet]

ياجماعة بطلع إجازة شهر بعد رمضان ومحتاج لنصايحكم، أبغى مكان لطيف وهادئ مافيه مشاكل ووجع راس (كفاية اللي عندنا)، أبغى أرتاح نفسياً يعني. ياليت يكون فيه شاطئ يفتح النفس وجو حلو ومناطق سياحية كويسة، والرحلة بأكملها ماتكلّف واجد (من تذكرة سفر وسكن وأكلات وغيره)، عشان ناوي على مشروع بالمستقبل القريب وبعدين الزواج، مابغى يحصل تأخير بالخطة

 

[Miccool]

ابحث عن اندونسييا
ويمدحون تايلاند حق طلعات شباب
:w00t:

 

[Lawliet]

^
لول بس حاس الموضوع هناك بيكون معقد، خصوصاً فيما يخص التعامل مع الناس، لو يكون مكان يتكلموا فيه إنجليزي على الأقل بيكون أفضل

 

[Fatale]

^^

اندونيسيا الشباب يرحولها ومن الصور والمدح بس مشكلتها لا حضاره ولا تنظيم بس اجواء وطبيعه ورخص! بالإضافه للحنوسات!!

اممم عطني مزانيتك وابشر بالإقتراحات

بالمناسبة:

عاوز تعمل حفلة توديع عوزبيه :annoyed:

 

[Lawliet]

لأ لول باقي كثير على الزواج، كنت أقصد الخطط المستقبلية القريبة

كنت أفكر بكذا مكان، بعدين طلعوا الأهل بيسافرون أسبوعين بعد رمضان برضو، فقررت أروح معاهم ورجعتي أستريح شوي وأطقها مشوار بالسيارة لدبي

 

[Rakan HD]

^
تروح دبي بسياره ؟ كم كيلو بينك وبينها ؟

تذاكرهم لو تحجزها مبكر بتطلع عليك اضن طفس ,
انا مسافر على نهايه الشهر الي طاف طلعت علي التذكره مع التاكس وكل شيء 39 دينار كويتي ما يقارب 520 ريال ..السياره تعب وبتكلف عليك اكثر ,
اذا تبي سياره بدبي اجر سياره هناك .

 

[Lawliet]

^
أنا ساكن بالشرقية، يمكن حوالي 900 كيلو. برايك لو أحجز تذكرة يكون أفضل ؟

 

[Lawliet]

لول من كثر ما أنا متحمس ماعدت أفكر كويس، مرت كم سنة من أخر مرة طلعت برا السعودية. وش رايكم برجعتي أقضي كم يوم في الكويت أو قطر ؟ ماهم بعيدين واجد، غير إني للحين ما أدري وين بيروحون الأهل (مبدئياً أسبوعين في ماليزيا)

 

[Painkiller Q8]

رايح لندن ان شاءلله بعد 4 ايام

جدا مالي خلق واكره لندن وانا ولا مره رحت لها بسبب الاشكال الي تروح لها وغاليه جدا ولاهي سياحيه ابدا !

انا رايح لظروف خاصه م الاهل !

الي عنده خبره يفيدني بكون هناك لمده 8 ايام ! صوب الهايد بارك !