إذا بلغت الثلاثين هل ستلعب الفيديو جيمز أم ستعتزل ؟

[قناص]

بعد ما وصلت لعمر 23 سنة و أنا العب فيديو جيمز و متألقم مع الوضع من زمن طويل
حسيت أني لا يمكن أترك اللعب حتى لو كبرت أكثر لأنه صار لايف ستايل بالنسبة لي و مرتاح
للآخر يمكن تمر على فتره أترك اللعب لكن لا بد اعود ألعب و أتابع الأخبار ..
الشيء الذي خطر على بالي هو هل اللعب بعمر الثلاثين أو الأربعين بيكون عادي مستقبلاً أو
بيكون شيء مستهجن ؟

 

[G7Ga7]

مع كثرة المسؤوليات راح يقل وقت اللعب ومتابعة الأخبار والصناعة هذي أول بأول. لكن اعتزل نهائياً؟ أكيد لا. طالما اجد نفسي استمتع بالفيديو جيمز, ما فيه اي سبب اتركها.

تعديل:

بيكون عادي مستقبلاً أو
بيكون شيء مستهجن ؟

جيلنا جيل متفتح على الجيمنج وكيف انها اكبر من مجرد "العاب اطفال". أظن والله اعلم بعد 10 سنوات عدد الجيمرز الي فوق الـ30 بيصير اضخم من الان بكثييييير.

 

[The Last Lombax]

الشيء الذي خطر على بالي هو هل اللعب بعمر الثلاثين أو الأربعين بيكون عادي مستقبلاً أو
بيكون شيء مستهجن ؟

أهلي الآن مستنكرين أني ألعب فيديو جيمز وهذا وعمري 18 سنة , فلو وصلت 23 و لا 24 ما أدري أيش راح يقولون عليا :tongue:
===========================
بالنسبة لي ممكن أني أوقف لعب لو كبرت وغالبا راح يكون بسبب الضغوط والأستنكار من أهلي رغم أن أخويا المتزوج مازال يلعب حتى الآن بس على خفيف . لكن راح أستمر أتابع الأخبار ولو أن أحس الوقوف عن اللعب مستحيل

 

["a7mad"]

انا للحين ما وصلت لل 18 لكن دائما اقول في نفسي لو كبرت و تزوجت ان شاء الله مستحيل اترك اللعب .. يمكن اقلل منه .. يعني مثلا لو كبرت تكون اشغالي اكثر .. لكن زي ما قال جحجاح

أظن والله اعلم بعد 10 سنوات عدد الجيمرز الي فوق الـ30 بيصير اضخم من الان بكثييييير

 

[Golden Wind]

اخواني الكبار متزوجين واعمارهم واحد 30 والأكبر 32 او اقل او اكثر
لكنهم لحد الآن يلعبون وعادي /=
بسيمي سان و عمودي سان اعمارهم قريب 30 كأني سمعت مديرين TG لحد الآن ويلعبون ايضا لحد الآن !
وفي احتمال اني اتركهم تالي بس ما ابغى هالشي يصير ولا ابغى افكر بالهشي :sadwalk:

 

[Strange Person]

ما اتوقع اني بترك الالعاب لو وصل عمري 30 او اكبر , إلا لو طريقة الالعاب نفسها تغيرت يعني ما تصير بـ joystick يعني يصير شكلها ثاني ما نقدر عليها , و مو شيء غريب واحد متزوج و في نفس الوقت يلعب , في كذا واحد سمعت عنهم انهم متزوجين و متابعين بشغف للالعاب , بطبيعة الحال راح يقل وقت اللعب , لكن ما اتوقع اني اتركها بشكل نهائي إلا بسبب ظرف قاتل !

