hits counter

افضل تلفاز 4k للجيمنج !!

  • بادئ الموضوع بادئ الموضوع Dmck
  • تاريخ البدء تاريخ البدء
XORO قال:

تقنية MicroLED من SAMSUNG بتكون احسن من الـ Oled وخاصة انها ما بتحترق
على حسب ما فهمت من كلامهم

ممممم 55 انش كم بيكون سعره 20000 يمكن ؟ :sweatsmile:
أنقر للتوسيع...


اعتقد ما بتنزل إلا عام ٢٠٢٠ والراجل يبغا شاشة الآن ولا كنا خليناه ينتظر شاشات oled موديلات ٢٠١٩ من lg لانه اعلنوا بانها بتدعم hdmi 2.1
 
التعديل الأخير:
bits قال:
اعتقد ما بتنزل إلا عام ٢٠٢٠ والراجل يبغا شاشة الآن ولا كنا خليناه ينتظر شاشات oled موديلات ٢٠١٩ من lg لانه اعلنوا بانها بتدعم hdmi 2.1
أنقر للتوسيع...

خلطت الحابل بالنابل..وش دخل ردي اللي مدري من اي سرداب طلعته :tearsofjoy::tearsofjoy:
 
ASWD قال:
خلطت الحابل بالنابل..وش دخل ردي اللي مدري من اي سرداب طلعته :tearsofjoy::tearsofjoy:
أنقر للتوسيع...

تصدق قعدت خمس دقائق أدور وين الغلط في ردي ::sweat::::sweat::::sweat:: والله ما أعرف كيف إقتبست ردك ولا من وين جبته::confused::::confused::
 
m7tram قال:
@ASWD ابشرك ولله الحمد شريت Sony A8F OLED ويوصل باذن الله بعد ٤ الى ٥ ايام.
أنقر للتوسيع...

يعطيك خيرها ويكفيك شرها فيصل..اقرى عليها المعوذات دام هالشيطون عندك..او خذ بنصيحة @Solay ::laugh::::laugh::

لا جديا اذا متوفر عندكم في لكويت سكرين بروتكشن خذها او اطلبها وانت مغمظ مثل هذي او اي نوع ثاني ممتاز
https://www.ebay.com/itm/55-inch-TV...701919?hash=item2cd74ce55f:g:X8EAAOSwlQpZ5P9j

ولا تنسانا من الصور
 
XORO قال:
مبروك تستاهل

الشاشة حقيقية فخمة بكم خذتها ؟
أنقر للتوسيع...

الله يبارك فيك .. خذيتها ب600 دينار كويتي ال55 بوصه.

ASWD قال:
يعطيك خيرها ويكفيك شرها فيصل..اقرى عليها المعوذات دام هالشيطون عندك..او خذ بنصيحة @Solay ::laugh::::laugh::

لا جديا اذا متوفر عندكم في لكويت سكرين بروتكشن خذها او اطلبها وانت مغمظ مثل هذي او اي نوع ثاني ممتاز
https://www.ebay.com/itm/55-inch-TV...701919?hash=item2cd74ce55f:g:X8EAAOSwlQpZ5P9j

ولا تنسانا من الصور
أنقر للتوسيع...

ههههه لا خلاص الغرفة تتقفل وما يدخلها الا المخولين رسميا انا والمدام XD .
 
@m7tram

مبروك اخوي حرفيا خذيت افضل شاشة شنو اكثر من انه الصوت من داخل شاشة التلفزيون نفسها

تتهنى فيها وراح تستمع بتجربة 4k
 
fatal framer قال:
@m7tram

مبروك اخوي حرفيا خذيت افضل شاشة شنو اكثر من انه الصوت من داخل شاشة التلفزيون نفسها

تتهنى فيها وراح تستمع بتجربة 4k
أنقر للتوسيع...

الله يبارك فيك .. واي قريت شكثر عن السماعات ويمدحونها جدا .. جدا متحمس للتجربة.
 
m7tram قال:
الله يبارك فيك .. واي قريت شكثر عن السماعات ويمدحونها جدا .. جدا متحمس للتجربة.
أنقر للتوسيع...
يبيلك جهاز بي سي بيفي يشغل 4K60 حتى تستمتع بجودة الصورة ، تخيل Resident Evil 2 Remake عليه مع كل هالمؤثرات البصرية او Sekiro اذا فيها تطبيق جيد للـ HDR ، عاد انا نفسك بسوي ابجريد لشاشة الكمبيوتر حقي بدخل عالم الالترا وايد من اوسع ابوابه و حاط عيني على شاشة Asus ROG Swift PG348Q ، احتمال اتوكل على الله و اخذها نهاية الشهر.
 
