إنتقالات الصيف للموسم القادم | الموضوع الرسمي |

[Xavi]

انتقالات الصيف للموسم الجاي راح تكون كثيرة وكبيرة ..

المهم انا راح أقول اللي سمعته ..

لويس فيجو سيكمل مشواره الكروي في مانشيستر .. كريستانو إلى ريال مدريد ، وأدريانو إلى تشيلسي .. بالإضافة إلى رونالدو إلى ميلان ..وأخيرا القحطاني إلى الهلال :razz:

طبعا الانتقالات اللي قلتها كلها ماتمت للحين لكن ستتكفل الأيام القادمة بوضع حد لهذه الإشاعات أو الطلبات

( اللي عنده انتقالات يحطها هنا )

 

[Ginko]

غول الصفقات حاط عينه على كاسانيتو :razz: وناوي يلطشه من روما..
يابخته ياكابيلو يابختك

 

[Koshiro]

ادريانو اكد مانشيني وفاكيتي وموراتي انه ماهوب رايح اي مكان وبيجلس في الانتر....

فيجو الله ياخذ عمره ويفكنا منه..

الي انتقلوا ((رسميا)) ازكويرو لاعب بلباو انتقل رسميا للبارسا وواحد ثاني نسيته انتقل للبارسا..
--------
رينا حارس فياريال احتمالية انتقاله كبييييرة جدا الى ليفربول...

عبد الله (ويند) شفت فييري ضموه للمنتخبp: والدل الغبي ماضموهp:

 

[Koshiro]

تذكرت فان بوميل هو ثاني واحد انتقل للبارسا رسميا

 

[Xeno]

الانتقالات الرسمية للاعبين حتى الآن:

- فان بوميل (وسط)... من إندهوفن إلى برشلونة. (صفقة مجانية)
- إزكويرو (هجوم)... من أتلتيكو بلباو إلى برشلونة. (صفقة مجانية)
- جيرارد (وسط)... من برشلونة إلى موناكو.
- يانكولوفسكي (وسط)... من أودينيزي إلى ميلان.
- فوغيل (وسط)... من إيندفون إلى ميلان.
- كوفاتش (وسط)... من بايرن ميونج إلى يوفنتوس. (صفقة مجانية)
- ريينا (حارس)... من فياريال إلى ليفربول.

الانتقالات الرسمية للمدربين حتى الآن:

- المدرب هكتور كوبر من مايوركا إلى روما.
- مدرب خيتافي إلى فالنسيا.

 

[szero]

انتقالات الصيف ...... مفكر انقل التلفزيون للجهه الثانية من الغرفه لول والله جريتني <---ملاحظه: انسان ما يفهم بالكوره ولا شي
​

 

[Pegaso]

اتذكر قبل شهر وشوي سمعت ان فيغو سيكمل مشواره في الدوري الياباني قبل ان يعتزل.. eeved:
أعتقد أنها مجرد اشاعة...عالعموم ننتظر ونشوف..

- مدرب خيتافي إلى فالنسيا.

حال فالنسيا كانت سيئة جداً هذا الموسم...ما أعتقد ان مدرب خيتافي حيقدر ينتشل فالنسيا من أزمته..لازم حل جذري في تشكيلة الفريق..

 

[Master Chief]

فيه مدرب بلجيكي اسمه اريك غيريتس وقع مع غلطة سراي التركي لمدة سنتين

انشلوتي يبغى جيلاردينيو و بارما يطالبون ب 50 مليون هون انشلوتي و قال نبي ياكوينتا حق الاودينيزي فطلبوا نفس السعر اللي طبوه بارما (انكب انشلوتي)

تريزيغيه ممكن يروح لليون و كابيلو برظه يبي جيلاردينيو كبديل

ريكاردو حارس لسبون تقريبا اكد انتقاله لارسينال

 

[Nintendo]

ياسر القحطاني وقع لنادي الاتحاد الف مبروك

 

[Koshiro]

ياسر القحطاني وقع لنادي الاتحاد الف مبروك

بالله عليك عمر؟؟؟ ماقالوا انه بينقل الهلال؟

اظن كلويفرت نقل فالنسيا خلاص

 