 

[JIN KAZAMA]

من وجهة نظري اشوف ان الفيديو جيمز صار شي عادي زيه زي الانترنت والافلام كلها وسائل ترفيه ,كمان الاحظ انه في ناس كثير عمرهم فوق ال30 ويلعبون كوره ولا سيارات كنوع من التحدي ,اعتقد انه في المستقبل القريب راح نشوف الفيديو جيمز زي الانترنت والافلام مافي سن معين للعبها

 

[alakafi]

موقع نيو جاف معظم الي فيه فوق الثلاثين الثلاثين ومتزوجين ومخلفين

هل لو بلغت الثلاثين راح تتوقع عن مشاهدة الكورة او لعب الكورة او إلخ

ممكن يقل وقت فراغك لكن تتوقف عن هوايتك مافي سبب يخليك تتوقف

 

[The Doctor]

طول مافي ألعاب تسوى تنلعب، أنا ابظل العب

 

[AS-HI]

انا اعرف ناس عدوا الثلاثين وهم مازالو يلعبون بلايستيشن 3 وابشرك اعرف ناس منهم يتابعون الانمي
مو شرط تترك الجيم اذا كبرت مثلاً انا اترك الجيم يوم اني صغير على ايام بلايستيشن 2 و ايام اكس بوكس بالسبع شهور تقريباً
الحين رجعت لاجواء الجيمز مع اني كبرت وفوق هذا توسعت دائرة العابي اللي احبها

 

[AL3TTR-M]

لاصار عمري 30 سنه يمكن يختفي الفيديو قيم :laugh::

 

[JIN KAZAMA]

لاصار عمري 30 سنه يمكن يختفي الفيديو قيم :laugh::

ليش كم عمرك؟ سنتين :wow:لول

 

["a7mad"]

لاصار عمري 30 سنه يمكن يختفي الفيديو قيم :laugh::

و يمكن يتطور اكثر ..

 

[MALDINI]

بالنسبه لي راح تقل الساعات الكثيره اللي اقضيها مع الفديو جيمز, شي طبيعي بما انك عندك اشغال اهم وعائله بتهتم فيها بعدين انشالله, لكن ما اقدر اشوف نفسي بيوم من الايام اترك الجيمز.
صعب انك تترك الجيمز اذا كنت تلعبه اقل شي بالاسبوع اربع ايام, راح يفوتني الكثير, وودي اشوف ايش مصير العاب وسلسلات مشهوره بالجيمز وايش اللي بيصير لها بتختفي او تتطور؟ او بنشوف مفاجئات اخرى بالطريق.

 

[Madainee]

اي جيمر عاش متعة الفيديو جيمز من ايام العصر الذهبي مستحيل انه يتركها حتى ولو ماعنده وقت او ضروف الخ... مصيره يرجع , بالنسبه لي صارت مثل الاكل والشرب واذا مافي فيديو جيمز في حياتي مدري وش بصير فيني طبعاً من سنين طويله وانا مدمن لدرجة اني في ايام الطفوله و المراهقه كنت حاط ميزانيه خاصه لها "مطفش اهلي من كثر الطلبات في ذيك الايام" , في الاخير لا فيديو جيمز لا حياه بالنسبه لي :sarcastic:

 

[SALAH]

طول مافي ألعاب تسوى تنلعب، أنا ابظل العب

هذا الكلام الصح
لكن السؤال هل لو صار عمرك 40 سنة بتظل تلعب ؟ همممم....

 

[MAXI]

على حسب وقت الفراغ او وقت الترفيه المحدد في يومك او اسبوعك , العاب الفديو حاله حال اي العاب شعبية او تقليدية سابقاً مثل : ( الدومنز , البلوت , الكيرم ) و اغلبكم شايف ان اشخاص بعمر الستين و السبعين فالينها بالألعاب السابقة , فطبيعي اغلبنا لو ما لحق على هالجيل او عاش بالجيل السابق راح يشوف الفديو جيم لتسلية صغار السن فقط و هالأمر ينطبق على الأنمي في من يستنكره و في من يتابعه بعمر الـ 30 و فوق .

تعديل :

لكن السؤال هل لو صار عمرك 40 سنة بتظل تلعب ؟ همممم....

