إذا بلغت الثلاثين هل ستلعب الفيديو جيمز أم ستعتزل ؟

[Fahad Al-Shareef]

حتى لو في ناس مو مستفيدين منها فوائد فعلية في فوائد أخرى، أقلها راحة البال اللي تجي من الجيمنج... فائدة، واللي ما يعتبر راحة البال فائدة هذا إنسان مريض.

بالزبط .

 

[Old Snake]

لا ما أظن...أساساً أنا من الآن ما صرت ألعب غير لعبة وحدة "لعبتين بالكثير" كل ثمانية إلى تسعة أشهر إذا مو أكثر فما أظن إنه بعد خمس سنوات راح يكون عندي أي إهتمام بهذي الصناعة سواءً وجدت الوقت أو لا...:slant:

 

[Gladiator]

رد كبير يا جحجاح

حتى لو في ناس مو مستفيدين منها فوائد فعلية في فوائد أخرى، أقلها راحة البال اللي تجي من الجيمنج... فائدة، واللي ما يعتبر راحة البال فائدة هذا إنسان مريض.

يعني راحة البال ما تجي مع قراءة القرآن(الا بذكر الله تطمئن القلوب) عشان نخليها في الجيمنج؟

الجيمنج له فوائده وسلبياته وما ادري الصراحة اذا وصلت الثلاثين اذا بتم العب ولا لا

 

[Madainee]

 

[Super Shadow]

حتى لو في ناس مو مستفيدين منها فوائد فعلية في فوائد أخرى، أقلها راحة البال اللي تجي من الجيمنج... فائدة، واللي ما يعتبر راحة البال فائدة هذا إنسان مريض.

من جد

 

[Lord of Cinder]

كل شيء بغيت اقوله قاله جحجاح ماشاء الله عليه . واخص بالذكر نقطة ان الفيديو جيمز ابعدتني الحمد لله عن اشياء سيئة واشياء ممكن كانت بتغير مستقبلي للاسوأ . لكن الحمد لله من بعد فضل الله ثم وجود الجيمز ابتعدت عن هالاشياء وان شاء الله مااقرب منها . وفوق هذا الجيمز اعتبره شيء مسلي ومفيد فعلا ويشغل حيز كبير من وقت الفراغ .

 

[mohamed]

- لغة انجليزية متقدمة عن الجميع وأنا ما عمري طبيت في بلد انجليزي.
- أصدقاء ومجمتع رهيبين.
- قربتني من اخواني وأقاربي بشكل كبير.
- وفرت لي اهتمام بمجالات ما كان ممكن أهتم فيها لولا الله ثم هي. مثل التقنية, وصناعة البرمجيات وغيرها.
- كانت حافز كبير للدراسة في وقت مبكر من حياتي.
- أبعدتني عن اهتمامات -في نظري- سلبية مثل الهجولة والتفحيط والمغازل وكلام المراهقين هذا.

كل شخص استفاد من الجيمنج بطريقة أو بأُخرى. ممكن يعرف كيف على طول, وممكن لا. لكن السؤال هنا لو ان الفيديو جيمز ما كانت جزء من حياتك, وش كانت بتصير؟ عارف ان الجواب البديهي "أفضل" لكن أنا اتحدى. مو أي واحد يترك الفيديو جيمز بيصير عالم أو محب للفلك ويقرأ عن كل شيء في الدنيا ويصير فيلسوف زمانه. فُرص ان حياتك بتكون أفضل هي نفسها فُرص ان حياتك كانت بتكون اسوأ. ممكن بدال الليلة الي قعدت فيها تلعب لعبة بريئة مع اخوياك الجيمرز, تكون طالع تدخن شيشة في مقهى وتلعب بلوت إلى آخر الليل. ممكن بدال ما انت قاعد تلعب معهم, تكون طالع تفحط أو مهما كان.

