الموضوع الرسمي Zero Escape Volume 2: Virtue's Last Reward - راحوا الطيبين

[The Last Lombax]

سبب وجيه جدا جدا أن الواحد يلعب نسخة الفيتا !

The 3DS version of Zero Escape: Virtue's Last Reward has a game breaking bug that will corrupt your save file! If you save your game during the escape section in the PEC room, the game will crash after a little while and when you try to load your save, the game will tell you that the save data is corrupt and that it needs to be deleted.

http://www.gonintendo.com/?mode=viewstory&id=188997

أوكي بديت أخاف أكمل لعب ! (لسا في أول ساعة وشوية)

 

[Raulioo]

^^
بكرا توصللي نسخة الفيتا مع البونس .. أبي انام حتى يمر الوقت بسرعة فيه بضايع مشتعل حماس لها
ولعبة 999 حاولت ارجع واكمل النهايات الثانية بس مدري ، كنت مخزن بالوسط وحسيت نفسي ضايع وناسي كل شي وفقدت حماستي كلها باول كم دقيقة وحولت لفيفا @@

 

[Lunar Poet]

^^
بكرا توصللي نسخة الفيتا مع البونس .. أبي انام حتى يمر الوقت بسرعة فيه بضايع مشتعل حماس لها
ولعبة 999 حاولت ارجع واكمل النهايات الثانية بس مدري ، كنت مخزن بالوسط وحسيت نفسي ضايع وناسي كل شي وفقدت حماستي كلها باول كم دقيقة وحولت لفيفا @@

لا تلعب VLR بدون ما تخلص 999!
أنا لاعب حالياً حول 23 ساعة فيها و جايب أكثر من نص النهايات. اللعبة لها علاقة مباشرة بـ999. لو لعبت VLR قبل 999 بتخترب عليك قصة 999 كاملة و ما بتستمتع بـVLR بالشكل المطلوب.

 

[hussien-11]

كيف اللعبة معاك يوسف ؟

 

[Lunar Poet]

جداً مستمتع بها للحين القصة مليانة غموض و أشياء كثيرة للحين ما إنشرحت (كل طريق تاخذه يشرح لك أشياء معينة). كان فيه شي مضايقني في البداية

محتوى مخفي: مب سبويلر، لكن فيه ناس ما تحب تعرف أي شي عن اللعبة قبل ما تجربها (طريقة الـNonary Game: Ambidex Edition)

ليش ما كل الشخصيات تختار Ally ثلاث مرات و يفوزون كلهم؟

، لكن القصة قاعدة تبين لي إنها أعمق بكثير من ما كنت أعتقد.

 

[hussien-11]

بالتأكيد، تخصص أوتشيكوتشي : ) النهاية الحقيقية مفروض تكون شيء يفوق المخيلة الطبيعية.

أتمنى اللعبة تكون informative بقدر ألعاب الكاتب السابقة، هذا من أكبر نقاط استمتاعي بـ 999 و ايفر17

 

[alruqeishy]

بديت العب 999 وادمنت فيها تقريبا 4 ساعات ما رفعت عيني عن الجهاز @@

 

[Hironobu Sakaguchi]

اوكي لحد يحش
توني انتبه ان 999 وزيرو اسكيب من تطوير تشن سوفت الي هم فريق التطوير الاصلي لسلسلة دراجون كويست من 1 الى 5 على العائلة وسوبر نينتيندو بالاضافة لفرعيات اخرى !

مممممم

 

[Kaze]

السلام عليكم ورحمة الله

اللعبة ما اقدر اقول بان فيها نهاية حقيقة او نهاية فعلية، اللعبة فيها تعدد نهايات بناءاً على اشياء سخيفة كرهتها في اللعبة او في اسلوب السرد ... طبعاً في ناس بتقتلني واولهم حسين و سلمان P:

خلني اشرح شيء حبيته في 999 ... كل نهاية كانت تجذبك و تشدك عشان تكمل اللعبة و تختبر نهاية جديدة مع احداث مختلفة الى ما تظهر النهاية الحقيقة للعبة، بينما في الهروب المصفر (&) للحصول على اي نهاية قوية من اصلي عشر نهايات عليك انك تختبر كل الطرق دون الوصول لاي نهاية، و الشيء الي يطرح نفسه! ليش حاطين خاصية الرجوع الى حدث معين في اللعبة من شجرة الاحداث !؟ ... طبعاً هذا مو كرم من المطورين P:

محتوى مخفي: مو سبويلر قوي بس حق الي ما لعب اللعبة ويفظل انه خلص 999 بالنهاية الحقيقية

شجرة الاحداث هي الاساس القوي الي قامت عليه فكرة 999 و كيف وصلت فيه الى النهاية الحقيقية، الموضوع وما فيه لو انت لعبت اللعبة ووصلت للنهاية الحقيقية في 999 راح تعرف ان عندك شيء يخليك تشوف الـtimeline للاحداث و تتحكم فيها او تغير فيها و هذا الشيء تم تطبيقه من اول لعبة الهروب المصفر، اي ان خلاصة 999 من اول دقيقة من اللعبة الحالية

في النهاية ... انت كلاعب لا تصير فيها بطل و تبحث عن حلول بعض الالغاز المجهولة عبر الانترنت او من عند صديق، لان الحلول ممكن تحصلها في game path ثاني من الاحداث.

 

[hussien-11]

اللعبة ما اقدر اقول بان فيها نهاية حقيقة او نهاية فعلية، اللعبة فيها تعدد نهايات بناءاً على اشياء سخيفة كرهتها في اللعبة او في اسلوب السرد ... طبعاً في ناس بتقتلني واولهم حسين و سلمان P:

هممم خليني ألعب اللعبة أول بعدين نشوف، من يدري يمكن أتفق معاك P:
بس أذكر سلمان قالي بعد صدور اللعبة اليابانية انه فيه لاعبين فضلوا 999 عليها، لذلك غالبا الأمر يرجع لمدى تقبلك لطريقة طرح القصة
مثلا أنا عجبتني ايفر17 أكثر من 999 و نقطة النهايات نفسها كانت أحد الأسباب، في إيفر 17 كل شخصية لها نهاية جيدة و نهاية سيئة بأسلوب الفيجوال نوفل الكلاسيكي، 999 غيرت هالشي و أنا من النوع الي يعشق القصص لما تكون character-driven بالدرجة الأولى

 

[Kaze]

اوكي اللعبة بتنرمي ان شاء الله ... وصلت للتو الى نهاية ثانية تتطلب Path ثاني عشان اكمل احداثها

 

[Lunar Poet]

^ودي أدخل في النقاش لكن أي شي أقوله ممكن يكون سبويلر .. كمل اللعبة و كل شي 'will make sense' مع التقدم فيها.

اللعبة مختلفة عن أي شي جربته. أشياء كثيرة في اللعبة بتزعجك أو ما بتفهمها من البداية لأن اللعبة تخرق الستاندردز اللي نعرفها و متعودين عليها (experimental بالدرجة الأولى.) كملها و بتعرف إن اللعبة "عبقرية"!

 

[Kaze]

^

محتوى مخفي: تحليل فيه سبويلر

مو اللعبة العبقرية ولكن هي الاحداث الي فرضت هل النوع من الجيم بلاي، المشكلة ان اللعبة هي رواية مرأية يعني ابي شيء يحمسني عشان اطلع النهايات و تساولات تحتاج اجابات بناءا عليها، اللحظة الي توصل فيها الى النهاية الي تتطلب اختبار تجربة اخرى لكي تكمل تجربة انت لم تتمها تعتبر من الامور الغبية، كسبيل المثال في 999 النهايات مبنية على اختيارات و النهاية الحقيقية تحتاج كل النهايات لان كل واحد منها يفسر الثاني ويكمل المفهوم ويحمسك ... بحكم ان اللعبة روائية ليش انا اكون مقيد بجيم بلاي يخدم اللعبة بهل الشكل ؟! ... اللعبة مو خطية و تملك الخيار "999" ولكن في هل الجزء بحكم القصة انت تحتاج الى خطية في الاحداث الاولية لكي تظهر النهايات التي لا تحتاج الى معلومات تكون موجودة في "خط زمني آخر"، والي يزيد الطين بله نهايات الـ Game over !? ... يعني كم مره جاتني نهاية Game over ! ... وكم مره جاتني نهاية تتطلب اجوبة الغاز موجود في "خط زمني آخر" ... كل خط يطلب حوالي ست ساعات، مع التكرار انت تتملل، حالياً وصلت الى 3 نهايات Game over ونهاية بكلمة سر و Pathـين غير مكتملين !؟ ... انا مو قاعد اتحمس ! لو فرضنا ان نقطة القوة في مثل هل الالعاب هي القصة !

