اشاعه : Kingdom Hearts القادمه حصريه للوي ؟

[Nintendo]

The latest rumor on the street is that, the wii is going to be getting some Kingdom Hearts loving from its creators. The first ever Kingdom Hearts game will be announced for the Wii at this years Tokyo Game show.

The previous Kingdom Hearts games has been exclusive to the PS2 with a Gameboy version thrown in. The developers have already confirmed the game will be coming for the next gen consoles.

http://gamers-creed.com/?p=407#more-407

المشكلة نومورا ماعتقد يحب اجهزة ننتندو ( لول الرجال مانجح والناس عرفته غير مع ظهور اسم سوني ) .. ولكن وضع السوق الحالي اعتقد قابل لجميع الاحتمالات .. ولكن ماكانهم قالوا انه الجزء الجاي بيكون لعبه فرعيه على محمول ؟

 

[Tomb raider]

مممم ما اعتقد بصراحه !

 

[The Shark]

صدورها على الوي احسن لها ... لإن الاكس بوكس 360 وضعه مخزي باليابان و البلاي ستيشن 3 مو ماخذ وضعه في كل العالم ...

 

[BioMario]

اعتبرها اشاعة غبية بعد XD
لا وبعد حصرية لووول

 

[NESTA]

ما اعتقد يكون جزء اساسي لكن ممكن يكون فرعي..

 

[kInGsIzE]

^^^

اتفق مع نيستا .. فرعي ممكن لكن اساسي ما اتوقع ..

 

[mario0o]

كل شي جايز

 

[Naif]

ما بستغرب صراحة لو صار هذا الشي..

سكويراينكس تدور على الفلوس و الوي...:

مع اني افضل لو اشوفها برسومات قريبة على العروض مالتها..

 

[Futrus]

كل شي جايز
وضع البلاي3 مايخلي شي مضمون
بس خوفي تنتقل للدي اس -_-

 

[Final Fantasy]

جزء أساسي يكمل قصة الثلاثية ؟


انسووووووووووووو .


جزء فرعي .. يمكن .

 

[hussien-11]

هم من اول قالوا اللعبة بتكون على hearty console
​

 

[MariO]

جزء أساسي يكمل قصة الثلاثية ؟


انسووووووووووووو .


جزء فرعي .. يمكن .

And why is that????

 

[Humam]

أتوقع الخبر هذا صحيح بدرجة كبيرة.

 

[Final Fantasy]

And why is that????

للأمانة ما توقعت ألقى هالسؤال هني .

يعني سلسلة شخصياتها و قصتها مبنية على جماهير جهاز معين و معروف باستخدامها لتقينات عالية تتباهر فيها .. الجزء الأخير لها و مسك الختام لقصتها و شخصياتها ينزل على جهاز آخر مختلف تماما ؟

لا تقولون كل شي جائز و وضع الـ PS3 الخ الخ


ترى اللعبة مطولة اذا الفرق بين الأول و الثاني 4 سنوات .


و اذا فيه جزء قادم للـ Wii فراح يكون فرعي مثل COM .

 

[Nintendo]

محمود معقوله بعد كل ذا الوقت وبعدك ماتعلمت شئ ؟؟

خلاص انسى سالفة انه اللعبه صدرت لجهاز معين او جماهير معينه .. المفروض انك وصلت لمرحلة صرت تعرف فيها انه كل شئ تغيير ..

 

[Final Fantasy]

^

كأنك تقول أن ممكن مثلا MGS4 كانت تصدر للـ 360 حصرية و تنهي القصة عليها !؟

اذا جاوبتني بـ (نعم) فراح أوقف عن الرد بهالموضوع مباشرة

 

[Humam]

اممممممممممم... الحقيقة محمود عنده وجهة نظر جيدة.. فعلا شخصيا أحسه شي صعب.

 

[The Shark]

للأمانة ما توقعت ألقى هالسؤال هني .

يعني سلسلة شخصياتها و قصتها مبنية على جماهير جهاز معين و معروف باستخدامها لتقينات عالية تتباهر فيها .. الجزء الأخير لها و مسك الختام لقصتها و شخصياتها ينزل على جهاز آخر مختلف تماما ؟

لا تقولون كل شي جائز و وضع الـ PS3 الخ الخ


ترى اللعبة مطولة اذا الفرق بين الأول و الثاني 4 سنوات .

محمود وين الجماهير ؟؟؟ 3 ملايين بلاي ستيشن 3 مبيوع بس .. بينما البلاي ستيشن 2 باع أضعاف هالرقم عشرات و عشرات المرات ...
و ين البقية راحوا ؟؟؟
أنا أقول لك راحوا للـ360 و الوي ... هاذي هي الحقيقة .. و مصمم الألعاب ما يهمه غير يوصل عمله لأكبر عدد من اللاعبين ...