أكره الشخص الي ينظر لاختياره للفيديو جيمز كأنه شيء سيء وأن حياته بتكون أفضل من دونها. ما يعلم هالشيء إلا الله. انت ما تدري حياتك من دونها وش بتصير. زي ما البعض يقول ضيعت حياتي بالفيديو جيمز, ما تدري سبحان الله ممكن من دونها تقول ضيعت حياتي بــ..... (املأ الفراغ بأي هواية أو عمل في الدنيا). وحتى لو كان فيه شيء مفيد انت ما سويته لأي سبب (مثلاً ما تقرأ كتب أو مهما كان), ومُقنع نفسك ان الفيديو جيمز هي السبب. ترى توّك صغير ولسى فيه وقت تطور من نفسك. كم عمرك الآن؟ 20 سنة؟ 30 سنة؟ طيب؟ تو الناس. اذا عندك شيء تبي تمارسه, لا تختلق اعذار, وابدأ مارسه الآن.

ملاحظة: ردي ماهو موجّه لك فقط. فيه واحد معيّن أنا موجّه له الرد هذا وعارف انه بيقرأه ان شاء الله

اللي بالأحمر هو اللي فعلاً بسبب الجيمنج بشكل مباشر , أما الباقيات ما لهن علاقة لا من قريب ولا من بعيد .

أما مسألة الأصدقاء والمجتمع الرائع , من جدك ؟ فيه اختبار تافه وبسيط جداً تقدر من خلاله تحدد صحة كلامك من عدمه وهو أنك تتذكر أنه اللي يجمع الجيمرز مع بعض في أغلب الأحيان هو الجيمز , يعني لو لا الجيمز كان ما أعرف فلان ولا أعرفه , لو ما أترك الجيمز هل بيظل صديقي الحميم ؟ . أذكر أيام الثانوي كان فيه شلة تعرفت عليهم بسبب حوار عن لعبة ( أعتقد كينغدوم هارتس 1 أو فاينل ) أنا بس صححت معلومة وفجأة أخذني واحد وعرفني على باقي أصدقائه , وش كان أول جملة قالها للشلة ؟ قال : " هذا يعرف جيمز" أو شيء من هالقبيل , باختصار لو ما كنت انسان مهتم بالجيمز وغيره كان ما تعرفت عليهم , ما يحتاج أقول أن أي علاقة مثل كذا بتكون هشة وسهلة أنها تنكسر , هالشيء أدركته وقطعت علاقتي بهم بإرادتي الكاملة .




نعود للموضوع : الجيمنج للي عمره فوق الثلاثين أو حتى العشرين ما فيها شيء بشرط أنه يلعب ألعاب تناسب عمره , ما يلعب ماريو وفاينل و كود ( الكلام يشملني) و دمك وغيرها ثم يجي يشتكي من نظرات الناس , ليش ؟ لأنك المفروض "تخطيت" مرحلة الكرتونية أو كووول وخرابيط مراهقين . . مع كامل احترامي للمنتدى أجمع .

 

[Painkiller Q8]

نعود للموضوع : الجيمنج للي عمره فوق الثلاثين أو حتى العشرين ما فيها شيء بشرط أنه يلعب ألعاب تناسب عمره , ما يلعب ماريو وفاينل و كود ( الكلام يشملني) و دمك وغيرها ثم يجي يشتكي من نظرات الناس , ليش ؟ لأنك المفروض "تخطيت" مرحلة الكرتونية أو كووول وخرابيط مراهقين . . مع كامل احترامي للمنتدى أجمع .

لول .. ضحكت والله !!

تعديل(بعد الضحكه)
اخوي مافيه شيء اسمه العاب اطفال او العاب كبار .. انت اثبت لنا نظريه (_القيمز = جهال_) وكثير من الناس في مجتمعنا ماسكين هذا المعتقد الخاطىء إلى المضروب !

انا بقول قواعدي الثابته وانتوا كيفكم:

1 - الالعاب هوايه مثلها مثل جميع الهوايات .. يعني الي يلعب قيمز طفل .. والي يجمع طوابع اهبل .. والي يقنص رجال ؟؟ لا حبيبي الهوايه ميول وكل شخص حر في اعماله وهواياته مهما كانت.

2 - مافيه شيء اسمه اللعب لعبه سيارات اصير رجال واذا لعبت ماريو اصير طفل .. في شيء اسمه ذوق .. مهما كانت اللعبه .. انا لعبت العاب تصنيفها TEEN وانا عمري 28 .. هل تعتبرني مراهق ؟ .. على سبيل المثال لعبه عجبتك جدا جدا بس تصنيفها "تيين" هل راح تقول .. لا لا مابي العبها انا كبير ..