 

[Lunar Poet]

^صدقني صعب جداً جداً أجاوبك بدون ما أعطيك سبويلر. كمل اللعبة و بيتوضح لك كل شي.

إذا ما عندك مشكلة أعطيك سبويلر (بحاول أخففه قد ما أقدر) إفتح السبويلر، و لو إني أنصح إنك ما تفتحه و إنك تكمل اللعبة عشان نشوف كل شي بنفسك:

محتوى مخفي: سبويلر!

تعدد النهايات له علاقة بالقصة الأساسية. ما بقول أكثر.

 

[Kaze]

^

محتوى مخفي: افتح

في فرق بين القصة الاساسية و نهاية القصة الاساسية ... فاي وحده تقصد ؟

 

[Lunar Poet]

^
لازلت أنصح إنك ما تفتح السبويلر و إنك تشوف كل شي بنفسك، عشان ما تحرق على نفسك المفاجأة.

محتوى مخفي: Spoiler

إثنينهم .. تعدد النهايات مب بس أسلوب جيمبلاي في هاللعبة. تعدد النهايات هو نفسه جزء من القصة. كملها و بتفهم قصدي.

 

[king zell]

أنا أمس وصلت الى نهاية المسار الأول لي، و انتهى بـLock

متحمس أكمل الباقي



بس شباب لا أحد يطفش، اللعبة كذا نظامها، الين ما تجرب كل الخيارات ما راح تفهم شي.

مثل الجزء الأول متعة اللعبة الحقيقية هي إنك تجرب كل الخيارات و تتعرف على قصة كل الشخصيات و اللعبة بأكمل



للي يبي يختصر الموضوع و ما يبي يواجه أقفال كل شوي،

[WARNING]
الصورة التالية سبويلر اليم، فيها توضيح للمسارات كلها و كيف تحصل جميع النهايات:

محتوى مخفي: تفرعات النهايات المختلفة و طريقة فتحها

[/WARNING]

 

[The Last Lombax]

 

[zlatanovic]

بعت العدس حقي يوم السبت على اساس اروح اشتري عدس كبير مع اللعبة اليوم. رحت وما لقيت اللعبة على العدس, فـ اخذتلي فيتا مع نسخة الفيتا.
متحمس ابدأ فيها بشكل غير طبيعي. افتتاحية خير للفيتا ان شاء الله

 

[Lunar Poet]

خلصت اللعبة بالنهاية الحقيقة .. مب مستوعب اللي صار ... إذا أحد خلصها يقول لنا عشان نتناقش

محتوى مخفي: سبويلر النهاية، لا تفتح إلا إذا خلصت اللعبة 100٪!

اللي فهمته ألحين إن عندنا 3 أجسام لسيجما، خلونا نسميهم زيرو، سيجما، و كايل. كل واحد منهم أيضاً له روح.
اللي صار في النهاية هو:
- سيجما (اللي عمره 22): روحه رجعت للماضي عشان يوقف راديكال-6. آخر شي سواه قبل نهاية اللعبة هو إنه قابل أكاني في إبريل 2029. ألحين المفروض إنه رجع لكرسمس 2028 عشان يوقف راديكال-6.
- زيرو: أنجز مهمته و رجع لجسمه الموجود على القمر.
- كايل: راح لجسم سيجما في 2028 (؟). ألحين فيه شخصية جديدة (اللعبة تنسب لها بـ؟؟؟) داخل جسم كايل.

السلسلة واضح لها جزء ثالث. يعني غالباً بيكون ؟؟؟ هو بطل الجزء الثالث. زيرو (اللي هو سيجما العجوز) المفروض دوره إنتهى في هالجزء. لكن بيكون فيه 2 سيجما؟ (سيجما و كايل؟) أنا ضعت x_x

لونا :'(

 

[Mr.Sora]

سبب وجيه جدا جدا أن الواحد يلعب نسخة الفيتا !



http://www.gonintendo.com/?mode=viewstory&id=188997

أوكي بديت أخاف أكمل لعب ! (لسا في أول ساعة وشوية)

طيب انا عندي بس عدس يعني مايصلح اشتريها ..؟!
+
متى يجي الكرش بالضبط ؟

 

[hussien-11]

يوسف .. اللعبة الي عجبتك أكثر .. هذي أو 999 ؟

 

[Lunar Poet]