أشتريت شاشة OLED موديل هذه السنة و قرأت أن فيه تحذيرات كبيرة من مشكلة permanent burn-in رغم أنه في الموديلات الجديدة قلت بشكل كبير او هذا الي قيل لي، سؤالي هو مشاهدة و لعب على أقصى حد مدة سبع ساعات في الجلسة الواحدة ما راح يأثر و يسبب هالمشكلة؟ (سمعت أن تلفزيونات الأولد مش الخيار الأول للجيمرز)

الشاشة أخذتها تعمر معي أربع سنوات قادمة على الأقل و بسعر عالي و ما ابغى اتفاجئ بشيء ما كنت حاطه بالحسبان :/
 
Radical alias قال:
أشتريت شاشة OLED موديل هذه السنة و قرأت أن فيه تحذيرات كبيرة من مشكلة permanent burn-in رغم أنه في الموديلات الجديدة قلت بشكل كبير او هذا الي قيل لي، سؤالي هو مشاهدة و لعب على أقصى حد مدة سبع ساعات في الجلسة الواحدة ما راح يأثر و يسبب هالمشكلة؟ (سمعت أن تلفزيونات الأولد مش الخيار الأول للجيمرز)

الشاشة أخذتها تعمر معي أربع سنوات قادمة على الأقل و بسعر عالي و ما ابغى اتفاجئ بشيء ما كنت حاطه بالحسبان :/
أنقر للتوسيع...

الburns تنتج من تكرار نفس اللون او الصورة لفترات طويلة ، حاول تتجنب screen savers وما الى ذلك ووضعك بيكون زي الفل (:
 
Radical alias قال:
أشتريت شاشة OLED موديل هذه السنة و قرأت أن فيه تحذيرات كبيرة من مشكلة permanent burn-in رغم أنه في الموديلات الجديدة قلت بشكل كبير او هذا الي قيل لي، سؤالي هو مشاهدة و لعب على أقصى حد مدة سبع ساعات في الجلسة الواحدة ما راح يأثر و يسبب هالمشكلة؟ (سمعت أن تلفزيونات الأولد مش الخيار الأول للجيمرز)

الشاشة أخذتها تعمر معي أربع سنوات قادمة على الأقل و بسعر عالي و ما ابغى اتفاجئ بشيء ما كنت حاطه بالحسبان :/
أنقر للتوسيع...
انا شريت شاشة قبل ٨ شهور تقريبا، والحمدلله ما عانيت من الحرق او التطبيع بسبب نصائح موقع rtings. مع العلم اني العب فيفا بشكل مبالغ فيه.
اهم نصيحتين:
- لا ترفع اضاءة الشاشة للاخير الا عند الحاجة. اختباراتهم اكدت ان الاضاءه سبب رئيسي في تسريع حرق الشاشة.
- اذا الالعاب او الميديا اللي تشغلها فيها لوقو ثابت او ما شابه (عداد الطاقة في الالعاب، شعارات القنوات، لوحة النتائج في المباريات او فيفا)، فعل خيار في الشاشه يخلي المنطقة الثابته اقل اضاءة. طبعا انت ما راح تلاحظ هالشي الا بعد تدقيق.

٧ ساعات لعب متواصل بلعبة فيها شعارات ثابتة بتكون عرضة اكبر للحرق.
 
Eye قال:
الburns تنتج من تكرار نفس اللون او الصورة لفترات طويلة ، حاول تتجنب screen savers وما الى ذلك ووضعك بيكون زي الفل :)
أنقر للتوسيع...

الأوليد موجود فيه screen savers! شكراً على النصيحة.@@


zlatanovic قال:
انا شريت شاشة قبل ٨ شهور تقريبا، والحمدلله ما عانيت من الحرق او التطبيع بسبب نصائح موقع rtings. مع العلم اني العب فيفا بشكل مبالغ فيه.
اهم نصيحتين:
- لا ترفع اضاءة الشاشة للاخير الا عند الحاجة. اختباراتهم اكدت ان الاضاءه سبب رئيسي في تسريع حرق الشاشة.
- اذا الالعاب او الميديا اللي تشغلها فيها لوقو ثابت او ما شابه (عداد الطاقة في الالعاب، شعارات القنوات، لوحة النتائج في المباريات او فيفا)، فعل خيار في الشاشه يخلي المنطقة الثابته اقل اضاءة. طبعا انت ما راح تلاحظ هالشي الا بعد تدقيق.