3 - برأيي الحياء = مسكين .. او بمعنى آخر الي يستحي مايعيش .. لان الواحد لما بيسوي شيء (ماهو غلط) وخايف من نظرة الناس , فهو عايش للناس وليس لنفسه .. ويعتبر مسكين لانه مو عايش بحريه.. اعطيك مثال.. كلمت صديق وجا عندي انهبل على الكينكت لدرجة انه يمسك الجهاز وخاطره فيه .. ولما فكر يشتريه تردد .. قال لا لا اخاف اهلي يضحكون علي.. وراح وهون عن الشراء مع انه فعلا خاطره فيه .. هذا هو المسكين !

4 - العمر ماله علاقه في اللعب .. انا اعرف ناس اكبر مني في ال30ــنات يلعبون ومتابعين .. هذا غير الي اشوفهم في الرحاب في الكويت .. كويتيين او اجانب
وانا عمري 28 ومن كنت 7 سنوات وانا احب القيمز ولي اليوم اللعب واحب القيمز .. هل هذا عيب؟

5 - من هو الافضل في نظرك .. الي يلعب ويكون في بيتهم حول اهله .. او الي هوايته سيارات و"تفحيط" واخرتها يموت ...؟؟
او الي يلعب .. ولا الي يسهر في الصالات لي ساعات متاخره ؟؟
الي يلعب ولا الهوايته ال محادثات والكلام الفاضي؟
الي يلعب ولا المتسكع بالشوارع بدون هدف؟

6 - صدقني القيمز من افضل الهوايات في العالم وفوائدها اكثر من مظارها .. والي يعرف يلعب بعتدال فهو باحسن حال .. اما الي يدمر نفسه واهله وحياته 24\7 قيمز .. هذا في مشكله اخرى !

وسكت الفيلسوف خالد

 

[Al Pacino]

"تخطيت" مرحلة الكرتونية أو كووول وخرابيط مراهقين

ماريو وفاينل وكود كرتونيه و"كول" !!

واو اسمحلي كلامك غير قابل للنقاش حتى .

 

[Grandia]

يعتمد على نمط الحياة ، ايام الدراسة كان في وقت فرغ كبير خصوصا انه الدوام الرسمي للمدارس 7 ساعات
وحتى ايام الجامعة الدوام يعتمد على عدد المحاضرات فاحيان يكون دوامك 3 ساعات واحيان يكون 9 ساعات !
لكن بعد الوظيفة تتغير الامور ويعتمد نوعية الوظيفة اذا كان فترة او فترتين ممكن اننا نواجه صعوبة في التحكم بالوقت
مع كثرت الالتزامات خصوصا اذا كنت مسؤول عن عائلة او تريد تكوين عائلة . فمع التقدم في العمر قد يقل عمر اللعب
بالنسبة لك ويصير تلعب العاب معينة فقط او حسب الميول .

بالنسبة لي يمكن اتوقف مو بعد الثلاثين لكن لما اشوف انه ماصار في العاب هاردكور تستاهل تنلعب لاني حاسس انه الجيل القادم بيكون
موشن وكاجوال فقط :\ .

 

[MAX9009]

الجيمنج للي عمره فوق الثلاثين أو حتى العشرين ما فيها شيء بشرط أنه يلعب ألعاب تناسب عمره , ما يلعب ماريو وفاينل و كود ( الكلام يشملني) و دمك وغيرها ثم يجي يشتكي من نظرات الناس

اول شيء اخر همي نظرات الناس ليا كلاعب ويعتبروا الشيء ذا لصغار السن وانه الواحد خلاص لازم يوقف لعب .. ثاني الكلام اللي اقتبسته من ردك مثير للضحك .. يعني اروح العب لعبه حقت 18 وفوق وكلها اكشن ودماء وسفك وذبح وما احصل متعتي فيها او تكون العاب فاشله تقنياً او غيره ، بس عشان الناس يقولوا لا والله ماشاء الله عليه يلعب العاب تناسب عمره .. واترك الاشياء الرهيبه عشان الناس لا تقول عني باقي طفل والعب العاب اطفال يا رجال بالله روقنا انت والشرط حقك :laugh::

 

[JIN KAZAMA]

نعود للموضوع : الجيمنج للي عمره فوق الثلاثين أو حتى العشرين ما فيها شيء بشرط أنه يلعب ألعاب تناسب عمره , ما يلعب ماريو وفاينل و كود ( الكلام يشملني) و دمك وغيرها ثم يجي يشتكي من نظرات الناس , ليش ؟ لأنك المفروض "تخطيت" مرحلة الكرتونية أو كووول وخرابيط مراهقين . . مع كامل احترامي للمنتدى أجمع .