عبد الله كملت اللعبة؟ شرايك بالشي اللي ما كان عاجبك ألحين؟

حسين، بحط الإجابة في سبويلر عشان فيه ناس حتى ما تبي تعرف عن مستوى القصة:

محتوى مخفي: ما فيه سبويلر

الجزئين قصتهم ممتازة. لكن أحس قصة 999 تترك أثر أكبر (999 فيها ذيك اللحظة اللي ما لها مثيل، و ما أتوقع أي لحظة في أي لعبة ثانية بتعطيني نفس ذاك الشعور).
أيضاً أعجبني أتموسفير 999 أكثر: كتبت هالمقالة القصيرة أول ما بديت اللعبة، أقارن فيها بين الـNonary Game الأصلية و الـNonary Game: Ambidex Edition و ليش إني أفضل الأصلية. ألحين بعد ما خلصت اللعبة و فهمت كل شي فيه أشياء رايي عنها تغير، لكن يبقى الشعور اللي تحس فيه من البداية مختلف عن 999.
هنا المقالة، ما فيها سبويلرز للأحداث، لكني أذكر فيها بعض مناطق اللعبة و أسلوب النوناري جيم الجديدة: https://docs.google.com/document/d/1VMsmen-QZjRhBncH8VcTTWqrf81sN4S-sr3--1PxkLk/edit
أنا ما أقول إن VLR سيئة أو إنها ما تتقارن بـ999، بالعكس القصة جداً ممتازة و عبقرية و ما عمري شفت شي مثلها (و ممكن أفهم حتى ليش البعض ممكن تعجبهم أكثر من 999) ... لكن 999 أيضاً ما فيه مثلها.

تنبيه مرة ثانية: لا أحد يلعب VLR بدون ما يلعب 999!

 

[hussien-11]

أوكي

محتوى مخفي: المقارنة

أنا فهمت من كلامك بأمانة انه الفرق كان بسبب الصدمة أو التجربة الأولى لك مع أسلوب أوتشيكوتشي "الكاتب" .. يمكن هالشي كان مؤثر على نظرتك للقصة أكثر من مستوى القصة نفسها ؟

و أيضا، مو ناوي تلعب Ever 17 ؟ @@ بما انك حبيت أسلوب الكاتب، بالنسبة لي إيفر17 أحسن من 999 @@ ليش ؟ لأنها كانت emotional أكثر و أتموسفيرية أكثر، و ربما لأنها كانت أول تجربة لي مع لعبة من هذا الكاتب P:

 

[zlatanovic]

بديت فيها من كم يوم.. بحاول احط نقاط خالية من السبويلرز, لكن بحطها بسبويلر تاج عشان الناس اللي ما تبي تعرف شي عن اللعبة ابدا:

محتوى مخفي: Spoiler

+ فكرة القصة اكثر من مدهشة! ماعاد هي مجرد قرارات بسيطة لـ وين تروح و وين تجي. صار الموضوع اكبر من كذا بكثير!
+ الالغاز حليوهـ, ما خلصت الا لغزين للحين و الموضوع شبه مقبول.
+ بعض الشخصيات رهيبة! ودكـ تعرف اكثر عنهم
+ الجيمبلاي صار يفتح النفس وفيه حرية اكبر
- التمثيل الصوتي لأحد الشخصيات الرئيسية سئ بشكل مقرف! كان احد الاسباب اللي خلتني اطلع من جو الرعب والضغط النفسي >ـ>
- بعض الشخصيات ما تشد اهتمامكـ وتحس بالفرق بينها وبين شخصيات الجزء السابق؟
- البداية كويسه, لكن لو قارنتها بالجزء السابق تصير فعليا ( خرابيط ).

متحمس مرة اني اكمل وخصوصا مع الافكار الجديدة اللي باللعبة. من الان هذي لعبة الفيتا والعدس الاولى, الى ان ينزل الجزء اللي بعدهـ لو كان فيه جزء بعدهـ.

 

[The Last Lombax]

خلصتها أمس بالنهاية الحقيقية وما زال رأسي مو مستوعب اللي شافه وسمعه !