٧ ساعات لعب متواصل بلعبة فيها شعارات ثابتة بتكون عرضة اكبر للحرق.
أنقر للتوسيع...

النصايح أفترض أنها خيارات متواجدة في السيتينج؟

للأمانة ألعابي غالباً فيها خيارات دوران الكاميرا فمش انها صور ثابتة لكن عداد الطاقة ما فكرت فيه قبل كذا وشكلي بحاول اطفيه تجنب لهذه المشكلة و immersive في اللعبة في نفس الوقت. السبع ساعات مجرد مثال عن الحالة القصوى و لا ما العب الا ثلاث ساعات اقصى شي كل جلسة.

موقع rtings أهم مصدر خلاني اشتري الشاشة فبشيك على نصايحهم اكيد يعطيك العافية.
 
شباب ما ادري اذا هذا الموضوع المناسب او لا لكن تلفزيوني الحالي خرب امس وخرب جو لعبي وانا العب متيرو :(
وهو تلفزيون عادي 1080P مش سمارت والان ابغى انتقل الى عالم 4K و HDR لكن ميزانيتي محدودة لحوالي 2000 ريال فقط .

بعد تقصي وبحث في سوق دوت كوم واكسترا طلعت بهذه الثلاث تلفزيونات ومحتار بينها :
Samsung NU7100
Sony KD-X7077
Toshiba U5865EE
ياريت احد يساعدني ولو في خيارات ثانية بنفس السعر انا منفتح لسماعها
 
Oldsnake قال:
شباب ما ادري اذا هذا الموضوع المناسب او لا لكن تلفزيوني الحالي خرب امس وخرب جو لعبي وانا العب متيرو :(
وهو تلفزيون عادي 1080P مش سمارت والان ابغى انتقل الى عالم 4K و HDR لكن ميزانيتي محدودة لحوالي 2000 ريال فقط .

بعد تقصي وبحث في سوق دوت كوم واكسترا طلعت بهذه الثلاث تلفزيونات ومحتار بينها :
Samsung NU7100
Sony KD-X7077
Toshiba U5865EE
ياريت احد يساعدني ولو في خيارات ثانية بنفس السعر انا منفتح لسماعها
أنقر للتوسيع...
لي تجربة مطولة مع nu71، التلفزيون على سعره يعتبر ممتاز خصوصا للالعاب. سعره حاليا ٢٣٠٠ ريال مع التخفيض.
اما الباقي فمالي تجربة معاه للاسف.
 
Oldsnake قال:
بعد تقصي وبحث في سوق دوت كوم واكسترا طلعت بهذه الثلاث تلفزيونات ومحتار بينها :
Samsung NU7100
Sony KD-X7077
أنقر للتوسيع...
https://www.rtings.com/tv/reviews/samsung/nu7100
https://www.rtings.com/tv/reviews/sony/x750f
اسم السوني غير لكن اتوقع هو نفسه الي عندنا .. بما ان سوني مرات تغير بعض الارقام لبعض المناطق
من التقييم بينهم سامسونج افضل بالسواد وبالجيمز وبالـHDR وبالانبوت لاق .. تقريبا باي شي يخص الجيمز
 
zlatanovic قال:
لي تجربة مطولة مع nu71، التلفزيون على سعره يعتبر ممتاز خصوصا للالعاب. سعره حاليا ٢٣٠٠ ريال مع التخفيض.
اما الباقي فمالي تجربة معاه للاسف.
أنقر للتوسيع...
حصلته في اكسترا ب ١٩٠٠

Unknown قال:
https://www.rtings.com/tv/reviews/samsung/nu7100
https://www.rtings.com/tv/reviews/sony/x750f
اسم السوني غير لكن اتوقع هو نفسه الي عندنا .. بما ان سوني مرات تغير بعض الارقام لبعض المناطق
من التقييم بينهم سامسونج افضل بالسواد وبالجيمز وبالـHDR وبالانبوت لاق .. تقريبا باي شي يخص الجيمز
أنقر للتوسيع...
انا الي اخترب علي سوني LED ويبدو فعلا من الريفيوز انه سامسنج افضل لكن مدري لما شفت الاثنين قدامي حسيت سوني الوانه افضل
لساتني محتار ...

تعديل : السامنسج تجميع مصر الي يوصل الاسواق السعودية البعض خوفني منهم ...
 