لو تسمح لي اعيد صياغة السؤال !
هل لو صار عمرك 40 بتحدد لك وقت لترفيه ؟

 

[Hironobu Sakaguchi]

انا الان 25 وصارت الالعاب عندي كاني اشتريها للتجميع اكثر من اللعب
ما صار عندي حيل العب مع كثر الانشغالات*
على العموم الحسنتين الوحيدة اني اشتري لعبة واحدة واركز عليها, واني ما اشتري اي لعبة الا وانا فعلا ابيها*
وكده اقدر اضمن اني ما اضيع فلوسي على العاب ما تسوى الا في بعض الاستثناءات ^^

 

[The Doctor]

لكن السؤال هل لو صار عمرك 40 سنة بتظل تلعب ؟ همممم....

أنا ابظل اشاهد تلفزيون و أفلام (و غيري مباريات إلخ).. ايش فرقت الألعاب؟

 

[xxamerxx]

من توظفت بديت ابتعد عن الجيميز مع اني تحت 25 لان ما عندي وقت العب زي اول لكن السؤال اللي يطرح نفسه هل راح ارجع للجيمز زي اول اذا تقاعدت ؟؟؟؟

 

[kaltar94]

الوالد الله يحفظه بعمر 46 ومازال يلعب كل لعبة ماريو بتنزل لانه يلعبها من اول لعبة ماريو نزلت ومستمر الى الان

 

[Youssef90]

من وجهة نظري اشوف ان الفيديو جيمز صار شي عادي زيه زي الانترنت والافلام كلها وسائل ترفيه ,كمان الاحظ انه في ناس كثير عمرهم فوق ال30 ويلعبون كوره ولا سيارات كنوع من التحدي ,اعتقد انه في المستقبل القريب راح نشوف الفيديو جيمز زي الانترنت والافلام مافي سن معين للعبها

+1

 

[MaxPro]

بالنسبة لي هذا الامر صعب اني اترك الجيمينج لان شي تعودت عليه من الصغر

واهم شي الاستمتاع فإذا كنت مستمتع فاستمر باللعب

واكيد ان اوقات اللعب ستقل اكثر عن الان ولكن لن تختفي

وجيلنا المحب للالعاب سيكبر معنا ويصبح الامر عادي جدا وليس حالة شاذة

 

[www]

نترك ابوه بعد , وانا وفي هالجيل حاسس بملل وتكرار في الالعاب , سيطرت الغرب في الالعاب بخليني ارجع :yuck::

اصلا ما صرت العب كثير زي زمان , حدي لعبة ميكامي القادمه وبعده احلى سيفون :sarcastic:

 

[Classic Player]

والله أنا عادي بالنسبة لي , هو مُجرد ان وقت اللعب راح يقل

عندي عائلة كلها قيمرز و الكل يدعم القيمنق

عماني و خوالي كلنا نلعب , الكبار الي في الـ ثلاثينات وقت اللعب قليل و لكن يلعبون وقت الفراغ كورة او يختم لعبة يلعب مرحلة او مرحلتين ويقفله
او يلعب مع اولاده تحديات

يعني الوضع عادي جداً , هي المسألة هل بيكون عندك وقت فراغ او لا !

 

[S M ! L E Y]

السلام عليكم و رحمة الله و بركاته ,,

ربما يستغرب من هم أكبر منّا سناً - أغلبهم - كوالدينا و إخوتنا الكبار تعلقنا بالألعاب حتى في هذه السن و هذا لأنه لم يكن أمراً شائعاً في زمنهم , و لكن الآن أصبح من النادر أن تجد منزلاً يخلو من أجهزة الألعاب , على الأقل الـPSP و الـDS إن لم تتواجد أجهزة الكونسول ,,
لذا جيلنا في السنوات القادمة سيكون مختلفاً عن سابقه بتمسكه بألعاب الفيديو و لن يستغرب أحد هذا الأمر ,,
و لكن فعلاً مشاغل الحياة قد تبعد البعض عن عالم الألعاب و لكن في الغالب ستبقى قلوبنا معلّقة بعالم الألعاب و متى ما وجدنا فرصة للعودة فإنّا سنعود :