*لا تضغط لو ما خلصت اللعبة 100 % *

محتوى مخفي: ترو اندينج

طيب سيجما في النهاية طلع عجوز ( أو زيرو للتسهيل ) ومش نفسه سيجما الشاب ! لكن كان يحمل ذكريات سيجما الشاب ومن أجل ايجاد حل للي حصل بالعالم من دمار وانتشار فايروس راديكال 6 (حاس أني أتكلم عن ريزيدنت إيفل لول) لازم ذكريات سيجما الشاب تعرف اللي صار قبل أوانه عن طريق زيرو ويرسلونها مرة ثانية لسيجما الشاب (؟) قبل تفجير المفاعل وهروب الفايروس ! ولضمان نجاح الحل سيجما استنسخ نفسه عشان إذا صار له شي يقدر نسخته Kyle يكمل المشروع, هنا أنا ضيعت ! ذكريات سيجما الشاب راحت لزيرو , طيب ذكريات زيرو كانت في كايل ؟ وإذا كانت في كايل طيب ذكريات كايل وينها ؟ حسب ما فهمت راحت لشخص كان في موقع الكارثة بقاعدة المريخ لإنقاذ ما يمكن إنقاذه وعدم السماح بهروب الفايروس منها, كلامي صحيح ولا لا ؟

مجملا أحس قصة اللعبة أقل من 999 مع أنها مليانة تساؤلات وتحليلات ومع ذلك ما خلت من التويستات المجنونة !
أولا, زيرو = سيجما !!!! هذا يفسر ليش ما كانوا يجيبون صورة لوجهه طول اللعب بالإضافة لعدم وجود أسطح عاكسة عدا مرآة متسخة !
2- لونا ! *دموع غزيرة وبكاء ونياح* مين كان يتوقع أنها آلية ونهايتها تقطع القلب T_T
3- تينميوجي ! سحقا ! ما توقعت الوفاء يوصل لذي الحالة وتضل تبحث عن من تحب لنصف قرن تقريبا ! من لعبة النوناري الثانية واختفاءها وما زال يبحث عنها !
4- أليس ! ممكن توضح في اللعبة أنها مش نفسها الأميرة الفرعونية وأنما مرأة مصرية فرنسية, لكن مين يدري هل ممكن صار لها مثل اللي صار لسيجما وتكون هي فعلا الأميرة الفرعونية ؟
5- ظهور أكاني ! كنت متوقع أنها على صلة بتينميوجي بسبب تصرفاته لما يشوف جثتها (في التايم لاين الخطأ ) بس ما توقعت أنها أكاني وهو جينبي !
6- مكان أحداث اللعبة, أول نهاية فعلية جبتها كانت نهاية ديو , لما شفت المكان اللي كنت فيه توقعت أنهم مش في الأرض وطلع توقعي صحيح !
7- وقت الأحداث ! لما عرفت الوقت الحقيقي أنصدمت ! مش ممكن أنها بعد 45 عام من لقطات الاختطاف !

تعديل : نسيت أتكلم عن الألغاز , أفضلها على ألغاز 999 لكن بعض الألغاز تخليك مضيع !
الأوستات , فيه أوستات جيدة هنا بالإضافة للقديم


للمرة المليون لأحد حتى يفكر يلعب فلر قبل 999 !
وأيوة أبغى الحلقة الثالثة الآن !!!!!!!!!!!!!!!11!!1!!!!!

 

[Mr.Sora]

ياللهول ماهذه السبويلرات @@"
على العموم توني خلصت الغرفة الأولى وبيبدأ الحمآآآس !
بررب :rockon:

 

[Rahimo]

شريت اللعبة قبل امس والحين لاعب فيها حوالي 10 ساعات

محتوى مخفي: سبويلر

نظام النهايات اعجبني ولو انك تحس نفسك ضايع وكذا مرة انسى انا في اي طريق ..
واجهت مرحلتين تحتاج مني ارجع واخذ خيارات ثانيه وكلها نفس الحدث لمن سيقما يأشر على الشخص اللي وضع القنابل . بس مرحلة مكتوب عليها القفل 7 والثانيه مكتوب عليها القفل 9 . وكذا نهاية حصلت فيها قيم اوفر .
وفيه افكار كثيره وجديده و كمان الالغاز افضل من 999

لا احد يفكر يلعب اللعبة ذي قبل الفوليوم ون ابدا

 

[king zell]

 

[Mr.Sora]

حاليا طلعت اول نهايتين !
+
شباب ممكن واحد يدبر لي رابط كيف أطلع النهاية الحقيقية كثرة المحادثات تشابهها صارت مزعجة لما تسمع نفس الكلام مرة ثانية ~~"
انا ناوي على باقي النهايات بس متحمس للحقيقية الي يعرف يفيدني ..