[Koshiro]

على فكرة عبد الله- زينو صدق يقولون راؤول قريب من ليفربول؟ + فيه اخبار تتحدث عن انتقال سولاري الى الانتر...
واليوفي مهتم بكرستيانو زانيتي لاعب الانتر والانتر عرضوه مقابل مبادله بزامبروتا ودفع مبلغ اضافي..الصفقه غير مؤكده (مافيه امل اصلا يتخلون عن زمبروتا) بس اهتمام اليوفي مؤكد بزانيتي (لحد يتلخبط ماهو خافيير الكابيتانو زانيتي الثاني..)

 

[Nintendo]

ياسر اتحادي وان شاء الله بكره تشوفون الصور بالجرايد او اليوم بالمنتدى

 

[Xavi]

هههااهههاهاهاهاي ومن قال ؟! ياسر 80% هلالي وأكبر دليل يوم انسأل من أحد مذيعي أوربت على أن أحد شرفي الهلال اقنعه بالانضمام للهلال قال راح تكشف الايام لكم ^^ .. وماانسأل عن انتقاله للاتحاد يعني الكل واثق من انتقاله للهلال P: اتوقع الاسبوع ذا راح نشوف صور توقيع العقد رسميااااا !!

 

[Nintendo]

وقع اليوم نجم الهلال ( سابقا ) والظهير الايمن لمنتخبنا الوطني الكابتن احمد الدوخي لنادي الاتحاد لمدة اربعة سنوات قادمه وبمبلغ 4 ملايين ريال

قريبا تسمعون اخبار سعد وياسر

 

[Nintendo]

وقع اللاعب النصراوي ( سابقا ) سعد الحارثي لنادي الاتحاد لمدة اربع مواسم قادمه . كما وقع محترف نادي الشباب ( سابقا ) اترام لنادي الاتحاد ايضا ..

لول باقي القحطاني قريبا تسمعون خبره

 

[Xavi]

:jawDrop:: وش يستفيد النادي الاتحادي من الانتقالات دي ؟!

اقول خلوا القحطاني لنا على الاقل

حسبي الله ونعم الوكيل ..

أقول عمر متأكد من انتقال الحارثي اللاعب مو محترف عشان ينقل او لا اعتقد هو هاوي ... يعني مستحيل ينتقل @_@

 

[Nintendo]

الحارثي انتهى موضوعه وتم اسقاط اسمه من سجلات نادي النصر وتسجيله بنادي الاتحاد لانه هاوي

 

[Humam]

الدوخي أصلا منتهي.. يمكن يقدم شي للاتحاد خصوصا ان دا المركز مفنتقده الفريق.. ياسر القحطاني لو عاقل وعنده فكر كروي ناضج المفروض ما ينتظر وينتقل للهلال فورا لأنه الجو مهيء جدا بتميزه في الفريق .. الاتحاد زحمة نجوم.. واذكركم بالي صار لمرزوق العتيبي الي كان مهاجم من العيار الثقيل ومستواه اتدهور بشكل لا يصدق.. ياسر لازم مايطالع في الفلوس.. يعرف كيف يرسخ نجوميته أكثر.. ورانا كأس عالم لو قدم مستوى جيد ممكن يحترف برة في نادي عريق وذيك الساعة بتجيه الفلوس الصح.

 

[Nintendo]

لول الدوخي منتهي !! الدوخي افضل ظهير ايمن سعودي وهو باسوء حالاته مع احترامي للجميع وخلونا واقعيين

بالنسبة لياسر بالعكس مكانه بالاتحاد . السنه الجاية الاتحاد ماعنده غير مهاجم واحد وهو مرزوق لانه هاذي اخر سنه لحمزة و اليامي . يعني سعد وجنبه ياسر او مرزوق بيكون شئ ممتاز واكيد مع المحترف اترام

 

[Pichi]