و أتّفق مع الأخ www في رأيه , فإن استمرت صناعة الألعاب على الطريقة الغربية و التي تهتم بالأرباح قبل كل شيء [Call of duty] < أبسط مثال ,
فإن مستقبل الألعاب سيكون في خطر .. /:
مع أجهزة الجيل الجديد الـPS3 & Xbox360 بدأت أشعر بالملل من التكرار القاتل و القصص المملة و نظام الـopen-world الذي أصبح يحشر انفه في كل جانب ,, لا توجد ألعاب لها أسلوب خاص أبداً , إلا ما ندر ,
لكن الـWii و الـDs ما زلت معهما مستمتعاً كما استمتعت بالـPS1 و الـPS2 و الـGC و الـDC و الـGBA .

 

[xz995]

راح يقل وقت لعبي صح لكن ابدا ماراح اترك الفديو جيمز حتى ولو بشكل متقطع لكن ثقيل وليس خفيف

 

[Golden Wind]

لكن الـWii و الـDs ما زلت معهما مستمتعاً كما استمتعت بالـPS1 و الـPS2 و الـGC و الـDC و الـGBA .

مقتبس من الحقيقة الواقعية !!!

 

[www]

شكلي بخذ لي الwii ممكن الي كنت افتقده في جهاز ال360 احصله فيه maybe :whistle:

 

[Fahad Al-Shareef]

اكثر من مره ناقشت كم عينه من مجتمعنا المتطور واللي يضرب فيه المثل في العلم والاخلاق والفكر الراقي والنقاش الحضاري ، لما سالته وش رايك باللي متزوج وعنده عيال ويلعب ، تتوقعون وش قال ؟ ..

يقول هذا مو رجال ، كيف يترك اهله وعياله ويجلس يلعب وماحد عندهم ومدري ايش .

طيب ياخي .. اتوقع ان البنت لما يجيها واحد يلعب فيديو جيمز الى الفجر في الويكند ، ولا يطلع استراحه ويلعب بلوت الى الفجر ؟ . اكيد راح تبي الجيمر .

يعني الجيمر في اسوء الاحوال راح يكون متواجد مع اهله وعياله ، حتى لو ماكان متزوج راح يكون قريب من امه وابوه واخوانه ..

واللي يقهرك زود لما يقولون لك مضيعه وقت ، طيب يا ادمي ياعاقل .. ياخي انت تشوف كوره تقريبا ً ثلاث مرات بالاسبوع ، وتشوف افلام ، ومسلسلات ، يعني جت على الجيمنج ؟

اتوقع على الوقت اللي بيكون كل واحد فينا عنده عيال ومتزوج ، الجيمنج راح يكون شي عادي زي الكوره ولا جلسة البلوت .

بالنسبه لي اخر شي افكر اقطعه الجيمنج ، الشباب اللي يقولون ماعندي وقت ، شوف اخوك المتزوج ، ولا حتى ابوك .. اعتقد وقت الفراغ عندهم كبير ،

يروح يدااوم ويرجع ، لو قلنا انه بينام العصر مثلا ً ويقوم المغرب .. من المغرب الى تقريبا ً منتصف الليل وش يجلس يسوي ؟

اوكيه يجلس مع عياله ويتقهوى ويتعشى ويتغدى ماختلفنا ، لكن ما اعتقد الامور هذي كلها تاخذ ساعتين .. لول اصلا ً ما اتوقع اذا تزوجت عيالك بيعطونك وجه

تلقاهم بياخذون اجهزتك ويلعبون فيها ، حتى بالعكس هذا يفتح لك باب انك تتواصل مع ابنك ، ميزه الابو النون جيمر ماعنده .