طيب لو سمحت اعطنا عينه من الالعاب اللي بتناسب عمره (على اساس كول او ماريو او فاينال ماتناسب عمره !)

 

[MAX9009]

^
يا رجال انا انصحه يترك المنتدى بلا مثال بلا خرابيط وحتى كود ما تناسب كبار السن ؟؟

 

[Golden Wind]

^
المنتدى 90% منهم يلعبون العاب "مرحلة الكرتونية أو كووول وخرابيط مراهقين" .

 

[Sky Walker]

نعود للموضوع : الجيمنج للي عمره فوق الثلاثين أو حتى العشرين ما فيها شيء بشرط أنه يلعب ألعاب تناسب عمره , ما يلعب ماريو وفاينل و كود ( الكلام يشملني) و دمك وغيرها ثم يجي يشتكي من نظرات الناس , ليش ؟ لأنك المفروض "تخطيت" مرحلة الكرتونية أو كووول وخرابيط مراهقين . . مع كامل احترامي للمنتدى أجمع .

[video=youtube;WrjwaqZfjIY]http://www.youtube.com/watch?v=WrjwaqZfjIY[/video]

 

[mohamed]

ايه كود ما تناسب كبار السن لأن ما فيها واقعية , لا هي ولا ماريو ولا فاينل ولا دمك ولا غيرها . أحب كود و أحب البلاتفورم وكنت أحب الآر بي جي , لكن الحق حق .


وأنا ما أميل للواقعية و أكره ألعاب المحاكاة , بس هذا لأني ما بعد وصلت للمستوى اللي أحب فيه ذي الألعاب "المحاكاة" . يعني أشوف نفسي ألعب كود بينما واحد ثاني يلعب لعبة شوتر محاكاة واقعية , أكيد فيه فرق بيني وبينه غير الذوق .

 

[Madainee]

في كلام قاعد اشوفه ماينخش في الراس :confuse: , مادام في العاب لجميع الاعمار ايش المانع الي يخليني ما العبها ؟ مثلاً عمري 30 سنه ؟ ولا نظرة المجتمع لي ؟ ولا عيب علي ؟ ابي سبب منطقي يخليني ما العب الالعاب هذي مش كلام المجتمع عني "كلام الناس لايودي ولا يجيب" الي يهتم لكلام الناس شخص محروم جداً يحرم نفسه عشان كلام ياريت من اساسه راح يفيده بل بالعكس راح يحرمه من متعات كثيره في حياته .

 

[Al Pacino]

بس هذا لأني ما بعد وصلت للمستوى اللي أحب فيه ذي الألعاب "المحاكاة"

: S مابعد وصلت ؟؟ حسستني ان الجيمنج مستويات يبدا بالبلاتفورمنج وينتهي بالمحاكاة !

 

[Guerrilla Games]

ايه كود ما تناسب كبار السن لأن ما فيها واقعية , لا هي ولا ماريو ولا فاينل ولا دمك ولا غيرها . أحب كود و أحب البلاتفورم وكنت أحب الآر بي جي , لكن الحق حق .


وأنا ما أميل للواقعية و أكره ألعاب المحاكاة , بس هذا لأني ما بعد وصلت للمستوى اللي أحب فيه ذي الألعاب "المحاكاة" . يعني أشوف نفسي ألعب كود بينما واحد ثاني يلعب لعبة شوتر محاكاة واقعية , أكيد فيه فرق بيني وبينه غير الذوق .

ليش الناس ما تتقبل الفديو جيم كلأفلام, يعني فيلم أفاتار هو الواقعي . وبالنسبة للألعاب الكرتونية إيش تفرق عن شريك وتوي ستوري .