ياعمي ..شوف احمد الدوخي ..مستواه سئ جداً ومغرور وخله يأخذه الاتحاد..شاتوه من المنتخب ..أنا شخصياًَ أفضل احمد البحري عليه..الي يتكبر على ناديه خله يطلع..
واعتقد ان اترام جدد عقده مع الشباب , و سعد الحارثي مااتوقع ان النصر يفرط فيه بكل هذي السهولة ..اما ياسر فأكثر من 5 مؤتمرات صحفية يقول فيها منصور البلوي انه أخذه و آخرتها خرااااااط..P:
هممم يقولون فيه نادي قطري راح يدفع أكثر من 20 مليون ريال O.O..ولا اتصور ان مبلغ هذا راح يتركه القادسية

 

[Nintendo]

معذور اخوي Pichi

 

[Humam]

عمر انا هلالي واتابع مباريات الهلال أكثر منك واتباع الاتحاد ايضا ومالي أي هدف إلا مصلحة الوطن لأن أصلا الدوري السعودي أنا ساحب عليه من زمان... فما أبغى جشع منصور البلوي يضيع مستقبل لاعبي منتخبنا.. خلي يترك ياسر في حاله..

أحمد الدوخي فعلا منتهي + مغرور .. استبعاده من المنتخب ما جا من فراغ ..أفضل ظهير أيمن سعودي ما يعني إنه شي جدا كبير.. أحمد الدوخي عرف إنه هجومي أكثر + حركة واحدة مايغيرها ابدا ودائما ماتزبط معاه + رفعاته مسكربة على لولبية على موزة برازيلية ماتعرفها .. جدا سيئة.. رغم ذلك أحمد الدوخي أثبت نفسه كظهير وظلت مشكلته الأساسية الرفعات.

وكلنا لاحظنا ان من يوم محمد نور وأحمد الدوخي ما استبعدوا المنتخب ماشي زي العسل.. زي هذولي اللاعبين ما ننكر إنهم مهرة.. بس لمن يجيك مغرور ويلعب بمزاج أنا ايش ابغى بلاعب يكون عالة علي وعلى الفريق .. في ستين داهية زي زيه الجدار مايبغى يلعب ينطق في بيته يحمد ربه إنه في نظام احتراف لقطه من الشارع .. ولا أنا غلطان ؟

 

[Nintendo]

سبحان الله مادري كيف منصور البلوي راح يدمر المنتخب !! اعتقد بعهد منصور البلوي وبوجود معظم لاعبي المنتخب من نادي الاتحاد تاهلوا لكاس العالم ولا نسيتوا ايش هو العمود الفقري للمنتخب !!!

بالنسبة لاحمد الدوخي سالفة منتهي هاذي اتركوكم منها الولد ماوصل عمره لل30 سنه وبعدين شفنا وش صار مع خميس العويران المنتهي و ابراهيم السويد المنتهي مع الاتحاد

وبالنسبة للمنتخب وسالفة محمد نور والدوخي . همام لازم يوم تتكلم تعطي كل ذي حق حقه . المنتخب السعودي حقق كاس الخليج وكاس العرب بوجود الاثنين وبدون اغلب العناصر الموجوده حاليا . كاس اسيا نور ماشارك فيه . وكاس الخليج هي العثرة الوحيده للمنتخب .. والدوخي كشخص معروف جدا انه ابعد مايكون للغرور ولاتلقوا التهم على الناس بدون ادله رجاءا

 

[Humam]

لول.. سبحان الله.. خلاص ماراح أفتح فمي بكلمة لأن الكل عارف البئر وغطاه

 

[king zell]

الدوخي سيء من يوم عرفته في الهلال.. و لا زال سيء.. البحري الآن أفضل منه بكثير و لاعب خلوق و منضبط شي نادرا تلقاه في السعودية..

الحارثي و أترام مكسب.. لكن اللي يسوه نادي الإتحاد الآن كله بيعود سلبا على الكرة السعودية.. لاعبين كثير يجمعهم و يركنهم في الإحتياط.. ترا البلوي عبقري و ذكي و هدفه من بعض صفقاته مش زيادة قوة الإتحاد.. بالعكس الإتحاد نادي نجوم.. لكن إضعاف الأندية الأخرى..