التعديل الأخير:
Oldsnake قال:
حصلته في اكسترا ب ١٩٠٠


انا الي اخترب علي سوني LED ويبدو فعلا من الريفيوز انه سامسنج افضل لكن مدري لما شفت الاثنين قدامي حسيت سوني الوانه افضل
لساتني محتار ...

تعديل : السامنسج تجميع مصر الي يوصل الاسواق السعودية البعض خوفني منهم ...
أنقر للتوسيع...
نصيحة لا تتباعد عن السوني... دقة الألوان فيهم ما لها مثيل، وخصوصا في حدود السعر اللي انت حاطنه
 
Oldsnake قال:
حصلته في اكسترا ب ١٩٠٠


انا الي اخترب علي سوني LED ويبدو فعلا من الريفيوز انه سامسنج افضل لكن مدري لما شفت الاثنين قدامي حسيت سوني الوانه افضل
لساتني محتار ...

تعديل : السامنسج تجميع مصر الي يوصل الاسواق السعودية البعض خوفني منهم ...
أنقر للتوسيع...
شاشات سوني و سامسونج و ال جي مستحيل يكونوا خيار سيء لل 4K و ال OLED

أكثر شاشات تبهرني بدقتها و تحسسني أن أشوف نقلة عملاقة عن ال 1080P هم شاشات هالشركات الثلاث، ف أنصحك تشوف الأفضل بين الخيارات المتاحة من هالشركات بالمزايا و السعر الي تبيه و المراجعات و إخذه ما راح تندم، إستثمار ممتاز للجيل القادم
 
احد يعرف اذا موديلات سامسونج Q90 نزلت في السعودية؟
 
في رأيي بما الجيل الحالي شارف على الإنتهاء ، من الأفضل أن يرتبط شراء تلفزيون جديد بمعرفة مواصفات الأجهزة الجديدة بالكامل ، أقل شيء معالج أفضل للشاشة وممكن حتى إذا ما كان التطور يستحق الذكر .. نفس الشاشة ممكن تأخذها بعد سنة بنص السعر
 
انا محتار جدا بين سامسونج Q6fn وسوني x9000f كلهم بنفس السعر
 
iRaven قال:
انا محتار جدا بين سامسونج Q6fn وسوني x9000f كلهم بنفس السعر
أنقر للتوسيع...

x9000f يتفوق في غالب الجوانب المهمة اكان من ناحية اللوكال ديمينج او الاتش دي ار برايتنس او الريفلكشن او بيكتشر كوالتي الخ..لكن في المقابل q6fn يتفوق في الانبوت لاج ويدعم الڤاريابل ريفريش ريت وفري سينك الخ وهذ مهم للبي سي جيمرز ان كنت احدهم

هذي مقارنة راس براس شوف النقاط اللي تهمك وتفوقها وين
https://www.rtings.com/tv/tools/compare/samsung-q6fn-vs-sony-x900f/623/585?usage=7318&threshold=0.1
 
Dark_N11 قال:
احد يعرف اذا موديلات سامسونج Q90 نزلت في السعودية؟
أنقر للتوسيع...

قصدك الفور كي او ٨ كي؟

اذا الفور كي اعتقد انه توفر لان اشوف موقع سامسونج عارض مكان الشراء كارفور..وبما انه الظاهر توفر في البحرين فهو مفترض توفر عندكم..خل في بالك انه اصغر حجم متوفر ٦٥ إنش
 
Oldsnake قال:
Samsung NU7100
أنقر للتوسيع...
اشتريت التلفزيون هذا من شهر تقريبا وبعطيك انطباعي عنه، بس مبدئيا احب اقول انا خبرتي في التلفزيونات ضعيفه .. سألت الشباب عن تلفزيون حلو وبسعر مناسب وهذا اللي نصحوني فيه، ايضا هذي اول تجربة لي مع تلفزيون 4K HDR & Smart TV