 

[MaxPro]

عزيزي mohamed

معليش بس كلامك غير واقعي ابدا

يعني بالنسبة لكلامك يجب علينا ان نلعب العاب +18 وتكون اباحية ودماء وقتل واجرام ولاهدف لها ابدا

علي ان نلعب العاب ممتعة ومسلية وغير ضارة بالعقل حتي لو لم تكن هادفة مثل ماريو مثلا او سونيك

يا اخي العاب الاطفال هي الـTOYS فقط وليس الفيديو جيمز فهل يستطيع طفل صغير ان يلعب العاب ار بي جي او لعبة مثل الن ويك (تصنيفها TEEN )

العاب مثل ماريو وسونيك وكراش ورايمان وسلاي هذي العاب للمتعة ولكل الاعمار وهي بامكانك تسميتها العاب للعائلة مثل فلم للعائلة (افلام ديزني مثلا )

بينما افلام مثل (انسيبشن وشتر ايلاند وباقي افلام الغموض وايضا الكوميديا والاكشن والرعب والدراما ) هذي الافلام ليست للاطفال
بينما الافلام الاباحية +21 والافلام الدموية بشكل مبالغ فيه هذي الافضل الابتعاد عنها لانها لاهدف منها

وهنا نصل لنقطة الالتقاء بين الفيديو جيمز والافلام

يوجد افلام تصلح للعائلة ويوجد افلام لاتصلح للعائلة ويوجد افلام لاتصلح لاحد الا المرضي النفسيين من الناس
يوجد العاب تصلح للعائلة ويوجد العاب لاتصلح للعائلة ويوجد العاب لاتصلح لاحد الا المرضي النفسيين من الناس

وشي اخر ماتسميه الواقعية يا اخي من يريد الواقعية ليشاهد التلفيزيون او ليخرج للشارع بنفسه ويشاهد الواقعية

هل الافلام واقعية ؟ هل القصص والروايات المتصدرة مبيعات العالم واقعية ؟ هل تجد المتعة في الواقعية مثلما تجدها في الخيال ؟

ارجو انك فهمت وجهة نظري .

 

[Painkiller Q8]

انا اعتقد ان محمد عنده فكره بس ماعرف يوضحها ... لان الي قاله مو صحيح

الي قاله = الي يلعب ماريو كارت جاهل .. والي يلعب GT5 رجل ؟ مادري هذا الي فهمته

 

[mljlj]

عمري 28 ولازلت العب ولكن بعد الزواج خفيت شوي لان المسؤولية زادت وماصار فيه وقلت للعب كل يوم مثل اول
واخوي اكبر مني باربع سنوات ومتزوج ويلعب مع عياله ويبدع بعد ههههههههه
الحل الوحيد اني اعلم زوجتي اللعب علشان يصير عندي وقت اكثر العب فيه بظل نزول العاب جديدة وقوية

 

[Al Pacino]

يعني راحة البال ما تجي مع قراءة القرآن(الا بذكر الله تطمئن القلوب) عشان نخليها في الجيمنج؟

كنت ناوي ارد عليك بس جا رد محمد ونسيت .. الردود الي تكون زي ردك .. اكرهها !! وتنرفزني ! ترا زيرو ماقال( راحة البال ماتجي الا مع الجيمنج ؟ ) ولا ( تبي راحة البال ؟ مالك الا الجيمنج ! ) معليش والله هذا مو اسلوبي بالردود بس ماحب اشوف الردود من هالنوعية .. يعني الحين اذا قلت ( الله عصير الليمون يريح البال ) تجي تقولي " يعني راحة البال ما تجي مع قراءة القرآن(الا بذكر الله تطمئن القلوب) عشان نخليها لعصير الليمون ؟ " !! على كذا اي فايدة بالدنيا لأي شي بندخل فيها القرآن والذكر ! ياخي هالاشياء مسلمّه وماعليها نقاش ! اذا كل الناس بتصير كذا اجل حياتنا بتكون على الشكل الآتي :

- ياخي الباتشينو انسان رهيب ومافيه مثله

يرد : ياخي مافيه اعظم من رسول الله " صلي الله عليه وسلم " شلون تقارنه مع شخص كافر ...


-الكتاب ذا ممتع وكوميدي ويشرح الصدر

يرد : مافيه كتاب يشرح الصدر اكثر من القرآن .


-بنطلع للأستراحة قعدة شباب ووناسه وسعة صدر

يرد : مافيه سعة صدر اكثر من مجالس الذكر والطاعة .