 

[Humam]

كلام محمد هذا الي في بالي.. واذا في اتحادي محايد يحط مصلحة المنتخب فوق أي شيء ولا يعزف على أوتار الميول أتحدة بليون في المية اذا ما يوافق على هذا الكلام...

 

[Nintendo]

لول محمد مسوي دعاية للاعب فريقه المفضل . محمد البحري مش ظهير ايمن من الاصل هذا اول شئ وثاني شئ البحري لاعم مايدعمك هجوميا عكس الدوخي

بالنسبة لسالفة يعود سلبا مادري هل تحسين المستوى المالي للانديةا لسعوديه بيضرها !! الشباب كل سنه يبيع طقة لاعبين ومع ذلك ينافس دائما على البطولات . مش مشكلة البلوي انه الفرق ماتشتري لعيبه ومش مشكلته انهم مايعرفون يصنعون جيل مثل الشباب اذا ماعندهم امكانية الشراء .. كل الاندية اشترت لعيبه واتركن بعضهم رغم اسمائهم الجيده خارج الفريق الاساسي والتوفيق بيد الله سبحانه وتعالى ..

 

[Nintendo]

المشكلة بعض الشباب واخذين الشغله عناد وبس . مثلا السنة القادمه لعيبة المنتخب راح يتم تفريغهم من المشاركات المحليه . يعني عذر انه الاتحاد يجمعهم ولايستفيد منهم السنه الجاية ماراح يكون موجود بحكم غياب اللاعبين الدوليين اصلا

 

[king zell]

مش مشكلة الإتحاد إنه الفرق الثانية ما تقدر تشتري؟ هذا الكلام يكون صحيح لو إن الفرق الثانية عندها فلوس مثل الإتحاد.. بتقول لي الهلال و الأهلي.. يعني كلهم 3 أفرقة اللي يقدرون يشترون في المللكة.. و الإتحاد ماخذ كل شي..

البحري أنا و الله حتى لو إني فعلا أسوي له دعاية.. أتوقع إنه ما يحتاجها.. لنه شخص أثبت نفسه و كان مع منتخب الشباب قبل ما يكون في المنتخب الاول.. و مستواته رائع جدا..

بطولة الملك فيصل "الله يرحمه" تحت 23 سنة فاز فيها الإتفاق السنة الماضية و اللي قبلها.. و الفرق الثانية ما تقدم له حتى أقل منافسة.. لأن قاعدة الإتفاق أفضل منهم بكثير.. الشباب أيضا و هذا واضح من كثر ما يبيع لاعبين و يحافظ على مستواه كأفضل فريق سعودي هالسنتين..

بالنسبة ليعود سلبا.. هذا الشي مش شرط يطلع أثره في الأمد القصير.. ممكن يطلع في الأمد البعيد.. اللاعبين اللي ياخذهم الإتحاد هذول نجوم فريقهم مثل القحطاني و الحارثي.. و قبلهم أخذ مرزوق و اللاعب من يوم انتقل للإتحاد انتهى.. صفقة "القهوجي" هذي اسمها لعب عيال هدفها ما كان الإصتفادة من اللاعب نهائيا.. الآن كل هذول النجوم بيتجمعون في الإتحاد و رغم إن مجموعة بتبرز مجموعة أخرى كبيرة راح تدفن حية و كان بإمكانها تقدم أكثر في ناديها الأصلي يوم كانت الفرصة مفتوحة أمامهم بشكل أكبر..

و هذي وجهة نظري بالموضوع مع العلم إن الإتحاد من أحب الأندية بالنسبة لي لأنه فريق ممتع و روحه عالية.. و أحبه أكثر من الهلال و النصر و الأهلي و غيرهم.. لكن شعوري إتجاه اللي يصير مرة واضح بنفسي..

 

[Humam]

ههههههههههه ياسلام محمد والله تنفع نحطك الأمين العام للاتحاد السعودي لكرة القدم .. بس ياخوفي تخلي نهائي الدوري في ملعب الراكة