حبيبنا
@No Longer Human
انا معاك بشكل عام ،و اتفهم انك مقهور وضايق صدرك و ربنا يفك ضيقك و ضيق الجميع
طيب الموظف لو قالك انه الشركة ما تبيك لانهم يبون مواصفات معينة في الموظف ، هل هذا بيفرق في شي معاك ؟! اكيد لا
انت راح تزعل في كل الأحوال لكن لا تخلي الزعل يسيطر عليك لأنه راح يتحول لإكتئاب بدون ماتحس ..
انا كنت عاطل لاربع سنين وانا رب اسرة و مغترب عن عيالي ، عاد تخيل النفسية >> انت شكلك بتطلع سوالفي غصب 
كل اللي عليك تسويه انك لا توقف بحث و مقابلات عمل لثلاثة اسباب :
- يمكن تلقى وظيفة
عن طريق احد موجود في محيط المقابلة ، وهذه صارت لي و توسطت لواحد ما اعرفه ..
كنت رايح لمقابلة عمل و لقيت واحد في صالة الإنتظار ينتظر دوره - يمكن بسنك او اصغر بعد -، بنهاية دراسته الجامعية - دردشت انا و اياه شوي وقت الإنتظار ، وكان جاي قبلي بساعة اظن ، مع الكلام معاه بين معاي
نظريا انه شغّيل و متحمس ( انا سابقا مسؤول فرع مبيعات وندور على هالنوعية من الشباب ) ، المهم دخلت قبله للمقابلة فأول شي نبهت موظف التوظيف على الشخص هذاك و مدحته و قلت له لو بيدي ماراح اضيعه ، إلحق عليه قبل ما يزهق و يمشي ، الموظف تفهم قصدي و استدعاه و استأذني انه يبدأ معاه بالأول فقلت له (قو اهيد ، ماعندك مشكلة
)
و سوا مقابلة معاه وانا موجود ، انا كيفت على المقابلة بصراحة و كذلك الموظف واضح انه انبسط منه كثير ، وقال لي بعد ماخلصو المقابلة انه فعلا ما يتفوت
المهم اتوقع انهم قبلوه اما انا لا
- خذ رقم مسؤول التوظيف ،
و تابع انت معاه بعد كم يوم ، فحتى لو قالك مافي نصيب اسأله اذا ممكن تعرف السبب عشان تحسن من نفسك في المرات الجاية عندهم او عند غيرهم .
( الغرض من التواصل هنا يا اما تذكر الموظف انه عندك رغبة بالوظيفة فيمكن يحطك في باله اكثر + انك تعرف اسباب الرفض اللي ممكن تكون مقنعة فحتخليك تشتغل على نفسك شوي ).
و هذا اللي سويته في المقابلة اللي ذكرتها فوق ، لما اعتذر سألته عن السبب جاوبني ، وفعلا كانت الأفضلية ماهي لي
.
و لما يقولو لك بنتصل عليك بعدين اطلب منه رقم عشان تتواصل معاه في حالة انهم تأخرو بالرد .
- ببساطة ممكن تنقبل .
بالتوفيق ...