بأختصار كلها اشياء مسلمّة وماتحتاج تنقال ! معليش اذا ردي جاء بأسلوب غير مناسب بس الكلام كان بداخلي ولازم اطلعه .

 

[AS-HI]

اجل ليه يسجل بمنتدى جيمنج ترا مافي احسن من مواقع الذكر و الدعوه

 

[Gladiator]

كنت ناوي ارد عليك بس جا رد محمد ونسيت .. الردود الي تكون زي ردك .. اكرهها !! وتنرفزني ! ترا زيرو ماقال( راحة البال ماتجي الا مع الجيمنج ؟ ) ولا ( تبي راحة البال ؟ مالك الا الجيمنج ! ) معليش والله هذا مو اسلوبي بالردود بس ماحب اشوف الردود من هالنوعية .. يعني الحين اذا قلت ( الله عصير الليمون يريح البال ) تجي تقولي " يعني راحة البال ما تجي مع قراءة القرآن(الا بذكر الله تطمئن القلوب) عشان نخليها لعصير الليمون ؟ " !! على كذا اي فايدة بالدنيا لأي شي بندخل فيها القرآن والذكر ! ياخي هالاشياء مسلمّه وماعليها نقاش ! اذا كل الناس بتصير كذا اجل حياتنا بتكون على الشكل الآتي :

- ياخي الباتشينو انسان رهيب ومافيه مثله

يرد : ياخي مافيه اعظم من رسول الله " صلي الله عليه وسلم " شلون تقارنه مع شخص كافر ...


-الكتاب ذا ممتع وكوميدي ويشرح الصدر

يرد : مافيه كتاب يشرح الصدر اكثر من القرآن .


-بنطلع للأستراحة قعدة شباب ووناسه وسعة صدر

يرد : مافيه سعة صدر اكثر من مجالس الذكر والطاعة .


بأختصار كلها اشياء مسلمّة وماتحتاج تنقال ! معليش اذا ردي جاء بأسلوب غير مناسب بس الكلام كان بداخلي ولازم اطلعه .

اشكرك على التوضيح
انا اقصد انه في ناس تنسى الاساس وما تصلي ولا تقرا شيء من القرآن وتدور راحتها في الجيمنج

 

[SPIRIT X360]

والله انا عندي الوالده الله يحفظها .. دائما تحب تعلق تعليقات ساخره علي وانا العب ودائما تقول كلام يزعل مثل كيف راح تتزوج وكيف راح تفتح بيت وانت بالفوضى هذي , تقصد الالعاب + الميديا بأنواعها . مع اني قلت رغبتي للألعاب في السنوات الاخيره واقتصر لعبي على جينر او جينرين بالكثير , انا الان عمري 27 سنه , كنت اول فاضي على الاخر وساعات اللعب عندي قد تمتد الى 10 ساعات احيانا في اليوم . الان ومع الدوام والالتزامات اصبح عنيدي في اليوم ساعه الى ساعتين بالكثير العب فيها واحيانا تمر 4-7 ايام ماقربت من الفديو قيمز بسبب روتين الدوام وسرعه انتهاء اليوم , الحمد لله اني مش فان للاربي جي والا كان صارت بلاوي لو حسبنا متوسط الساعات من 50 الى 100 ساعه لعب

حاليا مرتاح مع فكره لعبه او لعبتين في الشهر بالاظافه الى بعض الاصدقاء المخلصين في الشبكه الي ماودك تترك اللعب بسببهم . لن اترك الفديوقيمز في الوقت الحالي اطلاقا لكن سأكتفي مثل ماقلت بجينر او جنرين من الالعاب

 

[Painkiller Q8]

والله انا عندي الوالده الله يحفظها .. دائما تحب تعلق تعليقات ساخره علي وانا العب ودائما تقول كلام يزعل مثل كيف راح تتزوج وكيف راح تفتح بيت وانت بالفوضى هذي , تقصد الالعاب + الميديا بأنواعها . مع اني قلت رغبتي للألعاب في السنوات الاخيره واقتصر لعبي على جينر او جينرين بالكثير , انا الان عمري 27 سنه , كنت اول فاضي على الاخر وساعات اللعب عندي قد تمتد الى 10 ساعات احيانا في اليوم . الان ومع الدوام والالتزامات اصبح عنيدي في اليوم ساعه الى ساعتين بالكثير العب فيها واحيانا تمر 4-7 ايام ماقربت من الفديو قيمز بسبب روتين الدوام وسرعه انتهاء اليوم , الحمد لله اني مش فان للاربي جي والا كان صارت بلاوي لو حسبنا متوسط الساعات من 50 الى 100 ساعه لعب