 

[Nintendo]

خلنا نشوف امممممممم ريزدنت ايفل بدات على اجهزة سوني والجزء الرابع وزيرو اعلنوا حصريتهم للكيوب .. وش الفرق اللي هنا ؟

ترى الشركات المنتجه مو مثل بعض .. كوجيما عنده سيطره على فريقه ويختار الجهاز بنفسه ولكن نومورا يمشي على حسب مايتم وضعه له .. باختصار سكوير غير وكونامي غير .. على الوضع الحالي شئ ( منطقي ) جدا لو شفنا اللعبه على الوي او حتى الدي اس ( اذا كان دراجون كويست اللي انت تعرف وش معناها و طبعا كقندوم هارتس ماتقارن فيها انتقلت للدي اس ) ..

لول واذا بعدك مصمم على سالفة السلسله وين بدات ترى السالفه كلها بورت للاول والثاني للوي ..

 

[Humam]

أنا أقول لك راحوا للـ360 و الوي

120 مستخدم للPS2 كلهم راحوا لل 360 و الWii بهذه السرعة.. أعتقد فيها مبالغة كبيرة جدا.

 

[Final Fantasy]

محمود وين الجماهير ؟؟؟ 3 ملايين بلاي ستيشن 3 مبيوع بس

أكثر من 4 ملايين + مثل ما قلت اذا اللعبة راح تصدر فهي بعد 2/3 سنوات لأنها مطولة .. تقولي الى ذاك الوقت الـ PS3 ماراح يقوم قايم على ريله من بعد تخفيضات السعر و الألعاب الي تعتبر سيستم سيليرز نازلة ؟

خلنا نشوف امممممممم ريزدنت ايفل بدات على اجهزة سوني والجزء الرابع وزيرو اعلنوا حصريتهم للكيوب .. وش الفرق اللي هنا ؟

و الرابع بالأخير شنو صار معه !؟

نزل على الـ PS2 ... و طبعا ما يحتاج أذكر أي نسخة فيهم حصلت على مبيعات أكبر بسبب تواجد الغالب من جمهورها على جهاز معين دون الآخر لأنها بدأت عليه و منتميه له .

 

[The Shark]

120 مستخدم للPS2 كلهم راحوا لل 360 و الWii بهذه السرعة.. أعتقد فيها مبالغة كبيرة جدا.

قصدي جزء منهم طبعا ... لكن هالجزء لا يستهان بيه أكيد ...

 

[The Doctor]

ممكن جداً

مع اني دائماً من لعبت الجزء الأول و انا اتخيل كيف بتكون اللعبة على البلاي3 بجرافيكس قريب للCG :yuck:

 

[Nintendo]

و الرابع بالأخير شنو صار معه !؟

وزيرو شو صار معه

نزل على الـ PS2 ... و طبعا ما يحتاج أذكر أي نسخة فيهم حصلت على مبيعات أكبر بسبب تواجد الغالب من جمهورها على جهاز معين دون الآخر لأنها بدأت عليه و منتميه له .

؟؟؟

تقصد بسبب انه البلايستيشن2 باع 100 مليون جهاز بينما الكيوب باع 20 !! يمكن كذا تكون الجمله صح ..

لول وسالفة بدات على جهاز معين ذي رهيبه .. اجل ليش فاينل فانتسي7 باعت اكثر من كل اجزاء فاينل الماضيه مع انه السلسله بدات على اجهزة ننتندو ؟؟

 

[Final Fantasy]

وزيرو شو صار معه

جزء فرعي

لول وسالفة بدات على جهاز معين ذي رهيبه .. اجل ليش فاينل فانتسي7 باعت اكثر من كل اجزاء فاينل الماضيه مع انه السلسله بدات على اجهزة ننتندو ؟؟

ما كنت أدري أن FFVII متصلة بالأجزاء الي طافت تعتبر مكملة للقصة و مسك الختام ؟!




على العموم جزء فرعي ممكن ... الجزء الثالث بنفسه انسو و وضحت قناعتي على شنو مبنية فوق .. و هذا القرار الأخير ;p --> الرد الأخير لي .

 

[Nintendo]

زيرو جزء فرعي ؟؟؟ اقسم بالله بديت اشك انك لعبته او خلصته ..

عن فاينل فانتسي انا كنت اتكلم عن المبيعات طالما انت ذكرتها بمبيعات ريزدنت ايفل .. ماكان قصدي انها قصة تكمل ولابطيخ ..

لول ايضا ماودي انقل الموضوع لشئ ثاني .. ولكن صدور اللعبه على جهاز اخر غير البلايستيشن3 طبعا احتمال وارد ..

 

[Final Fantasy]

زيرو جزء فرعي ؟؟؟ اقسم بالله بديت اشك انك لعبته او خلصته ..

بس مجرد توضيح .. ايه لعبته و خلصته أكيد

 

[kInGsIzE]

جزء فرعي

 

[Nintendo]

وجزء فرعي ؟؟ قصة ماركس سبنسر وكيف نشا التي فايروس وبيلي كوهين وريبكا والبرافو تيم والخ الخ وكل ذا واللعبه فرعيه ؟؟

والجزء الرابع يعتبر تكمله للقصة وهو ماله علاقة بالسلسله غير بجزء بسيط جدا ؟؟ سبحان الله ..

 

[hussien-11]

زيرو جزء فرعي !!!!!!!!!

>>> رايح انتحر
​