التلفزيون جدا رائع دقه الشاشة صافيه والالوان كثير حلوه بس عندي ثلاث ملاحظات عليه .. اولا التلفزيون يقدم لك خيار اسمه "وضع الالعاب" المفروض انك تستخدمه لما تكون تلعب وطبعا استخدمته والشيء الغريب انه يشوه الصوره ! جربته مع كذا لعبة ونفس الشيء ماتغير، صرت مقفله طول الوقت
ثانيا فيه الخيار اللي يحسن الاطارات ويخلي اللعبه كأنها 60 فريم، جربته وكان غير عملي بكل امانه تحسه مرات يحسنها بعدين فجأة يرجعها 30 وهالشيء يخرب عليك اللعب مايحسنه
ثالثا الـHDR .. قبل ما اتكلم عنه احب اقول ان البلايستيشن 4 حقي هو العادي ممكن المشكلة اللي مريت فيها تكون موجوده في العادي فقط، اول ماشبكت الجهاز في البلايستيشن 4 مباشرة رحت لاعدادات الجهاز في البلايستيشن وضغطت على زر التفعيل .. والجلطه قالي ان التلفزيون حقك مايدعم HDR! رحت مباشرة اقرا عن المشكله في النت وطلع فيه خيار لازم تفعله من نفس التلفزيون عشان الـHDR في البلايستيشن يشتغل، في البداية جربت الـHDR على لعبة نيد فور سبيد 2015 وبكل امانه مالاحظت فرق فيه او بدونه، جربته على لعبة سيكيرو ولاحظت شيء غريب في اللعبة ! لما احرك الكميره الشاشة تظلم ولما اوقفها تفتح والشجر لونه طالع...فاتح بزيادة وكأنه صاير ابيض اول ماقفلت الـHDR اللعبه صارت طبيعيه والوانها جدا حلوه، لحد الان ماجربت الـHDR على لعبتين غيرهم بس لا تحكم على التلفزيون من هالمشكله لان زي ماقلتلك جهازي هو البلايستيشن 4 العادي

مع اني كثرت كلام عن الملاحظات الثلاث الا اني حاب التلفزيون كثير ومبسوط فيه زي ماقلت الدقه صافيه والالوان حلوه ايضا سرعه تشغيل التلفزيون والتنقل فيه جدا سريعه، ولما تكون مشغل البلايستيشن 4 بعدين تقفله وتشغل السويتش التلفزيون مباشرة يبدل بين القنوات ويحطك على السويتش ! ايضا انا اشتريت التلفزيون خصيصا للالعاب وبكل امانه ابهرني من تعدد الخيارات اللي موجوده فيه مثل اليوتيوب ونيتفلكس وغيره من البرامج، ممكن هالاشياء تكون بديهيه لأي تلفزيون ذكي لكن انا هذي كانت تجربتي الاولى من هالنوعيه من التلفزيونات

لو حاب تسأل اي سؤال عنه تقدر تسأل وبفيدك ان شاء الله
 
انا اخذت سامسونج سيريس ٧ كيرف + بلايستيشن برو قبل سنة تقريباً ب ٢٥٠٠ ريال وبصراحة الشاشة ممتازة ما ادري عن الامور التقنية لكن بصراحة عايش التجربة على احلى ما يكون مع الجيمز .
 
لي فترة طويلة ابحث عن شاشة بجودة طيبة وبنفس الوقت سعرها ما يكون اوفر وموجودة محلي ولقيت شاشة ومبدئيا عجبتني بس انا ما فهم فالشاشات ابدا لذلك اريد المشورة منكم يا اصدقاء

https://www.samsung.com/sa/tvs/premium-uhd-nu8000/UA55NU8000RXUM/

سعرها مع توصيل مجاني من سوق كوم 4400
استخدامي للشاشة حصريات بلاستيشن وافلام ومسلسلات وممكن انمي .. خذوا نظرة عليها وقولوا لي رايكم فيها هل اخذها او اهون واقبل جميع الاقتراحات
 
killer360 قال:
سعرها مع توصيل مجاني من سوق كوم 4400
استخدامي للشاشة حصريات بلاستيشن وافلام ومسلسلات وممكن انمي .. خذوا نظرة عليها وقولوا لي رايكم فيها هل اخذها او اهون واقبل جميع الاقتراحات
أنقر للتوسيع...

اختصارا لمتطلباتك روح مع Sony X9000F سعر ارخص واللي وصل إلى ٤٠٠ دينار=٤٠٠٠ ريال في الوكالة عندنا واعتقد عندكم بعد

الميكسد ريتينج أفضل من شاشة سامسونج.والاهم انها أفضل من ناحية مشاهدة الأفلام والرياضة الخ وهي مفصلة لمتطلباتك..السامسونج تتفوق في الانبوت لاج والريفريش ريت وفري سينك اللي بيفيدك اذا كنت بي سي جيمر..هذ كمقياس لمتطلباتك..اما لو كنت حاب الشاشة وما يفرق معك فروقات هني وهناك ومومهم فرق السعر الخ..خذ السامسونج
 
يجب تسجيل الدخول أو التسجيل كي تتمكن من الرد هنا.
عودة
أعلى