حاليا مرتاح مع فكره لعبه او لعبتين في الشهر بالاظافه الى بعض الاصدقاء المخلصين في الشبكه الي ماودك تترك اللعب بسببهم . لن اترك الفديوقيمز في الوقت الحالي اطلاقا لكن سأكتفي مثل ماقلت بجينر او جنرين من الالعاب

لول .. عندي وعندك خير .. كانت الوالده الله يحفضها تستخدم الاسلوب نفسه .. وكنت ارد عليها واقول يما لاتحاتين بتشوفين كل شيء يسرج ان شاءالله..
والحمدلله انا متزوج ماشاءالله قريب الثلاث شنوات .. لا واللعب كل سوم مايقل عن 4 - 5 ساعات .. إلا اذا كان يوم طلعه عائليه ماللعب. وبما ان الشخص مقسم حياته ووقته صح ماراح يكون القيمنج عائق على الحياه الاجتماعيه مثل مايضن كثر من الناس. بالعكس ممكن يكون شيء حلو اذا شريكه حياتك لها ميول للمالتي ميديا والقيمز. الفكره ان القيمز ماله تأثير على الحياه الاجتماعيه اذا كان يمارس بالشكل الصحيح
وعلى فكره RPG FAN يتزوج ؟؟ مممم الله يعينه انا من تزوجت ودعت العاب الآر بيجي لانهم ياخذون وقت طويل خصوصا لما تكون اللعبه روعه وادمانيه ! بس عموما انا ماحب الاربي جي من قبل الزواج الحمدلله

وبخصوص اصدقاء الشبكه ... عطنا وجه يالغالي .. من عرفتك ولا رساله او انفايت او اي شيء في الايف الله يهداك .. عسى ماشر ؟ :

 

[Revolver]

أما مسألة الأصدقاء والمجتمع الرائع , من جدك ؟ فيه اختبار تافه وبسيط جداً تقدر من خلاله تحدد صحة كلامك من عدمه وهو أنك تتذكر أنه اللي يجمع الجيمرز مع بعض في أغلب الأحيان هو الجيمز , يعني لو لا الجيمز كان ما أعرف فلان ولا أعرفه , لو ما أترك الجيمز هل بيظل صديقي الحميم ؟

غلطان و اكبر غلطان برضوا. انا اعرف ناس التقيت فيهم من ثلاث سنين ولحد الأن اطلع معهم وبشكل يومي/اسبوعي. عرفتهم من المنتدى "ايوه جيمرز" واعتبرهم افضل اصدقائي واقربهم
اخر طلعاتنا كانت للبر. وغير طلعات البحر و السفر للرياض والبحرين ومناطق اخرى, وانا اصلاً نادر ما قمت العب ومدري متى اخر مره لعبت معهم لعبه معينه "غير البوكر"
ايوه لو اترك الجيمز راح يظل صديقي الحميم, مدري ايش اللي موهمك انك اذا تركت الجيمز راح يسحب عليك

 

[G7Ga7]

أول شيء يعطيكم العافية شباب, انا ما قلت الا الي نحس فيه كلنا أكيد .

محمد بالنسبة لسالفة الأصدقاء. شيء لازم تعرفه هو مو لأن الشخص جيمر وتكلمنا عن الجيمز شوي راح أعتبره صديقي. لا طبعاً, الجيمرز زي أي فئة ثانية من الناس لهم شخصيات مختلفة ممكن تتوافق مع شخصيتك وممكن لا. المسألة هنا هي انه بسبب الجيمنج تعرفت على ناس بشكل مبدئي, وبعد كذا اكتشفت ان ولله الحمد اخلاقهم رائعة ويهتمون في دينهم وشخصيتهم تتوافق مع شخصيتي بشكل كبير جداً. اللقاء المبدئي كان بسبب اهتمامنا المشترك في الجيمنج, لكن علاقة الصداقة بينا لأسباب ابعد من كذا أكيد.
قابلت جيمرز كثير في مراحل الدراسة المختلفة من الابتدائي الى الآن في الجامعة. وسولفت مع جيمرز كثير بأمور متعددة عن الجيمنج. لكن مو كلهم صادقتهم لعدّة اسباب. لكن بالمقابل فيه عينه بسيطة صادقتها وأنا احمد ربي كل يوم اني اسميهم اصدقاء لأنهم رجال بمعنى الكلمة, وما تعرفت عليهم الا بفضل الله ثم الجيمنج الي بدأ شرارة الصداقة هذي.

هذي من ناحية الاصدقاء, أما عن مجتمع الجيمنج, فالحمد لله شباب تي جي أو جيم ماستر (من زماااان) أو سعودي جيمر أو مهما كان من مجتمعات الجيمنج الي قابلتهم كانوا ناس طيبة وتستمتع بالقعدة معاهم. مرة ثانية, ما يعني انه اي مجتمع جيمرز = مجتمع ممتاز. لكن من تجربتي هذي النتيجة الي طلعت بها.

أما عن سالفة نوع الالعاب والعُمر. أنا اتفق مليون بالمئة مع رد MaxPro:

عزيزي mohamed

يعني بالنسبة لكلامك يجب علينا ان نلعب العاب +18 وتكون اباحية ودماء وقتل واجرام ولاهدف لها ابدا

علي ان نلعب العاب ممتعة ومسلية وغير ضارة بالعقل حتي لو لم تكن هادفة مثل ماريو مثلا او سونيك

يا اخي العاب الاطفال هي الـTOYS فقط وليس الفيديو جيمز فهل يستطيع طفل صغير ان يلعب العاب ار بي جي او لعبة مثل الن ويك (تصنيفها TEEN )

العاب مثل ماريو وسونيك وكراش ورايمان وسلاي هذي العاب للمتعة ولكل الاعمار وهي بامكانك تسميتها العاب للعائلة مثل فلم للعائلة (افلام ديزني مثلا )

بينما افلام مثل (انسيبشن وشتر ايلاند وباقي افلام الغموض وايضا الكوميديا والاكشن والرعب والدراما ) هذي الافلام ليست للاطفال
بينما الافلام الاباحية +21 والافلام الدموية بشكل مبالغ فيه هذي الافضل الابتعاد عنها لانها لاهدف منها

وهنا نصل لنقطة الالتقاء بين الفيديو جيمز والافلام

يوجد افلام تصلح للعائلة ويوجد افلام لاتصلح للعائلة ويوجد افلام لاتصلح لاحد الا المرضي النفسيين من الناس
يوجد العاب تصلح للعائلة ويوجد العاب لاتصلح للعائلة ويوجد العاب لاتصلح لاحد الا المرضي النفسيين من الناس

وشي اخر ماتسميه الواقعية يا اخي من يريد الواقعية ليشاهد التلفيزيون او ليخرج للشارع بنفسه ويشاهد الواقعية

هل الافلام واقعية ؟ هل القصص والروايات المتصدرة مبيعات العالم واقعية ؟ هل تجد المتعة في الواقعية مثلما تجدها في الخيال ؟

ارجو انك فهمت وجهة نظري .

كلام سليم تماماً. ألعاب ننتندو أو العاب البلاتفورمرز الي يسمونها الناس في الغالب العاب طفولية هي في الواقع العاب للكل. سواءاً كنت صغير أو كبير. رجل او امرأة راح تستمتع فيها. بالضبط مثل أفلام بيكسار أو غيرهم. فيه فانز لبيكسار اعمارهم فوق الـ30 لأن بيكسار لما تسوي فلم ما تسويه للأطفال, بل تسويه للكل. نفس الشيء مع هالالعاب.

 

[The Last Lombax]

^
أضف لذلك أن بعض ألعاب نينتيندو غير مناسبة للأطفال من ناحية الصعوبة ( أتحدى أي طفل في العالم يجيب النجمة الأخيرة في جالاكسي 2 بدون مساعدة )
ممكن تكون لنهاية اللعبة أوكي لكن لو بيجيب كل شيء فيها أحسها مستحيلة بدون مساعدة